Video
Telephone
21511888
91452108
Opening Hours
Today
12:00 - 15:00
18:30 - 22:30
Mon - Sat
12:00 - 15:00
18:30 - 22:30
Sun
Closed
Above information is for reference only. Please check details with the restaurant.
🥰 年初 “鮨吟” 宣佈結業, 復活節趕上尾班車, 食咗 “最後的午餐”. “復出” 乃 “告別” 之母, 最近收到消息, Do 師傅重出江湖.🏘️ 餐廳新址喺銅鑼灣 Cubus, 出𨋢右轉, 進入用餐區前設一個打卡空間, 怪怪地. 再行兩步, 左邊設U型壽司吧枱, 大概20個位, 右邊靠窗幾張長方枱. 今日點咗 Omakase Lunch, $1,280+10%, 加清酒, $450+10%.🐟 刺身, 酒肴蝦餅剝皮魚魚子醬, 白蝦, 拖羅蓉白子深海池魚 鰤魚拖羅紫菜包鰹魚和牛可樂餅沙律🍣 壽司花竹蝦吞拿魚醬油漬北海道白海膽中拖羅銀鱈魚喜之次鯖魚🥣 螺頭小柱湯🍙 海膽櫻花蝦炒飯🍮 海綿蛋糕🦐 蝦餅. 用蝦肉蝦殼等製成, 中間押咗兩隻白蝦, 有趣!🐟 剝皮魚, 配肝醬. 剝皮魚滑捋捋, 肝醬味道濃郁, 震撼了.🥰 魚子醬, 白蝦, 拖羅蓉. “鮨吟” 嘅經典菜色, 魚子醬嘅鹹鮮味, 配白蝦嘅口感, 拖羅蓉嘅香氣, 一啖入口, 攪掂!🐚 白子, 配梅醬啫喱. 我鍾意白子濃厚嘅口感, 梅醬啫喱又平衡番味道, 不俗!🐟 深海池魚. 肉質緊實, 加咗少少肝醬, 增加味道層次.🐟 鰤魚. 即係野生油甘魚. 非常肥美, 油份豐富.🐟 拖羅紫菜包. 據聞係 Do 師傅早期嘅經典菜色, 肥美嘅拖羅, 絕配脆脆嘅紫菜, 加上紫蘇葉, 味道復雜了.🐟 鰹魚. 煙燻味迷人撲鼻, 配洋蔥蒜片一齊食, 可惜我唔鍾意鰹魚嘅肉質, 哈.🍘 和牛可樂餅. 趁熱咬落去, 薯蓉爆曬出嚟, 我鍾意, 但呢粒丸冇乜焦點. 📖 翻查資料: “可樂餅” 原自 法國皇室美食 “Croquette”, 以肉碎爲餡料, 後傳入日本, 則以薯仔為餡料, 日本人取其音 Korokke, 台灣人再翻譯為 “可樂餅”.🥗 沙律: 赤貝邊, 海葡萄, 紫蘇葉. 配合底層嘅酸汁, 清新爽口, 但要投訴器皿太深, 食得少少辛苦.🦐 花竹蝦. 口感滑捋捋, 用番蝦油調味, 一流!🍣 吞拿魚醬油漬. 入口柔滑, 醬油甘香.🐚 北海道白海膽. 海膽份量驚人, 原來又係 Do 師傅嘅招牌, 哈.🍣 中拖羅. 師傅話稍後出 “銀鱈魚”, 所以今日唔出大拖羅, 呢個中拖羅都相當肥美, 又夾到醬油味.🍣 銀鱈魚. 備長炭燒, 我見到師傅攞嚿炭焫落去, 香噴噴, 油份湧唒出嚟.🍣 喜之次. 又備長炭燒, 彈牙喎.🍙 鯖魚. 又又備長炭燒, 昆布漬酸酸地平衡味道, 配脆脆嘅紫菜, 超棒嘅一體感.🥣 螺頭小柱湯. 味道偏淡麗, 勝在夠熱, 同埋隻湯杯幾得意.🍙 海膽櫻花蝦炒飯. 海膽份量慷慨, 蝦肉蝦膏味道滲透炒飯, 十個讚!🍮 海綿蛋糕. 十分軟熟, 絕配 咖啡酒. 士多啤梨, 好甜喎. 🤗 總結: 餐廳設計幾個怪位, 炭燒爐放喺吧枱後邊, 師傅走動空間狹窄. 散坐用餐區望住吧枱客背脊, 唔自在. 頭頂射燈令到出相好多黑影, 我放棄了. 門口個打卡位有點畫蛇添足. 講番食物, 枱枱都係熟客, Do 師傅忙到甩轆, 但用餐節奏舒服, 出品依舊出色, 期待再訪!
continue reading
鮨吟sushi gin我已经来了三次了之前有关门过一段时间，真的很sad毕竟曾经觉得是香港最好吃的omakase最近重新开业，赶紧来捧场但这次有点点失望•先说本次最惊喜就是图3的白子！quality 真的好几层楼那么高入口即化还有很深长的鲜甜回味～～～其他的都有点意料之中。我最爱的鹅肝碎碎＋金枪鱼的配搭没有了这次的海胆手握也没有一开始的大方不过服务还是一如既往的好～师傅一直在介绍菜品问我是否有吃饱～可以理解刚开业还需要很多调整～希望鮨吟可以快一点回到巅峰状态！我还会再来
continue reading
無論喺香港或日本已經食咗好多不同主題既omakase，估唔到鮨吟仍俾到驚喜。所有壽司都係上乘，唔逐一講，提3樣比較特別：禾稈草燻鰹魚 - 禾稈草即場煙燻，淡淡既煙燻味真係有齒頰留香既效果。松露和牛可樂餅 - 外表黑黑實實，但外脆內滑，和牛融合在薯蓉中，層次分明。火炙既壽司，唔係用火槍，係用竹炭在魚身上輕輕燙熱，半生熱外加有炭香味。食到尾個甜品海綿蛋糕一定要食，明明係甜品，但咸咸地，有趣。仲有味咖啡酒，我唔鍾意飲酒，但都覺得好好飲
continue reading