大茶飯 (將軍澳中心)

Open Now

Now Closed

行入餐廳講明唔搭枱，坐低後幾分鐘侍應帶咗一名男子嚟我張枱(對角坐但冇板隔住) 我再同店員重申我唔搭枱，佢竟然叫我離開座位去出面吧枱坐( 聽到簡直反應唔切😱😱) 後來該名男子聽到呢段對話就主動行開咗... 2分鐘後侍應攞咗塊板過嚟隔住兩張枱，但係塊板搖搖欲墜不停跌🥴🥴整體感覺並不良好🙄🙄真係忍唔住即刻要寫負評，俾職員態度嚇親😱 😱本人吾會再嚟更加唔會推介人嚟——除非你好鍾意搭枱LOLLLLLLL

有一天看了網上既食評家點評呢間食店，講到好好食咁，又是明星開設的台灣小店，於是就即晚去試一試。去到門口大批人在等候，原來只是等外賣，入面仲有座位，員工服務差，只叫等等，又冇比飛人，又冇話排邊度落單時，其他店員都黑口黑面，沒有台灣人那麼熱情招待既感覺。我們點了最出名那些，雞扒配魯肉飯，杏包菇，炸酥蠔仔同檸檬冬瓜。每款都普通料，吃不到台灣原味道，而且價錢好貴，不宜再吃。雞扒太普通，咁就炸既，冇特別。菇味調得ok, 但太貴。柯仔酥，太多，如果平一半，份量少一半，而比人叫會好點。檸檬冬瓜茶，差，要$20杯。仲要咁差既服務，仲要加一，貴到不行

第一次食大茶飯，唔需要等好奈就可以入到去食。我地叫左麻辣水煮魚薯粉，大茶飯雞扒配肉燥飯，另外再加多一個鹽酥豆腐。😋本身想叫多一個蔥油餅，不過今日已經賣曬，可惜試唔到😣。麻辣水煮魚薯粉雖然是麻辣但唔會話太過辣，食到最後先會感覺到個嘴會有少少麻麻痹痹，味道都還可以。小心有魚骨😂大茶飯雞扒配肉燥飯，肉燥飯還可以，不過雞扒就有少少硬。鹽酥豆腐味道幾好，外脆內都算軟，不過唔知今次係唔係落鹽重手左，鹹左些少😂😂另外，我叫左杯豆漿，重豆味，不過就係無糖既。整體來說都算還可以。

今晚去咗一間好有台灣風味小館叫做大茶飯，其實係俾佢裝修格調顏色吸引咗，佢用左一系列淺灰藍加杏色，俾人好舒服嘅感覺！仲有佢餐牌嘅選擇非常之多尤其有一系列好特別嘅自選車仔麵。我選咗佢哋招牌拌麵叫做17歲的麵。𠲖款係廚師每日新鮮做淮山麵配特製辣油。我揀咗小小辣但係我都覺得比較辣一啲。估唔到佢配麵另上嘅湯係非常之好味，好似濃雞湯咁樣！配料我揀咗黃金蝦餅同埋秘製豬頸肉兩樣，都不過不失！當然拌麵真係非常之好食，彈牙質地，我唔食係好食得辣，但都全清！

本身很支持呢間店，午餐餐牌由大部份只有肉類，改成更多元化的選擇，定價很有吸引力，尤其喜歡古早炒米粉。二人限聚令下，堂食及外賣生意尚可，樓面對入座及座位的安排是十分嚴謹，但飲品的杯具留有殘漬，感覺當然不好。廚房員工大部份都沒有把口罩戴好，食客可以從出菜位見到廚房的情況；疫情下知道自己食既食物，由廚師一路不戴好口罩，一路傾偈下預備，可以想像食下多少廚師的口水，明白廚房氣溫高，戴口罩不是容易既事，但疫情下每個人都要保護好自己，保護其他人，希望會認真改善。

蘿蔔魷魚豬血沙嗲淮山麵 $49配菜正常，沙嗲湯底比較淡，淮山麵有口咬，唔會一夾就散，但湯份量少，麵索水，食到一半已冇晒湯。黑糖芋圓鮮草凍3號 $43極細杯，可以用杯黎形容，唔係碗。超甜，糖尿級既甜。成件事唔夾，芋圓冇味，黑糖再加紅豆加燕麥，口感差，漿住晒。。📍有最低消費，每人$42。

《黃得夠好味😋》———————————————-大茶飯 🍚疫情反彈，又唔可以出街食飯啦，唯有叫外賣，將軍澳都有唔少黃既小店。佢個名咁響，等我就試下呢間大茶飯啦。-主打台式茶記feel，叫左個炒河同豬扒配肉燥飯，炒河同一般港式乾炒牛河有啲唔同，係轉用左牛雜，食落仲有蒜香。而豬扒就大大塊，表面酥脆內裡鬆軟，肉燥飯上面鋪滿肉燥，認真抵食。另外，仲叫左個小食，個雞翼非常入味，麻辣味好出，爽🔥-咁啱見到某外賣APP做緊優惠，送埋黎連埋運費都係total $150。呢間野既野食都份量超大，最後可以分兩餐食！😝-⭐參考價錢︰大茶飯炒河︰$78大茶飯雞扒配肉燥飯︰$67必食麻辣雞中翼︰$44-🍌抵deal 指數：8/10💰人均消費：$75

是日下午茶:-鹽酥雞滷肉飯配蔥油餅+豆漿因為「去唔到台灣就要食台灣菜」，所以試下明星開的餐廳「大茶飯」，餐廳滿滿的古早味!-鹽酥雞滷肉飯配蔥油餅+豆漿鹽酥雞應該是選用嫩口的雞腿肉塊，炸衣做到台式咁薄薄一層，鹽味也不會過鹹; 滷肉飯飯粒分明，肉燥的份量剛剛好，撈一下就撈勻每粒飯，食落去都不會肉燥過多或不足; 肉燥也很香，略帶少少油脂。葱油餅份量足夠二人進食，餅身薄薄，放近嘴邊有淡淡葱味，不會很乾很難入口。點豆漿時，侍應話是自家磨的，喝下去後，喝得出豆漿有一些渣的，也不會太甜落很多糖，真係有少少喜出望外。總括: 除了價錢稍貴之外，這裡的茶餐是有質素 ，有驚喜!試得過!

依間係藝人黃美棋開嘅餐廳🤣主打台灣菜，都幾多選擇下， 台式小食、台式鹽酥雞、招牌大茶飯雞扒、大大塊豬扒、滷肉飯、台式車仔麵、芋圓仙草等都有🤤🤤而且價錢中等，可以一試！🐷大大塊豬扒配滷肉飯 Lunch Set $68講下個滷肉飯先🤤啲米係珍珠米，而滷肉嘅味道有台灣feel，夠濃味，份量都足夠，但係唔夠熱😭豬扒炸得有啲乾身...搞到咬落去有啲柴，但都醃得幾入味同埋真係大大塊🤣餐飲就揀咗豆漿，都幾好飲，幾滑，如果豆味再濃啲就更出色啦🤫🐔大茶飯雞扒配滷肉飯Lunch Set $65個滷肉飯係一樣嘅🤣雞扒外表炸得有啲過火同有啲位燶咗，但入面嘅雞肉竟然好嫩滑，仲好juicy 添！個人比較推薦雞扒多過豬扒🤭餐飲就揀咗薏米水，無攪勻飲好淡味，諗住攪完會好啲，點知真係變咗水咁😂好奇怪😂仲有小小膱味🤢🌭台灣香腸 $28咬咗一啖之後完全係雙眼發亮咁繼續食落去🤩同台灣食嘅一模一樣🤩配埋蒜片更加惹味🤤🤤🤤中意食台灣腸嘅必嗌🥰🍕跟餐加配 蔥油餅 $16蔥油餅即叫即煎，上檯時仲係勁香脆熱辣辣，有6大塊，外脆內酥，蔥香味四溢🤤🤤依款小食都係必嗌🥰😋味道:8/10🤩賣相: 8/10💰價錢: 8/10🧡CP值: 7.5/

我哋6點3到咗餐廳，見到唔多人就即刻拎飛，第二張枱就到我哋，餐廳提供ikea 小童高椅，枱與枱之間用膠板分隔，我哋嗌左兩個餐，一個係炸雞滷肉飯，一個係牛丸牛肉菠菜米線。炸雞滷肉飯，啲炸雞好脆，好juice ，滷肉飯都好入味，不過就想個份量再多啲。牛丸鮮牛肉菠菜米線，因為係俾仔仔食所以叫得清淡啲，啲牛肉好林，牛丸又好好味，菠菜就一般，豬骨湯底清淡。叫多咗杯台灣奶茶，係黑糖嚟嘅，幾好飲👍🏻餐廳仲好貼心提供左兒童餐具，整體唔錯！

將軍澳區一向都冇咩好食，因為大部分都係商場同連鎖餐廳早排見到將軍澳中心裝完修之後有一個角落頭係開左好多餐廳小店，於是去試新野！一黎就比呢間台灣野吸引左，入到去每人點左個lunch set同兩個小食～我食嘅係大大塊豬扒配肉燥飯。豬扒真係大大塊，而且表面酥脆內裡鬆軟肉燥飯都大大碗，面頭鋪滿瘦肉整成嘅肉燥，唔會太油膩大大塊豬扒配肉燥飯小食黎講，個蒜辣雞翼尖非常入味，睇落白色以為唔辣，食落都幾辣而且出面d雞翼尖通常係用油浸住上，但佢呢個唔係，所以感覺冇咁油膩個人幾中意呢個小食蒜辣雞翼尖另一個小食秘製辣魷魚都好味～質地好爽口，而且都係好入味，咸淡適中而且有少少辣都幾惹味秘製辣魷魚

星期日晚上，商場沒有因疫情影響，到處食肆依然人頭湧湧，看看依間竟然有位子，便一支箭衝入去😆。眼闊肚窄既我叫了好幾樣食物🤣🤣。首先來了「麻辣三寶」，分別有鴨血、蘿蔔同魚蛋。鴨血味道不錯，冇臭味，麻辣味亦夠，魚蛋亦好彈牙，唔似平時雪藏魚蛋，而蘿蔔就普普通通，同埋只有鴨血有麻辣味，而蘿蔔同魚蛋感覺就好似分開煮感，最後先放埋一齊感，令到麻辣味唔出。之後黎左個「金磚豆腐」，我見隔離枱個個好靚所以忍唔住叫黎到好靚，搭得好高，但食落個口感好奇怪，唔似豆腐，似魚肉但冇味既魚肉感而旁邊既碎碎我以為係芝士咸蛋 ，但味道極淡，得好少咸蛋最後食左少少就放棄左。之後黎左個「咸蛋苦瓜」，點知一黎到都嚇一跳，點解感濕既，同我想像好有出入，好彩佢蒜蓉味突出同苦瓜都新鮮，味道不錯，不過就冇咸蛋味，因為佢只係得咸蛋白，冇咸蛋黃個餸應該改名叫「蒜蓉苦瓜」會較合適最後叫左個「醉雞卷」，又係廚師推介。食落去係暖的同埋完全唔入味，一點酒香都沒有，真係好失望，諗住廚師推介，應該唔會有伏之前食過依間食物都唔錯，但今次真係好失望。食物樣靚，但味道真係好一般！而且菜名好有誤導成分

疫情期間不能出國，唯有在香港找餐廳回味台灣之味道！第一次試呢間，食物質素有驚喜！我是經得起風浪的香港人，下次要再黎食大茶飯！#大茶飯 #台灣菜 #椒鹽豆腐 ：有驚喜！皮脆豆腐煙韌有口感！#大大碗飯 #鹽酥雞 ：好脆！多粒！好味！#豬扒肉燥飯 ：正常好味！有粟米俾你撈落飯度更好味！#糖醋魚塊 ：皮夠脆！汁夠酸！好醒胃！#韭菜餅 ：點那醬汁吃，不錯呢！#芝士磨菇雞翼 ：啲汁爆出嚟同雞翼一齊食真係無敵！#珍珠奶茶 珍珠彈牙好味！但冰溶了味道便淡了。#豆漿 正常夠甜。#經得起風浪先食得起大茶飯

5月28日中午12時50分，兩位，點咗兩個麵餐。第一個淮山麵，花膠，金錢肚，芥蘭，牛肉湯，沙嗲汁，飲薏米水。第二個粗麵，鴨血，蘿蔔，牛腩，牛肉湯，沙嗲汁，飲薏米水。先嚟咗個粗麵，大致ok，但啲蘿蔔煮到爛晒，感覺係用剩不斷翻煮。後嚟個淮山麵嚟到，朋友話啲淮山麵好特別。但食到一半，朋友食到一條雞翼骨。朋友厚道，只係同侍應講，明明無點到雞翼呢個餸，但點解會有雞翼骨？侍應第一個反應唔係道歉，而係check我朋友張單...仲即時拎走碗麵入廚房，出返嚟先講唔好意思幫你重新煮過，如果唔鍾意都可以取消...朋友無晒胃口，當然係取消啦。我自己都唔敢再食個粗麵。之後個侍應仲要此地無銀咁話，係夾餸嘅食物夾黐到條雞翼骨，因為啲雞翼煮得好淋所以咁乾淨。我同朋友都無晒胃口，唔食走人。但朋友實在太老實，仲幫我俾咗一個餐嘅錢。極度不滿餐廳之食物質素，以及員工處理事情之手法，請正視！

今日我哋去咗將軍澳中心嘅大茶飯食晚餐，呢一間之前睇宣傳話係明星開嘅餐廳，所以我哋慕名去試吓一見到門口有火鍋，即刻心心眼左，夏天都有火鍋真係的確好少有，原本睇中左個花膠雞不過可能我哋太晏去，已經賣晒，所以我轉食台式牛肉綜合鍋$108呢一個鍋底裏面有肥牛片、牛柏葉、香菇貢丸餅、手打牛丸、花枝丸、蜂巢豆腐、炸支竹、清甜蘿蔔、金針菇、冬菇、唐生菜同埋稻庭烏冬佢呢個秘製湯底真係好食到不得之了，肥牛片非常高質，佢個湯底真係一試難忘，最初以為紅色湯底會係辣，點知食落去一啲都冇辣味，虛驚一場另外我哋仲叫咗一個滷水牛展台式刀削湯麵$68 ，佢嘅牛展非常彈牙爽口，而且唔會太肥，而佢個刀削麵亦都非常出色最後我哋叫咗一個小食花雕醉雞卷，呢個醉雞卷好重花雕酒味，作為開胃菜真係非常之唔錯最後點少得要叫一杯波濤洶湧奶茶呢，打邊爐配珍珠奶茶真係絕配，雖然好少人會咁樣組合但係呢一個組合一直都係我嘅至愛