鮨千寿 (PopCorn 1)

Open Now

Now Closed

跟今鮨同一集團的日本料理將軍澳分店。連同午市，差不多光顧過二十多次。晚市沒套餐，散點價錢中上。菜式質素參差很大，點錯菜式會令你劣評負評氣憤難平。要點魚生刺身，日本直送的最新鮮。上次試過秋刀肥美鮮甜。再試赤鯥就差了點。象拔蚌新鮮但幼身條切口感很差。這次Menu沒甚麼選擇，再點象拔蚌，指明厚切。依舊新鮮，口感明顯比幼切為佳。這價錢來說可以一試。前菜鱈魚干，天婦羅蝦不錯。應有水準。串燒這店做得不錯，特別是手羽先跟牛舌，油香肉質都出色，價錢合理。之前試過白鱔，廣島蠔，和牛等等，一般至中上，不介意價錢可一試。牛肉鍋飯一般，飯水份重，過軟過粘。泡菜豬肉鍋飯，豬肉有點騷味，泡菜味不夠。總括來說，個別菜式質素甚好，但也有不少帶伏菜式。將軍澳區高質日本菜選擇其實不多，低一點性價比在所難免。外區客選擇更多。

太可怕了，不能想像這個價錢有這種垃圾水準，加拿大海膽極度低質，魚子入邊好似裝住啲鹹嘅水咁，唔知做咩，同我曾經喺日本食嘅相差甚遠，差太多太多了串燒最少40蚊以上，但質素同我平時食開20元的差不多或更差，不知所謂最好味都係杯茶，俾一個好靚嘅杯裝住，簡直完美服務員都唔錯總結黎講啲間野嘅質素唔錯，除咗啲嘢食我真係要去日本食番餐回一回氣，唉

新張人潮效應漸退，終於可以在週間晚餐時段一試。坐壽司吧檯，可以目睹各種海產食材的狀況及流量，也可瞭解師傅的衛生水平。先點幾件油甘魚壽司及鯛魚壽司，肉質新鮮有彈性，油脂豐富，醋飯的調味剛好，帶出魚的美味。芝士青瓜鰻魚卷，感覺創新，米飯的份量恰當，青瓜加強清涼口感，但只能略解芝士的膩，漿口的滯悶揮不去，也搶走鰻魚的味道。清酒煮蜆，中規中矩，蜆的數量不少、體形夠大，無沙兼有咬口，可惜毫無鮮味，靠蔥絲紹菜補足。牛柳粒石窩飯，熱力夠，窩邊有微微飯焦，牛柳柔軟無筋有油香，粒數也足夠。熱蕎麥麵配沙追天婦羅，蕎麥麵粗糙無香味，應該是從乾麵條煮出來，肯定不是新鮮手打;天婦羅的炸粉頗厚，食完有涸喉感覺，沙追魚的質量亦一般，真的不應在壽司店吃天婦羅。後記: 魚生櫃內冷凝管鋪滿積雪，師傅放入食物膠盒曾有碰撞，散下積雪沾到魚生表面，有機會導致食物安全事故!!

與一位小朋友去晚膳，小朋友食左個牛肉飯，小朋友話都ok，自己點左刺身及一小瓶Sake，味道也可以，然而找數要$1200，這個價錢與食物質素不成正比，絕對唔抵食，去別處吃可以好好多！

開張嘅時候曾經光顧過此店第一次水準是可以的，當第2、3、4、5次再去時，已經不及開張時的水準，份量大縮水。今次過了三個月在到訪此店，份量已經回復正常，我們點了北海道魚生飯及雜錦魚生飯，魚生是可以的，可惜飯加入了太多醋及水，飯又爛又酸，希望貴店多加留意, 因價錢不是便宜，請嚴格控制質素。此外，此集團聘請的員工一向都不夠專業，沒有親切笑容，不會打招呼，也不是話頭醒尾，希望多加培訓前線員工，尤其是經理級的。希望下次來會有改善。

星期六中午時段，餐廳依然人流較少，頗多空枱。2人叫左4樣食物，$750左右。味道普通，不過不失。刺身ok整體比預期中失望，無任何驚喜，唯一蟹粥太鹹，飲左幾杯茶。

今日係同老公的週年紀念日。呢間店鋪裝修時用左張好大嘅海膽三文魚籽飯黎做廣告，好吸引我既目光，所以我就決定今晚黎呢度食。我地叫左個加拿大三文魚籽海膽飯。但係同期望差很遠...... 味道普通，唔吸引，海膽唔算鮮甜。唔會再食第二次，性價比低....老公叫左個極上壽司拼盤， 其他壽司如蝦都ok 嘅...另外叫左個燒鵝肝，都係好普通...呢間鋪頭主要食裝修，同店員人數眾多...呢個價錢係其他地方應該食到更好嘅野。

早幾日朋友聚會，朋友帶埋BB 過黎，同埋慶祝生日，咁就諗住要揀一間坐得好小小既餐廳食好D。店舖環境唔錯，仲有好多師傅添。睇睇佢份menu先，刺身同壽司價錢就比較貴，但熟食價錢就相對合理一點。海膽刺身配蔥吞拿魚腩卷，海擔新鮮美味，蔥吞拿魚卷都幾好味。壽司拼盤，有十款。雞軟骨，燒牛肋骨，薯絲蝦佐蛋黃他他醬油甘魚薄切佐柚子醋，賣相漂亮，油甘魚都好鮮美。三隻日本蛋黃天婦羅，半年前去日本食過，好難得係香港有得再食，貴就貴D，但值得一試。仲有叫煙肉蕃茄卷同埋明太子蟹肉石鍋飯，不過就無影相。野食係好食既，我地砌埋蛋榚，加埋一百蚊切餅費，埋單一人400蚊。

將軍澳位於九龍半島以東📍，本來為陸上人煙稀少⛰，以水上人為主的小漁村⛵，但現已發展為香港新市鎮之一🌟。而將軍澳地鐵站上蓋🚉，正正有著這大型商場🛍，網羅了城中多個著名品牌及食肆🛒，絕對是為附近居民帶來不少的便利👏。這晚的覓食目標是一家新開了幾個月的日本食店🇯🇵。餐廳的空間感很大🤩，而作為主打壽司的日本食店🍱，魚生師傅工作的吧檯又怎能缺少呢🔪？🔹壽司盛合🍣包括了10款壽司🔟，由帆立貝🌊、蟹肉🦀、三文魚子🐟、玉子🥚等，當中最突出的一定是蟹肉壽司🦀，入口鹹香甘甜😍，簡直是讓人一再回味😋。🔹火炙三文魚手卷🐟魚油豐盈🤤，肉質肥厚👍，整體油而不膩💖。🔹蔥吞拿魚腩蓉手卷👐入口幼細香滑😌，軟綿綿的口感加上脂香😳，與蔥的微辛引發出微妙的化學作用💚，伴以珍珠米飯吃🍚，唯一的感覺就是幸福💝。🔹炸廣島蠔配黑松露醬🔥薄薄的炸漿😍，外層口感酥脆😋，配上肥美的蠔肉🌊，點上了醬汁💛，入口有萫陣陣松露的香氣😌，滋味十足💓。🔹明太子蟹肉石鍋飯 🍲飯面鋪上明太子🧡、蟹肉🦀、芝麻🌻等，品嚐前先把所有拌勻🥢，明太子的鹹味配上微焦的鍋巴💞，味道香潤🤩。💭總結新鮮的食材🌊，遇上大廚的巧手🧐，成就了美好的一個晚上🌙。如果你也對高質日本

出左糧, 決定同同事食番餐好野北海道刺身飯 $178同MENU唔同, 海膽係細細粒果D~D材料都幾鮮味, 同埋足夠比你送哂成碗飯唔洗慳住食完仲有個日式甜品(似蕨餅)飽到抱住個肚離場呢~呢個價錢都還可以呀~

POPCORN 有間新日本嘢 🤩 萬歲～呢度有吧枱可以睇住師傅整嘢食亦都有 regular 嘅枱凳同卡位帶小朋友嚟食都可以坐得舒舒服服【壽司拼盤】唔係淨係得握壽司創意度都唔錯，無咁悶～除咗壽司仲有件玉子𠻹 😋就咁睇都見到壽司嘅刺身好有光澤，好新鮮而且賣相都好精緻我比較鍾意甜蝦壽司同輕輕炙過嘅左口魚壽司前者脹卜卜好漿口，後者就勁滑嫩 👍🏻後面係拖羅蓉卷，略嫌唔夠工整不過拖羅的確綿滑好食前面左邊嗰個淺啡波波係蟹肉壽司！啖啖蟹肉超正呀 🤤碗入面嘅三文魚子勁飽滿大粒～【醬油牛蒡漬】另外點嘅牛蒡漬好爽脆【松葉蟹蓋石鍋飯】蟹蓋有四種不同嘅顏色塞滿咗松葉蟹肉、蟹膏、蟹籽加海膽睇見都流哂口水，哈哈價錢只係 $178，性價比超高！蟹膏絕對夠哂撈石鍋飯啲飯仲加咗啲飯素，連埋啲飯焦好惹味【炸芝士野菜沙律】突登揀咗個香口啲嘅沙律 🤣芝士好 rich 又唔會好膩portion 都幾大份 🥗

將軍澳呢個商場有好多好嘢食，今日就試吓呢度嘅一間日本餐廳，外面睇入去非常之高檔，餐廳唔算排位排得好密質質嗰種，一個位同一個位中間都好有空間，我同朋友兩個人去食，佢哋仲俾咗張圓台我坐，如果系出邊坐圓枱應該可能都要四個人先坐得。呢間餐廳我最鍾意佢嘅地方就係佢有個好長嘅壽司吧，你可以睇住佢哋喺度握壽司，佢哋好專業咁樣去整啲壽司俾你食，唔知點解睇到呢個場景覺得啲嘢食特別好食，咁我哋就叫咗一個壽司定食壽司定食嘅選擇好特別，佢提供俾你嘅壽司都唔係你平時一般出去可以係外面食到嘅壽司，個外型係好唔同嘅，雖然食落其實都係三文魚子啦，紫菜啦，同埋醋飯，但係佢做出嚟個配搭係外觀上已經贏咗壽司上面嘅魚生都幾新鮮，而紫菜都係好脆嘅，我個人好着重塊紫菜，因為我覺得如果紫菜唔脆，舊壽司就會好難食另外我哋叫咗個石鍋鰻魚飯，而家鰻魚飯已經係通街都係啦，所以一件咁普通嘅食物整得咁好食都唔係咁容易嘅，佢嘅鰻魚係一啲都唔會覺得老，可能我個人唔鍾意食飯焦啦，所以佢呢個石鍋飯冇飯焦我其實覺得好開心最後我哋仲帶咗一個季節鮮果雪芭，兩個人叫咗兩隻唔同嘅味，我叫桃味而我朋友叫咗柚子味，雪芭都唔係間間餐廳可以食到，所以呢度有得食價錢又唔

見到<鮨>字即代表又有正的日本菜食，今次就食了位於pop corn的的新餐廳鮨千壽，店內裝潢很漂亮，見到枱面的餐枱紙，才知是連鎖餐廳，公司有不同的日式、越南菜及café。枱與枱之間都相隔有一定距離，而且枱大座位大，如果安排到卡位，座位會寬敞。另一吸睛的是有很多店員，壽司枱的師傅也一字排開，足有9-10個師傅，食物未到已經感覺到那股氣勢。食物有不同選擇，但感覺壽司是比較貴，所以我們就選了其他熱食炸物等。蟹粥，冬天蟹肉肥美，所以特別點了個蟹粥，內有一隻蟹，粥內散滿蟹膏，蟹肉結實一絲絲的，粥也清甜，一窩粥可分約4小碗。美國牛柳粒石窩飯，加了生雞蛋入石窩飯內，上枱後記得即時攪拌，可拌熟雞蛋及減少飯焦。牛柳粒是頗林的，大大粒有口感，可能加了醬汁，味道也頗濃郁。牛乳蟹肉薯餅，內裡的材料很creamy，一咬開即流出，有芝士、忌廉的味道。

這間是集團式既分店，同cherry , what the pho等等同一集團，所以都有小小期望。新開頭幾個月，都有很多人排隊，這個星期六的lunch時間終於見到門外沒有人排隊，就入去試一試。見到Menu價錢都幾昂貴，例如一件海膽要過$100，一件鮮蝦壽司都要$50以上。最後叫了這些平時食開又比較便宜的。三文魚🍣沒有三文魚腩哦，所以比較瘦😂新鮮的，都幾甜。八八魚壽司都好新鮮，幾好咬口，不是乾乾的便宜貨。火炙左口魚裙邊壽司非常非常肥美，入口即溶，肥美程度令人感到有點油膩🙊🙊🙊辣吞拿魚蓉壽司，不過不失。鰻魚飯的鰻魚很大塊非常肥美下面的蛋和醬與飯撈埋一起，非常好味size不大，食完只是剛好，細食人岩食。整體感覺，食料新鮮，但同此價錢比較，并不值。同等價錢出去可以食到更加美味可口的。所以唔會再食了🤷🏻‍♀️難怪無再見人排隊🙈

帶媽媽來食Lunch，server上錯菜，還裝作什麼都沒發生。。。直到我們問起才說換一份。上菜時油滴到我的包上也裝作沒看到。食物不錯，但是服務失敗，讓人也沒有心情享受美食了，很失望。