sugarV by VSING (Megabox)

Open Now

Now Closed

平時好鍾意去唱K，朋友介紹我地去九龍灣mega box嘅sugarV，第一次去到見到個舞台已經覺得好震撼，可以話係一個專業級嘅舞台，而且用 app 就可以點歌唱，完全係歌手嘅體驗！至於食物方面，雖然暫時未有 set lunch 同 set dinner，不過佢哋嘅食物質素都係好出色，特別係午飯時段有 lunch buffet，有好多款唔同食物選擇，滿足晒我哋一班小市民嘅願望，誠意推薦俾大家，我地都會再去試下做歌手嘅滋味！

多數去 Megabox 本身都係睇戲或者食野，之前聽朋友講嗰度有間音樂餐廳，就上去睇下係咩一回事啦，點知上到去係一間有 professional 舞台嘅地方 。嗰度 d staff 都好有禮貌，又係後生仔，會鼓勵我地上去唱歌，咁我呢啲表演慾咁強嘅人梗係要上台試下做歌手嘅滋味啦，嘩，一試就知道呢度係經過好有心機嘅設計同裝修，唱完都覺得自己成個歌手咁呀 。個人推薦食佢地嘅意粉同 cocktail ，兩樣都非常有水準，下次再黎玩！

香港好少有質素嘅音樂餐廳，今次同大家介紹呢間位於 megabox 嘅 SugarV by Vsing，喺 13 樓新斗記隔離 。地方好闊落，食物質素非常好，有我哋最愛嘅乳豬，九點前都可以叫新斗記嘅餐牌。嗰次去到都好熱鬧，不斷都有好多民間高手上台唱歌，而且仲俾我哋撞到好多中年好聲音嘅歌手 ，就連職員都唱得兩咀，真係個個都係歌手level!! 依家晏晝仲有 lunch 自助餐，款式都唔少，如果真係鍾意唱歌嘅朋友，真係一個消閒好去處 。

嚟到 megabox 做完 gym，隔離就有間又可以食嘢又可以上台唱歌嘅餐廳，就入去坐陣啦 。8pm 有 happy hour，平均 $88/個餐，食物質素中上 。夜晚就有好多睇得出同聽得出好鍾意唱歌嘅人上台唱，啲 staff 都唱歌唱得幾好，都會叫我哋上台唱，可惜我唔係好夠膽，唯有做觀眾睇下其他人唱啦～誠意推介呢間幾特別嘅餐廳，staff 好人 + 環境舒適，嘢食選擇多，做完 gym 同班 friend 飲杯嘢都係 good choice!

警世！幫襯者後果自負！本身朋友生日包場慶祝，諗住星期六包場又食又唱好HAPPY，點知食完個個黑面，搞到大家不歡而散，有朋友直接話去老麥慶生都仲好!1, 整體食物質素係難食到想嘔，賣相其差，D飯整到一pat pat 咁2, 食物未煮熟, 舊薯仔咬落去脆卜卜, 唔知以為食緊生蘿蔔, 個大廚連薯仔都唔識煮3, 漏單嚴重，有幾位上漏左個意大利面，問左職員話煮緊，煮到甜品都黎埋走人都冇黎，漏單仲要講大話hea 你，分明係廚房預左錯份量，佢地分菜時分晒俾其他人，執漏左幾份，基本野都做唔好! 仲要講大話!4, 明明我地已經包場冇其他客人想要落單叫野飲何其困難，職員行黎行去但又唔見得做得好錢識收，但野食難食，生熟都唔識分，佢都係專心做K場好過啦!

Hidden karaoke gem in Kowloon Bay. 雖然係西餐廳，但九點前都可以嗌隔離中餐個餐牌. 好啱我呢啲唔飲酒，又想－路食正餐－邊唱歌嘅人, 食完晚飯之後可慢慢坐，坐到3am. 中餐味道unexpectedly 地好. Staffs超friendly 同好玩. 我相信西餐同酒吧方面同樣出色. 音響同舞台效果都好好，有開concert feel. 普通食晚飯或招呼朋友晏啲飲嘢都適合. So far, 朋友Feedback都好Positive.

Lunch時段一入到去大螢幕燈光太猛對眼唔太舒服叫左四個Lunch Set 一份意粉一份豬扒兩份千層麵其中三份需時一個鐘先上到枱最後一份千層麵唔追問都唔知原來賣哂….嘢食溫度室溫偏凍 味道一般 唔會有下次

同朋友去Mega box食飯後想飲杯野，路過見到呢間吧就入左去。唔知原來係Karaoke 歌廳，我哋比較夜去到就岩岩過左happy hour，要飲正價（$98加一）。Staff 好nice，有鼓勵我同朋友上台唱歌，不過我地無預計有呢個機會，所以都無上去獻醜。估唔到Megabox有呢個場地，平日晚上唔算多人，如果想玩下唱歌嘅，去呢度都幾好。Staff話lunch time 係正常餐廳形式，好似下午茶開始到夜晚先有得唱K。