爭鮮迴轉壽司 (金朗大廈)

Open Now

Now Closed

喜歡久不久便光顧爭鮮，因為他們的食材新鮮且性價比超高。壽司剌身流轉甚快，即日在迴轉壽司運輸帶上賣不完的，會通通丟棄，外賣店如是，迴轉壽司堂食店亦如是。外賣店跟迴轉壽司相比，龜龜比較喜歡廻轉壽司也品，款式選擇較外賣店多，未知是否心理作用，總覺得迴轉壽司的魚肉切得比較大塊，相對抵食。圖中的壽司都是龜龜在爭鮮常吃的，逐一介紹一下：黃金魷魚壽司 - 魚子帶有鹹味，剛好把魷魚的鮮甜完全帶出，咀嚼時魷魚溶化成漿的同時魚子卜卜作响，口感一流。魷魚壽司 - 魷魚在汪洋中屬於量產型海鮮，無論那一品種，被捕獲時都為數甚多，因此無論在平價廻轉壽司或高價鮨店，所吃的無論口感味道，都所差無幾，那當然是選平價的來吃罷，到迴轉壽司用餐，必點！油甘魚 - 屬價格較高魚種，因此一碟只得一件，此魚鮮甜味道較之三文魚及金槍魚都高，日本食肆動軋賣上HK$20 一件，以HK$8吃到一件，確實相當優惠。北寄貝壽司 - 北寄貝亦是量產型貝類，同樣的道理，平價食肆及中高價食店所賣的熟北寄貝，質素相約。爭鮮以整隻北寄做一件壽司，一般平價壽司店往往只用半隻製作一件，相比之下爭鮮用料慷慨，每次到訪，必定要吃上兩碟！

話說從來都未食過爭鮮堂食，之前有朋友話ok!所以就去試下無壞啦！不過真係好伏呀！！七點零都唔算多人，一入去就有位。個環境都好似唔錯，比得上好多壽司店。坐左冇耐，唔知係咪近廁所，聞到有尿味，可能係落雨潮濕。咁我都無視依個問題。雖然感覺真不良好。之後當然就係沖茶之類。茶杯還算乾淨嘅。不過啲豉油碟就真係唔係好乾淨，有油，揀左幾個先搵到過好，再抹下先用。茶杯上有粒不明物體... ...之後感覺一直差落去，茶冇茶味，嘢食唔太新鮮，天婦還淋過毛巾，好難咬。天呀！之後試食其他嘢，真係不了，好難食！唔好食。雖然係好平，八蚊碟，不過感覺外賣好食啲！

以後唔再幫襯大棠路爭鮮食廿分鐘野煩兩次，第一次已經搬手袋同大袋野由左去右，阿姐再叫我手袋加大袋野放廁所門口我話有財物唔見㸃，個阿姐放棄左第二次果個仲叻，叫我搬手袋加大袋野去近廁所度我話財物唔見點先，佢叫我逐件放落檯底我有大堆證書，銀包，電話，鎖匙，逐件放檯底咩?!唔見左，整污糟左，佢點賠？佢賠到咩？一張證書幾百，佢係咪陪我的士去逐間學校搞？仲有證件，信用卡又係陪我的士去搞？我即時起身話唔食，數碟後面有兩條迴轉帶死都唔開，呢個情況已經超過三個月已經食到人貼人，門口一大堆人果兩條唔係畀人食野架？畀鬼食？佢一定以為自己好叻，呢D員工點可以唔‘表揚’後悔冇問佢名，冇得點名‘表揚’

爭鮮我啲貴婦朋友係唔稀罕食，但個人覺得好食又抵。上次帶爸爸食過一次，今次放假平時對食野無乜要求既爸爸，竟然提意再去食，佢好鍾意夾啲薑黎食。上次佢食完啲碟放去我個邊，食完仲同媽咪講食得最多係我，今次我唔俾佢放過黎，食多我一倍。同男友係九龍區唔同地方都食過嫁啦，但我覺得元朗呢間係我食過最多款係迴轉帶度既。爭鮮久唔久會出其間限定，有隻長身泡芙好好食，下面有相，宜家無左嫁啦，啲吉士醬好清甜，配出面啲朱古力醬好夾，希望佢會長出。

我最愛爭鮮。原好簡單，對長期糧尾既人黎講，爭鮮又可以比您食食食，食到最儘都係百元左右，我最希望姨加就係黎一次放題既爭鮮，狂買勁多3文魚壽司翻去食，哈哈哈哈哈哈哈

呢間野平時真係唔會去 放工攰諗住就腳入左去真係中伏咩價錢咩質素其實已預左 啲壽司都係果啲無乜好影 食完一舊更加無曬心情影啲三文魚唔係唔新鮮咁簡單 根本雪到無三文魚味得雪櫃味 啲赤身睇落似橡皮糖食落似軟糖 粉既 都唔知係咩假魚黎唔係覺得仲會有其他感想下話 仲敢再食？

去爭鮮食壽司其實好睇運氣，運氣好嘅會不停食到剛溶好雪，油脂分布平均嘅刺身，然而運氣差的話，只會見到一啲放左大半日，連光澤都失去嘅刺身。然而爭鮮嘅甜品好少會叫人中伏，由最先前嘅藍莓芝士蛋糕，藍莓同芝味互相呼應，配合到好洽當，令人好驚喜$8有咁嘅質素。而最近新推出嘅甜品---北海道紅豆鬆餅內在紅豆+忌廉作內餡，甜度適中 豆味特出，外在鬆餅皮有淡淡香味另一3角甜品，名字不詳，本人叫佢做奶黃批，淡淡嘅奶黃味同樣甜度適中，值得一試，只是輸送帶上的奶黃批是凍的，如果熱食，應該會更好味但有一樣甜品，極度不推介，就係芒果布丁，一丁點芒果味都冇，仲可以話係難食

在Openrice 內有一位小弟關注的食家，寫過一篇爭鮮迴轉壽司的食評，行文尖酸，形容吃的每件壽司不是腥得過份，便是發出腐臭，要不便有異樣怪味，最奇怪是該食評還被選為經典。誠言該食家書寫流暢，風趣幽默，較之小弟文筆好上何止百倍，但那篇食評真的十分嘩眾取寵，每碟壽司皆被彈得一文不值，爭鮮出品真的那麼差勁嗎？大家試想想，一家出品如斯差劣的食肆，怎能全球擁有三百多家堂食及外賣分店？爭鮮老闆本業是經營海鮮批發的，他會把最差的交到自己壽司店發售嗎？給大眾來火燒連環船式的批判？以爭鮮的壽司售價，來貨一定不是一流貨式。但由於分店多，流轉快，海鮮用料不會囤積長時間，而且他們的成品不會擺放冷櫃過夜，賣不去的，全數丟掉，所以壽司的新鮮度有一定保證。常吃爭鮮外賣店，偶爾會吃吃他們的堂食店店，雖然堂食店每碟連加一售價HK8.8 ，售價較外賣店每件HK$3貴約50%，但我依然較愛光顧堂食店，原因有三： 第一，壽司即製後放上運輸帶上奉客，不經冷藏，水份不會流失，飯及生魚片都會較外賣店的濕潤。第二，爭鮮的堂食店壽司選擇較外賣店多很多，有時更帶給小弟不少驚喜，好像今次到訪，竟被我在元朗店發現鮑魚壽司的縱影！第三，同一

食物質素欠街海膽壽司乾晒帶子壽司唔新鮮鰻魚就冇鰻魚味花子戀出晒水食過其他分店雖然裝修冇咁靚位逼 d 但至少壽司會不繼供應店員都好 nice 但元朗呢間就真係好睇 (裝修) 唔好食唔係係冇野食先真

老實講, 太失望... 仲諗住迴轉壽司差極有個譜, 點知原來真係可以差到去哩個地步... 雖然話碟碟 $8, 但唔代表可以粗製濫造...由我企係哩間野門口開始, 原來已經係錯既決定...我禁左幾次自動門個制, 個門都開唔到, 之後坐低見到迴轉帶上面 d 壽司款式, 比起屯門或者其他分店都少, 唯一比其他分店優勝既, 就係得門面夠大...望多兩望, d 壽司食材既質素差不特只, 好似已經擺左唔知幾多個鐘都無換過... 可能閒日既迴轉壽司真係咁, 但睇得出係迴轉帶上面 d 壽司最低限度放左 3-4 小時... 某幾款壽司已經放到抽乾左水, 尤其是海膽壽司, 好似蝦膏咁樣, 毫無色澤, 但咁岩屋企人想食海膽壽司, 諗住揾師傅整過碟, 就同佢講話要碟無青瓜既海膽壽司 (佢每碟都有兩塊青瓜鋪面), 諗住佢識趣整過碟新既... 點知個師傅隨手就拎起迴轉帶上面其中一碟, 就咁夾走兩塊青瓜就俾我地, 就連舖平 D 海膽都無 (有可能係因為海膽已經硬左), 就咁0係舊壽司上面有個空位, 仲要三個師傅望住我地係咁笑, 係好唔禮貌咁笑果隻, 果下真係嬲到爆... 當然, 有部分壽司尚可接受, 例如三文魚壽司

見新開裝修唔錯咪入去試吓!入去冇乜人。唔想坐tight咪自己找個位。點知有個大眼的樓面鬼死咁憤怒地連續大聲問我幾多位幾次。我答都冇時間。我等佢爆完咪答佢一位。點知帶我坐個兩邊有人的位。又唔係旺，樓面又有幾個人做野， 點解要咁坐？算啦，心諗,都係快餐廳一間是但啦。食壽司想飲麵豉湯係好正常。舉手個大眼短髮姐姐見到我，點知應都唔應我同佢身邊個待應講，叫妳呀!嘩，我覺得佢好似覺得我呢啲cheap客未到佢， 招呼咁。算，又是但啦！問了後原來呢道冇麵豉湯的， 失敗!好啦，focus on sushi吧！飯全是冇味的。熱的壽司全是凍的。魚好像放得太耐，冇乜鮮味。 軍艦紫菜全是濕的。再算，心諗，平野係咁。埋單90幾，食了11碟先剛飽! 一啲都唔平。還有，有個肥肥地的37號 師傅，一路做一路同樓面玩，又大聲講粗口，等我食都食得唔安樂。