一粥麵 (愉景新城)

Open Now

Now Closed

係荃灣閒閒地食個lunch都要$50，估唔到係愉景新城間一粥麵竟然可以$39食到一個lunch，仲有埋杯野飲🙈🙈🙈糧尾窮人恩物😂叫左一碟沙丹雞扒飯，份量都好足下！大大塊雞扒，啲雞肉好嫩，雞皮都煎得好香脆😋另外仲有塊午餐肉，正常午餐肉味，叫做唔洗淨係今雞扒咁單一！仲有一隻煎蛋，如果有少少甜豉油淋上去就仲正🤣🤣🤣不過個人都幾喜歡佢俾塊罐頭菠蘿🍍，皆因炎炎夏日，食啲甜酸既野會開胃好多😌

第一次去是半夜了，周圍的吃店都關了。幸好還有這家。一開始覺得像連鎖店，沒有抱太大希望。後來驚豔的是粥真的很好吃。而且去年年底時候有高級的感應桌號送餐服務。今年年初去，店家又取消這個服務回歸原始取餐了。吃的質素沒有改變就行。

吃完早餐之後，搭車上51號巴士去了大帽山打個轉，然後回程折回荃灣愉景新城吃午餐，諗住吃完午餐去Palladium Shop買行山鞋，因為Palladium 正在大減價。記得銀包內還有兩張一粥麵coupon 未用，就去了一粥麵吃午餐用埋佢。星期六中午，呢度搵位都唔容易，好在排隊等拎嘢食排得嚟就有位。今日食兩個餐:　福建炒飯和魚蛋、魚片頭、雲吞河 + XO醬腸粉，配咖啡。份量都OK，夠晒飽。炒飯汁多易入口。腸粉加咗XO醬，惹味好多，而且腸粉都算滑溜。魚蛋幾爽彈，雲吞的餡料亦充足。快快食完就行去買行山鞋。

平時嚟開，都係叫雲吞麵，老實說，只係快餐店水準，快，靚，正，但下午茶時間確實超多人，因為真心覺得坻食!但是今天有點心癢癢，想試吓其他嘢，發現中伏，叫咗個福建炒飯，好難食，老實說我唔係嘴刁嘅人，我都頂唔順。下次都係叫返雲吞麵好了！

一粥麵我都好似第一次來，同事有coupon所以就來了，叫了一個套餐，艇仔粥加叉燒腸粉，用coupon平了3元，叉燒腸粉有6條，味道OK，腸粉唔太滑，叉燒就碎左d，豉油太多好咸！！ 艇仔粥好大碗，有花生，葱，油炸鬼，粥底夠綿，有魷魚，豬皮，肉碎……味道幾好！同事食牛腩麵加炸両腸粉，份量也是多，味道也是幾好。牛腩夠淋。不過炸両又是太多豉油。好咸呀！！中午的時間很多人，人流很多，流量很大。原來中午也有好多選擇，有煲仔飯，客飯，粉麵，粥……

入秋，當然要食一下煲仔飯。經過一粥麵，已換上充滿秋冬氣息的餐牌。羊腩煲的氣味十分吸引，可是還未夠冷，就嘗一下煲仔飯吧。這裡的煲仔飯有三款，分別是滑雞臘味、櫻花蝦臘味粒和梅菜魚扒。穩陣之選當然是滑雞和梅菜魚。雞滑臘味香，梅菜惹味，魚稍嫌多骨，但也不失風味。

今日等緊去Candy park 睇L風暴， 因為時間太趕就上咗樓上一層一粥麵度食下午茶一想到你已經見到好多人， 等你等咗五分鐘左右就有位，隔離有個小朋友區反而冇乜人，有一個員工喺度食飯， 大人枱冇位，但係小朋友就有兩張枱，冇人坐，呢個做法該係配合愉景新城嘅小朋友樂園，呢度好多成幾百個小朋友喺呢個商場玩，不過放係一粥好似唔係咁夾， 使用率太低叫咗個烤豬扒包食， 配銀針粉食31hkd 太失望打開一睇果片豬扒實在迷李到食落仲要冇味，得 沙律係吊味銀針粉冇味，只係 鹹酸菜調味，好失望，重味精，如果有小朋友最好唔好叫呢個食。食咗嘢先發現同屬大家樂集團，可以用支付寶比錢趕住睇影，下次再打

平時吃的早餐是豬排炒麵加雞蛋，是不錯的，今天食的是鮮牛肉通粉，實在難吃的到一定要寫出來大家分享第一 怎麼吃也吃不到鮮牛肉，第二 一點都不滑第三 湯底的味道奇怪到不知道怎麼形容，又好像有點腥味，湯又不熱

剛剛從一粥麵叫咗個外賣乾炒牛河下午茶餐，點知返到屋企開黎食，搵晒成盒牛河，連一塊牛肉都無，完全係同呃人無分別！我以後都唔會再去食！分量佢寫到明係Q版，我都唔會期望太大份，但連一塊牛肉粒都無，我覺得佢都唔知有無落牛肉去炒！

本身都幾鍾意食牛，一日三餐食牛都唔會厭。今朝早餐食咗沙爹牛肉麵，之後去咗太子食咗個五香牛腩飯做午餐，今晚就來到這裡食功夫牛湯麵。用咗免費報紙嘅 coupon，所以買功夫牛湯麵係有紅豆冰送的。晚飯時間梗係多人，難得俾我搵到個死角位，坐住等冧把顯示。【功夫牛湯麵 $37】雖然有生菜和蘿蔔墊底，但都算大碗，有點意外添。湯底都OK，唔多覺有味精，麵質爽口。牛腩一件，炆得好腍，又夠味。牛丸兩粒，肉質扎實，都有彈牙感，夠牛味。牛肚五件，入晒味，水準唔錯。紅豆冰的冰粒嫌太大粒，應該可以打碎啲，紅豆都夠腍，成杯紅豆冰的甜度適中。明白紅豆冰只是配襯，真功夫者乃牛湯麵矣。

喺愉景新城行行下街見肚餓，去左一粥麵食個靚tea。見佢推仲細蓉至抵食超值下午茶餐，當然就要一試啦。個餐包茶啡，只要加5蚊有冰鎮凍奶茶，唔係唔加呀嘛。冇花冇假，雲吞的確係有3粒架，符合哂商品說明條例，哈哈。加3蚊仲有多隻雞全賢，不過今日唔係咁餓，下次先試。冰鎮凍奶茶同其他地方奶味甜度都差唔多，第一啖有點甜(我自己本身唔鍾意飲太甜姐)，心諗大件事，唔就得走甜添。。。不過飲落又ok喎，都唔覺得係太甜，恰到好處啦。

早上起來，阿媽話去飲茶，可惜，去開那間酒家竟然執咗笠，唯有轉軚食第樣。去了大型商場內的新式粥麵舖，貪佢中西早餐款式多，梗有一款啱阿媽食。以為阿媽會揀食粥，點知我又估錯咗。原來佢話 “超值滋味早餐” 至抵食，所以揀咗一份【蜜糖雞扒炒麵 $26】和一份【香蔥櫻花蝦腸粉 $23】。舖面算大，時間都尚算早，所以人唔算多，買完飛後，好輕鬆地搵到位。【蜜糖雞扒炒麵套餐】份量好足，有炒麵、雞扒、烚蛋和熱咖啡，$26 就有交易，真超值。炒麵有好多芝麻，阿媽至愛。雞扒都算大件，加埋蒜蓉汁，味道OK。阿媽怕膽固醇，所以剝完隻雞蛋都俾咗我食。咖啡聲稱是即磨的，但係飲唔出有咩特別。【香蔥櫻花蝦腸粉套餐】我就食個簡單啲的蝦米腸，加熱奶茶。腸粉裡面有好多蝦米，不過，我就分唔出佢係咪櫻花蝦了。加咗好多甜醬和麻醬 (其實係花生醬) 來食，因為醬料是自助地任攞的。腸粉都幾滑，都好食嘅。熱奶茶都幾有茶味。兩份早餐加埋都只係$49，咁大份，真超值。歎完之後，就陪阿媽去買餸。

晏食Lunch就諗住求其一餐，去一粥麵平平地食個下午茶餐。$34有個烤豬扒包+豉油王炒麵+燒雞翼一隻，仲有杯凍檸茶，應該唔算貴呱。等咗大概10分鐘就有得食，其實賣相唔錯㗎，點知個豬扒包拎上手唔熱嘅，心諗會唔會係隔住張紙而張紙又厚厚地呢！原來唔係，個包真係唔熱㗎，塊豬扒太過油膩，個包又凍嘅。食完包後試下個豉油王炒麵，呢個好啲因為起碼暖嘅，但係太多芽菜喇而且冇乜味，我要自行落啲鹽先掂。最後隻燒雞翼又凍番，又係得個油字。一粥麵以前都幾好食㗎喎！唔知點解依家會差咗咁多~

今日下午諗唔到食咩於是就是但搵左間野食一粥麵第1次食佢既晏晝今次就叫左個粉麵set魚蛋魚片河 配炸兩 $35佢仲有其他set eg 雲吞麵配蠔油生茶另加$3可加野飲先講個河粉分量一啲都唔少有成4粒白魚蛋 3舊魚片魚蛋好彈牙河粉唔會過淋湯底配上一啲蔥花同蒜味道即刻提升左炸兩本身無期望太多但一試果然值得一讚油炸鬼仍然保持到脆既質感外面既粉都唔會太厚而且佢鼓油無落太多岩哂我唔鍾意食太鹹既人要留意午餐時間等餐會比較耐我等個炸兩都等左成7-10分鐘打工仔要預鬆啲時間呀

今日出荃灣愉景新城行街，晚飯就同friends食一粥麵，諗住平平地食一餐就算......可能因為果日係星期日晚，所以都幾多人下..... 好多都係一家人，帶埋小朋友出黎食.....我地等位都等左20mins..... 等到有位，先至出去買野食。我地叫樓面d呀姐幫手執枱，叫左幾次先有人來執......... 可能真係太忙，唔夠人手啦...我簡單叫左個揚州炒飯，都要等成幾個字先有.... d蝦都幾大隻，飯都炒得夠乾身，又唔會太咸。不過如果d餸可以再多d就更好。簡單食一餐來講，$47 都算唔差....