Sweet Point Dessert (Closed)

本來食甜品已經係好治癒既事, 如果食梳乎厘係一級治癒,我會形容梳乎厘pancake十級治癒既事情!除左梳乎厘本身個份空氣感外, 梳乎厘加埋pancake係會多左一種Q彈感, 層次豐富好多最珍貴既係佢要即叫即整, 即整即食, 咁先可以品嚐到佢既精粹,坊間有好多唔同味既梳乎厘pancake推陳出新,  好似呢間舗連芫茜味都有! 但我食野往往都中意原汁原味所以我今次都叫左原味既梳乎厘pancake, 雖然要等15分鐘左右,但想食好野梗係要付出下架啦, 新鮮熱辣一放入口就食到佢最原始既甜甜蛋白味, 入口即溶,個種滿足感係食其他甜品搵唔到既, 治癒萬分!

旺角中心（旺中）屬於老牌「潮場」，每次經過都會感嘆青春小鳥一去不返（cry）～記得以前細個，總有理由要入去買衫買鞋買飾物，雖然美食街已開了一段時間，姐也是第一次來朝聖！整體感覺是旺角版葵廣，不過油煙明顯就沒葵廣般嚴重！一行四人，決定試試這間甜品店，因為看見成品樣子好像蠻不錯，現在流行手機相機食先，店內立食位亦設有打卡的裝飾！一如其他小食店，餐牌比較簡單，但可合併組合，價錢都算親民，平均30－40蚊。大熱的梳乎厘Pancake，雞蛋仔，炒雪糕都有提供！原味梳芙厘（$42)即叫即做，大概需要15分鐘等候時間，落單時店員會俾個震機俾你，可以o係附近行街等！梳乎厘厚身，面頭有燒到脆卜卜的焦糖，入面軟棉棉又唔會熟到似蛋糕，雖然蛋香唔算太明顯，但生熟度控制得唔錯已好覺得高質（其實出面好多都做得太熟或太生）！抹茶朱古力雞蛋仔（ $38)雞蛋仔係屬於香港人的集體回憶小食，所以我o既要求係極高！首先一定唔可以淋 patpat 又唔可以實心到似雞蛋糕！呢度的雞蛋仔不是空氣雞蛋仔，外皮脆而內厚身唔淋，剛出爐時仲有小小流心效果，同屬高質！打卡之外，仲可以自由加各款朱古力軟糖Topping，雖然唔係貴野，但感覺

行過見到裝修幾靚就瞬間比佢catch到attention旺中一般好似熟食野飲比較多, 齋賣甜品就都係好似得一兩間見佢價錢都親民就一於支持下小店叫左個香蕉waffle, 佢既製成品係由兩塊waffle夾住d cream,一凍一熱好特別, 而香蕉就好似有輕輕煎到金黃色咁個waffle好足料,絕對唔係空心, 所以食落都幾飽肚, 性價比一流

旺中角落頭既粉紅薄荷綠場入面大大隻字「梳乎厘」hahaha重有隻 天使翼😍好似幾岩打卡🧐🧐🧐🧐甜王的約會就緊係乜都想試🤤🤤🤤原味梳芙厘（$42)厚厚肥肥既梳乎厘大約等左10分鐘立即整🧐面頭既焦糖面燒到脆脆的入面軟熟🤤 可以做動L 動L 動感呃like 片☺️熱辣辣😍正棉花糖海鹽炒雪糕（ $49)頭大身細既雪糕棉花糖，粉紅粉紅既呃like 精選😼又甜又咸既口味amazing 😆😆😆 抹茶朱古力雞蛋仔（ $38)唔係空氣雞蛋仔！真心比個like 你呀！好濃既綠茶味！岩岩整起熱既時候d 朱古力有小小流心feel 🤤🤤🤤🤤🤤 絕對唔係chef lemon 個抽地布雞蛋仔！是外脆內厚肉地呢😼蕉糖籃梅燕麥梳乎里 +荷蘭甜脆多士條（$42)Lee 個係4 個入面最比到驚喜我嫁🤤🤤🤤🤤燕麥加梳乎厘原來咁好食！加埋士多啤梨同藍莓😼 又甜又酸！正🤤條脆脆多士條係長過我手指嫁loveya☺️☺️☺️又可以打卡🤣又好食！性價比👍🏻👍🏻👍🏻👍🏻

呢間甜品店menu幾吸引又多選擇門面又幾靚同朋友share下甜品啦好想食梳芙厘同雞蛋仔呀個人首推雞蛋仔呀我食左抹茶朱古力雞蛋仔 ($38) 🍵🍫 性價比高 佢唔空心 用料多 該淋既淋該脆既脆 滿足左我食雞蛋仔既欲望梳芙厘都好好味呀我同朋友食左原味梳芙厘同埋焦糖籃梅燕麥梳乎里 +荷蘭甜脆多士條梳芙厘夠哂fluffy唔快塌 影多幾張相都得最後仲有棉花糖海鹽炒雪糕都幾過癮 又藍色雪糕又棉花糖咁instagramable緊係要食埋啦個藍色雪糕係海鹽味呀！！唔會死甜 少少鹹多多趣食完好滿足好開心呀

之前興完抹茶,興完紫薯,興完鹹蛋,又有一陣芫茜潮,我身邊D朋友都幾多人唔食芫茜, 但我又反而幾中意佢陣草青味但真係萬萬都估唔到芫茜可以同甜品掛勾到,上網見飲食男女介紹呢間推出左芫茜梳乎厘, 所以上星期就特登出左旺中試試佢去到見到除左梳乎厘之外都幾多其他種類既甜品揀 例如有toastie, 幾特別 唔係周圍搵到但我既目標只有一個, 就係芫茜梳乎厘!40幾蚊黎講都唔算好貴, 落單個陣個老闆都溫馨提示左個梳乎厘係即叫即整, 所以可能要等15分鐘,叫我可以係附近行陣先, 但基於出面太多人所以我都係乖乖地企左係度等 (廢事錯過左我個梳乎厘最新鮮既時刻嘛!)15分鐘過後就有得食了, 首先貌相都幾唔錯, 梳乎厘睇落好飽滿好動L, 面頭都灑左d芫茜碎食落發現原來梳乎厘入面都有芫茜碎, 有淡淡既芫茜既同時又唔會太搶左梳乎厘既蛋白味意外既係原來兩者mix埋都幾唔錯, 覺得就算麻麻地芫茜既人都可以一試, 因為佢都幾清新但又唔會好大陣草青味!下次會黎試埋其他甜品

同朋友在旺角新地標 TOP食完點輕食，再行到隔離旺角中心繼續掃街。行行下聞到好香嘅梳乎厘香味，發現呢間新開甜品小店。 店內貼滿一款款甜品相片，真係難到我果位有選擇困難症的朋友，哈哈!這時候友善的店長，開始推介他們炮製甜品的不同配搭，甜品全都即叫即製。本來想試梳乎厘，但店長對我們說，由於堅持要即打蛋白即製，時間比較長，雖然他知道有其他簡化方法製作，但仍堅持用正宗做法。 由於時間關係，所以我們梳乎厘。店長提意我們試期間優惠，買一送一的雪糕比利時格子鬆餅，如果上埋Facebook打卡，仲送多一球雪糕。仲有提意試佢地原創鹹蛋味Toastie。買一送一性價比高，一球乳酪雪糕，兩球曲奇雪糕，加兩份朱古力窩夫。 乳酪雪糕，比起一般雪糕特別，加上酥脆的窩夫，配搭很不錯。一枝枝荷蘭懷舊小食Toastie，配上近日大熱的鹹蛋味。 金香酥脆，意想不到的好味，真係食唔停口。下次有時間，一定來試招牌梳乎厘。

I love desserts but sometimes desserts can be overly sweet.When the sweetness is just right, it hits the spot.At Sweet Point Dessert, there are so many items to choose from.There are waffles, icecream, souffle pancakes and many other items.Tried the souffle pancake which is trending now and the ice cream rolls which I haven't had in ages.There is a motto saying:Life is like a dessert, eat it before it melts..............The souffle pancake came first and it was plump and soft.The texture of the

#旺中 #好差 #梳乎厘班戟 已經唔算多人，落單又落得慢，前面得一個人，但我知係叫做即叫即整，但無人情況下等咗成半個鐘，好食唔緊要，但俾啲咁嘅野我！！！！比利甜酒味成$40幾蚊，食唔出比利嗰種香，只係得酒精味！！！！中間稀到食泡泡咁，似普通梳乎厘，個底同面夾硬煎燶佢就當係班戟！！！個面食落係咬唔開嘅！！！仲要甜到離晒譜！甘本食緊沙糖蛋白泡咁！！！價錢重要比人貴！！！食咗唔夠一半已經頂唔順掉咗！絕對無下次！！！

國慶放假，又係一個long weekend，無book到機票就惟有走去旺中食好西。二樓開左間Sweet Point Dessert，呢度啲甜品五花八門，又有雪糕，waffles同雞蛋仔。呢啲平日都食得多，反而想試下佢地嘅招牌---芫荽梳乎厘，開頭以為好伏。食落雖然好重芫荽味，但係好香；同埋個梳乎厘本身好重空氣感，一啲都唔伏。聽講個老闆係本來係中菜廚師，所以將中菜加入甜品入面，別出心裁。

無黎旺中一排原來開左好多小食店,經過見到呢間裝修得都幾fansy就決定試下!之前去過其他舖頭食而家好興既梳乎厘pancake都差唔多要成100蚊埋單,係度叫左個紅豆抹茶既梳乎厘pancake竟然50蚊有找!個梳乎厘pancake係即叫即整,但等左唔都算太耐,拎到上手係熱辣辣仲聞到陣陣蛋白味佢topping除左有紅豆同抹茶醬之外原來仲有個雪糕!食落去一凍一熱都幾有層次! 個梳乎厘口感好鬆軟,配埋紅豆同抹茶醬完全無違和感見佢menu都仲有好多款甜品,下次會黎試埋其他!