時新漢堡飽 (Closed)

今次係袋鼠叫左時薪的外賣….漢堡包🍔其實牛肉都算合格，都有牛肉的味道…其實味道都唔錯，沙律醬都幾夾，只係包皮唔夠好味…但外賣35蚊個尚可接受…不過佢的雙扒飯就令人好失望😅啲肉好薄，茄汁唔係茶記果種茄汁，有少少hea 的感覺🤨而豬扒啲肉有少少怪臭味…真係唔敢再叫…牛扒就不過不失不過下次應該唔會再叫….提提大家叫扒飯真係諗下先，漢堡包冇咩要求都可以叫嘅🤣#黃怪獸 #黃怪獸覓食 #黃怪獸自家製 #香港美食 #香港好去處 #香港 #食 #食譜 #食飯 #自己整 #食飯啦 #yum #yumyum #yummy #hk #hkfoodie #hkfood #foodie #foodiehk #foodporn #hk90s #想要更多真實食評搜尋ig黃怪獸覓食 #love #followback #instagramers #tweegram #photooftheday #20likes #amazing #時薪漢堡包

時新漢堡包由橋底舊舖，吃到而家，不過現在時新漢堡翻新過，但是價格又拍得住新式餐廳，質素一定要好高才能夠對得住價錢。波浪紋薯條，總算質素不差，外皮夠香脆，即炸極熱燙，份量也不太少，而且內裏薯仔肉不太少，質素也不算太差。不過漢堡，雖然上下都不太乾，不過中間的肉肉汁不太多，雖然中間都算有點醬汁調味，不過以港式漢堡包來說，這款一個都要$30-40 ，都不算特別便宜。不過再試試包的味道有什麼特別，雖然肉還算香，不過汁醬始終不夠多，薯條又輕偏向乾啊，因此都沒有很大興趣再回來吃。以往有印象曾經吃漢堡吃到悶，來到時新甚至可以叫飯，例如是咖喱汁漢堡扒煎蛋飯，特別過癮，有點兒像銀咖哩那種模式，不過現在它專注做返漢堡薯條等等。這次幸好剛剛好似下午茶時間，因此吃下午茶餐價錢還算比較便宜，看餐牌，如果你正價時段內，可能都要成$50-$60才能吃到一個快餐。

食物質素又差又貴！好失望！牛扒乾爭爭，份量好少，熱狗好細隻！價錢就係double ! 時薪真係要改變一下策略！如果係咁樣落去真係唔掂！尤其是我細個都有幫襯開，而家真係同出邊冇得比！

紅磡懷舊快餐店仲有時新話六七十年代已經係度因為以前上司耐唔耐會一朝早買半打漢堡番工一齊食所以時新就係會有種特別既感覺不過而家已經轉左新店新裝修之前分家仲有間開左係sav酒店樓下但完約之後就無再做落去所以而家時新都只係得番黃埔一間時新主要就係賣漢堡包小食都仲有其他既簡單飯同麵快餐店自己搵位地方細細d位都幾full下落完單就等號碼出去拎野食唔似寶城咁會送過黎咁一場黎到緊係食漢堡包啦單點既單層漢堡蛋包可以揀牛或者豬揀左蛋配料所以係30蚊塊牛肉漢堡都幾厚身門口寫話係用新鮮牛肉預設係秘製時新醬仲可以揀多汁爆晒汁另外果個係下午茶餐轉左雙層既漢堡芝士強包賣相就一般d不過大舊咬落有口感下午茶餐有跟薯條但得幾條一陣風咁凍飲要再加五蚊正常味即係呢個下午茶餐都要62蚊所以埋單都要92蚊

我記得去時新漢堡包🍔嘅時候係舊店當時漢堡包係好平一個單層嘅漢堡包只係10幾蚊加多一層牛肉，再加隻蛋都係20幾蚊依家再去食已經差好遠無論質素或者價錢首先講價錢依家單層漢堡包要賣💰$30 加蛋加漢煲要$41咁始終搬咗新舖舖租都貴咗漢堡包🍔加價好合理不過質素真係唔掂首先個麵包皮已經唔脆肉亦都冇咁Juice 黑椒汁亦都唔夠成個風味完全唔同晒已經保留唔到昔日嘅風味

帶細路仔去黃埔花園嘅playhouse玩，咁一個人就出去行下食下野。經過見到時新漢堡包就諗起當年（十幾年前）,讀理工大學朋友嘅高度推介。日期係星期六時間為四點左右，佢有下午茶餐，咁我都係叫返以前最大嗰份雙層芝士蛋漢堡，連薯條加飲品大約六十幾蚊。新舖頭比以前闊落好多，亦都好乾淨。先喺收銀機落單攞張飛，然後就等叫number，職員都好友善。大約等咗五分鐘已經拎得。個味道就基本上同以前一樣，首先個包好新鮮，食落個味係唔錯。我覺得可以改善就係塊肉如果可以紮實少少就好好多，另外如果煎蛋係半熟嘅話我會覺得係完美。坦白講如果你就咁拎個漢堡包出去面比，佢未必會贏，但係我覺得係食緊一種香港嘅情懷。

時新漢堡包是一家以懷舊味道聞名的餐廳，我最近品嚐了他們的漢堡包和炸薯條，真是好好食！漢堡包的味道令人回味無窮。麵包鬆軟，充滿了新鮮的烘焙香氣，咬下去時輕輕一聲，露出裡面豐富的內餡。肉餅煎得恰到好處，外酥內嫩，肉汁四溢。配料包括脆爽的生菜、新鮮的番茄和特製醬汁，完美地平衡了每一口的口感和味道。這款漢堡包讓我彷彿回到了童年時代，懷念著那份經典的美味。另外，他們的炸薯條也是絕對不能錯過的。每一條薯條都炸得金黃酥脆，外脆內軟，非常美味。薯條的大小適中，剛好能夠充分吸收調味料的風味，吃起來既不會太油膩也不會太乾燥。搭配漢堡包一起享用，絕對是一種完美的搭配。總的來說，時新漢堡包的漢堡包和炸薯條給我留下了深刻的印象。懷舊的味道加上高品質的食材，讓每一口都充滿了美味和滿足感。如果你想要品嚐一份道地的懷舊風味，我強烈推薦你去時新漢堡包嘗試他們的漢堡包和炸薯條，你一定會被它們的美味所征服。

#搞串個pantry講到漢堡包🍔，大家都可能會先諗到啲大型連鎖店嘅漢堡包，但係大家又知唔知🧐有間舖頭比麥當勞更早喺香港🇭🇰買漢堡包呢？呢間就係喺1965年🕰️開業嘅時新士多，當時佢哋嘅包叫做雜港包🤯。今次我哋就去到佢哋同樣喺#紅磡 嘅新舖！一入到舖頭，望落其實都幾似茶餐廳，但係就有一個開放式嘅廚房，不過就令到成間舖頭都有好大浸油煙味😖。今次我哋就帶咗個二人套餐($166)💰，包括有🟡漢堡芝士包、🟠漢堡蛋包、🟤炸雞全翼一隻、⚫️滷水雞全翼一隻、🔴炸薯條拼炸雞粒、🔵雪糕批兩個、🟣忌廉粟米蘑菇湯。漢堡芝士包🌟🌟🌟🌟🌟包入面有塊漢堡扒、而家製醬汁、一塊芝士🧀，大細就同麥當勞嘅包差唔多。食落口所有嘢都好match💕，個醬汁酸酸甜甜好開胃😋。芝士有淡淡地嘅芝士味，唔算太濃郁同埋鹹。而中間塊漢堡扒食落都幾腍，唔會煎得過火咗🔥，而漢堡包嘅麵包都有些微烘下。漢堡蛋包🌟🌟🌟🌟呢個包就冇咗芝士，多咗個煎蛋🍳，而且望落都冇乜醬汁🤨。食落同上一個漢堡芝士包其實差唔多，但係多咗煎蛋嘅口感，同埋蛋白蛋漿嘅滑漏口感🤩。同樣覺得所有嘢都煎得啱啱好🤤。炸雞全翼、滷水雞全翼🌟🌟🌟喺快餐店嗌滷水雞翼🍗其實都有少少唔夾，但係兩款雞

紅磡食到黃埔，每次去果頭都食，漢堡係好有香港地道果！有有麵食，又有烏冬食，連d多汁飯都有，種類都好多下，不過好似以前紅磡時好食點，而家就種類多點好似茶餐廳感覺！

今日到紅磡做嘢，途經時新漢堡門口，突然想回味一番，泊好車辦好事情，馬上去幫襯。接近十二點時間尚早，入去空無一人，跟收銀姐姐點餐後，揀個好座位等食🤣.. 雙層漢堡加芝士＋羅宋湯＋熱咖啡成為$64.... 論價錢唔算平，論質素亦不及當年，羅宋湯係椰菜蕃茄汁水！漢堡厚度係以前嘅一半，叫雙層就等如以前嘅標準漢堡(同埋漢堡偏咸咗啲) ， 醬汁就維持以前嘅味道！做快餐店連咖啡都無進步，嘥咗前人留落嚟嘅美譽！食完今次，相信都唔會再嚟幫襯😅

紅磡老字號時新漢堡，如果係讀polyU嘅老朋友一定聽過。消失左一排嘅老店，原來喺黃埔天地重開左，地點有少少隔涉。今次叫左個一人獨享餐，有漢堡包+炸雞脾+薯條+飲品，價錢over 80蚊，有啲少貴。揀左芝士漢堡包配秘製沙律醬芝麻漢堡包都係嘉頓出品，係鬆軟嘅。即點即煎嘅漢堡扒，size 同以前一樣，唔係大嘅，但有少少厚度，食落冇回憶中咁juicy，只算是中規中矩。另一重點係秘製沙律醬，食落同以前有少少唔同，醬略嫌少左啲，多啲醬可能會好食啲。炸雞脾比較細隻，炸得略為乾身左少少；薯條應該係即炸，唔錯👍🏻。飲品正常，不過不失。今次淺嘗回憶中嘅美食，只係及記憶中味道嘅7成，有改進嘅空間。從前大學旁嘅高性價比美食，今日略為失色，希望下次再訪有所進步💪🏻

說起漢堡包，很多人以為是近年傳入香港的西式食品，但原來半個世紀前香港已有漢堡包。1960年代，時新士多已創立，初時賣煙仔、糖果，後經外國回來的朋友指點，開始製作漢堡包。牛肉餅配上烘過的麵包及自家製沙律醬，成為地區名物。1979年老闆買入黃埔街的舖位並改名為「時新快餐店」，漢堡包深受附近工人、學生歡迎。可惜受重建影響，店舖於2017年突然結業，不少街坊感到不捨，常問小店會否重開。幸好在2018年，老店主的二兒子覓得黃埔花園的新址重開店舖。雖然經歷了不少難題及挑戰，但漢堡包水準依舊，據說現時大家吃到的漢堡扒是由有幾十年歷史的不銹鋼模具製作出來。港式漢堡包始祖「時新漢堡飽」回歸紅磡，落戶黃埔花園第12期家居庭。首推招牌漢堡芝士蛋包及波浪坑紋炸薯條，配搭埋Juicy炸雞肶就更滋味無窮啦！

先談談食物芝士蛋漢堡- 店舖的主角，由相片都可以看到，漢堡扒細到近乎睇唔到，無肉味。芝士同個麵包近乎只係微暖，個麵包又乾又薄，得罪講句仲差過麥記芝士漢堡。炸雞脾- 又乾又細隻，無肉味，雖然好少食同類型，但如果同KFC炸雞搥比，至少後者有肉汁有肉味。已經十多年沒有光顧時新了，勉強記得以前在紅磡灣時吃還不錯。現在搬到黃埔又見到好評如潮，所以就去試，結果極度失望。可能因為我唔識欣賞純以「懷舊」做賣點的店舖，所以覺得呢個漢堡是我吃過最唔滿意的。

今日原本想去調景嶺既兒童遊戲室，但去到先發現佢改左做暫託中心😅😩，無得玩去邊好？即刻唸起黃埔險樂園既巨型迷宮，咁啱附近有架796x可以去到，即刻去搭車轉plan。買左套票，圍返$60蚊玩半個鐘，阿仔玩得好開心，玩到咁上下，搵個地方食野先，一上電梯行入條巷見到呢間店仔，唔太多人就入去食野喇。係黃埔好多食店地方都要排隊，又多人，呢度闊落又唔迫，又唔洗食到趕頭趕命，啱晒～假日都有下午茶餐👏🏻👏🏻👍🏻👍🏻👍🏻叫左個b3餐，試下呢個港式漢堡包先黎到個包同薯條都係新鮮熱辣辣，個包啲醬汁流晒出黎，望見啲波浪薯條，加埋啲擺盤，好有以前細個樓下食個啲港式快餐店既風味。唔知係個餐既份量比較少，定係因為阿仔係咁偷食，食完個胃好似仲有啲空虛感😂😂建議可以加$10轉雙層好似會飽肚啲～食完抖夠，又可以落去玩多轉～呢個中間休息站唔錯～👍🏻👍🏻👍🏻

時新漢堡飽以前讀書成日黎食，好好味嘅港式漢堡包；前排再想encore 下，就去咗紅磡搵野食啦，依家已經由天橋位搬到黃埔天地家居庭到雙層漢堡包 配芝士蛋 HK$43呢個配搭係我以前成日叫，雙層漢堡包配秘製沙律醬，漢堡包嘅厚度同以前一樣咁厚，一啖唔可以咬到成個包；手打漢堡好juicy，秘製沙律醬嘅味道同以前有少少分別，但以港式味道漢堡包黎講算唔錯~期間限定套餐 (單層漢堡包+炸脾+薯條+凍檸荼) HK$69 單層漢堡包單層漢堡包只有一塊漢堡、芝士同秘製沙律醬，味道依然唔錯，但相比起雙層漢堡包，雙層漢堡包會比較有滿足感炸脾呢個炸脾醃得好入味，好似豉油皇雞脾嘅味道薯條薯條一般般，係細個係荼餐廳食到嘅味道~ 脆爆谷雞粒 HK$25我地仲額外加咗個小食，呢個雞粒味道一般般，但就係會忍唔住一粒接一粒咁食，如果有多啲椒鹽味就更加好啦~整體感覺雖然漢堡包同以前嘅味有啲唔同，同行朋友第一次食就覺得好食；餐廳依家充滿住舊時香港味道，想懷念嘅時候不妨去試下~