花園餐廳 (Closed)

1/3 晚上有工展會免費入場卷, 便同我父母去走走,走了約兩個多小時便出去找地方吃晚餐由於父母不喜吃日本料理,加上近來手頭緊,所以只可以將就一下,到花園餐廳我和父親大人就點了A餐T骨牛扒伴薯菜 $51 母親點了B餐焗石斑雞扒意粉 $54另外點了焗田螺 跟餐$28先來了餐包和海鮮忌廉湯,包賣相不太好,但拿上手還暖暖的,吃下去和平常的包沒甚麼分別湯好普通, 完全吃不到海鮮味再來主菜, 第一下落刀...怎麼切不開的,我再切...還是切不開,終於切開了...好多筋...汁是OK但肉真的不甚驚喜意粉沒吃, 但見我的母親大人吃剩一半,我還有甚麼可以說....追加的田螺遲遲未上, 幸服務生都有幫忙追, 總算來了...6隻小小的, 由於殼頂沒有弄開, 螺裡有水, 將味道調淡, 不過牛油味幾氣, $28 算是ok啦~~~飲品我要了凍檸茶, 父母要熱奶茶, 父說不及水準,沒有一般茶餐廳的濃滑...這個就有點不濟啦環境算不錯, 起碼夠大, 人又不多, 不過就是茶餐廳feel啦~~~服務就不過不失, 起碼叫人都有人應結帳連加一總計202, 我覺得以這個質素都ok啦

係銅鑼灣搵食真係好鬼麻煩是是旦旦上左花園餐廳食鐵板餐之前食慣旺角個幾間都OK銅鑼灣呢間真係強差人意好...dirty囉 唔換枱布 有污漬都算 用過的牙籤都有!!!!!班侍應又完全無service 點餐又無人 連埋單都無人...早知就咁走啦 慳返餐嘛

在12月20日,我收工後上花園, 好耐冇返來食東西la!!順路探我的舊同事, 識了他們6年,所以我好多時返來食飯和傾計,因為食物方面都幾好, 哈哈.... 價錢都合理!!炸魚柳沙律在tea time , 我6年前到現在, 我最歡食的是炸魚柳沙律, 因為是即叫即炸, 好脆呀!薯仔沙律好正...炒貴刁但今次我本來想食炒貴刁, 因為足料又有鑊氣,可惜今天的河粉冇晒了!!蒜茸蛽肉煙肉炒拉麵味道一般, 我就覺得味道啖了一些,salty啲會好啲.好大碟又抵食.蘆薈黑加倫子梳打蘆薈黑加倫子梳打是我的最愛, 跟餐另加$10, 原價$20,我第二最喜歡是奶茶, 因為不是茶包, 真是絲襪奶茶,好正!!哈哈.....

也不記得是多少年前來過 , 可能也有 5 年吧 . 6 點多就到了 , 客人不多 , 坐了大約 1/3 , 直到 7 點的時候開始多人 . 叫了兩個 set dinner , 一個是海南雞飯 , 一個是鐵板燒牛排, . 海南雞飯賣相 ok , 又大碟 , 不過 , 吃下去 , 雞有些乾 , 又多毛 , 味道一般 . 個人比較欣賞餐湯 , 好濃好足料 , 細細碗居然有 3 件牛肉 , 好好味 . 牛排沒有試過 , 吃過幾條薯條 , 黑椒汁煮得不錯 , 好香 , 不會太辣 . 價錢便宜 , 坐位也舒服 , 下次應該也會再來 .

8月28日, 貼紙相日~ 同呀菲去完世貿, 原本話食壽司, 突然間我地不約而同咁好想鋸扒, 啖啖肉啱晒我地~ 近近地去咗花園餐廳, 我地都好耐冇黎過lu~ ::: 鐵板肉眼 + 羅宋湯 + 凍奶茶 ::: $79首先作為西餐廳個羅宋湯真係超普通, 稀得黎亦冇乜蕃茄味, 又唔辣~ 茶餐廳食得是福都好過佢! 鐵板肉眼要咗7成, 睇落好紅, 應該得5成倒, 好在食落都幾好味, 肉質嫩滑, 加埋少少筋, 肥瘦適中~ 不過d薯條擺晒喺底, 加完汁就淋晒, 真係好差!! 最後黎既凍奶茶就茶味比較少, 真係普通茶餐廳都好過佢~::: 鐵板西冷 + 忌廉湯 + 凍檸茶 ::: $77忌廉湯都很一般, 忌廉味不重又稀稀地~ 鐵板西冷大大塊要咗7成熟, 上台時有d血水, 但內裡都夠熟, OK! 但係火侯不均, 搞到側邊有d過熟, 好難咬, 中心位先至ok好食~ 值得一提我揀咗白菌汁, 有好多磨菇鋪面, 食時伴著磨菇一齊食, 口感好豐富~凍檸茶要少甜, 味道都係一般~雖然食得都幾飽, 係滿足到我地個胃, 不過滿足唔到我地既味蕾~ 估唔到咁耐冇食水準有下降既跡象, 而塊扒就越來越貴, 下次都係食金X好過.

第一次黎花園餐廳, 都無擺過咩大既期望價錢都中等, 環境都系一般, 食物都系一般 -_-嗌左個海陸空大餐配意粉-> 蝦, 雞, 乳鴒味道都系普普通通, 隻乳鴿幾多肉, 起碼唔似第二度可能得塊骨比你-_-隻蝦都好大隻, 不過意粉就普普通通, 就算唔系叫茄汁意粉or白汁意粉etc都唔應該就咁一碟又乾又齋既意粉上俾人掛-_-??服務態度尚可, 總括黎講尼間都系1間普普通通既餐廳

某名食家曾說過鐵板餐是所謂的"公害菜", 當燒紅的鐵板淋上醬汁, 即時煙霧四起(眼鼻受罪), 油花亂彈(身體外露部份都有可能受罪), 更由於水份蒸發而令到醬汁變濃(舌頭受罪)...是否"公害菜"就見人見智了,不過友人食過花園的鐵板牛後念念不忘要再續情緣倒是真的.7點多入坐, 滿了7成吧? 要了焗芝士龍蝦球拼蒜蓉雞扒飯, 紅湯($5x)友人要鐵板西冷牛&白湯($8x)紅湯較鹹, 有幾塊菜葉 餐飲, 餐包+牛油只是一般.上主菜了, 哦~~原來所謂的龍蝦"球"即是打邊爐的龍蝦"丸", 有3大粒呢 不過就幾鹹蒜蓉雞扒, 扒本身完全無味且質感有微微粉粉的, 不會是被化學物招呼過吧 應該是心理作用吧~~~^^飯底有黃色細絲, 有炒底吧, 配上焗芝士, 全晚最正 可悲乎?食了一少塊友人的西冷, 唔~是比平常食的好一點啦整體食物偏鹹, 扒是好一點但也不值得特別去.serve一般, 反而店面光線不算充足, 有點昏暗(連我手機拍的相都看不清), 是想響應環保呢還是營做懷舊,不過那塊橙白色格仔台布於我就真的很有懷舊feel了值得一提的是通風系統需要改善.事關右面與身後的食客都要鐵板餐, 幾個鐵板所產

同媽係 cwb 行街, 中午就是但咁走左入花園食, 因為貪佢係 cwb 算係便宜, 水準都應該唔會差得去邊由於係星期日, 所以人唔太多, 其實我一直覺得, 如果唔係太多人, 花園的環境係唔錯, 不過唔好放個幾部電視先叫餐湯, 一紅一白, 相比之前真係差左, 起碼覺得味精多左, 不過我相信佢仍然係自己煲之後就係一份肉眼扖, 媽叫左5成熟, 當然佢唔會俾5成你, 雖然係比較熟左少少, 但仍然有唔錯的牛肉味, 薯條依舊熱呼呼我就食左一份牛仔骨加肉腸跟飯, 牛仔骨反而唔錯, 有味之餘, d 筋夠彈, 唔似其他d 咁, 煮到d筋硬哂餐飲都係普普通通la, 我記得好耐之前, 餐係有雪糕的, 不過而家通脹咁勁, 連餐包同牛油都無以前, 算 la

又到糧尾，大家都要慳少少洗，既然沒錢吃文華amber，就一於吃平價扒兩個人都點了鐵板牛扒餐，有湯有飲品，以呢個價錢叫相當抵吃扒的水準，當然不是高檔，要了medium rare店方都儘量配合，頗嫩口，口感叫不錯，薯條熱辣辣，教人驚喜！下次到糧尾的時候，就是我再光顧之時　

逛街逛到1745覺得肚餓，想吃個early dinner，因朋友是食肉獸，見到花園的招牌，於是就打算來鋸扒。正在研究餐牌，侍應大叔突然遞了個下午茶menu來，說：「仲有兩個字呀，叫埋啦。」盛情難卻，我們只好莫名奇妙地點了黑椒牛扒意粉和豬頸肉蝦仁炒飯.....每個餐連飲品只是28元，牛扒當然是茶餐廳貨色的了，沒料到是當中的下品，硬如柴皮，毫無肉味，白烚意粉混了黑椒汁一起吃很懷舊，喚起中學時代在街巿大牌檔式茶餐廳吃lunch的回憶......豬頸肉蝦仁炒飯中的豬頸肉非常細碎，蝦仁超迷你，好像是廚餘雜碎炒埋一碟的樣子，飯倒是炒得不錯，不乾不濕不油不膩，挽回一點分數。單以下午茶來計的話，當然是不會回頭的了，不過還是想試試晚餐。下次要晚一點來。

今日我同honey都係試鐵板牛扒餐~個湯同包都okay~ 牛扒都多~ 鐵板上烘住d薯條好好食~我地6點幾就上去冇乜人所以有window seat望街景~~牛扒水準都係中上既~但服務就麻麻啦, 明明閒日唔係咁多人都係咁趕人走... 不過平平地都想食個扒餐仲要銅鑼灣, 都算係咁啦~

set dinner 牛扒$60有找大件夾抵食。服務都okay.坐得都okay 舒服。如果係causeway bay 想食平野, 唔想同人迫既一個好選擇。

臨時約了朋友吃晚飯, 最後選擇在花園餐廳吃牛扒=]經侍應介紹過後決定吃A級肉眼扒~ 餐包跟餐湯先來...那個忌廉湯很好喝! 我可以吃到有薯仔呢! ^^, 不過那個包卻有點硬...主菜來到了! 那塊扒真的很大呢! 配菜都快要從鐵板上掉下來了~...我叫了七成熟, 我覺得剛好呢! 那個鐵板夠熱哦! 最怕它不熱,,然後蒜蓉汁倒下去沒反應=__=" 咬感不會太硬不會太軟~ 不過我覺得可以再多加一點配菜呢...還有最後的凍檸水我覺得ｓize比較小呢....

在扒王面世之前，相信很多的香港人都是在花園餐廳据扒，尤記得十年前仍是讀中學的年代我同媽媽已經是常客，現在經常去都是因為近公司可以食個扒Lunch。同其他網友的評價一樣，今時今日的花園餐廳同己前真係差好遠，不過以30幾蚊食一個Lunch佢的扒的質素都比大家樂的好少少，當有service的快餐食囉！

放工同朋友alex 黎dinner其實我就唔係咁肚餓,不過佢叫左好多野食! 包括:一個羊膝餐田螺焗薯容、半隻乳鴿薯仔沙律，仲有一個扒份量真係幾多，不過味道就一般咋唔算好好食~~~