水車屋日本料理 (Closed)

星期日MOTHER'S DAY同訂左位，每人HK$268。原本諗住有返咁上下水準~~~~ 魚生- 除左三文魚之外- 其他都不太新鮮。甘蝦仲連埋殼TIM，我都係第一次要自已拆殼TIM。墨魚唔多新鮮成舊白晒仲好UN 添WOW。赤貝- OK壽司- 我從未食過火炙壽司係凍架，離譜呀其他食品也一般，但係天婦羅就超級推介，好新鮮炸出來，熱騰騰的，最感動了。而且發現2個問題。1. D服務生發緊夢，次次都要叫先仲茶俾你，我都未見過日本食店係咁~~ 2. 我的位置是近刺身壽司吧，個D師傅居然一路切魚生一路傾，未停過(我食左3個多小時)，仲唔帶口罩好唔衛生。我諗都唔會再去第二次了~~~

上星期日和家人一齊黎食任點任食自助晚餐因為水車屋以前好貴…所以期望唔大(只須198一人)不過..估唔到又幾得喎!!有機會想再黎呢!!店先送客人一人一舊好好味既吞拿魚手卷之後就任你自己點乜野食都得了先講刺身啦!!都有成10多款比你選..當中唔少得三文魚，油甘魚，北寄貝…8爪魚…劍魚腩等都好新鮮肥美!!上碟仲好快tim呀!!冇任可搵笨情況!讚先!仲有好多小食…熱食…各種好味天婦羅…豆腐…雞腎…燒牛肉…雞軟骨…豬頸肉..炒雜菜…迷你多士…黃瓜…炸帶子…三文魚排…總之真係有好多款..食物都會有d酒味….但又唔濃…好香而且好味...雖然份量唔多..但你又可以任點…同時又減少浪費食物!!真的很不錯呀!!!當然啦!!想飽d可以食清湯烏冬…喬麥麵…炒飯…各式手卷..壽c..但因為食飯易飽…我地都冇乜點叫飯食呢…反而要左d湯…有麵豉湯…東洋濃湯…白酒煮蜆湯等等…味道都很不錯!!最後仲有甜品…甜品選擇唔多…但就省卻西餐甜品”留”既問題甜品有炸香蕉…烤波蘿…綠茶布丁同埋cream汁拌紅豆烤波蘿好香!!撈朱古力食一流…布丁好滑…我都食左近3個..其餘兩樣甜品就未有食完想再食既感覺…但我都好滿足了跟住個個都勁飽

舊友搞團年, 本山人雖不好倭食, 又素以為放題/任食/buffet 之類質素好極有限, 然相別二載, 心甚念之, 遂勉為之行. 三文刺身: 新鮮, 厚北寄貝刺身: 極新鮮, 朋友不喜其略略結冰, 卻正中本山人下懷. 凡貝類帶冰, 口感爽脆, 鮮味更出. 帶子刺身: 不太新鮮, 瀉身, 少少潺赤貝刺身: 鮮爽串燒雞腎: 當是交來貨色, 不足論熟蝦壽司: 一般普通還可以吞拿荵花手卷: 紫菜尚甚脆, 然吞拿極不新鮮, 入口既腥且潺, 直教人心悸生蝦: 不過不失燒牛仔骨: 貸色非上品, 調味尚可, 火侯控制甚佳薄燒牛肉金菇卷: 肉質不肥, 微微焦脆, 甚佳. 坊間牛肉卷多用火鍋肥牛, 若取頸脊, 自無他言, 最可恨者乃劣牛橫行, 十分肉六七分肥, 啖牛油邪! 燒帆立貝: 不過不失. 雖有膏, 扇貝膏鮮味有限, 又甚佔肚腸, 棄之可也. 余少小好海鮮, 而未識食味, 見扇貝起膏, 輒高呼大喜, 張顎狂噬, 雖大快朵頤, 恍惚餓鬼投來. 而今方悟海鮮食多不如食精. 天婦羅: 粉漿厚似倭右翼之面皮, 復極油, 可惡炒雜菜: 芽菜, 韭菜, 菇, 炒埋一碟, 亦尚可燒蝦: 調味佳, 有黑椒味道, 蝦又

環境: 餐廳本身給人一種高級的感覺, 但同事食飯一行8人坐在大廳, 桌子根本係6人桌, 所以都幾迫, 而且好似無問我就安排在吸煙區, 唔喜歡~。服務: 加茶都好密, 適當時候又換下碟, 唔錯~。味道: 鐵板食品不錯, 刺身亦好, 幾新鮮,但天婦羅較差, 而且蟹粥較為失望, 好一般; 不過甜品燒菠蘿幾好食, 可一試~ 。好食之選：鐵板蝦, 帶子刺身,北寄貝刺身, 凡立貝刺身, 劍魚腩刺身, 燒菠蘿, 冬菇天婦羅上面的菜均有水準, 最好係帶子刺身~~值得食完再食, 劍魚腩好甘香爽口, 但好膩, 不宜多吃~~不好試：蝦天婦羅, 蟹粥, 雞軟骨棒, 三文魚刺身蝦天婦羅~~好失望, 鐵板蝦好好食~~但佢就不行, 因用的蝦不同, 不爽甜的, 食落只有面粉味~~蟹粥~~多人推介, 但蟹味不夠, 蟹肉亦沒有鮮味~~雞軟骨棒~~睇錯以為係炸雞軟骨, 點知係同味千一樣的混肉的雞肉棒, 同味千味道差不多, 不喜歡~~三文魚刺身~~不是味道不行~~而係切得太大塊~~可以一開三的~~刀功不行~~其他刺身又不會這樣~~衛生: 都幾乾淨~~抵食: 都可以, 不過如要order飲料則另計, 但刺身已值回票價~~可再來

九點半後每位$128,任叫任食。三文魚生唔較生鮮，刺身蝦好鮮！炸蝦天婦羅及多春魚好好味又大件，又其多春魚好多春！餃子烏冬喲餃子好味，湯又較清甜！蟹粥好淡，火灼三文魚壽司一般！炸香蕉極之好味，好重香蕉甜味！炸富士蘋果就唔夠甜，都係一般！食過一次之後唔再食第二次，水準好差，選擇又少！

餐廳本身給人一種高級的感覺，就憑訂位就知。起碼要五日前訂，而且人多還要先交訂金。同事食飯一行16人，有個大房坐，都幾好，有少少迫但同事之間坐密一些，搞氣氛的感覺都幾好。服務就一般，服務員的招待幾好，不過就常苦瓜乾咁樣。不過欣賞她們穿和服，因為上菜與執拾都有點困難。另外不得不提的是上菜效率慢。食物選擇方面，不算有好多，唔係好有特色。大體上說，味道及新鮮口感都有，尤其是鐵板食品真的不錯，刺身就不過不失，都幾新鮮，但又未至於話好好。好食之選：鐵板帆立貝、鐵板蝦、帶子刺身、北寄貝刺身、蟹粥、拉麵、蝦天婦羅．．．不好試：刺身蝦我個人覺得去一次我已經有點膩，沒有衝動去第二次，但有人約食飯去，我又不會抗拒。

每位$196,任叫任食,種類唔算多,部份都有特色,部份幾好味,但部份唔得,有D仲唔熱添,環境好,傾計唔錯,部份位置自成一國,唔坐翻兩三粒鍾就唔抵了.

我前日同幾個fd落左去食buffet...跟住就叫魚生啦...之後見到d吞拿魚魚生黑個包公,又唔新鮮(番到屋企肚痛都唔知關唔關事)...雖則d燒菠蘿同埋鮮帶子好味...但我短期內唔會去食囉!!!今次去食真係差過上次好多~mu今次除左d魚生外其它野到ok啦~

尋日同啲 fds 去食, 果度八, 九成full 又唔係好嘈, 幾好呀, 可以傾到偈, 啲 waiter 又幾好禮貌.今次係第一次黎呢度食, 我地order 咗好多剌生, 我鍾意帶子剌生, 跟住就係一個凍豆腐沙律(我唔記得個名, 個汁係麻醬咁嘅). 睇到啲疏菜係好新鮮, 好靚.至於唔好嘅地方係, 我覺得個list 好似唔太多選擇, 同上剌生嘅速度比較慢, 其他野我都覺得ok.

近日去左食放題，發覺張菜單改左，D選擇少左，刺身同壽司都少左。D刺身食落都冇已前咁新鮮，食物上台速度都漫左好多(特別是刺身)，雖然冇咩漏單，不過等到肚扁，都幾失望。反而鐵板好似幾得，見"鐵板姊姊"D技術都幾好，而且D食物都好似好靚，究竟有冇人食過，可以比D食評呀?

30 April 2006 (Sun) - Birthday Dinner (7)又一餐生日飯，多數朋友都知我鍾意食日本嘢，所以我既飯局都係圍繞住日本嘢，我又OK喎！不過坐位就麻麻，好似對住條樓梯咁．．．水車屋我都未黎過，亦唔知有呢個放題食，不過$198都唔錯，因為刺身好新鮮！我同好友都係食刺身居多，佢既刺身尤以帶子，劍魚腩同白玉豚為最好味，不過佢啲刺身好鬼的骰，可能驚人食唔晒啦，每樣都幾乎係出面既四份一！推介熟食：鷄軟骨棒，鐵板牛骨，甜品既綠茶布甸唔好食：濃湯(好友話好似洋葱湯，我冇飲呀)，焦糖布甸，以為好似cream bulee 咁，點知面頭並唔係脆既，而係液體狀，仲要勁甜．．唉．．．要讚返一個年紀大少少既waitress先，佢好好禮貌，雖然好似唔係serve我張枱．．．Overall都真係幾ok既！多謝靚女好友請食飯！Yeah！

星期一晚去食左佢既任食放題野食方面其實好既...魚生好新鮮見到兩位師傅一接到飛仔order 就會動手整壽司/刺身起初d野食黎得好快...但後黎有一班人黎左...o個班人係坐房既...(其中一人是何婉盈...)o個班人當然唔係黎食放題...佢地一黎到...個老闆就超緊張...勁比壓力d師傅..企o係佢地側邊睇住佢地整野食比o個間房d人...又o係度呼呼渴渴...做到師傅都忟...期間我見到不斷有oder飛仔出...但d師傅都無時間去理...我地真係足足有45mins 無野食上過...同下面既食評所講既情況一樣!!!好唔公平...我地黎食放題都要俾錢架!!!帶子刺身就最出色，不過我地叫左4件先有一粒(係一粒分開左四格，即係呢四份一先係一個單位)，呢方便就有少少"小家"，其它刺身都幾好，白玉豚比較少地方食到，感覺都幾好，鮮冬菇天婦羅好好食，焦糖布丁都好吃, 蟹粥就唔得，燒菠蘿就食唔到...因為佢十年都唔上比我地...overall 黎講...呢餐都幾好的每人$178+10%

如題！淨食刺身好去處！約十多款刺身選擇:赤貝，北寄貝，三文魚，帶子(超正，必試)，甘蝦，劍魚，吞拿魚......所有刺身都很新鮮。最失望的是芥辣竟然唔夠辣=(推介小食: 雞軟骨棒，天婦羅，枝豆，鐵板燒中的海中蝦(夠大隻)及帆立貝推介甜品: 炸香蕉(甜甜地幾特別)，芝麻燉奶(好食過紅磡德民街果間芝麻X豆既鎮店之寶的芝麻蛋白燉鮮奶)最失望的小食: 多春魚咸了少許，蟹粥的蟹不新鮮所有食品，即叫即做，有點有到，速度OK，沒有漏單，態度OK。可惜的是如任飲需要另加HK$68一位，但提供既飲品酒類亦也相等於其價錢。六時半開始至九點last order，九點半要離開。是晚三人食了HK$620(HK$188 + 10% for 星期五至日)，星期一至四為HK$168 + 10%。雖然價錢貴了點，但按以上的quality我也覺得值得。我寧願比多几十蚊去呢間水車屋，好過去埋d放題垃圾既地方，如小x保，AA特區

dinner tonight with my girl friend, ordered a $600 shashimi ship, tasted ok but too little...a cold noodle, not too special.....fried vegetables.... ok....some drinks and bill cost $880.... can eat better elsewhere...

早幾日同朋友去食,$168/位都好多o野啱食喎,我就唔食魚生o既,不過都唔會話冇o野食,因為有好多熟食比我選擇,最欣賞就係佢個"凡立貝",又新鮮又大隻, 係必食之選.壽司同手卷都唔錯喎,天婦羅虾都幾好味,d 虾都幾大隻吓o架,我d 朋友都有食魚生同刺身,都ok 啦, 冇乜特別,不過我就覺得個串燒鷄軟骨麻麻地喇,好似將串好大串o既唔知咩肉食落肚咁,日式甜品原來係咖啡味o既"布甸",唔知應唔應該用"布甸" o黎形容佢,因為又唔似啫喱又唔似果凍,不過呢個都係麻麻啫, 可以唔試,朋友就點o左黑芝麻燉奶, 佢話好好味喎,我就食o左個炸香蕉,熱辣辣都幾好味.但係就有樣o野唔好囉,因為成晚起碼有45 分鐘時間我地係無任何食物上過枱,而所有食物就去晒其中一張枱度,估計呢張枱 d 人係識個老闆o既,但係都唔應該咁o架嘛,我地就冇o野食, 佢地就係咁入o野,超級唔公平囉, 唔只我地睇到o架,因為都有其他人投訴,但係剔除o左呢樣o野,佢d o野食都唔差o既,值得一試!