水車屋日本料理 (Closed)

老公生日, 想食好少少, 但又俾唔起太貴。結果揀左呢間。每人$168+10%, 好多刺身, 大致上都新鮮。天婦羅同燒物都唔錯!

我昨晚去了...不過有點失望Sat & Sun是兩個人$410 ($188+10%)...門口同餐廳內無寫明埋單先知不是$168一個(都怪自己無問清楚)我總括覺得：刺生(鍾意刺生就不要錯過，正~~~)鐵板燒(當中海中蝦、帆立貝、三文魚頭同扒，最好)爐端燒(芝士焗雜菇好鬼漏但好好味)炸雞軟骨天婦羅甜品：紅豆沙燉奶同生果拼盤必食 (紅豆沙燉奶真的好好味，生果又甜！！)壽司同手卷就唔得，一間咁正宗的日本餐廳飯做得咁差同百佳無分別！一心想食壽司，因為出邊食都無咁多款，可惜,,,,,,,,,,(可能將貨就價啦)甜品糕點：原來係好似咖啡mourse cake，但超難食，我食兩羹我就無食.....(我覺得餐廳內要寫明價錢，有點誤導食客，連後面埋單的4個客問點解唔係$168？？個經理話Sat & Sun係貴)(以上只屬個人意見)

原來而家做緊自助餐,任點任食. "水車屋"聽就聽得多,因為D人話好貴,會俾人斬到一頸血,唔係我地呢D平民百姓食既...而家唔同,$168(未加一). D刺身都有十款咁多. 我本人對三文魚,劍魚...(逄魚都唔好)都唔食,當日魚類都有成五,六款之多,除了魚還有生蝦,帶子,北寄貝,赤貝... 齋食刺身都抵啦... 還有天婦羅,sushi......不過20:30 last order, 21:00 要結帳, 21:30就要離開. 我同D f/d 吃了個半鐘,已經極飽...

同屋企人去食,叫左隻魚生船,有龍蝦,三文魚,吞拿魚腩,吞拿魚,甜蝦,八爪魚等有八款, 龍蝦刺身好鮮,口感好好,而吞拿魚腩就好肥,好多油,食落口得凍同油既感覺,麻麻,而其他魚生都幾好…仲叫左雞泡魚乾,甜甜地,好野味…….仲叫左四個鐵板燒套餐,有海鮮,有西冷…..一開始食時個鐵板燒姐姐把好多蒜片整到金黃色,俾我地當薯片咁食,幾好味架,之後就有鐵板燒蒸蛋, 蛋裡面有d魚子醬同鵝肝,好味……到主菜,海鮮有墨魚,帶子,大蝦,銀鱈魚…….樣樣都好味…….西冷有雪花紋,食落未至於即溶係口,但都有好多汁同好林……..好正…..個鐵板燒姐姐仲把西冷d肥膏整燶d,可以俾我爸爸佢地送酒,佢加左d汁,焦焦地,好好味…….之後個鐵板燒姐姐問我地要炒飯定炒麵,我地話要麵…..佢把好多雜菜同d牛肉一齊炒…….味道都ok…….最後仲有鐵板燒蔬菜,有脆瓜…….爸爸叫左兩枝清酒,一大,一細…….大個枝係加賀鳶純米大吟釀…….我覺兩枝都難飲…….整體來講都好味,但唔太飽………食左3千9百連小費……

我同個朋友去食任食午餐雖然$98一位好抵食但ｄ食物唔掂串燒涷冰冰三文魚刺身有鱗炸帶子油淋淋

我個乖乖細佬呢期成績唔錯,所以我同我隻野就同左佢去水車屋食任點任食. 我特登揀食12:00 –14:30, 寧願早起身都唔想夜晚同人迫(其實水車屋又唔會坐得迫既,只係我怕一人多就會嘈啫) 佢雖然收98蚊咁平,但都無令我失望. 至少唔會學出面d cheap cheap幾十蚊任點任食咁,比d垃圾人食, 上野專登慢吞吞等你食少d, 唔值錢既食物就比多多你,等你食飽佢!! 水車屋上野都算快,食物質數都無將貨就價. 不過人手就好缺乏,樓下只有1個女侍應同埋個黑面經理. 當然個女侍應面口都唔會好得幾多,因為做到死. 老實講我自己一向都唔會食d cheap cheap幾十蚊任點任食, 除非係比d friend迫去. 但我又會去水車屋係因為幾年前食過佢既自助餐,信得過佢. 果然佢到今時今日都無令我失望. 其他既幾十蚊任點任食唔好攪我!!!!

成餐飯最有印象就係臨尾出場的經理，好似輸馬咁口面。經理應該巴治奧咁咖嘛，邊有理由咁無禮貌。大體上，鐵板燒好似仲係老一輩的人的事物。今日都好似無咩年輕人會食的。其實係好大油煙同埋幾熱氣的食物，有幾多野食落肚，係睇個廚師的決定，雖然平時食飯都係，但當住面做就有另一種感覺。食物水準唔錯，只係果松板牛唔係入口即溶。

6:30-8:30自助餐$138位.........食物味道都ok.....D 魚生都幾厚...有三文魚,吞拿魚,北寄貝,鯨龍魚,醋鯖魚,甘蝦....鐡板燒既帆立貝都幾好味...又有個牛肉鍋....仲有個叫枝豆既野.......張d豆整出來食...咸咸地....都幾特別....而天婦羅冬菇,蝦都幾好味....最後仲有生果盤送....但食物款式就唔多.....環境都幾好.....兩個人食連加一$304....

晚上6:30 pm to 8 : 30 pm 任食.食物種類太少,不過味道都ok 既,不過不失la ......2 人約300元

呢間名牌日本餐廳的確"high"，食物有水準，環境ok，waitress有番咁上下，唔會有白鴿眼。唔似得有d 恃住名星效應而扮名的日本餐廳，好心啦，0個位所謂的名星家陣都out啦!哈!

聖誕節那晚,與家人到水車屋食自助餐,每人$188,有刺生,壽司,天婦羅,鐵板燒,拉麵........由於是聖誕,尚有一人一杯香檳,一盒聖誕禮物,一盒沙律.刺生算很新鮮,好過不少酒店;而且價錢非常抵,若非假日,夜間的放題才$138,超值!由於我們有八個人,他們安排了一間房間給我們,氣氛真的不錯!

水車屋係好巴閉，不過係舊時，而家就完全唔掂，價錢太貴，食物又唔好食。價錢高級，服務就中級，食物就低級。

曾經叱吒一時既日本料理- 水車屋!知道水車屋話平左, 即刻就同個friend去試, 咁大個女都係第一次去呢間金牌日本料理! 但失望而回!一入到門口, 雖然我地打扮平民化, 但態度有善, 並無白眼. 之後選擇食鐵板燒, 眼見有四張檯, 但2張檯數埋都唔夠10個人. 而安排我地2個坐第3張.點左2份定食, 1份有帶子, 1份有鮑魚, 材料普通. 同其他鐵板燒商號無異. 成四百幾一份. 味道又過濃, 份餐入面, 又有燒成薯片咁既蒜頭, 又有洋蔥, 最後連九菜花都出埋黎, 醬料又濃, 成餐飯要勁飲茶, 茶芥20蚊都無蝕呀! 食完之後仲要即刻去街口間7仔買香口膠. 不過, 佢燒個份牛柳真係恰到好處, 我諗係成份餐最好既一味菜!最後上埋生果, 一入口感覺尤如去左卡拉OK! 又失敗, 我寧願佢比雪糕算啦!食到差唔多11點, 隔離2張檯既人都走晒, 剩番我地兩個包廳! 成晚發覺最特別之處係女人負責做鐵板燒!另一不善之處, 係坐埋檯既時候, 已經發現地下好跣, 因為有油, 但居然到我地埋單都冇人拖地, 真失敗!價錢平過以前幾多, 本人因為第一次去所以唔清楚, 但如果咁既價錢, 仲要無特別之處, 真係見識

我在200 年1 月8 日到水車屋吃中午自助每位128. 首先講環境, 這裡比銅鑼灣分店就差很遠, 這裡分上下兩層, 食魚生要走下層. 燒物在上層. 比銅鑼灣分店細好多( 可式銅鑼灣店已關門大吉), 至於食物方面, 種類不多, 魚生等新鮮度還可以, 那些即包刺身幾大件, 不過你取多過2 件就眼望望, 而生豪就看似很不清潔, 還未洗淨似的. 燒物很少, 要配給, 每人限2 件, 不似銅鑼店時那麼多任食, 其它食物選擇不多, 話由12:00 至3:00 , 但2:30 燒物已收檔, 服務態度也不見得專業, 有些侍應還在嬉戲. 總之個午嶺麂鴢雂ㄕ萓b, 唯一可取的是那些咖啡, 非常香!