大茶飯 (將軍澳中心)

Open Now

Now Closed

大茶飯自開張以來都係我既飯堂，試過幾款唔同類型既食物都幾唔錯。車仔面，最中意既面底係台灣面，份量多又好食，餸方面，牛筋真係好正！夜晚有火窩食，一食就知材料好高質，所以價錢相對其他地方既一人火窩較貴都係比較合理的。另外仲食左糖醋魚飯，魚肉好滑，好味。咖哩豬頸肉飯，呢個就比較普通，日式咖喱飯既味道。冬瓜茶係送既，幾好飲！如果去台式飲品店買都要廿蚊，所以送既真係好抵。將軍澳中心食嘢都幾貴，呢到比較平又好食，會繼續嚟！

今晚收工去屋企附近選購聖誕禮物，行到咁上下黎左food park搵野食，朋友話要食台灣野，我地就揀左呢間大茶飯，裝修光亮整潔。<蒜炒雜菜>（$68）有西蘭花、椰菜花、菇呢啲健康食物，先係飲食均衡既一餐。<沙茶牛肉> ($68)我同朋友都係菜寶寶，好慶幸呢味有咁多芥蘭配住牛肉。因為係沙茶醬煮，所以都比較油同濃味。<番茄豬軟骨配白飯> ($58)呢味比較失色，以為個汁會分開上，原來直接淋上白飯度。味道唔知點解比較鹹，無酸甜味。豬軟骨未加熱好，所以仲係有啲雪櫃既冰冷...<健康瘦身黑豆茶> ($22)、<薏米水> ($18)朋友揀左黑豆茶，味道就係比較健康既無加糖。我呢個薏米水微甜，都幾重薏米味，幾唔錯。<黑糖芋圓仙草凍3號> ($43)甜品方面都算幾足料，呢個三號就係紅豆、薏米、珍珠呢個配搭。口感豐富，唔會好甜。

今日同朋友仔經過由藝人開設嘅台式餐廳。喺好奇心驅使底下+文青如我，當然要試吓佢味道如何。一試之下，果然冇令我哋失望啊！一坐低朋友即刻叫咗呢個大雞扒飯。本身冇諗到係配肉燥飯，好多肉啊！岩哂食肉獸！主角雞扒大份又juicy，肉燥肥膏唔太多，食落岩岩好，醬汁甜甜地我就點左嫩雞麻香拌麵，成日出街食麻辣麵都係齋辣唔麻，貨不對辦！但係呢個拌麵麻而不嗆，又麻又香。配上又嫩又滑嘅花雕醉雞真係好夾，俾個like佢鹽酥雞系台式菜嘅靈魂，所以又脆又嫩嘅雞肉相信係基本門檻！但係呢到嘅鹽酥雞唔單止份量夠多，而且調料十分出色！多人嚟食叫呢個開心share都十分之抵食食台灣菜緊係要配一杯珍珠奶茶！見佢有豆漿就一齊叫埋試下分別。黑糖珍珠唔洗驚太過甜膩，珍珠都好彈牙。如果鍾意飲甜野嘅話，強烈推介黑糖珍珠豆漿！又滑又甜又彈牙另外，呢到芋圓糖水好出色，芋圓QQ彈牙，食到唔停口。而且店員好體貼，知道係兩位share，送上嚟已經俾多個碗仔我地，貼心服務加分近月社會事件影響，大家嘅心情較為低落，一句齊上齊落，香港加油！真係令人覺得好warm

呢期都坑口揾食多今日Tea time朋友約我食大茶飯我開頭以為講笑 不停問餐廳名佢地話呢個就係餐廳名位置有d偏入 花左d時間去揾下午茶時間 唔太多人而且選擇都好多叫左幾樣野食+2杯飲品裝潢都好舒服 lighting都足夠佢地出菜都好快 番茄豬軟骨飯d軟骨好入味 又夠淋番茄味好出 份量因為下午茶sizefor我就剛剛好 咁就可以食下其他野又唔會太飽跟冬瓜茶味道偏淡 唔會好似台式飲品店咁濃滷水拼盤有蛋 有雞翼 有大腸 肚絲好足料仲好入味朋友同我講 呢個係平時佢食開台式紅豆冰原來特別地方 就係多左珍珠香煎餃子一放入口 立即拿返出來剛剛炸清炒A菜都係$175/位

見將軍澳中心開左好多新餐廳都未食，就試一試呢間大茶飯，12點幾去唔洗等位就有得入。我同朋友叫左一個鹽酥雞肉燥飯，同埋一個車仔麵，要17歲的麵小辣，麻辣鴨血，秘製豬頸肉同埋菠菜。個鹽酥雞都好多舊，而且啱啱炸起，熱辣辣好好食。車仔麵方面，個小辣比想像中更辣，好彩有叫到杯凍豆漿解到辣，而佢個湯係分開上，對於維持麵嘅質感相當好。另外，我地叫左一個遍地黃金哈哈蝦，好濃嘅蛋黃味，而且d蝦好爽口，我自己就用埋黎送飯食添。另外追加嘅糖心蛋有兩隻，每人一隻可以，再加埋醬汁都幾特別。

同媽媽二人世界，來到了大茶飯試試台式料理。餐廳環境光鮮明亮，是文青小清新風格，感覺很舒服。自選車仔麵當然要試試店家主打，17歲的麵（拌麵小辣），麵非常幼身有咬勁，加上特調醬汁十分惹味，小辣也算是bb級別，不錯吃。餸料方面，揀選了勁爆芝士丸和秘製辣魷魚。前者賣相極吸引，外表經過炙燒，內裡有大量濃郁芝士，味道偏甜，值得一試。而辣魷魚煮得軟淋入味，份量十足，與拌麵很搭配。台式炒米粉米粉屬於幼身，加上紅蘿蔔，蛋，蔥和豬頸肉等豐富配料，吃得很滿。值得一讚是米粉炒得很出色，每一口也吃到米粉和配料，加上面頭的蔥花和蒜，很台味。香炸拼盤貪吃的我，當然想一次試不同口味，拼盤有甜不辣，牛丸，豬肉餅等等，每一樣也有水準，沾上台灣獨有的醬油膏，香口惹味。芝士蘑菇雞翼雞翼包著滿滿的蘑菇和芝士，味道也是偏甜，個人覺得蠻搭配亦不油膩，而且啖啖肉很滿足。檸檬薏米水吃了炸物，再喝一啖薏米水，即時感覺很清新。而且內裡有滿滿的薏米，真材實料，是健康寶寶必點飲品喔！

餐廳裝修好靚，檯都係以雲石系做主調，但張枱比較細。 食物種類都比較多，有火鍋，羊腩煲，車仔麵，各類台式小食主食等等。17歲的麵呢個係乾伴麵黎，小辣都會覺得辣辣地，唔太食得辣叫小辣ＯＫ了。呢個麵都可以加食送。我地叫左花膠，蝦餅，滷水雞翼。三款食送我都覺幾好，花膠係真係有平時食花膠既味道口感，蝦餅味道ＯＫ但口感係淋唔係彈牙，滷水雞翼好入味好嫩滑。麵底一般。7/10大茶飯雞扒一開始覺得雞扒好似細舊唔夠厚肉，但食落口有驚喜。一食已經覺得好香好惹味，係香矛椒鹽味，味道好好食，但肉唔夠厚同唔夠嫩。6/10乾煸四季豆同外邊食唔同，呢個係唔辣冇辣椒，反而多左分新清味道，因為除左肉碎外仲加左椰菜西芹蘿蔔絲等，我覺我幾特別幾鍾意呢個煮法。8/10

大茶飯人人都想食大茶飯，行過將軍澳中心，真係有一間叫做大茶飯，一於入去試吓😄兩個人叫了很多東西 ：台式車仔麵，柱候牛筋，炆得唔會太冧，又唔太韌，啱啱好，非常有彈性，風浪三波，牛筋丸魚蛋芝士丸，粒粒都好食，加埋新鮮菠菜，配合麻辣湯底，簡直天衣無縫！台式牛肉麵，湯底夠正宗😋另外叫了三個小食，鹽酥雞，炸得啱啱好，又唔會太乾👍椒鹽豆腐，有六大件，外面脆博博，內裏軟綿綿，感覺一流！韭菜餅，外皮煙煙銀銀，咬落去充滿韭菜香味！食咗咁多，飲番啖檸檬薏米水，真係很滿足😄

週末除了是親子時間，亦是與朋友聚一聚的時光。小火子最近愛上了踏單車，將軍澳亦成了我們經常出沒的地方。剛好朋友說要在將軍澳聚一聚，更要帶我們去食大茶飯。大茶飯其實是位於將軍澳中心的台式餐廳，現在更有一人一鍋的打邊爐，打邊爐是小火子最愛呢！我們點了台式和蕃茄湯底各一，每個火鍋的份量也不少，而且價格十分親民，每個鍋都只是大概$100，配料料可再追加，連鴨血也可以點呢。喜歡香口食物的我，就十分欣賞鹽酥雞與酥炸蠔，小火子超愛這個鹽酥雞，不停吃了很多塊！酥炸蠔用的是製作蠔餅的小蠔，十分鮮味。惹味的小吃是一班朋友邊聊天邊吃的最佳拍檔。雖然已吃得很飽，但吃甜品仲有多一個胃，火箭爸的檸檬愛玉十分fresh! 而我點的芋圓仙草配紅豆除了賣相讚之外，也十分真材實料，不會太甜好吃！吃埋甜品就讓這個飯聚完美了。如果大家帶完小朋友去將軍澳玩，推薦大家去試試囉。幸福的話，可能有機會會遇上老闆娘美棋BB啊。

決定入黎呢度試下, 然後叫左：~~~~~~~~~~~~~~~~~~【花雕嫩雞麻香拌麵 ($62)】雞肉嫩滑, 份量都多, 雖然入味但唔夠熟(出血太多)P.S:希望能改善下, 不要靠快。~~~~~~~~~~~~~~~~~~【黑糖芋圓仙草3號 ($43)】食完覺得不錯, 有機會下次會再黎食~~~~~~~~~~~~~~~~

雞排配豬油飯見到有得加5蚊轉豬油飯咁當然試一試啦，雞排有好香既香茅味而且炸得岩岩好，有肉汁而外皮夠脆，豬油飯冇想像中咁濃味，感覺上冇咁肥膩同埋成口油既感覺，都值得一試!櫻花蝦蝦球粥櫻花蝦同埋蝦球既量都幾多，蝦球爽口彈牙，加埋粥食好有鮮味，另外蔥、花生同埋油炸鬼都係另一碟上，自己想加就加。個粥底都唔錯幾綿同埋水既比例都適中!煎蠔餅好傳統台灣既蠔餅，蠔仔係中間而蛋就係側邊。蛋煎得夠香又唔會太老，加埋蠔仔都好新鮮冇怪味，仲有跟埋既辣椒醬都好開胃，鍾意食蠔餅既要試下啦!黑糖芋圓仙草凍2號最後食咗呢款糖水，其實都真係好足料，有紅豆、綠豆、珍珠、仙草、芋圓同埋少少花奶，量夠多而且都係煙韌唔會粉哂既，甜度亦都岩岩好，下次經過就咁買個外賣糖水食都好滿足!

下午茶去食，兩個唔同嘅店員都充滿自信咁落錯單，一句道歉都冇，自問講嘢唔係細聲，講得清清楚楚H餐鹽酥雞，第一個落咗D餐豬軟骨，第二個落F餐吉豬，個阿叔覆單答F餐個陣我提咗佢係H餐鹽酥雞，佢同收銀廚房都係話F餐，我openrice 搵返張tea set menu 放大指住問佢，係咪幫我落返H餐，佢兇我話咁而家要F定H餐🙄🙄韮菜餅係炸嘅，台式呢款叫韮菜餡餅，應該係煎嘅，味道不過不失，只係貪方便唔正宗，唔算難食鹽酥雞味道幾好，但都係廚房貪快，切到啲雞太細嚿太碎，入面乾爭爭，外貌似人地食淨，好唔吸引最難食係肉臊飯，嚴重懷疑個廚唔識分醋同豉油，或者冇食過台灣嘢，成兜嘢酸酸宿宿，我淨咗大半碗啃唔落黑糖珍珠豆漿冇乜特別，唔值得加15蚊

近年越嚟越多明星開食店，美棋BB都唔執輸，喺將軍澳中心開咗間台式餐廳《大茶飯》！台灣嘢我成日都淨係識食肉燥飯、鹽酥雞呢啲，呢到菜式包羅萬有，名字特別。我哋就叫咗個台式一人火鍋同「17歲的麵」👅17歲的麵 ($23)• 風浪三波（牛丸、魚蛋、勁爆芝士丸） ($12)• 牛柏葉 ($14)• 生根 ($9)「17歲的麵」係餐廳嘅招牌，麻辣味道嘅拌麵加上經典配料，讓大家回想起自己人生嘅「17歲」、青春🥰麵身彈牙，帶有微辣刺激，配料自由配搭🤪養生花膠鍋 ($128)• 肥牛片/白肉片、黃金蝦天婦羅、花枝丸、蜂巢豆腐、炸支竹、清甜蘿蔔、雲耳、金針菇、冬菇、唐生菜、稻庭烏冬曾經一講「一人火鍋」就會諗起某連鎖日本食店，但原來外邊仲有好多好多選擇😆呢個養生花膠鍋相當足料，花膠大大塊，仲要一啲都唔孤寒！另外其他配菜都好夠份量，又新鮮，正正正👍面醬炒白菜仔 ($63)白菜仔新鮮爽口，味道偏咸。波濤洶湧奶茶 ($25)呢杯飲品就有啲遜色:< 「波濤洶湧」但珍珠唔算好多，而且偏硬；奶茶偏甜，尚有茶味。-Menu:

今晚探索將軍澳中心嘅‘food corner’，雖然地方有少少隱蔽，但大茶飯係眾食肆裡面裝修得最清新嘅一間，台式文青小店。今晚試咗雞扒肉燥飯同花雕雞麻香拌麵。雞扒肉燥飯嘅雞扒炸得有少少硬，上面有啲香茅絲，味道偏咸，但佢配咗個幾好味嘅青瓜粒，都算唔錯。拌麵出乎意料地好味，有咬口（嚼勁），有好少好少麻辣味，而個花雕雞係完全無花雕味（我隔離嗰個話有少少，但完全唔覺），亦都無醉雞味。翼位碎骨比較多，但肉質算嫩。雖然唔係想像中咁但都唔係唔好食，味道幾特別。另外一杯珍珠奶茶（記得叫少甜？）都有驚喜，我唔鍾意甜野，但佢個黑糖入到口非常醇厚兼滑，有少少苦味，唔係齋甜。整體嚟講都算唔錯😋

走到將軍澳中心這邊才發現這間餐廳大茶飯。這是一間中菜台灣菜，已有好幾個食客在排隊，menu看起來款式不錯，一於試試。🌈花雕嫩雞麻香拌麵 $62一整碟送到眼前，賣相擺碟吸引！雞肉嫩滑，份量不少，啖啖肉味道入味。麻香拌麵比我想像中的稍辣，面上撒港花生碎增添層次，麵不只辣，還有麻的感覺，喜歡吃辣的朋友會吃得過癮！🌈自選車仔麵 $54 友人選了車仔麵，不只菜式選擇多，連麵的選擇也多！友人選了淮山麵，點了魚蛋魚片頭金錢肚，配上豬骨湯和沙爹汁，每一樣都可以自己選擇。味道不錯，份量十足，值得一試。🌈蒜香雜菜 $68 滿滿的西蘭花椰菜花，蔬菜新鮮，炒得好食又不會太咸太油膩，一下子被我們吃清光。🌈養生紅豆紫米糖水 $32 點品是紅豆糖水，不是煲得綿爛那種，糖水偏稀水，不會太飽肚，不會過甜，個人頗喜歡。食完覺得不錯，下次會再來吃！