新匯江美食中心

Open Now

Now Closed

放工行去地鐵站，順便食個tea，西多正常，入邊有少少花生醬$33，熱狗如果係茶餐廳嚟講都算係OK， $29， 仲叫咗個蝦醬肉碎炒飯唔記得影相，個蝦醬味有少少似鹹魚雞粒炒飯下午茶$44 ，全部包嘢飲！茶餐廳價錢，茶餐廳質素！

同老婆落街食飯，見到呢間鋪頭晚市賣煲仔飯賣到叫成過百枱客，咁就比佢呃左入去試下。落單前仲同老婆講，要唔要一個人叫煲仔飯一個人叫晚餐，免得煲仔飯唔好食就中伏，點知就真係比我一語成讖，而我又咁抵死叫左兩個煲仔飯個飯一上到枱已經聞到陣燶味，開蓋諗住撈一撈，d飯係一舊舊既，明顯落水落多左，然後飯焦就痴住煲邊，剷起你見到真係黑到唔想食，除非想快d生cancer.其實到呢一刻我已經無乜心情，窩蛋牛排骨雞吞完落肚就算。呢個故事教訓大家唔好亂咁試新野，性價比煲仔飯都係返旺角食吧啦。

今日趕到死，朋友介紹呢間好嘢嚟嫁，咁就要去試一試啦。街坊老字號，當然懷舊味十足，服務員醒目，手腳快，與傳統店一樣，想到就可以叫。見到唔少人叫小菜，烹魚，可惜太趕，未能點此，只好叫最快的麵食。真係好惹味，牛筋冇貨，可惜可惜。牛柏葉好爽甜，蘿蔔大件入味，魷魚易咬份量足。辣味咖哩湯十分十分好味，令每樣餸菜最吸引。好想食煲仔飯：好想食黃鱔或大鱔飯，想食香脆飯焦。經濟客飯套餐：超級抵食，仲要包湯或餐茶，好鬼開心。再約朋友去多次。

天氣開始涼，又係食煲仔飯嘅時間 但係跑完步有啲夜，仲要喺荔枝角嗰邊。咁就行遠少少，過咗元州邨有間新匯江，去到都8:30要排隊。入邊人頭湧湧。見到飯都有分唔同size ，一般仲有個加大嘅。我哋四個人每人嗌咗一兜普通size，已經非常之多飯。平均60幾蚊至到80幾蚊就有一窩，其實可以叫埋小菜一齊share，但大家太耐冇食個煲仔飯，梗係一人一鍋。我哋叫咗一個北菇滑雞煲一個鹹魚肉餅飯一個豉汁大鱔飯一個臘腸排骨飯個中式湯好好飯

當大家聖誕節食緊聖誕大餐嘅時候🤶🍴我就走去食煲仔飯🍚黃鱔煲仔飯鴛鴦雞煲仔飯（田雞、滑雞）潤腸排骨😋😋😋話明要等20分鐘（即叫即整）食完暖笠笠，正👍🏻

外賣單係趕客，聽電話果個，不論男女，態度勁差，唔憂做咁款。懶醒咁要人拿拿聲落單，我落兩個晚餐，1個煲仔飯，但要聽漏一個晚餐。打電話番去問佢，又唔認自己落錯，都講左煲左飯唔要野飲。煲仔飯冇叫野飲，又收我凍飲錢6蚊茶錢，因為落漏1個晚餐，佢就當我煲仔飯要野飲。堂食試過伙計態度都好啲，環境就逼就左少少，野食都ok，廚師係好手勢。呢間野神9奇地衰在聽電話啲伙記。我唔敢再幫襯，見到佢都咁多客，唔憂做，應付唔黎咁，搞到態度咁差。

茶餐廳顧名思義茶要夠靚，很多時候除左食物質素外，飲品亦是一項加分題。現今的茶餐廳，一杯好飲既凍檸茶是很難找的，首先茶底如何，會否太苦澀，有沒有紅茶味？或是用的檸檬是否新鮮，完全影響凍檸茶的味道，十間餐廳其中九間都是一係茶味太濃，明顯已經泡了很久，要不然連檸檬都沒有，可能用化學野弄出檸檬味，但新匯江的凍檸茶茶底味道有水準，檸檬新鮮，雖然說不算是100分，但起碼有90分。而食物方便都保持一定水準，特別最近天氣漸凍，來一個臘味煲仔飯，吃完好滿足

下午茶時間想平平哋解決，去了這間茶餐廳又好味價性比又高。這間茶餐廳下午茶有很多選擇，連飯都有很多款例如椒鹽豬扒飯、燒汁牛肉飯、麻婆豆腐飯，又有星洲炒米、烏冬、沙嗲牛炒可、銀芽三絲炒麵等等，種類繁多，全部只是$41，非常抵食！我叫了乾炒肉絲炒伊麵，下午茶原來也十分大的，份量很多，炒得有鑊氣，味道適中，沒有太多味精。朋友那天不是太餓，所以只是叫你雲吞牛肚河，朋友說想不到茶餐廳的港式湯河也做得那麼好，雲吞皮薄豬肉不是太多，牛肚很冧夠入味而且爽。下午茶包飲品，凍檸茶都幾大杯，而且勝在夠凍，消暑佳品雖然這裏是間小店，但人情味濃郁，侍應很有禮貌，而且見他和其他食客也頗熟絡，有傾有講，非常親切。

美味黃立倉長沙灣是我少年時代成長的地方，所以有很深感情。因為上的教會一直也是在長沙灣，近年因為空間問題搬了去油尖旺，所以現在已很少去長沙灣，但久不久我也會很想探訪一下。這一晚我約了在長沙灣看牙醫，約了7時15分，但姑娘說要等1小時，我當然好好利用這個機會去食飯，懷緬這一區一番。牙醫診所座落元洲街，元洲街附近極多餐廳，本來我為了貪新鮮，已經在一間茶記坐下了，但等了五分鐘也不見有人招呼（有機會再寫這間茶記的負評），於是便彈起身，還是回到以前光顧過的新滙江。這次晚飯有新驚喜，因為我今餐做了一件我很少做但原來我很喜歡做的事，就是叫魚食。以前可能還年青，覺得食魚是件很老土的事，但後來知道，原來地盤佬及上了年紀的人也很喜歡蒸魚，根本是件很型的事，最重要是健康又美味；健康是因為低脂高蛋白質，少油少鹽少糖，對身體好是上了年紀的人很需要做的事。我叫了黃立倉，因為自從小朋友出世，老婆便教工人買黃立倉給幼兒食，在家食的黃立倉是簡單的調味料但也很好吃，今次在新滙江食的用豉椒蒸更加開胃!這一晚很滿足，新滙江的伙記也很勤力，落單快，安排座位也很周到，我也不敢霸住卡位，侍應要求我轉去單人卡位我也明白。希望日後向各位

經開附近又有時間，見門外餐牌有好多選擇就入去食個早餐叫咗沙嗲牛肉公仔麵+脆皮腸炒蛋友人就叫咗火腿腸仔煎蛋出前一丁全部都係大路野，你以為火腿腸仔煎蛋出前一丁只係普通野？一定唔會出事？錯了腸仔咬一啖已經無再食因為啲雪味好勁，而且應該解凍咗勁耐，霉霉爛爛有陣味而我個餐，脆皮腸亦有相同問題而佢地既沙嗲牛肉牛公仔麵啲沙嗲牛肉亦好難食肉質亦係霉霉爛爛，根本唔似係食緊肉，醃得太過了總結：成餐食完都唔知食過咩落肚咁，不飽之餘浪費quota連早餐都唔合格附近其實有好多茶記選擇，無下次了

一間睇落平平無奇嘅茶餐廳，往往都係有鑊氣又平靚正嘅茶記。基本上係佢地社交平台可以睇到佢哋定期換嘅午餐Menu，好多都好吸引揀唔落手《叉燒滑蛋飯》叉燒係偏瘦嘅，冇話半肥瘦亦都唔係咩蜜汁叉燒，但係滑蛋就真係好滑，份量夠多，送飯一流！《吉列帶子黑椒牛扒飯》有兩粒吉列帶子，普普通通都過得去～黑椒牛扒就真係唔錯，好厚實就唔會，但係都唔會硬，仲有牛味，黑椒味都幾香～《印度咖喱雞皇飯》呢款咖喱雞皇飯算係比較特別，但係啲香料味都唔錯，而且雞嘅份量都幾多，又係超好送飯！lunch一流～～其實都試過幾次其他嘅lunch，都係多汁又夠味好好送飯，有鑊氣得來又一定食得飽！

每到冬天的晚上，經過這茶餐廳，就會看到等候入座的人群。為什麼？因為這店在晚上供應的冬天限定的煲仔飯大受歡迎。這晚未到六點我就已經到達，店門外已經人山人海。一邊等候，一邊看到師傅在店門外用瓦煲烹調煲仔飯，真的希望可以快點入座一飽口福。點了鴛鴦雞煲仔飯加臘腸，還點了西蘭花炒鮮魷。西蘭花炒鮮魷先送上，味道不錯，魷魚不少，肉質柔軟，好吃。即叫即煮的煲仔飯在我把整碟西蘭花炒鮮魷吃完後終於送上。加入放在桌上的煲仔飯豉油，再蓋上煲蓋焗一會兒，終於可以吃了。雞件和田雞件都很滑，雞件的味道比較突出，田雞件也不錯。米飯粒粒分明，拌勻煲仔飯豉油後，味道更佳。當然不能錯過煲底的飯焦，很脆。這晚的食物很不錯，其實這店的羊腩煲也好吃，不過不能一次吃這麼多，羊腩煲還是下次再會吧。

天氣轉涼後，就即刻過黎食煲仔飯，呢間煲仔飯出名，裝修後再黎食下，坐位舒服左，睇落乾淨過之前。今日食煲仔飯既人都幾多，門口排曬隊，等左4個字終於入到去。叫左兩個煲仔飯同兩碟小炒，排骨雞煲仔飯同滑蛋牛肉飯，雞好滑，牛肉吾係硬，飯一粒粒分名，食到最底仲有飯蕉，脆卜卜。而咕嚕魚同金銀蛋菠菜，雖然出面都有得食，但呢間廚師煮野都幾好味😋侍應都幾好幫我地轉左套餐，便少少，我地吾知道，突然上左碗飯，同侍應講無叫，佢話套餐咁叫便少少，真細心，兩大一細，食吾曬要打包，食完煲仔飯，個人暖曬，好滿足

天氣轉冷一定要食煲仔飯，之前聽人講呢間新匯江美食中心的煲仔飯好有名，所以約了朋友來試吓。夜晚八點半到，門口依舊排嗮隊，等咗十五分鐘終於坐低。餐廳地方好大，普通茶餐廳裝修，人好多。侍應人少忙不過來，所以態度一般般。點了加大鴛鴦雞飯煲仔飯（田雞、滑雞）同沙爹粉絲金菇肥牛煲，煲仔飯果然名不虛傳，熱辣辣，好入味，飯焦脆啵啵，肥牛煲沙爹味好濃兩樣野，加一碗老火湯，總共$186。因為份量好足，兩個人食唔嗮，打包返屋企又食咗兩餐先食完，真系好抵

🌈今日又做無飯主婦😝去左接老公放工順便揾食，見天氣凍凍地，老公就提議去附近食煲仔飯😍依間舊式茶餐廳晚飯有好多小菜同即製煲仔飯，我哋就叫左一個客飯套餐+煲仔飯（加大煲）🍖沙嗲牛仔骨-份量夠多，牛仔骨煮得夠淋，沙嗲醬夠濃夠惹味，送飯一流，加左$8配埋個通菜，夠抵食，抵過自己煮😂🥘臘腸排骨飯-打開飯蓋時香味噗鼻，d飯粒粒分明，底部仲有d飯焦，夠脆。臘腸較肥，雖然油份十足，但食完好有罪惡感😅排骨夠味，略嫌較乾🍗總括：街坊茶餐廳，份量多，價錢抵食，味道都唔錯😋下次會再試下其他小菜🤗