茶啡檔

Open Now

Now Closed

Visited T-cafe a few times, first time in 2008 was the best experience: tasty curries and good meat. Lately the food isn't that good anymore. Everything seems to taste the same, meat is chewy and sinewy. Western style it certainly isn't.Nice people running it, though.

T café位於聯和墟，午市時人頭湧湧，但看看水牌，是中西夾雜，就算格局比較優雅，其實都是一間茶餐廳。午間一個人吃飯，無所謂，找位〝攝〞又容易，只簡單的點了鹽焗雞飯，例湯是木瓜湯，味道還不錯，雞與飯是分開上，其實是鹽水雞先真，但浸得幾嫩滑，再加一杯凍飲，都不過$40，比連鎖快餐店平宜多了。

同以前細細個黎既茶啡檔唔同晒.我諗應該轉左手好耐lu..環境方面，都算企理，去果時５點到，無咩人，靜靜地食個tea真係幾開心架。叫左個下午茶餐－－白菌火腿意粉。嗌杯凍飲唔洗加錢　　整體其實唔錯，汁既份量岩岩好，唔會浸住成碗湯咁，味道我好中意呀，唔會太濃。放係意粉黎講又唔會太傑。　　d送方面。。。um....火腿係夠既...不過菌我淨係搵到一粒　　黎到最重要既靈魂－－意粉喇！好在佢唔係茶餐廳feel既意粉咋！我成日食餐茶餐廳叫意粉，都會比一pat淋晒既意粉我，但呢間竟然唔係，仲要有咬口tim！！軟硬適中，開心到我要上黎打食評呀！哈哈！

無啦啦全屋先後中招,今日好少少,諗住落聯和墟搵下野食,同太座行行下,見呢間都未試過,口碑又好似唔差,無壞吖,好又一餐,唔好又一餐啫.裝潢走美式路線,但牆上掛好多套餐相,又攪到不倫不類,香港餐廳毛病之一.午餐其實分中,西兩種,每種各有四,五款選擇,可以講話幾多,而且都係三十蚊起,唔算太貴,有湯有茶,學生都付擔得起.簡簡單單的,先上兩碗例湯,雖然是老黃瓜煲豬骨,但清清地,我係幾鐘意既.葡國雞 : 雞跟白飯是分開上,白飯另用椰菜伴碟,葡汁可以話係呢道菜既靈魂,既有椰汁香味,又唔太濃冽,而且帶有微辣,雞件唔太大件,食得出係一齊煮,並非求其淋d汁上去就算,再加上雞件雖然係冰鮮貨,但處理得好,食落叫嫩滑.乾燒伊麵 : 呢個就失色好多,雖然洋蔥絲好香,但醬油太甜,而且好油,食多幾啖都覺得"膩".要提一提係黑板上無寫有餐湯同餐飲,我無問佢都唔出聲.每個餐都係三十個大洋,上菜算快手快腳,不過中途見到位六,七十歲既老人家捧住一盆刀叉由後門出黎,好明顯係就清洗工作,雖然行動緩慢,而且仲跌左d落地,但伙記都無'喝'佢,由得佢慢慢黎,真係佩服老人家自食其力,亦都欣賞其他人對佢既包容,人情味此刻盡在不言中.

前幾日同婆婆和妹妹黎呢度食早餐個場都幾旺, 十幾張枱坐差不多坐滿場入面好有美國small town feel加上頭頂轉下轉下ge 風扇.....超舒服.....落完order伙計都幾快手就送左食物上來婆婆叫炸菜肉絲米線我叫左三文魚炒蛋妹妹叫左香草豬肉豬藍妹窩夫婆婆個米線雖然都幾大碗....但係食落就無咩味lor.....失望wow..................但係我個三文魚炒蛋就好正, 好fresh 的感覺唔會太油, d 三文魚唔會太熟, 炒蛋亦唔會太老仲有埋bacon, 又唔會太dry, 肥瘦剛剛好 一個字 正!!!!妹妹個香草豬肉豬藍妹窩夫又係好正!!!!佢個窩夫連婆婆食完都話一流!!!可惜食完先醒起唔記得影相.....$25 連野歛凍熱同價勁抵食!!!

尋晚成10點幾先番到粉嶺，但係又未食晚飯，基本上冇乜選擇。結果發現T Cafe未close，於是即刻入去睇下有乜野食。原來成10點佢重乜都有，結果我食左個咖哩雞飯同飲左凍奶茶。食物不過不失，員工服務OK，都係一個可以再食既餐廳。不過尋晚隔離有兩個男人晌道睇手提TV，重要開到好大聲都幾煩... 不過算啦，佢地都係冇地方去先係咁姐...

同呀DOM食完麵後,仍未夠就無奈地回家了.回家後呀媽話同我去食T,仲指家食呢間TIM.我真係好開心,又可以食LA~去到巳是4:00,人流不多,店內的服務員不是後生的年青人,但真是很有禮貌,值得一讚,我們叫了2個T-SET.焗薯+奶茶($28) ,芝士火腿飛碟+奶茶($24)焗薯香噴噴,有D芝士同,紅色豆好好味,芝士火腿飛碟外面好脆,我食了一口,裹面D芝士好多,流出來,所以食的時候要小心D.奶茶好香滑.夠茶味.唔怪得呀媽指定食呢間LA~果然好介紹~哈

我記得第一次係同我男友黎食晚餐..............叫左好多野食唔哂~佢地個份量唔係細..........一個人只好叫一樣野就夠!下午茶:curry牛腩粗係好好味架~~~正呀!

5.7.2008 (六)第二次黎T-cafe,好懷念肥豬上次食個o個大碌德國腸蛋餐,今次我要食哩個!!$17 一大碌德國腸加炒蛋加多士一塊,碌腸已經足以質飽你.... 炒蛋好味道~德國腸又好味~我仲食唔晒添,雖然無野飲,但我覺得都唔貴呀。肥豬就食咖喱牛腩河粉,好古怪的配搭,河粉都唔o索汁o既............... 亞姐唔記得幫佢杯凍?茶落單飽飽~多謝肥豬!

冇耐之前去過比佢個出面個招牌吸引去既晚餐時間都幾多人岩岩好有2個位入面真係一d cafe的感覺都冇而且其他客人都係食小菜...變左茶餐廳 ? 唔緊要, 因為d野都幾好食, service都ok同埋塊扒係大到好難形容就快突出隻碟...haha唔知係我咁好彩定係佢地standard係咁呢值得再去架!

可能始終都是粉嶺吧，咖啡店來說都不休閒的感覺，環境來說都是欠缺一點。但說回下午茶，算是可接受，它的厚多士及白汁火腿意粉都是有味道的，雖然平凡了一點，但總有合格吧，為一美中不足是那些特殊咖啡系，竟然沒有凍飲的，最要命的是用回普通的咖啡混起來就算。這店不可算是咖啡店，只可以說成咖啡店裝修，基本茶餐廳水準~~沒有特色東西~~好像還找不到自己要走的路那樣~~東西是多但沒有特色及令人必吃不可的感覺。

下午茶叫了PIZZA + COFFEE.PIZZA D料有腸仔+菠蘿+茄汁,雖然簡單,但即叫即整始終唔同D!好食!熱0架啡比想像中0黎得普通.同茶餐廰一模一樣,同個店名唔係太相配...總括0黎講,算係唔錯的了!!!

晚餐巴東牛肉勁正!選用新鮮牛腱,加埋秘製巴東汁,煮得好諗,同埋d奶茶好好飲!仲有早餐勁多選擇,雖然多人d,但等位係值得ge!

下午同朋友去T cafe坐下,估唔到幾多人下同埋有d外國人,我估係附近做野個d我叫左個魚柳什果沙律,而我朋友叫左個唔知咩咩芝士腸個魚柳好香好脆,我試過個芝士腸都好香我之前都黎過幾次,不過今次好似進步左

估唔到database裡面就連呢間茶餐廳都有, 相信openrice都有唔少粉嶺街坊! 我以前都係粉嶺街坊黎嫁!以前周未周日唔駛返學, 朝早好多時都一家四口黎食早餐, 我必嗌四寶麵加熱horlick!四寶麵o既四寶係腸仔,火腿,餐肉加煎蛋,再加個福字伊麵, 真係豐富到暈! 味道就普通茶餐廳質素, 貪佢早餐有成十幾個任揀!而我家姐就鍾意叫佢個奶醬窩夫, 不過後尾好似無左呢個option啦! 唔知係咪無人嗌呢?我臨搬前佢地重新裝修過, 而家打通左兩個舖位, 感覺寛敞d!