時新漢堡飽 (Closed)

有段時間以為時新執咗，有次行過黃埔見到先知佢有開返，即刻bookmark返！今次下午茶時間嚟，原來下午茶餐好抵食！啱晒想簡簡單單食啲野，但唔想食太多嘅時候～•🥢 單層漢堡芝士蛋包 拼薯條/雞粒 $42呢款係最經典嘅港式漢堡，有漢堡扒、芝士、蛋、洋蔥同沙律醬，隻蛋煎到有少少脆邊，咬到中間原來係流心🤤 漢堡扒係用牛肉整嘅，唔算厚/大塊，肉味都唔係太濃，但唔乾；而芝士原塊無溶到；最突出就係沙律醬嘅味，都有啲似蛋黃醬，$42嘅港式漢堡，簡簡單單咁都幾抵食啦😚📸 黃金脆雞粒 雞粒份量有啲少，有啲淋，有啲似細粒版麥樂雞🙊📸 炸薯條 係茶餐廳嘅波浪薯條，入面係薯泥，唔係空心薯條，感覺揀薯條會開心過雞粒😛

平時好少去黃埔，趁staycation搵下附近有咩黃店食，見呢間近近地又有位坐所以就揀左。🔅二人套餐 ($154)唔特別逐樣介紹，都係普通野，burger好似自己屋企整咁，唔係特別fancy但都唔錯，醬同成個burger都幾夾 (雖然包有少少乾)。另外，雞粒同雞翼都ok，但薯條mania表示如果大份啲就好😋。甜品(?) 無揀甜筒要左啫喱仔，其實即係布甸黎😂，好耐無食過呢啲布甸仔。💬2個人呢個價錢食平民style既burger就唔算平，但因為有好多小食，又包埋湯都唔錯啦😌。同埋平時比較少食呢啲懷舊小店，仲要係黃店，加分💛。所以當然要支持下😎。

漢堡蛋包 $28漢堡芝士包 $28唔想幫襯m記 又覺得普遍其他地方burger貴 平啲嘅無五六十都走唔甩 咁呢間快餐店就岩哂雖然個樣唔算太好睇 但食落一啲都唔差 佢個醬汁係自家製嘅沙律醬黎 酸酸甜甜咁好突出 個蛋都一樣唔渣流 有少少流心 漢堡亦都好有肉汁 嫌唔夠餸係可以加料的 什至變雙層漢堡都可以其實我地嗌果個係2人餐黎 $154有呢2個burger 仲有野飲 餐湯 雞翼 薯條 炸雞粒同甜品 都算幾抵呢間野開左好多年 事隔幾年搬左鋪後感覺都仲keep到以前水準

(o´罒`o)時新漢堡飽#紅磡黃店💛•小妹由year1開始已經聽師兄姐講時新呢個名(•͈⌔•͈⑅)♡之前都食過幾次！今次就正式介紹俾大家(⁎⁍̴̛ᴗ⁍̴̛⁎)！仲記得嗰陣小妹下午茶時間去到，入面一個客都冇，以為收咗舖^_^;嘿嘿•🍔🍟《單層漢堡芝士飽 拼 炸薯條》($42) 7/10個下午茶餐包咗個bell、薯條同一杯野飲，都幾抵食(˶‾᷄ ⁻̫ ‾᷅˵)講咗個bell先，普普通通灑左啲芝麻嘅嘉頓包皮，冇乜特別(*≧ω≦)但舊牛就有驚喜！٩(˃̶͈̀௰˂̶͈́)و好juicy好有牛肉味，不過size就細咗啲(;;;;;°∇°)塊包都已經唔大，係完全可以遮住曬舊牛(;´ﾟωﾟ)唔揭開都唔知入面有野(´･_･`)芝士醬好甜反而冇乜芝士味|ఠεఠ)不過都好彩有塊溶咗嘅芝士墊底٩( ᐛ )و！即刻加返少少分！薯條份量好多！不過小妹覺得佢唔夠多鹽唔夠鹹⁄(⁄ ⁄ ⁄ω⁄ ⁄ ⁄)⁄！而且佢雖然熱辣辣，但有部份已經淋咗(´•̥ ω •̥` ')•個bell嘅用料都好易買到同埋好易整到，但就因為咁令成個餐好有港式風味好有親切感(˶‾᷄ ⁻̫ ‾᷅˵)•٩(ˊᗜˋ*)و✧*｡📍時新漢堡飽 (紅磡)紅磡黃埔天地家居庭(第12期)地下G22-G

時新漢堡飽舊鋪食完會心思思想再食點解？ 熱辣辣 香噴噴 夠晒新鮮一入門口已經聞到香味舊鋪坐得幾咁唔舒幾迫都好總會食到舔舔脷呢幾年忙住照顧小朋友 淨係知舊鋪無咗機緣巧合同老婆去黃埔見到即刻沖去食 因為以前拍拖成日食點知 期望越大 失望越大大到我要驗證openrice 寫人生第一個食評下午茶時段 唔多人 唔使等叫左芝蛋漢堡飽 + 薯條 2分鐘唔使就出餐每樣野食完一啖之後就後悔了唔新鮮 唔熱 唔好味塊芝士少少都未溶 麵包凍既 舊肉同蛋好少少 微暖薯條正常其實呢間仲係唔係以前既時新好失望 好失望 好失望食完之後 懷疑人生既程度 係要用佢同麥當勞比較仲要覺得後者好食#我老豆細個住時新樓上#佢食時新大#佢聽到我食物講變到咁差#比我仲傷心

時新漢堡由細聽到大，每次去親紅磡都會去食，價錢又貼地，係香港人嘅漢堡包，自從佢開返新鋪之後一直都未有機會去試，今次過開黃埔可以順便食埋，餐廳環境舒服咗好多，位置都多咗，不過價錢都貴咗唔少，今次我揀咗個單層漢堡包，加咗芝士同雞蛋，配合返佢哋嘅秘製沙律醬，味道同以前一樣，水準都算保持，配搭埋波浪紋嘅薯條同埋汽水，就係一個完美嘅漢堡包餐，以前嘅回憶返晒嚟呀，不過過嚟食都係食返個童年回憶，如果大家好講夠漢堡扒嘅質素，港式漢堡包可能就未必啱你啦

今日黎到黃埔玩保齡球，點知要排隊，又未依野就搵下附近有咩好野食。見到時新漢堡都冇諗就決定左食佢。只系距離保齡球館5分鐘路程，食飽充完電充可以反去慢慢玩！去到有下午茶食，一個餐有薯條，漢堡，飲品，都只系40幾蚊，價錢都算親民。嗌左個芝士蛋漢堡，見到加十蚊有雙層都有心動，但系驚太大個，最後冇嗌，但係見到隔離點左即係好後悔，因為真系好吸引🤤成個包我覺得個醬係重點，因為甜甜酸酸嘅沙律醬突出漢堡嘅味道，加埋半生熟嘅流心煎蛋同芝士，配合得好完美，絕對同平時食嘅西式漢堡唔一樣！另外我地有嗌一份滷水茶餐，有雞翼同蛋加一個通粉，滷水雞翼味道好夠，又冧，都好好味👍🏻

等開保齡球 🎳 就喺附近試吓呢間漢堡包店 餐廳冇乜點裝修 Keep住好傳統快餐店嘅風格 點完嘢食之後就自己拎 見到全部野都其實好簡單 單層芝士漢堡包 加蛋同芝士 個包皮好似嘉頓喺出面買到嗰啲 啲料其實都未到話真係好多 但係就好友家庭溫暖洋蔥圈 本身佢冇調味 所以一定要靠茄汁炸雞髀 好大隻髀 不過個外皮見到少少黑 感覺係翻炸只可以講係傳統漢堡包嘅快餐店 環境都唔算話特別好 唔好期望太高 只係如果想食個快餐嘅話可以試吓呢個選擇 買單百零蚊到

🤩 黄埔｜时新汉堡｜丁丁探店地址：紅磡黃埔天地家居庭(第12期)地下G22-G23號舖人均：60 HKD-后知后觉才发现我是汉堡爱好者听本地人推荐来了这家港式汉堡店应该是很多年了连装修风格都是老港味道-「双层芝士饱」我点了双层+芝士配时新酱我觉得面包本生是很普通但肉饼好吃又juicy！说是香港汉堡的特色就是没有蔬菜特别的时新酱也很好吃！以后来黄埔还会来吃-「咸柠七」之前好像有喝过当时觉得味道很奇怪可能是不够正宗这个咸柠檬和糖水完美融合不突兀好喝！

每逢睇演唱會，都會提議食呢間，快靚正！ 新舖距離紅館遠左好多，亦都冇以前咁有feel. 朋友6點前已經坐低左，重趕得切叫埋個下午茶餐，每人4/50蚊有包，薯條🍟野飲，價錢同麥當當差唔多我就簡單啲要單層芝士漢堡，朋友要左個double 加旦漢堡，薯條係波浪紋經典快餐店薯條🍟😋😋（我要勁多茄汁）漢堡略嫌個包唔夠新鮮唔夠熱，秘製醬汁（應該係沙律醬都幾夾），我總係覺得食burger 要加芝士😅其實好多野都要加芝士😅😂野飲冇咩特別唔使講啦😅食嘢要食埋環境，不過新地方冇左果種懷舊感覚，太乾淨，又冇以前咁熱鬧，氣氛差啲🤪我見餐牌重有鹵水旦炸雞翼咁，不過我仍然深信忠於原著穩陣啲！😅

這個還是我透過「開飯喇」食店資料網裡面搜索食店的時候，才偶然知道的一件事，就是「紅磡」薄有名氣的港式漢堡包快餐店「時新快餐店」，內部因為分家結業，其中一家後來宣告關門結業，剩下「時新漢堡飽」仍䇄立不倒。我以前也曾經光顧過「時新漢堡飽」，不過當年的「時新漢堡飽」餐廳裡面張貼的價目表，比現在的價目表稍為凌亂，有很多食品售價價錢都曾經被人手臨時改動，選擇也沒有現在那麼多。「時新漢堡飽」到了現在，餐廳裡面的價目表已經變得比較整齊和企理，也再沒有被人手臨時用筆和貼紙改動的痕跡。而且現在的「時新漢堡飽」，還有兩頁的摺疊式橫書模式的價目表餐牌，詳盡列明食品飲品的售價價錢。我在星期日來到「黃埔花園」「家居庭」樓下的位置光顧「時新漢堡飽」，打算以「時新漢堡飽」作為星期日晚餐的場所，發現餐廳雖然有電視，但是電視機並非播放新聞，所以實際問題不大。至於晚餐食品方面，我分別點了一客「咖喱牛腩飯」，連餐湯「羅宋湯」和餐飲飲品「凍奶茶」的套餐，另外還購買了一個「雙層漢堡蛋包」，配「時新」招牌秘製沙律醬汁「時新醬」。我還是第一次聽聞「時新漢堡飽」把他們製造出來的招牌漢堡包沙律醬醬汁，稱呼叫做「時新醬」，或許正正就是自

呢間之前位於紅磡嘅時新漢堡，細細個就成日食，自從佢瞓覺搬咗去黃埔之後都仲未有機會嚟食，今日終於有機會啦❗️❗️❗️雙層漢堡包加蛋 $36 貪心嘅我就梗係揀咗雙層漢堡包，漢堡牛肉，係用人手逐個打成，牛肉味十足，唔會太乾，滿滿肉汁流晒出嚟，雙層漢堡，就有雙重享受，有機會要食另外加咗蛋又會令成個漢堡包嘅層次更加突出，但係用靚蛋製成，蛋味十足，推薦❗️❗️整體來講維持到以往嘅水準，呢種咁懷舊嘅漢堡包，都唔係度度都可以食到

今個週末選擇staycation渡過, 午餐去左食任食放題, 好飽, 所以晚餐就簡單食, 揀左呢間🇭🇰港式漢堡包🍔店。大約晚上7:15到達, 正值晚餐時間, 不過店內人客也不算多, 坐左一半到。我地點左兩個雙層漢堡芝士包, 一份炸薯條🍟, 一碗羅宋湯。雙層漢堡芝士包 - 建議如果晚飯時候幫襯就要嗌雙層漢堡甚至加多隻蛋🍳, 老公之後仲可以獨食一整包大SIZE卡樂B再加半支一公升橙汁。時新漢堡飽的漢堡非常港式風味, 我相信是絕大部份香港人都可以接受既味道。麵包軟熟也充滿麵包香。牛肉肉質鮮嫩juicy, 我覺得時新既漢堡肉好有香港家常菜FEEL, 感覺就好似會係屋企食到既自家制肉餅, 每食一啖都食到一陣豉油糖豆粉麻油既味道, 雖然呢個可能係我既錯覺, 不過唔好理喇, 最緊要好味, 同埋搵到一份港式情懷覺得好開心。炸薯條 - 呢種波浪坑紋炸薯條宜家已經好少見, 拎返酒店食已經凍左, 但都好味, 真材實料好有薯仔🥔味, 所以如果堂食既話推介必點。羅宋湯 - 呢個唔掂, $15一碗湯, 個外賣盒已經唔係大, 但都只有外賣盒一半份量, 茄味微弱(睇顏色已經知), 但就極辣, 入唔到口, 自行加左大量

洋蔥圈好脆好好味雞翼乾麻麻地漢堡好食下午茶抵啲但點都要配薯條都ok但我麻麻地加杯嘢飲三四十到黃埔嚟講算係咁但個位滴水比我到食會叫洋蔥圈但有啲貴雞翼就唔會再食啦哈

係細個呀媽整漢堡包俾我嘅味道呀😋😋😋係好香港好地道嘅香港漢堡包🤣呢個係雙層漢堡芝士蛋包，加左10蚊變雙層，事關我肚餓到爆炸🤣個包未食，啲醬同肉汁已經流晒出黎，叫雙層係無錯嘅！咬落勁有牛味，加埋沙律醬同芝士，仲有隻蛋，食得好豐富，好滿足😋薯條係正常薯條，係典型香港炸髀薯條個隻，當然要點埋茄汁啦😛以為食完會仲肚餓，但！好！飽！起身個下就知道啦🤣呢個包好食過好多好貴個啲burger 😛😛