Video
Opening Hours
Today
07:00 - 22:00
Mon - Sun
07:00 - 22:00
Above information is for reference only. Please check details with the restaurant.
Offers
午餐時間諗唔到食咩又唔想食返早幾日食過嘅餐廳碌下手機app 就又去試下一粥麵外賣自取啦🥳✨排骨菜飯🍖🍚要菜飯，多白飯要求多白飯真係有多🍚🍚個飯有三塊豬扒🤟🏻而且每塊都好大塊唔會淨係得骨或者係肥膏呢個飯量一個男人食食哂就絕對可以撐到晚餐🥳✨腐乳通菜🥬腐乳份量好慷慨通菜份量亦好多🥬🥬食落好淋，唔會苦亦冇渣又冇青草味✨冰鎮奶茶🧊🧋叫走甜，真係有走到冰凍嘅奶茶而又冇被冰溝淡嘅感覺真係幾爽皮總括而言月餐經驗幾好店員有禮外賣等大約十分鐘就有呢個價錢，性價比高👍🏻會繼續幫襯
continue reading
食連鎖快餐店正常真係唔會睇、亦唔會寫食評，因為都係但求飽肚，味道過得去就已經達標，但今次呢個粥嘅質素真係不吐不快！夜晚9點幾，依家嘅香港已經冇咩選擇，想食嘢，見到間一粥麵就入去，叫左個牛肉豬潤粥。冇期望，只想想食碗普通嘅粥，但一入口，係我食過口感最奇怪、最難食嘅粥，沒有之一。明顯落米極少，又想營造粥嘅綿稠感，於是狂落生粉，食到個勁黏。牛肉更加唔使講，用梳打粉醃過，加上可能已經夜，唔新鮮，口感完全唔似肉，只有兩三片豬潤算係入得口，收四十幾蚊，呢個質素，你仲記得自己間鋪叫一粥麵，粥係招牌之一嗎？最後附上夾得起嘅粥圖一張：
continue reading
今天十二點剛經過這一間一粥麵,見有鑊仔湯飯,就試下酸菜魚湯飯,買回家吃,打開後發現全部是肉絲,懷疑自己是否沒有看清楚就買,立即看下他們的餐牌,是否酸菜肉絲湯飯,原來餐牌是酸菜魚湯飯,當刻(黑)我又想是否肉絲加魚湯,但是唔覺有魚湯味,後期摷到最抵發現有三小丁片魚肉.飯就多,魚肉就真係少.有點兒覺得被騙
continue reading
行過街市，咁啱見到間老字號小食店，個肚頭正叫囉，於是就走入去點咗幾樣嘢。首先係碗蘿蔔牛腩湯，簡直正到爆燈💥！湯頭鮮甜得黎唔鹹膩，牛腩部分腍得黎口感仲好，蘿蔔入味到不得了，一啖落肚令人暖笠笠嘅！跟住，炸兩🍢，外脆內軟，炸得金黃香脆。喺沾上啲醬汁後，咸甜配搭得嚟仲加分呀！再嚟，個豉油鴨翼🦆，皮脆肉嫩，豉油味重得啱啱好，唔會過鹹，呢個確實係下酒好拍檔。食完呢啲，終於嚟到重頭戲－糯米雞🍘！哇，講真，呢個糯米雞真係好食到嗌爸爸！無論係糯米嘅粘稠度，抑或係內餡嘅豐富多彩，都做到恰到好處，個味重到驚人，糯米吸滿咗啲汁卜卜脆。食落真係越嚼越香，千祈唔好錯過呀！街市食物有時机會無得頂，好似呢間舊店俾我搵到嘅小確幸咁。搞到宜家諗起又流哂口水，下次路過必定再入嚟探探寶啦！🤤👏🏻🍚
continue reading
好早，唔熟路，地鐵站附近搵嘢食，就只有呢間﹗其實都抱著負面心態入去，諗住咁樣可能會有驚喜﹗叫左個普通到不能再普通的早餐，吉列魚柳，炒滑蛋，腸仔，麵包，仲加錢叫埋個火腿通，諗住是但一樣唔掂都有其他嘢頂上老實，個火腿通唔夠湯都好少事，個滑蛋，你目測都好滑，點知原來係實蛋黎，個樣呃左我呀......塊魚柳終於比我知道老麥嘅魚柳係人間美食，呢塊我唔知係咩？好甜條腸，無事呀.....只不過係凍嘅；不過話事話，其實除左杯茶係熱之外，所有嘢都係凍嘅，唔係室溫，留意返，係凍嘅﹗可能諗住食早餐要快，所以唔敢整太熱嘅食物比大家，其實都好窩心嘅，話晒都好關顧大家嘅時間﹗人生應該係唯一一次食一粥麵，之前聽人講係差，只不過無諗過係差到呢個地步.....最後可以一讚嘅係杯茶囉.......佢係用滾水沖落個茶包度嘅﹗完。
continue reading
You may be interested in