鮨金和食料理 (Closed)

香港地日本菜開到成行成市，特別銅鑼灣係高級日本菜集中地。可惜太多相反變得普通，幾好既食材都變得精彩不在。但依間新開既日本菜除左必有既夢幻食材外，佢仲破舊立新，お任せ(omakase)除左壽司刺身外，連日式火鍋既お任せ都有，張日式火鍋精彩地展現給客人。除此之外師父們竟仲可以整出一些地道日本菜，地道到日本都未必食到既家鄉菜,因為我自己都係日本生活一段好長時間，當回味到依種味到時好感動。所以叫omakase 時不防問下師父有咩地方料理介紹。真係可以再黎既驚喜日本菜。

之前去過日本食omakase，今次難得發現香港都有，於是同朋友book左枱入銅鑼灣，試呢間鮨金和食料理。lunch set 食左迷你懷石料理，有刺身4款、壽司6件、和食1款，前菜沙律、茶碗蒸蛋。先黎香口野。炸蝦天婦羅上碟時熱辣辣，由紫蘇葉包住一齊炸，令紫蘇葉香滲透當中，蝦香、油香、紫蘇香，鬆軟可口。鯛魚、深海池魚。魚肉好大，完全覆蓋住飯，池魚粉紅色，鯛魚較軟，都好可口。帶子配上蟹膏，海膽配上蟹籽，鮮度馬上提升，比單一味道更好，可見廚司有花心思。 蟹籽粒粒飽滿，咬落會爆汁，好鮮甜。拖羅好難得見到，一上碟就雙眼發光。果然比想像中好食，入口即溶，非常滑溜，口感一流。最後仲有甜品做小點綴。今次lunch set性價比好高，580可以試到好多野，篇幅都寫唔曬，環境又舒服，下次會同朋友黎試一試晚餐！

我最怕二揀一，購物時一般都會兩件買哂唔使煩，食燒味粉麵都會喜歡雙拼，不過在日本餐廳吃定食通常只能點一種主菜，真開心，今午俾我搵到新開的鮨金和食料理，午餐竟然可以隨意選擇雙拼而又無需額外加錢。 玩法是A至J餐，任揀兩款，價錢以最高的計算，例如汁燒鰻魚飯 $300，汁燒安格斯牛飯 $228，賣單計$300。 前菜三點 酸汁沙律菜，kimchi 汁茄子有驚喜，腍軟入味，豐富帶點甜，調味的油有點似西班牙 tapas 的橄欖蝦油的質感，不過就冇蝦香。 茄子夠腍亦入味，燉蛋鮮香滑溜。 汁燒活鰻拼安格斯牛肉飯  據說是原條鰻魚生燒，出來的效果不錯，肉質有彈性，入口香嫩，味道非常豐富；安格斯牛肉燒至粉紅肉嫩，但食落就有點韌，估計略為熟一點效果會更好。飯香餐湯甜，好一道美味午餐。 最後可以揀咖啡茶或雪糕，我選了柚子雪糕，吃完燒肉，還是配點甜好！ 值得一題這裏的環境，鮨金並不太金碧輝煌，但啞金在漆黑中閃耀，有點古時皇族的氣派，中央是壽司吧，而最矚目是六個大魚缸，北海道雪場蟹、花竹蝦、龍蝦及鮑魚等等，見到已經垂涎欲滴。

Omakase即係日文嘅壽司廚師發辦，冇固定菜單，視當日材料而定，模式好新穎。銅鑼灣鮨金和食料理正係出名omakase，今日同朋友去試一試。點左mini kaiseiki ，午市其實仲有其他固定丼飯可選。先上左口魚，本身賣相已經靚，白雪雪，擺碟美觀，有少少青蔥，入口爽利鮮甜。平貝肉厚多汁，唔會乾身，而牡丹蝦非常大，晶瑩剔透，肉又彈牙，入口就一陣海水新鮮感。吞拿魚拖羅鋪上金箔，乍看之下似和牛，脂肪如雪花般均勻散布，為舌尖帶黎軟膩感覺，悠久不散。螺同飽魚口感相若，所以一齊上菜，先用竹籤食螺，爽口感中和番拖羅帶黎嘅油膩，帶黎另一種滋味。最後加個甜品就完美。今次淨係食lunch，價錢相對比晚飯平，人均580+10%，食物水準絕對值回票價！

I noticed 鮨金 (English name: Sushi Kin) one day as I was having lunch in another restaurant in this same building before heading to work. It was new and I decided to give it a try on another day when I had a craving for sushi.The restaurant is like your typical Japanese restaurant. There is a long sushi bar on one side where it seemed all the diners sat. There are some tables but no one sat there. Everyone gathered at the bar.During lunch time, they offer a lunch set menu. Menu is in English, Chi

踏入店舖，長廊放上日本清酒，大有高雅感覺，大堂十枱八枱，輕談不擾人，傾傾生意，計劃行政也是好地方。麵豉湯清淡不覺味濃，小小豆腐粒，必備幼滑。先嚟甘魚,魷魚,海膽,蝦甜,蝦壽司， 嗰度呢個熟食係分兩種味道嘅，。深海池魚,青魚,蝦蟹肉帶子,魷魚同埋海膽煎蛋壽司，一碟主菜兩味上，鰻魚和牛同上，唔係朋友都食唔到，一個係皇后款一個係萬元價，咁而出面係好少有咁嘅供應，係兩種顏色嘅所以呢係邊度搵呀!都係老友介紹先有得嘆。鰻魚切片燒得真係非常靚，又有軟硬口感，係咪同一般食開心樂園餐真係好唔同，佢係有口感又唔會失去鰻魚應有嘅味道，。和牛真係名不虛傳，一片入口，就有口感味道醬汁亦都少唔得啱啱好，冇油腥嘅感覺。一般配菜嘅成日都係冇乜特別嘅，加咗特別醬汁，入口就唔同曬啦!魷魚壽司入口濃濃嘅海鮮味，係喺個口腔入面，海膽形狀態更加係睇到都已經係，唔想放過佢。壽司分兩次上菜，食完又嚟食，之後又再有啲好嘅膽口食物，令到真係一餐嗰個肚係不停咁喺個口腔喺迴旋處青魚壽司入口右立口道同凡溝埋嘅時候嗰種感覺就係因間啱啱好飯後甜品或咖啡，我一聽到有白桃雪糕，我已經唔使再諗第二啲啦，即刻要咗個白桃雪糕，因為會個好開心好幸福嘅感覺，

今日牛一，特地拿了一天假攰下，兼book 埋朋友介紹最近新開的「鮨金和食料理」食lunch，怎知閨蜜打敗仗，咁唯有自己一個人去食啦一出lift，已感到這間料理非常grand，裝潢簡單中見莊嚴。侍應非常親切有禮，坐下後便遞上餐牌，我説今天想吃壽司，她便介紹我點壽司廚師發辦lunch set，就一於試下啦原來這個餐$380 + 10%，已包括了12件壽司、前菜、湯、沙律、蒸蛋、烏冬及甜品/咖啡，非常豐富。12件壽司有北海道油甘魚、深海池魚、帶子、鰤魚腩、赤貝、生八爪魚、牡丹蝦、鯛魚、左口魚邊、拖羅、松葉蟹肉，及海膽白蝦三文魚籽。魚生品質高，新鮮美味，入口即融，而且廚師配搭調味得宜，巧用柚子汁、竹炭、岩鹽來調味，帶出了魚的鮮味，超正吖前菜、湯及沙律也很不錯，食材新鮮yummy。而烏冬煙靭彈牙，湯底清甜。連最後的柚子雪糕也充滿驚喜，柚子味十足，內裡還有粒粒柚子啊！吃完成個餐後，真的生日大滿足到呢整體來說，印象超like，食物高質素，廚師手藝一流，環境舒適，服務周到，下次一定會再來試其他lunch set

聽說銅鑼灣"鮨金和食料理"是新開的，於是兩口子便去品嚐一下日本的鮮味！本人覺得新開的店舖， 樣樣都好新嘅!無論環境裝修啦!侍應生服務態度啦 !食材啦等等....總係覺得很好嘅的感覺， 果然不出我所料 ，地方真係好光猛啊！也很特別的佈置，雖然不算很大，但兩口子傾下偈下沒有人影響， 是最好的享受 ，當然仲有美食當前， 簡直係一絕，侍應生安排我哋坐靠近窗旁邊，非常靚景啊！ 其實坐下真係唔知食啲乜嘢好，於是請教侍應生介紹我哋食，真係很好的介紹首先是12件壽司，來自廚師發板嘅! 每件都很特別而且手工精巧最重要是每件都好鮮味， 12件是鮮魷魚 海膽 甜蝦 深海池魚 青魚 帆立貝 蟹肉 帶子 墨魚仔 海膽 拖羅 油甘魚....睇得出廚師的用心 ，嘩!好似去了日本當地食一樣呀。 跟住就再介紹主餐給我哋，是拼盤黎架"汁燒日本和牛拼活鰻魚汁燒"有一碗飯一碗烏冬跟的，及兩個麵豉湯添， 侍應生真係細心啦!因為其實我哋都唔想食得太過飽於是佢就將套餐合併為一個餐呢!✌✌竟然有如此服務簡直一流 講真啦!我食過咁多地方真係未試過可以為客人如此服務，希望佢哋未來都有呢個賣點啦!如果是我相信生意更興隆呀前菜:沙律 蒸蛋

今日去左鮨金和食食lunch，餐廳剛剛開業，午市人客都不少。 午市餐牌選擇好多，我就叫左一個懷石料理。首先有前菜，酸酸甜甜的漬物，入口非常清新開胃，旁邊有一個用腰果做主角的沙律，沙律醬用上腰果打成泥，入口果仁香味濃郁。之後開始刺身。由白身魚開始，入口魚油不輕，魚味清甜突出，用料新鮮。野生鰤魚最吸引，魚油非常濃郁，魚味重而不膩，魚油都不少。魷魚配上帶子的組合非常特別，用蟹膏做成醬汁最是驚喜。最後有大拖羅作結，肥美大拖羅是我吃過最出色的，魚油重魚味濃，無筋，而且入口即溶而不失口感。 和食是燒蠔，肥美而大大隻的日本蠔是我最愛，用上黑松露醬汁，加上香芋片，味道濃香。壽司是由白蝦配上三文魚籽，白蝦新鮮好鮮甜，綿綿口感最為驚喜，三文魚籽粒粒咸香出色。赤貝非常爽口，香甜的味道，爽嫩口感，非常滿意。海膽香甜香嫩，綿密的海膽，加上甜度豐富，最受我喜愛。大拖羅最是滿意，燒香後不失魚味，油香豐富濃郁，魚味更是濃厚啦。最後有魚湯和雪糕，超豐富的午餐。

今日午餐去左銅鑼灣新開業一個月的日式料理店吃個午飯。「鮨金和食料理」，一間令人用餐後非常滿意幸福的餐廳，由服務至食物質素，都令人驚嘆！懷石料理午餐。先由前菜開始。酸香漬物伴上腰果秋葵沙律。沙律用上腰果打磨的醬汁，非常香口特別，滿滿果仁香非常令人滿意。美美的白身魚刺身，非常透薄又不失口感，入口魚味竟濃郁油香不輕。野生鰤魚，即是油甘魚。入口油香非常豐富，入口即溶好比大拖羅，魚味濃郁令人驚喜。魷魚仔配上帶子，最令人驚喜是蟹膏醬汁，濃濃蟹香，配上帶子非常配合，帶子厚切清甜，爽嫩口感。刺身由大拖羅終結。肥美而油香豐富的大拖羅，入口即溶魚味極突出，巧手刀功令大拖羅賣相至口感都一絕，和食是日本蠔。濃香黑松露醬汁，伴上日本蠔，底下是芋頭脆片，香脆咸香。蠔肉肥美新鮮，醬汁帶出鮮味，略為有點濃郁的味道，都無失蠔的口感。喜之次壽司。魚肉軟綿的喜之次，魚香清甜，飯粒比例剛好，突出魚肉香軟的味道。魷魚壽司。爽口魷魚入口爽嫩，加上紫蘇葉，突出新鮮魷魚的清甜。白蝦配三文魚籽。白蝦非常新鮮鮮甜，三文魚籽粒粒香甜咸香，配合得非常出色。深海池魚。魚肉爽嫩的池魚，魚味非常濃香，入口帶輕輕魚油，是我最愛的魚類。綿密豐富的海鮮

新一年新開始，公司又出咗花紅諗諗吓唔好虐待自己食餐好嘅，之前見朋友去左呢間日本料理好似好正，見到人哋啲相,未食已經流晒口水今日坐吧枱，壽司師傅見到我立即好有笑容同我 say hello, 同佢傾傾吓計先知原來餐廳9/12新開張，唔怪之得裝修咁新淨啦！我叫咗一個lunch set首先前菜：鮑魚，螺，七彩豆左口魚，鮟鱇魚肝 口感細膩帶子刺身龍蝦膏，蟹膏兩種口味食出不同層次感鰤魚刺身 (冬天限量版，師傅話即是大條的油金魚)bully ！油脂細滑超美味！拖羅有金箔㗎！好豪華啊！滿口油花和食： 燒魚 燒蠔 蛋有少許甜味壽司六款：依左木 爽口肉質細膩魷魚🦑加上點點七味粉別有一番風味海膽三文魚子，太好味啦！超新鮮，一啖放哂入口，超級大滿足！呢個係今年食過最鮮美的海膽！牡丹蝦 爽囗彈牙毛蟹肉軍艦 好多蟹肉啊！滿口蟹肉鮮味，比起成隻蟹食，呢件sushi 蟹味更濃中拖羅 口感軟滑，魚味濃厚，絶不比拖羅差，食落質感更細緻豆腐魚湯加上蔥花黑芝麻雪糕🍦

今日公司出左BONUS, 話要食餐好既, 我話咁不如食日本野啦去左公司附近CUBUS個到新開既鮨金食Order左一個迷你懷石料理先黎雕魚刺身!好新鮮, 加埋特製酸汁十分開胃池魚好肥美超大隻既牡丹蝦好鮮甜附上金箔中拖羅入口即溶成口都係吞拿魚油! 好正呀燒鮑魚好彈牙, 一d都唔會un而且好大隻好甜間八入口感覺爽口彈牙 好鮮味池魚亦令我回味無窮帆立貝上面有竹炭，蟹味噌好香油甘魚 配上柚子鹽清爽海膽係我最愛呀一入口, 上左天堂咁呀!!推介!!飲埋個魚湯食埋海鹽雪糕真係好滿足好有驚喜

午市迷你懷石料理 $580+1 🍣刺身四款 壽司六件 和食一款 前菜 沙律 蒸蛋 湯 咖啡/甜品同樣廚師發辦  午市omakase 比夜晚便宜得多  份量不會差太多✔前菜 玉子及日本螺把底部燒焦的玉子甜蛋  賣相很用心 日本螺體型大  肉也厚✔刺身鯛魚肉質更結實  薄薄一塊刀功很重要 在面頭加上蟹籽 配上醬油一起吃  真的很鮮甜✔深海池魚魚的厚薄剛好  魚本身肉質是有點結實  咬下去魚油份量不會很多  魚的味道會慢慢出來✔牡丹蝦非常大隻  新鮮每日送到  十分鮮甜  基本上不用沾任何醬汁已經吃到它的鮮甜味✔拖羅讓人雙眼發光的拖羅看起來非常粉嫩  配上金薄作點綴  脂肪分佈平均 像一片粉紅色的A5和牛  吃下去入口即溶  魚油的香味還能持續一陣子✔和食原隻燒鮑魚 賣相非常吸引  用上小許甜味的醬汁烹調  鮑魚的火喉控制得剛好  非常有咬口✔間八肉質甜美  脂膏豐腴  是頂級的食材✔池魚這款的口感及味道跟刺身的差不多   不特別介紹✔油甘魚魚肉中間夾了柚子  配上花的清甜味  令魚的味道更突✔帆立貝上面有竹炭及蟹味噌  基本上不用沾任何醬汁  帆立貝極肥美  咬下去沒有根  入口已慢慢融化

我一向都鍾意食日本菜，而得知最近銅鑼灣食廈Cubus開左新既日本菜，所以我嚟到食睇下質素如何先。 Cubus 12樓就係呢間新開既"鮨金" 。店內環境如下。仲有私人房添，增加私隱度。我就揀左坐壽司吧枱。我下午嚟到食，menu選擇方面包括有迷你懷石料理，lunch omakase，西京燒，魚生飯，鰻魚飯，汁燒牛扒，日本和牛，豚肉，天婦羅等選擇，價錢由$158-$580等，而我就食迷你懷石料理($580+10%)。迷你懷石料理包括前菜，沙律，刺身４款，壽司６款，和食一款，湯，咖啡或甜品。刺身方面有左口魚，配上燒汁食，亦有鰤魚腩，拖羅同牡丹蝦。鰤魚腩同拖羅都油脂豐富，而牡丹蝦幾爽口。之後就到壽司６件，６款都新鮮而個人最喜歡就係海膽同拖羅壽司。海膽選用北海道海膽，鮮甜得嚟亦都creamy，加上三文魚籽喺旁邊。至於拖羅油脂係非常甘香。今次既和食就係花竹蝦，用蟹膏炒過更加香，花竹蝦既肉質就幾爽口彈牙。魚湯味道幾香濃亦夠滑。最後以芝麻雪糕作結。今餐我食得滿足，以後我喺銅鑼灣又多一間食日本菜既選擇了～