麵鮑‧潮人

Open Now

Now Closed

每次我經過聯和墟都一定會食依間，一間高質素湯底是靚湯好飲，好好飲的餐廳。餐廳每一次都是爆場，但等一陣就好快有位。佛跳牆麵雞湯底再加不同食材熬製而成的高湯，清香濃郁有濃濃雞湯味，讓每一口都充滿滋補感有黏立的口感有豐富骨膠原，口感的層次和風味的豐富性。拉麵本身彈性和嚼勁，搭配濃郁的湯底，讓我忍不住一口接一口。鮑魚、魚翅、花膠、帆立貝等高級和精緻的高級食材讓拉麵更加誘人。總之，佛跳牆拉麵對味覺和視覺的雙重享受，值得品嚐。

今日去粉嶺探朋友，順道搵食，估唔到會發現到呢間人氣餐廳，真係意外驚喜！朋友話呢間餐廳就喺附近，係區內有名嘅美食，梗係要試下啦。一入到去，短髮靚女侍應服務態度好好，細心介紹每個菜式，等我都即刻對成個餐牌瞭如指掌。原來準備湯底係都好講究。多謝指教。跟住佢嘅推介，叫咗間嘢招牌嘅佛跳牆麵。一啖落肚，即刻明白點解佢咁出名！個湯香濃得嚟又唔會太漏，層次豐富；麵條爽口夠韌，啲配料新鮮靚味，樣樣都啱啱好。食到停唔到口，感覺真係好豪華！

喂！估唔到喎，我呢個鴨脷洲人竟然喺粉嶺搵到寶。本來淨係為咗個佛跳牆麵去，點知仲有意外收穫，正到爆！首先講佛跳牆麵啦，個湯真係冇得頂！濃郁過三級跳，啖啖都係精華。啲麵條爽口得嚟又夠韌，配埋個湯簡直完美match。仲有啲花膠呀，鮑魚呀，海參呀咁，樣樣都新鮮，食到停唔到口。但係最令我意想不到嘅係佢哋嘅醉鴨舌同雞腎！喂，講真呢兩樣嘢真係超正！醉鴨舌入口香香地，酒味夠香又唔會太濃，香濃得嚟唔會嗆鼻。雞腎就嫩滑唔漏，毫無腥味，食落真係一流。呢兩樣嘢絕對係隱藏版美食，大家一定要試下！最可惜嘅係佢哋無酒供應。我諗如果可以配啖啤酒，就真係如願以償喇！不過咁都已經開心到飛起啦，一餐飯食到咁豐富，仲有咩好求？講真，由鴨脷洲去粉嶺雖然遠咗少少，但為咗呢啲美味，就算再遠都要去呀！如果你都係覺得為食可以去到天涯海角嘅人，一定要去試下。信我，你一定會覺得超值！最後送俾大家一個貼士：去到記住要叫埋醉鴨舌同雞腎，唔好錯過呢兩個寶藏小食呀！

見網上有人介紹 近近地諗住外賣試下落單帶眼鏡短髮女店員態度真心有待改善（為左佢第一次寫評語）本身叫左2份生煎包 之後轉1份店員自言自語話落左單改唔到 返唔到轉頭😥但我仲未比錢 諗住真係唔比改我就全部都唔買啦之後佢話可以改啦 順便講要分湯 睇下要唔要加錢一齊比 廢事佢出單後又話改唔到唔該都未講完佢就話等陣等陣 語氣係唔耐煩叫完就門口等外賣 開頭話10-15分鐘 咁15分鐘後就入去問 短髮女店員話未有之後15分鐘後再問 短髮女店員都係話未有50分鐘後 再問另一位店員 佢竟然話 得左好耐 叫左2次都無人應 未食都成肚氣至於食物 不可一不可再 未食過既唔建議食味精重得黎又唔好食 食完超級口渴

質素越來越差 每況愈下食完碗野變得好口渴 好重味精之前叫花雕醉雞啲雞又冇肉上菜慢淨係顧住做外賣 咁不如轉做外賣店？唔好做堂食啦。短頭髮戴眼鏡的店員簡直趕客。每次佢態度都好差又冇禮貌 勁晦氣又冇記性，叫佢俾杯水又唔記得。落單又唔親自行過嚟落單 佢企喺收錢櫃檯叫我哋大嗌俾佢聽食乜寫完單又掉張單喺我哋枱面 好似差佢錢咁而家嚟食嘢，點解要受你氣？本身都冇諗住再食 之後見影片分享平台介紹再嚟多一次 點知都係賴嘢 大家考慮清楚先去食 兩個字 失望!!!!

最近有人介紹呢間餐廳 就諗住入粉嶺試試叫左花膠雞麵 不過不失湯底都還可以雞只係滑雞件 勁少 又好薄其他餐廳嘅花膠雞大多數都係斬件雞正過呢個好多啲花膠都有三片但有腥味除咗花膠同雞都有其他配料冬菇 眼細過五蚊銀仲有啲肉絲 好乾好硬口味呢啲嘢好難講嘅但食完極度口渴 講到呢到大家都知咩原因 唔多講最後俾錢 呢度重點最難頂嘅係戴眼鏡店員態度真係好差 收錢都可以咁悔氣 真係冇下次 唔值得入嚟食 所有放假嘅心情都冇晒 我相信冇人去餐廳食嘢會諗住要受氣今時今日咁嘅服務態度……

今日午餐帶朋友過嚟食以前成日黎食麵 因為佢佛跳牆係唔錯的我之前都帶咗好多朋友嚟食 而家好後悔今日再食 招牌都好難食 然後個佛跳牆極咸 連平時我呢啲咁重口味嘅人 都食唔到同店員反映 態度勁差仲同我講隔籬枱都係咁樣食又唔見嗰個人有問題之後都係比一杯水溝淡 戴眼鏡店員態度極晦氣條海參又未熟 完全咬唔開專登過黎食 難食 態度又唔好朋友食嘅冬瓜鴨腿都係唔好食 花膠雞太淡味兩個朋友都係食唔落去今次好失望 唔會再去 極不推薦食 俾錢受氣🥲🥲

行吓行吓見到呢間鋪頭望到啲米線好多款式樣樣都好特別唔同街外車仔麵嗰啲cheap嘢所以決定入去試吓！估佢唔到呢間小店做得幾出色啲米線入味餸好足料 同埋唔平㗎咩鮑魚 花膠 魚肚 豬肚等等所有嘢大大舊 食完飽到上心口同埋佢個小籠包又皮薄餡靚 多汁

呢間早排其實食過一次，上次食咗個大閘蟹粉撈麵同醉雞覺得麻麻🙊但因為見到佢Menu有好多湯麵好似好好食，決定俾多次機會佢。又重申一次，女人點都要補吓😌今次叫咗個花膠雞麵 $88第一啖試咗個湯先，個雞湯好飲喎😳夠晒濃味👍之後再睇一睇，原來有兩大塊花膠！！雖然開頭見到$88有少少猶豫，但見到咁大塊花膠就覺得值得👍👍超大塊！仲要夠腍！超足料！仲有三大舊雞+花菇+火腿絲，啲餸份量夠！個湯真係幾好飲，最尾俾我飲晒咁濟🙊其實都仲有幾個價錢平番啲嘅湯麵，都幾特別，有機會下次再試吓～

呢間餐廳喺聯和墟都開咗一陣子，經過幾次都冇乜衝動想試，當日唔知想食啲咩，路過又見到，決定一試。叫咗個 #大閘蟹粉撈麵 $98 跟薑茶一杯雖然我年年都有食大閘蟹，但原來我未食過蟹粉撈麵🤔 我覺得味道一般，而且唔係好夠味，我最尾撈咗紅油抄手個汁食#紅油炒手 $35呢個同平時食嘅紅油抄手味道都幾唔同，因為少少辣都冇😅#爆汁小籠包 $28呢個普普通通，又唔算好多汁#花雕醉雞 $40呢個係後加，因為食完其他覺得唔係好飽。份量唔係好多，不過$40嚟講，比平時出邊嗰啲價錢都算平少少嘅🤔 但係個味道一般，個雞又未至於冇酒味，但係就好似同個酒分得好開，唔知係咪浸嘅時間唔夠耐？🤔同埋隻雞有啲瘦，冇乜肉食

我最近去咗一間餐廳試佢哋嘅花膠雞湯同小龍包，真係好出色㗎！首先，講下佢哋嘅花膠雞湯。呢碗湯真係好滑口，鮮味十足。裡面嘅花膠好多，唔單止好嫩，仲有雞湯嘅香味滲透出嚟。每一啖都可以感受到湯嘅鮮甜，令人回味無窮。而且，呢碗湯都好營養，對於保持健康好有幫助。然後，我要講下佢哋嘅少龍包。呢款點心真係好出色到令人難以相信！每一口都可以品味到唔同嘅風味，好有層次感。呢間餐廳嘅花膠雞湯同少龍包真係好出色。無論係湯嘅口感同鮮味，定係小龍包嘅酥脆外皮同多樣嘅餡料，都顯示佢哋嘅好手藝同對食材嘅用心。我好推薦大家去試下呢間餐廳，相信你一定會留低深刻嘅印象！

椰子雞湯麵 $68推⭕️椰子味濃 一碗望落去都有四五件椰子條 成個湯頭偏甜 雞味都幾濃 冇咩油 係白色湯底嗰種 飲完我都冇特別覺得口渴雞係平時酒樓食棉花雞嗰種 都幾滑 冇咩雪藏味 但個人比較鍾意食完隻雞件 有得加錢揀刀削麵or 麵個人覺得刀削麵好食啲 彈牙企身啲都幾掛湯 普通面有啲淋咗少少 唔夠咬口胡椒豬肚雞球湯 $56 ⛔️呢個湯底反而胡椒味唔係好出 淨係佔10%味道 反而係薑味同雞湯味比較出 想真係食胡椒豬肚湯嘅人唔使嗌呢個 偏普通 豬肚煮到冇咩味 麻麻哋 雞件同另外味道嘅湯一樣潮人酸菜魚湯 $56 ⛔️呢個湯酸菜味偏重 薑味都出 算係濃味嘅湯 唔鍾意姜嘅人唔好叫呢個 湯底唔辣 但魚塊唔係好多 大約有8-9件 口感都幾滑 魚肉唔容易散 酸菜份量好多 味道偏酸 係成個湯頭嘅主角 偏普通呢個湯同面唔係話好夾 食落會分開咗但如果同雞湯對比 我會揀雞湯！糟滷醉鴨舌 $40 推⭕️我去過兩次兩次都有食好入味 調味啱啱好 酒味佔85% 偏大隻 一疊大約有1x隻 呢個必食川味泡椒雞腳 $38 唔推❌呢個麻麻哋 隻味好似大陸一包包嗰啲即食雞腳 味道太攻鼻 唔容易入口 食落唔夠惹味 唔使叫呢間舖頭我會返轉頭

💪🏻 花膠鮑魚麵 ($88)呢個麵係用濃雞湯做湯底，雞湯非常鮮甜，真係飲到雞湯嘅甜味，同時咸鮮味亦都剛好，濃濃嘅雞味🤤 而且個湯飲完完全唔會覺得口乾，無味精！另外，花膠煮得好淋，好滑，亦都食到花膠嘅膠質口感😋，唔係劣質花膠，同雞湯一齊食好配搭。鮑魚亦都煮得好入味，鮑魚汁好夠味，鮑魚亦都好煙韌😝！花菇亦煮得好淋，有好香冬菇味！再配上幼麵一齊食，索湯一流！整體黎講係一碗食完好滿足嘅一碗麵☺️！我最後飲晒成碗湯😋😋💪🏻 冷泡白桃烏龍茶 (+$10)香桃味香，而且茶味夠濃，有茶嘅甘味😋！味道：10/10性價比：8/10 食住瘦指數：💪🏻💪🏻💪🏻💪🏻💪🏻/5 (gym friendly)

粉嶺一日遊參觀完粉嶺舊裁判法院就過左去聯和墟食飯以前做野都係呢頭食過唔少餐廳今次就睇下有咩以前無食過既見呢間麵飽潮人望落有d似好湯好麵就入去試下餐廳有落場時間我地岩岩好六點左右入黎之後都坐滿左大半位入面幾光猛四人檯都大張佢除左麵食之後都仲有點心同小食麵食可以加10蚊有野飲特飲加15今日既自家製特飲係漢果燉雪梨水樽上見到入到有唔少料話係有清熱潤肺既功用隻味好複雜小食叫左一凍一熱花雕醉雞有脾位酒味都ok爆汁小籠包有三粒即蒸熱辣辣賣相都幾靚雲吞雞湯雞湯清清地易入口幼麵麵條同埋舊雲吞都唔錯大粒另一碗叫左海蜇拌麵有青瓜絲消暑之選份量多到食唔晒最後仲有叫甜品因為糖不甩賣晒轉左要冰粉上面仲有新鮮百香果整體食落唔錯都錯不過如果叫番佢主打果幾種麵應該會有更好既體驗埋單二百零蚊有麵有小食有甜品有野飲食到幾飽唔洗加一個價都可以不過張單個麵錯左環境同服務都OK幾舒服

fafafoodie 又去聯和墟揾食～之前經過見到坐滿人，今次平日一開門就去😬好快就坐滿#養顏椰子雞湯麵 🥥🐥🍜聞落好香椰子味，飲落都係‼️仲有紅棗杞子感覺好養生😆雞件好滑，有種酒樓食棉花雞啲滑雞既感覺😜發現開放式廚房有部麵粉機，一問之下，原來店用的幼麵/刀削麵/小籠包/生煎包都係自家搓粉整架😲幼麵好索湯，所以放太耐會變淋架🙈記住食快啲。或者可以揀刀削麵，今次冇試到，但我估會比幼麵有咬口啲🤔HKD68#濃湯雲吞雞麵 🥟🐥🍜一上枱就聞到係雲吞雞既香味😆一樣有幾件滑雞，仲有3粒豬肉雲吞同菜～個湯有雞味，配幼麵都幾夾HKD56#香脆生煎包 生煎包都係由店主自己包👍🏻一啖咬落去會爆汁🤪小心彈到人🤭HKD32#爆多蔥油雞 🐤切雞上面鋪滿爆多蔥油，望落似係新鮮雞～雞肉超級滑🤩不過較多碎骨🙈食既時候要小心啲呀HKD40叫麵食可以優惠價叫飲品😊#冷泡荔枝烏龍茶 🥤+$10有荔枝香又有烏龍茶味，無糖冷泡茶夠健康😀#紅棗桂圓燉桃膠 🥤+$15每日自家製特飲都唔同，今日係平民燕窩桃膠～ 補血補氣，安神養心🧘‍♀️温中補脾，美容養顏🥰聽到好多了叫花膠雞/佛跳牆，仲有龍蝦湯添😍下次有機會試下先免加一服務費麵鮑潮人