君日餐廳 (荔枝角)

Open Now

Now Closed

點了原條鳗魚旦包反，旦只是鋪上面，飯乾，鳗魚不新鮮74元不包飲品，太揾笨。看得出煑得太趕，亦似乎冇心。早知看了openrice才进餐廳。我第一次寫食評。因為实在要上報。中伏

乾炒牛河，普通不過的碟頭炒粉麵，雖然隨便去任何一間茶餐廳都吃叫得到，但越簡單越顯得出廚師的功力：全因乾炒牛河易做難精，講求鑊氣，極考廚師真工夫。今次食的乃是君日餐廳的出品，外賣一客牛河九折後$56，價錢算是合理。買到了外賣拿回辦公室，開盒時仍然熱辣辣，有煙冒出，香氣迫人。先說牛肉： 片數不多，有完整有細碎，食落欠牛味，沒有焦香；唯一知道的是應該沒有用鬆肉粉，因為有幾塊都有筋，甚至靭到要放棄！茶棕色醬油的河粉一條條分明，沒有吃到一嘴油，而且盒底油不多，足証夠鑊氣。配料的芽菜、韭黃就少得可憐，莫說每箸都有配菜，簡直是少之又少！份量方面，食完要吃個麵包，便可想而知了。幸好未去到伏的地步。

荔枝角做野，晚餐時間，無咩好揀，行過呢間咪入去試試。餐廳內環境不差，夠光夠大，幫我落單個阿叔態度唔錯，感覺不俗。點左個西冷扒及吉豬烏冬，上餐幾快。吉豬幾大塊，湯底偏甜，烏冬淋左啲。西冷上枱，size ok，切開約7成熟，唔太過火。食落牛味弱，多根，好一般，羅宋好咸。兩個餐只有一個可取，無乜梳打粉味。用餐感覺一般。有偷望隔離枱啲中餐，碟頭幾大，唔知得唔得，下次行過，可以俾多次機會試試。

裡面大叔態度特別差 上菜很快服務態度差 點了個炒河粉 感覺是淋了個醬就端上來 沒炒的 裡面還是冷的 最重要的是巨巨巨難吃 在香港這麼久還沒吃過這麼難吃的炒河粉 還賣55一份 我不知道是什麼人做出來的 避雷！裡面大叔態度特別差 上菜很快服務態度差 點了個炒河粉 感覺是淋了個醬就端上來 沒炒的 裡面還是冷的 最重要的是巨巨巨難吃 在香港這麼久還沒吃過這麼難吃的炒河粉 還賣55一份 我不知道是什麼人做出來的 避雷！裡面大叔態度特別差 上菜很快服務態度差 點了個炒河粉 感覺是淋了個醬就端上來 沒炒的 裡面還是冷的 最重要的是巨巨巨難吃 在香港這麼久還沒吃過這麼難吃的炒河粉 還賣55一份 我不知道是什麼人做出來的 避雷！

周日荔枝角食午飲，由於樂天冰室太多人所以嚟左呢度，由於味道不過不失所以有時會過嚟食(當樂天冇位時)，今日一個人去見仲有3成位吉左，打算隨便揾個卡位坐，就被藍衫淺啡短褲阿叔(疑似其中一個老細)用態度極差既語氣喝去坐第二度，語氣唔需要恭敬都唔駛咁惡劣掛，當日即時冇曬心情。基本上味道唔算太差，其他職員都冇乜問題，不過就係呢個阿叔令我唔會再幫襯。

茶記早餐吃了那麼多年，跟餐既煎蛋，炒蛋，太陽蛋都經巳吃過無數次，個人雖然唔喜歡被煎穿隻蛋黄，但都可以接受，今次早餐隻煎蛋, size細都算，送到埋黎一睇到果刻真係O哂嘴，呢隻煎蛋真係經典即刻影低做紀念, 看得出蛋邊好像被人切去，感覺像被偷吃了，真的不知如何接受。呢間茶記去過一次便夠。

一個人晚餐叫個椒鹽白飯魚拼掓鹽豆腐，同想像太有距離，炸粉超厚，勁油。茶餐廳本身都無期望，但估唔到落差咁大。員工有禮貌，雖然無問過我就直接比中湯，但我問有無其他湯，男侍應都即刻換比我。 不過到我反映個椒鹽差，收銀姐姐淨係比左個無奈眼神我。執野個時個哥哥問我係咪唔要，我話太難食，佢好似好驚奇點解我咁講。環境尚算可以，光猛，感覺算係乾淨。小菜價錢唔貴，有好多選擇，有全日餐，但因為太難食，所以唔會再黎。無諗過個椒鹽係淨係得炸粉，最後我係整開哂黎食，睇圖就知。

快餐的食物唔熱，有兩個咖喱快餐，一個係印度咖喱同馬來咖喱完全食唔出分別！中湯同飲水冇分別。蒸飯D排骨又唔得所以食物好似一早整定晒，價錢同質素唔成比例，喺餐廳唔好食佢係排行第一

君日餐廳新開張不久，裝修光鮮亮麗，初頭幾日仲要排隊，見啲人係烈日當空之下都不惜排隊去食，心諗肯定好食嘞。(當然排隊盛況維持左唔夠兩日。)是日一人去食，唔洗排隊，但係要同人搭枱，仲要去面對面果隻，中間只隔左一小塊透明膠板（上圖見到嗰啲），不單止你眼望我眼，假如對方係帶菌，坐對面食嘢都肯肯定會中招。疫情之下心有餘悸，急急腳快啲食完快啲走。鰻魚板煎雞扒蛋包飯（＄68）睇餐牌張圖（上圖）好似好吸引，加上有齊小妹鍾意嘅鰻魚同雞肉，一於試下啦。呢個價未包嘢飲，感覺小貴！實物係咁又唔可以話伏嘅，亦唔係話難食。只係佢蛋包飯的蛋同餐牌張圖係完全唔同型。嚴格黎講佢蛋皮飯，而且勁薄既蛋皮。面頭有啲香草同茄汁。同我心目中肥厚的日式蛋包飯完全唔同level。唉～又係嘅，呢度係茶餐廳黎架，呢個水準已經算係好架啦。鰻魚疑似係中國急凍貨，size亦細。雞扒正常發揮，不乾不鞋唔算肥唔算油。飯量多但冇汁，乾o梗，慘～而且店里每日原來有【是日午餐】，但門口冇擺出黎，我入座的位置也要擰晒頭先睇到。如果事前睇到有呢啲餐，可能就唔揀蛋包飯。總結君日餐廳裝修光鮮明亮，但是次體驗未算好，食物種類雖多，質素也不差，但餐牌與實物有明顯距

叫個奶油豬同奶茶，等咗16分鐘，唔催都未開始整。堂食的話啲嘢來得快，我企咗咁耐，十個客坐低一分鐘就來飲品。奶油豬夠熱但煉奶塗唔勻，搞到個紙袋滲晒煉奶，食得狼狽。奶茶係香滑的。有時間建議堂食，趕返工的話唔建議喺度叫外賣。

早兩日去荔枝角探朋友順便晚飯，見呢間君日好似新開，地方乾乾淨淨，就決定試下。雖然只係一間茶餐廳，但係晚市嘅小菜相當有水準，我哋食咗椒鹽鮮魷，生炒骨和什菜煲，椒鹽鮮魷非常好味，我哋三個人食飯，唔使一陣間掃清咗碟椒鹽鮮魷，生炒骨唔太酸又唔太甜味道ok，但已經好過好多茶餐廳，我見隔離枱個啫啫雞煲同咕嚕蝦都好似好好食，佢哋encore左個咕嚕蝦，不過我哋人少唔敢再叫，下次一定再去食。呢間餐廳整體嘅感覺係乾淨，又唔嘈，啲夥計又正正常常（唔會係人哋間牛記咁趕客），食物又快，飲品都係正正常常，咖啡係即磨咖啡，奶茶都好味，冇特別但係唔會中伏。

今日收工，唸住去同事介紹嘅公司樓下新開業嘅港式餐廳，食午餐，同事話上次食咗豬扒飯好OK！今日我都去試下，日日都見到排長龍，終於到我入去啦！！！餐廳裝修幾靚下，乾淨整齊。。服務態度好。上菜都幾快下。點個咖喱雞扒飯，咖喱豬扒飯都係即做嘅，好熱，好吃😋😋，值得推薦，咖喱足味，豬扒厚身，份量夠大👍🏻口感香脆彈牙，我食到好滿足，好飽。😍以後午餐都來E間食啦！正啊！價錢又平，抵食。下次帶埋同事一齊來！😊😊值得推薦！👍🏻

今日經過荔枝角，唔知去邊間食晚餐，經過尼間餐廳門口，感覺幾好，就入去。餐廳燈飾好光亮，好精緻，好新淨，原來係新開嘅，老闆服務態度好好。上菜都幾快，點咗😋菠蘿生炒骨，椒鹽鮮魷，南乳齋煲！😍份量夠多😍！菜色新鮮，認唔住開飯😁😁🍚🍚好好食嘅😋😋😋😋菠蘿生炒骨，椒鹽鮮魷，南乳齋煲！我特別鐘意椒鹽鮮魷，味道極香，🤤菠蘿生炒骨味道幾好，南乳齋煲，份量好多😊食飽飽，下次再黎試其他菜式。👍🏻👍🏻值得推薦。

本身喺附近返工，見呢間餐廳開咗冇幾耐都已經經常爆滿，今日見有啲空位就走咗入去試，估唔到都真係有驚喜，餐廳裝修乾淨,食物都有返咁上下水準，價錢又合理又唔貴，下次都會再嚟幫襯.

這間君日剛剛開張沒有多久，之前見佢排曬隊好旺場，過咗唔夠一個月今日行過空無一人，諗住入去飲杯茶唞下，點知中曬伏。杯奶茶好似屎水噉，食個飯啲飯凍嘅，塊牛扒臭嘅，啲汁酸嘅。下次收工都係去返樂天食穩陣啲。