爭鮮外帶壽司

Open Now

Now Closed

今日收工去觀塘做運動，未夠鐘，就揾d野食醫下肚。黎到觀塘廣場，見到好多人拎住一兜一兜的食物，隨著源頭尋找，原來係爭鮮新推出既關東煮！每次到日本，我都好鐘意去日本的便利店食關東煮，尤其係冬天，拎住一碗熱騰騰的關東煮真係好滿足，仲要裝一大碗湯飲晒佢。由於對關東煮的熱愛，決定試一試爭鮮既新產品。就咁睇樣，都好似幾吸引，似模似樣，而且有8款食物，選擇算多，全部都係8元。於是，我地選擇左呢兩款。獅子狗太腍，成個咬落去既感覺係煮得太耐。另外果條都唔知係咩，似係魚蛋既朋友，咬落就偏硬。兩個都無咩味，湯既味道亦太淡。總之就係難食，感覺中伏了，我都好少俾負評，呢個真係要負一負。16蚊我寧願去買5舊壽司，都唔值得一試，好失望。呀姐仲要好惡話唔俾我影相。唔俾影都唔洗咁惡既。

去完銀行經過觀塘廣場心血來潮 好想食爭鮮咁就入去買左個平價魚生飯一向 都覺覺佢呢個飯又平又好味38蚊有幾樣小食再有三文魚woo三文魚 質素唔係話好好味道不過不失 食得過而小食既味道 其實又唔係好差$38 黎講 真實真係唔錯

原本想食迷你雜錦飯，不過唔知點解睇唔到，所以食呢個。三文魚唔係特別新鮮，但無雪水無怪味都叫可接受。反而吞拿魚多筋又重腥味，食完一小舊唔想再食，下次都係食三文魚飯算啦。

星期六的中午竟流連在公司左右。加班的日子真無奈。為了把爭取寶貴時間，我在官塘廣場的買午餐時間都省掉，直接去爭鮮爭先拿去剛出廚房的刺身飯*\(^o^)/*$35的刺身飯，真的不敢奢望太多喇。回到公司已經餓昏了的我大口大口的吃著。還是上面薄薄一層的彩色配料好吃，中華沙律，味付螺肉！帶子略顯太薄，只有1cm 高吧～但味道雖然不太鮮甜但肉質仍有彈性，還好吧～最好味的是壽司飯底。醋的分量和珍珠米調味精彩，連平日不愛吃飯的我把整碗飯清掉！

唔知大家有無留意爭鮮呢？呢間外賣壽司鋪宜家真係邊區都有，平時返工都見到d同事買定d壽司放入pantry 有freetime既時候食。今日難得經過觀塘間爭鮮都特登買返公司食。見到其實佢都有好多款壽司揀，尤其是d三文魚都幾靚，又多橫紋多脂肪食落好豐富，而且色澤唔錯，唔似係擺左係雪櫃好耐咁。不過為左試多d魚生，我都係揀左隔離碟雜錦魚生。整體黎講d魚生幾好食，無咩雪味，有d甚至好fresh。不過魷魚就差d，好硬又無乜水，食完咽係喉嚨好難受。希望遲d我屋企附近都有分店la

一個人的晚餐其實好難唸食乜！好多時會買壽司外賣，因為唔使急住食，又可以自己揀！最近多咗好多爭鮮，可能都係呢個原因！門面光猛乾淨，地方唔大，只有一個大雪櫃，放壽司、刺身同小食！我去到時有個男店員在添補壽司，收銀處有個女店員收銀，自選壽司$3一件，呢個價錢真係無敵，今日粟米壽司買一送一，不過我唔鍾意粟米，所以無揀！自己攞個膠盒揀咗8件壽司！三文魚--肉質正常，唔腥！紅貝--好靚嘅粉紅色，又唔似赤貝咁爽口，少少脆口，貝類通常會腥，但呢款又無，幾好！明蝦--幾爽口，唔腥，個賣相幾好！八爪魚--我特別揀魚腳，一件壽司兩隻腳，肉質唔硬，少少彈牙，好容易食！希靈魚--好腥，黃色魚子卜卜脆，但魚肉好腥！黃金魷魚、芥辣八爪魚、飛魚子--軍艦紫菜一定會淋晒（當然唔可以同新鮮即做比較），不過三款都好味，主要係我食三款都爽口卜卜脆，芥辣魷魚芥辣味唔重！魷魚彈牙！包住個賣相真係唔吸引，返屋企拆開放在碟，個樣即刻靚好多，講真呢個價錢食壽司，只求味道正常，唔好有「驚喜」就得！8件壽司比一包豉油同一包芥辣，要多啲就要比錢買，好在我唔係食好多芥辣，好怕啲人溝堆綠色芥辣醬點壽司，根本為攻鼻，壽司係乜嘢味都唔知！壽司價錢相

又係爭鮮!!!???真係太多啦!!!!見到都有d悶!!!香港人成日食埋同一樣嘅嘢令香港人的生活更加沉悶曾經都對爭鮮上癮但係三蚊始終都係三蚊嘅質地所以個人好快就搣甩嘅癮service very good!笑容甜美醋靖魚壽司點解會濕濕地嘅有少少smoked的味道not the usual kind??希靈魚ok但無乜咬口無一粒粒既感覺三文魚壽司肥美火炙三文魚.肥美但係上面有不知名物賣相麻麻...'賣飛佛'芝士飛魚子軍艦love it! the cheese is fantastic 好食過板X...but again,紫菜已經'淋'哂