新竹源越南餐廳

Open Now

Now Closed

新竹源越南餐廳 - 地道越式風味今日嚟到灣仔區一間走冰室風格的餐廳，主打越南菜，提供多款地道特色的越南菜式，餐廳光線充足，設有卡位，感覺舒適。法式牛油雞翼 $48牛油香滿滿加上炸蒜蓉粒，雞翼炸得金黃色香脆。咖喱牛腩配法包 $62香濃的咖喱汁，牛腩炆煮得軟腍，配上薯仔粒和脆口法包，一浸一咬。香茅雞扒飯 $53大大塊雞扒，雞皮滑，雞肉嫩，香茅味重，配上甜豉油的白飯。越式生牛肉湯粉 $49招牌菜之一的生牛肉湯粉，色澤鮮嫩的生牛肉，薄切牛味香，配上洋蔥、蒜片和爽口的河粉。椰青 $38冰凍大大個的清甜椰青。

好味既越南菜唔一定要去越南先有得食既，留係香港都可以食到美味又抵食既越南菜😋新竹源越南餐廳價錢親民，下午6點前落單仲要免加一添，真係好抵食😉而且食物質素好好，好好咁做到越南菜既風味😋為食餐單:蝦頭膏酸辣海鮮湯河🍜 $68好大碗既湯河，捧上枱個碗材料full曬🤣係兩個人食都食得飽🤣有兩隻又大又新鮮既蝦，好鮮甜又爽彈🦐有兩隻青口，好鮮味😋伴有蟹柳絲甜甜的好味😋仲有清甜既菜呢🥬湯底好香辣好香濃蝦味，河粉浸左湯底精華好好味，再加上有香葉點綴，更美味😋香茅豬扒飯🍛 $53豬扒炸得金黃香脆，入面豬肉好有彈性有肉汁，香茅味香濃好match🥰附上醬料可點，我就比較喜歡就咁食豬排，食到本身既美味呢😋送飯食一流😋越式拼盤B(涼盤)🍱 $128拼盤有扎肉、扎蹄、腍肉、酸辣鳳爪😋扎肉好香，扎蹄外皮爽口中間美味，腍肉中間夾住辣椒，辣得黎帶有腍肉香，酸辣鳳爪好爽口好入味，酸酸辣辣又美味又開胃，底下仲有d酸辣沙律菜食添😉

平時都鍾意食越南菜，所以每次行經越南舖頭都會留意一下～ 而呢一間就行經過幾次，終於有機會試到啦😗 完全冇令我失望之餘更是有驚喜😆🤍🍲 新竹園火車頭 $78去越南餐廳點可以唔叫牛肉河粉～ 雖然只係叫咗一人份量，但係份量唔少，兩個人share都可以！湯底超濃牛肉味，加埋九層塔簡直係絕配，河粉夠滑，生牛肉唔會過熟，牛柏葉入味，牛丸亦都唔錯！🥩 呢個推介🤍🥖 鮮茄牛腩煲配法包 $82蕃茄味超濃郁，超級多蕃茄，牛腩亦都夠淋，啲蕃茄味入晒味～ 無論係送包定係白飯都一流！😬 法包亦都烘到脆卜卜，正！🥗 柚子鮮蝦沙律 $68蝦同蔬菜嘅比例啱啱好～ 唔會有唔平衡嘅感覺，成個感覺好refreshing, 做前菜一流🤍🍗 法式牛油雞翼 $48係兩件雞全翼，牛油味夠重而且蒜蓉味好香，上碟亦唔會有好油膩嘅感覺，以前食過啲下面隻碟全部係有嘅，呢間唔會有～ 整體唔錯！呢間性價比高而且味道唔錯，絕對會有回頭～

難得來到灣仔約左個大專舊同學聚會，搵到一間門面光猛，間隔幾有私隱度的越南菜店，打開餐牌花多眼亂，款式有齊小食沙律，海鮮類、湯粉、撈檬、米紙、煲仔、蔬菜、飯類、小食及特飲。由於朋友唔食牛肉所以無揀到招牌牛肉粉，最後選了較清新的沙律小食為主餐，柚子鮮蝦沙律 $68推介:⭐️⭐️⭐️⭐️先來一個開胃越式沙律打開味蕾，五隻大蝦加上柚子絲、椰菜絲、蘿蔔絲等，混入開胃酸甜醬汁，色彩繽紛幾吸引眼球的一款好選擇。加埋九層塔同蕃茄伴碟，是還原越式地道沙律的滿意之選。河內軟殼蟹米紙卷 $58推介:⭐️⭐️⭐️⭐️⭐️脆香軟殼蟹被檬粉條、蘿蔔絲、青瓜、椰菜絲等緊緊包裹，主角除左軟殼蟹之外，米紙的口感都非常重要，四大卷滿滿清新爽脆生菜與米紙二合為一，做到外軟內脆的層次口感，值得一試。越式金邊湯粉$62推介:⭐️⭐️⭐️⭐️⭐️金邊湯粉湯底清甜，配料有齊扎肉、鮮蝦及肉碎，湯頭本身已經過十多種材料慢火熬製十數小時，所以基本已不需要再調味而喝一啖清甜湯再嗜金邊粉條。份量足以可以兩個人Share都飽肚👍唔食牛肉粉呢個係較鮮味的另外選擇。三色冰 $28 ($14半價)龍眼肉冰$28 ($14半價)推介:⭐️⭐️⭐️⭐️以半價加配特飲基本上係必叫嘅餐飲，大

午餐時座位基本都滿滿的，全部都是卡位，感覺很自在～越式熟牛肉湯粉～牛肉很多，但河粉就更多🤣超級大碗，保證能吃飽‼️湯頭很清但味濃，河粉亦爽滑～蝦頭膏酸辣海鮮湯檬～微辣而已，但越吃越過癮，海鮮有青口，蟹柳及蝦，檬粉也是超大碗～咸魚蓉炒時菜（唐生菜）～時菜有好幾種的，今天有通菜，芥蘭，西蘭花及唐生菜，最後我選了唐生菜🤣但估唔到，原來咸魚蓉炒唐生菜是勁好食，煲仔上菜的，吃了很久熱度也能維持，咸魚蓉不會很咸那種，反而每菜變得很惹味～龍眼冰及菠蘿特飲冰～汽水底的，但很解渴，還有水果起底，吃麵時喝超舒服～

建議：下午茶時段 2pm開始🕑食完早餐之後一路做野做到下午茶時段🙈 係大王東街附近突然想搵杯越南咖啡飲下🤎 記得之前碌過，知道附近有間越南餐廳。等#試伏專員 S君搵路時，就隨便上網做下功課睇定有咩野好食😋 舖頭係天地圖書隔離，近近地就入左去。店員好快安排到位置，環境坐落都幾舒服寬落。今次試左：🍜主食 (午市套餐)▫️越式三寶飯 (HK$74)▪️生牛肉拼坑腩湯河 (HK$67)實在太餓既關係，最後叫左兩個午市套餐，一飯一湯河，再加左兩個小食。整體主食份量真係好夠😌 首先講下個越式三寶飯，三寶飯肉量好豐富，有齊：豬扒(1整塊)＋扎肉 (2塊) 🐽＋雞翼(2隻)🐔。估唔到會成塊豬扒切好上，食落唔嚡口，唔會太咸。不過可能放係底，所以有少少油膩。扎肉就正正常，而雞翼係最好食，夠熱而且仲有少少脆😋另外一款主食，生牛肉拼坑腩既肉質唔會嚡，生牛肉既「肥牛片」，上枱時仲係好粉紅粉紅，要靠湯既熱力整番熟👍 雖然係「肥牛片」，不過唔會太肥。加埋坑腩一齊食，啖啖肉 🍜🥤飲品▫️椰汁三色冰 (少冰，跟餐＋HK$8)▪️越式滴漏咖啡 (跟餐＋HK$18)跟餐都算抵飲，加HK$8有得飲椰汁三色冰🥥 味道中規中矩，椰汁既甜

灣仔真係咩國家既菜都有得食，今次就食左位於灣仔大街既越南菜🇻🇳😆 男朋友早左收工，咁岩趕得切叫tea menu，結果我地order左超多款越式名物，食到超級飽都只係二百頭!!!💸💰時間尚早，未算多人～Menu如下:1️⃣ 越式酸辣鳳爪（$49）連 椰汁三色冰（+$8）想食酸辣鳳爪但又怕辣既人絕對要試試呢間!!! 我會形容呢款既酸辣鳳爪係酸多過辣，大概係七成酸三成辣，所以唔食得辣嘅絕對可以以呢個為起步點嘗試😆 由於係Tea Menu既關係，所以order越式飲品只需要加$8😨 超抵!! 椰汁三色冰椰汁味&紅豆味都好重🤤2️⃣ 越式生牛肉湯河粉（$49）連 龍眼肉冰 （+$8）一坐低就見到枱面有介紹佢哋嘅生牛肉湯河，仲要係廚師推介，實要嗌翻個嚟試吓😛 好鐘意個湯頭，絕對唔係用味精開出黎既湯～ 而我最重視嘅河粉都好煙韌🥰 唯一較失色既，就係個龍眼肉冰剛上枱個陣稍微過甜，不過等啲冰再融咁啲個甜度就差唔多啦～3️⃣安南海鮮炒金邊粉（$57）連 西洋菜蜜（$8）呢款炒金邊粉同平時食開泰式酸辣炒金邊粉有唔同😌一上枱就聞到好香嘅豉油味，已海鮮都係足料嘅，有蝦有魷魚🦐🦑 特別想提下，好少餐廳既西洋菜蜜係唔使加錢…佛

係灣仔附近做完野，行過間越南菜幾吸引下，就決定入去食個晚餐😚法式牛油雞翼 $48推薦雞翼控必點💯牛油雞翼一向係越南菜至愛小食之一，炸到金黃色，有小小脆香味不得止，仲加左好多炸脆蒜👍🏻😋河內軟殼蟹米紙卷 $58份量適中有四件，米紙卷嘅配料都非常豐富，有蘿蔔絲，生菜，同都幾厚肉的軟殼蟹🥰生牛肉拼牛坑腩片湯河 $63 係湯河同撈mon揀左好耐，最後都決定要個生牛肉湯河，湯底好香濃，令到個河粉好入味，而且都好有牛肉味❤️‍🔥牛肉同牛坑腩都好淋，肉質幾滑口！咖喱牛腩法包 $62法包都係越南菜招牌之一，佢哋牛腩肉質好軟熟，唔會有條筋係肉中間，咖哩香都好濃郁！店個法包就好正，法包口感煙韌💯凍椰子冰 $14跟主食可以半價加配特飲，就揀左個椰子冰，好香椰子味，有淡淡嘅奶香味👍🏻

好晏收工大食妹同朋友去新竹源越南餐廳食晚飯新竹源嘅嘢食款式非常多, 唔單止有越式湯粉、越式三文治, 仲有多款小食, 同埋抵食嘅套餐可以選擇<牛油蒜蓉法包>大食妹嗌咗至愛嘅牛油蒜蓉法包牛油蒜蓉法包超級大片, 而且即叫即烤, 又脆又香<馬拉盞炒時蔬>馬拉盞炒時蔬都好有鑊氣, 用煲仔咁上菜, 更加熱辣辣<香茅豬扒湯河>香茅豬扒湯河足夠兩個女仔食一碗, 河粉份量超足香茅豬扒調味都唔錯, 香茅味突出<龍眼肉冰>龍眼肉冰非常特別, 加入左玉泉忌廉, 第一啖唔係好習慣, 但越諗飲越順口

係灣仔呢個美食區工作好幸福，想食咩種類既菜式都有。係呢區諗起想食越南野既時候，就自然會諗起呢間新竹源。.雖然係走平民餐廳格局，裝修講唔上係華麗但絕對整齊企理，用餐體驗良好。餐廳以卡位為主，大量二人四人六人卡位雅座，闊落好坐，服務員亦一貫地有善。.餐廳菜式豐富絕對係賣點之一，熱門嘅越式名菜款式呢度都會搵到。同同事都貪佢應有盡有各適其適，份量十足價格平民實惠，所以平日都幾旺場。.今餐點左佢地幾款人氣招牌菜式：1️⃣法式肝醬豬頸肉三文治 💲62⭐️4.2/5黎呢到基本上我必叫呢個法式三文治。餐廳用既法式麵包係鬆軟香脆型而唔係硬身咬口個隻，所以麵包鬆化入口即碎。三文治係足一份正餐份量，法包塗左牛油同肝醬，中間夾肥美豬頸肉同醃製蘿蔔同蔬菜，配搭清新醒胃。.2️⃣新竹源火車頭（1人份） 💲78⭐️3.7/5火車頭係餐廳招牌之一，有分一人同二人份，試過一次叫二人份個碗真係大到好似大面盤一樣誇張。想試多幾款野今次只點左一人份，牛肉湯頭濃郁清甜，河粉彈牙，配料牛肉份量多，香滑。而牛腩、牛柏葉、牛筋同牛丸質素四平八穩。份量超大係好味飽肚之選。.3️⃣ 香茅牛柳絲撈檬 💲603.8/5雖然越式三併撈檬都係常叫既熱門菜式，但

#超特大碗越南火車頭🇻🇳呢排成日去cafe食嘢飲咖啡 感覺好耐冇食東南亞風味小吃 呢間越南餐廳 有招牌法式三文治 亦有多款越南名菜 -🍤炸蝦餅撈檬 $65越式三撈檬(雞翼/豬扒/扎肉)好受歡迎 我瘋狂like炸蝦餅 最後決定要原件上🥰 大件彈牙 蘸甜酸汁食更好味 大熱天時食佢 零舍開胃-🍲新竹源火車頭 $78上枱係一鍋份量而唔係一碗 以為侍應落錯單 先知道一人份量原來咁足料🤩 熱騰騰牛骨湯 我飲咗唔少 生牛肉鮮嫩牛味濃 K.O.成鍋湯河連料 原來好容易😙 -🦀河內軟殼蟹米紙卷 $58軟殼蟹酥香口感 俾濕濕地嘅酸蘿蔔生菜包住 比較失色-🥥椰汁紅豆冰 $14 (半價追加)椰汁香甜 紅豆大大粒-🍋鹹檸梳打 $14 (半價追加)炸蝦餅炸軟殼蟹 我又要食又要驚喉嚨痛😉 飲杯鹹檸梳打 舒緩喉嚨乾涸 有備無患-📍新竹源越南餐廳灣仔莊士敦道22號York Place 地下1號舖

Vietnamese Fried noodles with the seafood安南海鮮炒金邊粉🦐🦀 $68炒金邊粉絕對係餐廳嘅招牌菜，入面嘅餸菜種類繁多😍，好似有新鮮蝦仁🍤、芽菜絲、魷魚🦑、新鮮生菜等等🥬，多元化得來又唔錯Rice rolls stuffed with soft shell crab 🦀 河內軟殼蟹米紙卷 🌯 $58呢個軟殼蟹卷係餐廳熱賣產品之一，入面嘅蟹真係好足料啊👍🏻脆卜卜咁樣配埋入面嘅紅蘿蔔、白蘿蔔絲🥕，正宗得來又好食😋Butter chicken wingsbin French style法式牛油雞翼 🧈🍗 $48雞翼非常香脆可口，種類仲好多元化，交配有雞中翼同埋雞鎚，啱晒唔同人嘅口味🤤，外皮仲有濃郁嘅牛油香味，好吸引㗎Rice with grilled pork neck 香燒豬頸肉飯 🍛 $58豬頸肉飯嘅豬頸肉真係煎到超級脆，果然火候十足！側邊嘅伴碟有蕃茄仔🍅、青瓜🥒、酸蘿蔔絲，好味得來又靚，真係擺得好有心思㗎Vietnamese coffee 越南滴漏咖啡☕️ $32滴漏咖啡絕對係越南出名嘅名物，味道nutty 非常香濃🥰，每一啖嘅味道仲有少少分別好有層

灣仔有一間越南餐廳係我經常去食嘅，今次一於寫番個食評記錄一下。軟殼蟹米紙卷($58) 米紙卷皮超薄而且口感煙韌，裏面包咗好多餡料包括香脆可口嘅軟殼蟹、青瓜絲、檬粉等，點埋酸酸甜甜嘅泰式醬汁一齊食非常開胃！👍🏻香茅雞翼飯，超鍾意鋪係雞翼上面嘅蔥油用嚟撈飯食味道一流！香茅雞翼個皮炸得好香脆，而且係生炸嘅食落唔會成口油。咖喱牛腩配法包，咖喱味道香濃而且唔辣。牛腩分量超多而且每一舊都炆得好腍。除咗牛腩之外仲加入咗好多薯仔🥔。咖喱汁用嚟撈飯食同點法包食都好惹味！ 食東南亞嘢點少得椰青？夏日炎炎最岩飲清甜滋潤嘅椰青水，仲可以刮埋椰青入邊香軟嘅椰肉嚟食，好比飯後甜品😍 仙沙冰係另一款我最愛嘅泰式飲品，香濃嘅椰汁冰解渴一流。呢間餐廳設有好多沙發卡位，環境幾舒適。菜式價錢合理而且味道不錯，性價比幾高值得推薦☺️

早排同朋友去開灣仔行街，朋友話想試吓越南菜，網上見到幾多人推介呢間餐廳，所以就決定去試吓👍🏻 店舖有提供多種越式名菜，環境都夠闊落，值得一試🥰越式拼盤C $148拼盤材料豐富，包括蝦餅、魚柳、鮮蝦片、軟殼蟹，配上泰式酸辣醬一齊食好開胃！小編特別喜愛鮮蝦片，蝦肉夠彈牙，蝦片亦夠香脆，有選擇困難症嘅大家就可以叫嚟試吓趙式香燒豬頸肉撈檬 $60聽聞餐廳最出名嘅係香茅牛肉絲撈檬，不過今次叫嘅豬頸肉撈檬同樣有驚喜，豬頸肉食落好香口，撈檬配上醬汁酸酸甜甜夏日食好開胃西洋菜蜜跟餐+$9熱檸茶跟餐加$9餐廳亦有提供多款越式飲品，例如珍多冰等等，今次試嘅兩款味道都唔錯，大家去開灣仔可以試吓

今日同朋友途經灣仔，見到呢間位於莊士敦道嘅「新竹源越南餐廳」，見Menu都幾吸引，一於試吓越南菜。▪️◾️小食◾️▪️🌯香燒豬頸肉米紙卷（$52）米紙卷薄而煙韌，包着豬頸肉香、生菜、蘿蔔絲、青瓜等新鮮材料，點越式魚露甜酸汁同吃一流。⋄▪️◾️Lunch Set◾️▪️🥩生牛肉拼牛坑腩湯粉（$67）湯底用上牛骨、牛腩、香茅、八角同丁香，慢火熬製十幾個鐘，入口非常清甜、香醇。河粉又薄又通透，非常滑溜。牛坑腩牛味濃郁，比普通牛腩更柔韌，好食。🐂法式牛柳粒紅飯（$92） 牛柳粒紅飯質素上乘，用上優質牛小排烹調，入味又香口，紅飯則酸酸甜甜，粒粒分明，令人食唔停口。⋄▪️◾️特飲◾️▪️🍍菠蘿蜜特飲冰特（+$8）🥥椰汁三色冰（+$8）惠顧午餐，可以優惠價錢加配特飲，非常抵！