舍利鮨 (Closed)

今日去到元朗舍利鮨食 Omakase，由日本廚師發辦。餐廳環境優雅，欣賞廚師精彩刀法，看到日本藝術宴。廚師因應季節變化，揀選時令食材製作料理，發辦幾款精選菜式，不加調味，已經嚐到刺身嘅鮮美!伊佐目 - 香甜鮮味。深海池魚 - 魚嘅味道較濃重，油份豐富，好肥美。目光魚 - 魚身味道極濃，配白粟米飯好夾。秋刀魚 - 肉質軟滑，鮮甜而不帶腥味。金目鯛 - 色澤鮮紅，鮮嫩口感。鰆魚 - 肉質鮮美而且香味獨具，一試令人難忘。鰤魚腩 - 魚肉有光澤口感清爽。舍利鮨地址：元朗安寧路38號世宙商場地下6號舖

元朗愈黎愈多好野食，今次聽住元朗既朋友介紹舍利鮨既 omakase，聽講性價比好高。黎到佢裝修好新，顏色用左好多muji既木顏色，相對溫和比人有種舒服既感覺，對於有要求既朋友一定鍾意。前菜係天婦羅避風塘白紙配白粟米，聽左個名都覺得好特別，而且白粟米好少機會食，而且開胃有種解油膩既感覺。趁食完仲有少少記憶，食左天然九繪魚、伊佐目、干瓢卷、白象拔蚌、鰆魚，都係相對特別，魚味都好重同新鮮，我個人就好鍾意象拔蚌口感，非常爽口。另外，第一次試甜蝦配蝦膏呢個配搭，好突出到蝦膏既鮮甜味。

朋友推介話元朗有一間性價比好高嘅Omakase，所以點都要過黎試試佢先～今次去試佢地個dinner set。一見到門口已經覺得好有日本感覺🇯🇵，而且座位都好闊落，食得好舒服～食得出食材好新鮮，刺身最印象深刻一定係秋刀魚，佢地用左特別嘅方法去淹制，味道好新鮮好清新！而天然九繪魚就係第一次食，爽口之餘仲要好甜美～師傳喺伊佐目魚介左唔同嘅紋，咬落真係非常非常非常彈牙，好出色呀～之後見到仙鳳趾生蠔個size 真係心心眼，因為佢真係好super mega size 😍壽司醋飯調味同份量係好好，好滿足～最後我仲見到隔離枱係到慶祝生日，原來餐廳仲有呢個少少嘅窩心安排 😚📍舍利鮨地址: 元朗安寧路38號世宙商場地下6號舖

好小有機會入嚟元朗食飯💭今日就同朋友嚟度呢一間超人氣OMAKASE食晚市套餐🥰-仙鳳趾生蠔嚟自北海道嘅仙鳳趾生蠔 肥大肉厚 蠔肉滑口 口感非常creamy🦪-伊佐目肉質細嫩柔軟 食落充滿油香-白象拔蚌個人認為生食白象拔蚌刺身能夠充分體現佢嘅鮮美味道濃厚鮮甜 充滿海水味 口感爽利-目光魚 白粟米飯目光魚作為白肉魚類 佢嘅脂肪含量較低 配飯食更體現出魚肉清甜嘅味道-石垣貝石垣貝相當特別 顏色係漸變嘅橙白色味道口感同象拔蚌差唔多 非常爽口-秋刀魚-醬油漬大拖羅經醬油浸醃作熟成醬油漬 味道濃郁令大拖羅豐富嘅油分平衡醬油嘅鹹香-金目鯛金目鯛鮮紅色嘅魚肉令賣相好吸引油份飽滿 肉質細滑

元朗嘅高級日本餐廳舍利鮨，Wilson師傅所主理，佢經驗豐富，對煮食有熱誠，令不少客人都好滿意，連我都唔例外，呢次就一試佢哋嘅人氣晚市omakase。佢哋嘅用料都係新鮮上乘，全部都好好食，我呢次只介紹幾款我自己最鍾意嘅。石桓貝：石桓貝大多都嚟自岩手縣，佢哋呢個月就最當造。而師傅會喺切之前拍打一下石桓貝，為咗令細胞得到激活，令原本經已清爽嘅肉質變得更佳口感。鮟康魚肝配烏魚子：嚟自北海道嘅鮟康魚肝，經過醃製、過篩等手法處理，令其口感變得有如雪糕咁綿密，再加埋野生烏魚子，海水嘅鹹香味變得更濃。池魚：池魚魚味較濃，肉質鮮嫩，口感嫩滑，做成軍艦，更能突出魚肉嘅味道。海膽：海膽鮮甜，又夠新鮮，用料夠豪爽，令人食得好滿足又開心。醬油漬大拖羅：醬油漬係日本傳統中嘅一種食法，而醬油中嘅鹽份會讓魚肉稍微脫水，令醬油所帶嘅風味更易滲透於魚肉之中，令魚肉有如果凍般嘅口感，而呢次用嘅係大拖羅，油脂較豐富，令食嘅時候更軟滑之餘，仲多添一份油香。鰆魚：依家呢個時間剛剛開始，喺鰆魚最肥美嘅時候，銀身魚比人一種會好重口味嘅感覺，但鰆魚相對其他而言比較清淡，佢嘅鮮味同甘味都比較淡，而魚肉本身都無霸氣般嘅腥味。而肉質口感柔

Omakase 近年係香港大行其道，就算去到元朗一樣有高質Omakase，朋友推介位於元朗世宙商場地下的舍利鮨，屬於一間可以一再翻食的高質Omakase。餐廳佈置優雅，極有日式風格，全店約有10多個座位，尚算寬敞舒適。餐廳師傅每碟都會細心講解，服務一流。深海池魚，肉質鮮嫩肥美，脂厚油香，入口魚油甘香細膩。秋刀魚刺身，粉紅色魚肉，入口甘香。九繪魚刺身，白身魚肉質厚實有彈性，好食。鰆魚刺身，魚肉結實肥美。

Omakase 系列今日專登入元朗食舍利鮨，呢間餐廳鼎鼎大名，聽左佢地個名好耐了，果然名副其實！門口已經比人好高級既感覺，勁似去左日本食高級料理🥰 分享下最吸引我既幾道料理，其中有天婦羅避風塘白粟米，呢道料理坊間比較少見，但卻好啱香港人嘅口味，天婦羅炸物，配上避風塘蒜香味，再加上好甜嘅白粟米，估唔到出嚟嘅效果係咁夾。然後仲有白粟米飯，配上切到好碎既蔥，香口惹味。之後唔少得壽司類，依度有我最愛嘅海膽，最近不是海膽旺季，但呢度嘅海膽好新鮮，甜嘅程度可以到8-9分，簡直人間美食！亦有多款唔同嘅魚類壽司，例如依左目，金目鯛同埋激肥美嘅醬油漬大拖羅。食到十分滿足👏

元朗近年都有好多好嘢食要數到高質日式料理都係第一次開發呢區$1680 Omakase非常開心盡興的一晚令我最回味莫過於大間拖羅壽司😋✧避風塘風味白子天婦羅 （必食推介）▫️第一次食呢個配搭充滿新鮮感👍🏾外層炸得酥脆內裏白子軟滑creamy，再配以港式避風塘風味醬，日式料理港式風情絕對有驚喜❗️✧目光魚一夜干（佐酒必食）▫️充滿鹹香味，佐酒小食一流配搭！一啖魚一啖3粒米大吟釀清酒簡直絕配👍🏾完全帶出酒裏果香甜味✧北海道仙鳳趾珍蠔（私心特別鍾意）▫️蠔味重配以醋啫喱酸甜鮮滑creamy ✨+ $500 有6杯 Sake Pairing🍶飛良泉 飛囀-HITEN 微發泡生酒🍶飛良泉 飛囀-HITEN 鵠HAKUCHO 純米吟釀black lable🍶Johmine大嶺酒造3粒米火入山田錦 純米大吟釀🍶天領盃 雅樂代 日和 生酒🍶英君播州渡船純米大吟釀🍶天領盃 TIME MACHINE OUROBOROS

1. 白象拔蚌師傅加左柚子皮同青檸調味非常清新、新鮮、無腥味2. 秋刀魚刺身師傅加左紫蘇花 另外點秋刀魚肝醬肝醬味苦 所以師傅提醒客人先單獨試左肝醬味道先 如果不能接受就skip3. 池魚tataki 微辣，本人認為有少少少少過咸，少少浪費左個池魚4. 北海道仙風寺蒸壕師傅強調只是蒸熟左隻壕，未去到全熟，不加任何調味，只食壕本身既鮮甜味，係新鮮既，但本人就覺得蒸熟好似有少少浪費5. 深海池魚壽司比較爽口，新鮮，魚味不明顯，適合不能接受腥味既人類6. 岩手縣石垣貝壽司拍返醒佢😂😂佢真係有郁，但要影就要快！要食都要快！等佢不再郁動，食落都會無咁爽口脆口！7. 避風港炸白子+白粟米一上菜就想講，係咪老乾媽？！有一塊仔生菜🥬包住炸既白子，香口惹味，想食多幾舊8. 炙燒馬鮫魚+柚子胡椒微微炙燒既魚片，同微鹹既柚子胡椒都係夾既，唔好落太多9. 富沙灣白蝦壽司正常omakase水準，沒有特別10. 赤海膽壽司略嫌比得有d少🤣海膽味甜，輕身，完全沒有腥臭味11. 大Toro壽司野生既Toro，不是養殖Toro既入口即化，要慢慢咀嚼魚香12. 中Toro壽司本人覺得呢個中Toro同平時赤身差不多，都好有

I was running a bit late due to parking issues in Yuen Long. I arrived a bit late, so the omakase experience was a bit rushed.We had 12 sushi’s as part of the lunch menu. The fish were v fresh, the rice was soft, with a reasonable amount of wasabi added.The highlight of the meal was the smoked tuna, which was v soft, and melt in your mouth.The atmosphere was v good - simple, elegant, and v Japanese. Makes me want to visit Japan again!

📍 舍利鮨 (元朗)元朗安寧路38號世宙商場地下6號舖👨🏻‍🍳 Wilson 師傅唔經唔覺 元朗已經開左7至8間omakase 但只有兩間有回頭食 舍利鮨就係其中一間🫣 今次最開心係佢地做緊sake pairing promotion $250/6杯 一邊飲一邊覺得抵到難以置信🤯😍 呢個promotion做到9月30號咋 快啲book!! 🍶 是日餐單: 厚岸真蠔愛知縣白象拔大阪灣手釣池魚 配薑蓉/蔥蓉昆布森鰤魚魚腹 做左真空熟成鱧魚天婦羅 配梅子醬太刀魚 一夜干 蘿蔔蓉石垣貝🌟 白子天婦羅 配避風塘辣醬 白粟米 (愛上左個醬😍)🌟 秋刀魚卷金目鯛白蝦 竹炭鹽 青檸汁🌟 松蒲 紅盒 白海膽炭燒 深海池魚鮟鱇魚肝 土耳其烏魚子 (<- 第一次食土耳其烏魚子!!)松葉蟹斧飯 (再乾身啲會仲正🤤)鮑魚肝醬炒鮑魚小肌 赤身青森大間 otoro玉子燒湯/生果Taste: 👅👅👅👅Value for Money: 💰💰💰💰Will I go again? Yes(on a scale of 0-5 emojis)

今年第一年同男朋友拍拖周年。有儀式感嘅我哋當然要食得好d☺️喺網上面search之下，搵到喺元朗嗰度有一間好多人推薦嘅日式餐廳。而且comment都幾好。所以我就早早book定位同男朋友嚟試吓。餐廳嘅門面同入邊嘅裝修都好靚，好日式嘅感覺，好似去咗日本咁。而且環境都好舒適同坐得好舒服😌。真係就算坐耐啲都唔會厭🤣食omakase 嘅好處就係可以見着廚師煮嘢俾我哋食。知道佢點樣去處理新鮮嘅食材。感覺就好似睇緊人表演咁。呢個我覺得幾特別👍🏻嘢食方面都幾新鮮。先講個北海道仙鳳趾生蠔。蠔肉非常肥美。入口鮮味，再連埋喺上面嘅醋味啫喱一齊食，感覺幾清新。而醋味亦都唔會覆蓋左蠔嘅味道。反而令蠔味更濃郁。呢個配搭非常之好跟住就係金目鯛壽司。口感非常彈牙，味道爽甜，就算唔點豉油同Wasabi，都已經好夠味👍🏻再配埋壽司飯。味道啱啱好，唔會覺得太漏👍🏻之後就係鰹魚醬油漬。醬油味比較重，但絕對冇搶過鰹魚嘅味道。鰹魚味道非常濃郁。連埋蔥仔一齊食啱啱好中和返個味道。令到成件事有好新鮮嘅感覺。呢個比較有驚喜！另外一個我覺得好唔錯嘅就係左口魚磯邊卷。首先佢個賣相已經好吸引。紫菜包住魚肉呢個食法我都係第一次試。但味道鮮甜，

好朋友生日，所以決定食揀返之前食過嘅舍利鮨。我地之前食過一次。覺得佢嘅食材好新鮮。而且性價比高，服務又好☺️。而且場地同環境都比較清靜舒適，好適合三五知己約埋喺度食飯。所以我哋就好快book好位，再嚟食餐好嘅😆😆既然個friend生日我哋就梗係要開始酒嚟慶祝吓先🍾️🍾️🍾️🍾️🍾️，飲完就爽完。就即刻食我哋嘅生日飯。☺️☺️☺️我哋先試嘅就係北海道仙鳳趾生蠔。生蠔超級大隻超級大隻。口感非常飽滿同creamy. 好嘅上面放咗少少醋味啫喱，令到蠔嘅鮮味更突出同比較清新。呢個真係好滋味😋😋😋之後再食嘅就係真鯛壽司🍣。呢個魚肉超新鮮。味道超級鮮甜，完全冇魚腥味。肉質爽口彈牙。而且脂肪嘅比例好平均。非常好味😋跟住就係深海池魚壽司🍣。肉質就比較結實，但都好爽口。可能因為深海魚嘅原因，我覺得佢嘅魚味比較濃郁，而且好鮮甜。呢個真心好食👍🏻😋之後就係大拖羅。拖羅肉非常厚身，脂肪分布平均。一睇就知道係極品🤤🤤。食埋落口真係有肉入口即溶嘅感覺😋，吞拿魚味非常濃郁及鮮味👍🏻成餐飯嘅食材真係好新鮮。呢一樣嘢我覺得非常讚👍🏻值得推薦比家人同朋友👍🏻

今年同事升職，所以我哋特登揀咗一間喺元朗好出名嘅Omakase 同佢慶祝一下😆。個重點係有老細請，尤其是唔係成日有機會食到🤣梗係食盡佢啦🤣🤣🤣嗰度個環境同裝修都幾靚，座位都算舒服。仲可以望住有禮貌又靚仔嘅廚師整嘢食😍。呢樣嘢真係好加分🤣佢個set都算多嘢食，大約有20幾款菜式。包括左前菜，燒物，刺身，壽司，卷物，湯同埋甜😍😍。其實樣樣都好好食😋不過總有幾樣係好得我嘅歡心😋😋😍😍赤背刺身-通常赤背都好容易有腥味，但呢個完全冇。而且本身超級鮮甜，加多少少檸檬汁。完全將佢個鮮味升華到另一個境界😍左口魚磯邊卷- 特別嘅配搭。紫菜鮑魚左口魚同醃蘿蔔再加埋特製嘅醬汁。成個感覺好新鮮😍。醃蘿蔔同醬汁令到魚嘅鮮味提升左。味道非常清新鮮甜。好食👍🏻👍🏻清湯燉鮑魚-湯嘅味道滲晒入鮑魚入邊。令到個鮑魚味未更香更鮮。而且火候較到啱啱好，唔會煮到過熟。肉質爽口腍身。完全食得出食材好新鮮👍🏻鱧魚天婦羅- 師傅用咗紫蘇葉捲住鱧魚一齊拎去炸，炸得非常乾身。口感外脆內軟，魚肉非常彈牙。鱧魚配埋紫蘇葉同莓醬一齊食，味道有少少酸甜，反而冇咗個油膩嘅感覺。非常好食😋我覺得呢一間Omakasa嘅食材非常新鮮。而且款式都幾多。真

終於等到放大假，所以一定要食餐好嘅黎慰勞吓自己😋。之前朋友介紹過喺元朗嘅舍利鮨味道幾好同性價比高。所以決定去試吓。去到都唔算多人，所以好快就安排咗我入去坐。我發覺佢個set都幾多嘢食，而且每道菜嘅賣相都非常吸引。但最啱我心水嘅係以下呢幾樣😍第一樣就係蓴菜三文魚籽杯，我第一次食蓴菜，質感比較特別有少少似透明嘅啫喱。味道清甜爽口，配埋有少少鹹嘅三文魚籽。味道真係好清新。之後就試赤背刺身。呢個味道鮮味，完全冇腥味。廚師嘅切法，令到個刺身嘅口感更加豐富。跟住就係清湯燉鮑魚。個味道清清地，但就有好香嘅鮑魚味。口感好腍。唔錯再繼續食嘅就係櫻煮八爪魚。味道鹹鹹地，自家製嘅醬汁反而帶出咗八爪魚嘅鮮味。而且佢煮到啱啱好。唔會覺得好硬同韌。之後就係我最鍾意嘅海膽杯松葉蟹肉。成杯都有勁多海膽，而且味道非常鮮甜。完全滿足左我對海膽嘅慾望。蟹肉同海膽嘅配搭係啱啱好。完全唔會搶咗對方嘅味道。呢個真係超級好食，如果可以嘅話好想再食多一杯🤤之後我食埋甜品，就完美咁結束咗我今日嘅美食之旅👍🏻