大茶飯 (將軍澳中心)

Open Now

Now Closed

平日嘅午餐已經自己煮到悶，係時候出街搵個靜靜地嘅角落食餐飯同朋友二人嚟到大茶飯，防疫措施做得好足，門口會量體溫，入面座位全部間晒板我哋揀咗2個lunch sets加啲小食先上嘅係咖喱牛腩飯咖喱唔會辣，牛腩都炆得好淋，再加上大量蘿蔔，十分餸飯蛋白菜粒鰻魚炒飯炒得好靚，有粒粒鰻魚肉，豆角，蛋絲，層次豐富有口感珍珠米食落煙韌，而且每粒都沾上甜甜嘅蒲燒汁，加上紫菜絲，食落有日本風味美中不足嘅係鰻魚並非完全去骨處理，所以會有啲邊邊位有魚骨，要小心小食我哋另外叫咗口水雞，好靚嘅一碟雞份量大，足足有3隻雞髀肉，好白好滑成碟雞係鮮紅色嘅，滿滿嘅香料同辣油，食落真係好辣，食完個嘴變咗孖潤腸跟餐各加+$16可以配小食蔥油餅完全係有去台灣旅行嘅感覺好似台灣早餐店嘅酥皮蛋餅，煙煙韌韌，蔥味反而唔重鹽酥豆腐有驚喜，首先調味好香，豆腐炸到個皮好脆最特別嘅係入面白色嘅豆腐竟然係Q彈架！口感有啲似魚腐，又有啲似棉花糖般海綿嘅質地，值得一試總括黎講呢度啲嘢食都幾啱口味，唔怪之得見到好多白領午餐嚟外賣自取

牛𦟌刀削麵一食就覺得似759賣幾蚊一包嗰隻刀削麵，煮到好腍。。。牛𦟌都腍，但又冇乜味。。。肉臊麻香拌麵我以為係芝麻醬，原來係有少少麻辣醬，我唔食得辣都覺得好香，幾有驚喜。肉臊啲肉都仲食到一粒粒，唔係爛肉嗰種，撈埋個麵確實唔錯。仲有碗湯唔係好飲得出係咩味，但好重味精，試左兩啖就冇飲鹽酥雞$45一份，但個份量就真心少左啲。見到好多人讚，但試完又覺得冇乜特別，就係一般水準，唔會太乾太咸飲品好甜，波濤洶湧奶茶要左少甜都甜到似要糖尿病。。。黑糖珍珠豆漿就冇咁甜，不過都冇乜黑糖味

疫情關係宅在家，用App叫外賣變得更受歡迎。經香港良心Guide搜索，終於第一次親力親為用app叫外賣。藝人黃美棋有份投資的台灣菜，鄰近黨鐵及巴士站，附近還有大型屋苑，外賣自取也方便。 大大塊巨浪豬扒配滷肉飯 $71菜式名很有趣、好長，堂食要講出來，未免有點尷尬 XD 豬扒已碎上，方便食用。椒鹽味剛好，不會過鹹。雖然外賣不夠熱，但豬扒仍然軟熟、不乾。 App寫配白飯，但來到是滷肉飯呢。飯粒蠻軟綿、不糊口。滷肉份量也不少，肉稱不上肥瘦均勻，但還算有咬口。味道不過不失，相信堂食會更好吃。 波濤洶湧奶茶 $29  奶茶甜度剛好，茶味還可。但珍珠稍為硬了一點，可以煙韌點就perfect!

今天特別日子，不想出街吃，那就安坐家中等外送，吃一頓豐富午餐😋! 今次選了大茶飯。外送滿$200有九折，所以揀些小食就抵些😁。試下溏心蛋有三隻蛋那麼多，兩個人分每人得1.5隻😃。蛋是凍的，挺滑，少許蔥花及醬汁調味。這名叫滄海遺珠的手工湯水餃超級大隻! 非一般 台式店的水餃，皮較薄，餡料菜多肉少，對我來說鹹了些少。可能皮薄又大隻，皮易破開，餡料就漏出來。吃得有點狼狽😅😅。我比較喜歡一般的台式水餃。又試下這店的台式肉燥飯。😯又有蛋! 不過這是鹵水蛋，一般鹵水蛋的味道。 少少配菜，兩三啖就吃完😆!第一次見肉燥這樣深色。 肉燥比較硬身、乾身，大部分是瘦肉，也有少許肥膏。肉和飯的份量都多，吃完整盒已經很飽! 還好它不油膩，不然加上小食就會吃滯了! 味道就一般啦!幫家人叫了這個蕃茄豬軟骨配白飯。少少配菜同樣兩三啖吃完!除了豬軟骨還有少少薯仔，薯仔好腍。 豬軟骨 很多，軟硬適中。 家人說番茄汁少少似咖哩汁，有少少辣。 味道不錯。手痕點多了一杯台式紅豆冰，因為吃得太飽， 飯後一小時才喝它。 還好它是用豆漿，不是用 淡奶，放久一些都可以。 台式紅豆冰，原來除了紅豆還有珍珠呢! 有驚喜😄! 不過，紅豆太少

上星期探完外婆去了將軍澳的大茶飯食晚飯，晚飯時間是爆場的，所以我們等左一陣子。415 滑蛋蝦球 $88：蝦球比我想像中大隻，外觀也不錯。蝦球沒有帶蝦腸，清潔得很乾淨；而口感方面爽口又鮮味，真的不錯啊！至於蛋同樣很滑口，蛋香味重，可惜個人覺得蛋有點兒油口，所以味道差少少啊！902 花雕嫩雞麻香拌麵 $62：聽講依度既拌麵很出色，所以特意Order。麻香拌麵既麻香味濃郁，由於本人吾系好食得辣，所以覺得利有點麻，但的確很香口的；而麵很滑口，配合混合左既醬料味道真的很夾！而花雕嫩雞口感很滑，雞件吾會太肥太油；整體也很配合啊！S03 乘風破浪鹽酥雞 $45：鹽酥雞口感十分香脆，可當作小食一同品嚐！可惜，味道比較咸，但沒有影響雞原有味道。814 台式紅豆冰 $22：紅豆甜度剛好，原來以台式方式是包有珍珠飲用；令整杯飲品有多重口感。817 黑糖珍珠豆漿 $25：豆香味濃，加入了黑糖令整杯飲品甜甜地。701 養生紅豆紫米糖水 $32：養生當然是熱既糖水，同樣地紅豆紫米也甜口，食落吾覺漏啊！

今日與家人來到將軍澳中心的大茶飯食lunch，呢度環境寬敞，佈置清新，座位好多，感覺好舒適。午餐選擇豐富，價錢優惠，四十幾蚊起就有一個套餐，包一杯嘢飲同埋有一個前菜，今日係杞子 四季豆。 叫咗糖醋豬扒飯同蕃茄牛肉蛋飯，糖醋豬扒煎得夠香，加埋甜甜酸酸嘅醬汁好餸飯。番茄牛肉蛋飯分量超多，食到好飽，真是成座山咁巨大。另外仲叫咗清炒A菜，同韭菜豬肉水餃，非常豐富。 最尾仲試咗佢嘅甜品，燕麥綠豆湯芋圓，味道不錯。

天氣轉凉，心思思想食火鍋，但係而家呢一個時勢唔方便一齊打邊爐，甘點算好呢。我就揀選了將軍澳中心的大茶飯。最鍾意佢一人一煲火鍋嘅設計。養生花膠鍋當然是女士必選，老公則食台式牛肉综合鍋，價錢雖然過百元，勝在材料豐富美味，我特別喜愛厚厚的花膠和蜂巢豆腐，老公愛食花枝丸及手打牛丸，食到我哋捧着肚子離開。兒子後來找我們，更叫了車仔麵，選了豬大腸，炸魚旦及雞翼，味道不錯，湯底好夠味，大腸同雞翼都好入味，魚蛋夠彈牙。

將軍澳中心裝修完多左咁多食肆緊係要慢慢試下。今次黎到一間叫大茶飯既舖頭，聽個名仲以為係港式茶餐廳，入到去原來係台式食品黎，岩晒我口味。鹽酥雞配迷你肉燥飯 -鹽酥雞勁好味，香脆可口，下次識叫要一碟慢慢食狂風浪蝶蚵仔酥-本來以為係蚵仔煎，不過店員話似港式蠔餅（即係炸脆既一大塊喇）結果係一粒粒既炸蠔仔＝蚵仔，自己就覺得好味，但食多左就覺得都偏鹹，應該同飯一齊食就very good喇🤣小食-芝士蘑菇雞翼-咁岩同枱另一位鐘意食芝士，就叫呢個小食佢試下，點知....佢既評語話，太多芝士喎。鐘意食芝士可以下。小食-炸花枝丸-彈牙好味，如果上邊既調味粉可以自己以自己既喜好黎加就再貼心d喇。甜品-黑糖芋圓仙草凍，芋圓正到爆，如果可以多d就好😍飲品-黑糖珍珠豆漿 -估唔到又幾好味飲品- 波濤洶湧奶茶-其實佢就係珍珠奶茶喇。

今日同男朋友出嚟食下嘢散下心. 見到呢度有大茶飯食 見佢裝修 清雅舒服. 入去坐低 . 呢度嘅台式餐好抵食🤩👍🏻我點咗個~雞扒肉燥飯餐. 用木餐盆盛載著 個餐內個炸雞扒超大件.炸得火喉啱啱好. 外脆內軟.仲醃得好入味添 .配埋個好大碗既肉燥飯 .碗上面肉醬醃得好好味. 仲配埋沙律菜小碟 .同配豆漿.冬瓜茶等飲品任選擇。 超抵食啊！🤩滄海遺珠手工水餃.食得出人手做超大隻. 餡料有韭菜.腐皮.豬肉. 食到原汁原味有水準😚👍🏻鳳梨蝦球 蝦好大隻.沾上少許麵粉即做即炸. 配埋菠蘿調味一齊炒 .面頭配有沙律醬.味道好出色。呢度既芝士蘑菇雞翼.脫骨雞翼 配上蘑菇粒同芝士做餡料 鍾意食雞翼嘅一定要試下呢個新口味.又係正到不得了❤️總括呢間食物唔錯.街坊價錢冇加一。揸車都要過黎食啦！😘

第一次去將軍澳中心叫做大茶飯嘅台式快餐試吓啦，見到食評寫到咁好90幾個都讚好，於是諗一定唔會令人失望的心態去試吓啦，點知真係令人極之失望，所以我同朋友講食評通常都係假嘅，因為我瀨過好多次野， even我朋友同我講佢話曾經係小儀嗰個 飲食節目都有介紹。咁我叫咗鹽酥雞，再加豬肉韭菜餃，再要左杯薏米水。首先，台式鹽酥雞我食過好多㗎啦，佢嘅鹽酥雞就真係好那西呀，點解好似食評咁㗎咁大件，而外皮又厚，又細粒，又乾身，有啲係炸過的時候留低嘅碎片，如果係正式嘅台灣炸雞店，就一定揼咗佢㗎啦，佢有乜理由攞埋比客食架，如果同繼光雞比較，繼光雞嘅雞肉的鮮嫩多汁，皮又趣完全冇可能比啦，而且佢價錢又唔比繼光雞嘅價錢平。第二，豬肉韭菜餃，真係好大隻啦，但味道嫌淡呀，你可以話我食得喊，但係搵最普通果間八方雲集比較，人哋價錢又平過佢味道又好食過佢，份量仲多啲添。最後令我都十分之失望嘅竟然係嗰杯薏米水，嗰杯薏米根本就好硬，我覺得基本上係未熟，因為我都知道薏米係需要煮比較長嘅時間才會諗，因為咁樣可能未出味啦，飲落真係好似飲斯姑尿咁。總括嚟講，一定唔會有下次， 各位睇食評時候要小心啊！總之今次又係中伏。

住在將軍澳中心的同事今日萬歲，請我們去佢屋企商場的食大茶飯，餐廳主打台灣菜，位於商場一樓，地方不大但雅潔。聽說是藝人開設的。大大塊巨浪豬扒配肉燥飯，炸至金黃色的豬扒的確好大塊，外層香脆，肉質細嫩。配惹肉燥飯相當惹味！台式蚵仔粥，蚵仔肥碩又鮮味，粥底綿滑，配以脆口的油炸鬼、花生、蔥花。味道鮮甜又有口感。滑蛋蝦球，蝦球爽口又大隻，蛋炒得又香又滑溜。滄海遺珠，其實是韭菜水餃，皮薄餡鮮，韭菜水餃夠大隻，餡料又多又香，湯底濃郁香甜。台式紅豆冰，除了香甜的紅豆，還有台式珍珠，增加了口感，不錯！

今日好想食炒飯，所以又再次去呢間大茶飯，水準依舊高質!炒飯粒粒分明，蛋香而且多，每啖飯都有蛋既香味，加埋櫻花蝦吊味，成個飯都好好食同埋真係冇乜邊度食到!煎蠔餅類似台灣既蚵仔煎咁，個漿煙煙韌韌而蠔仔超多，基本上是但夾起都有2-3粒，仲有辣醬係少少甜既個款，開胃又惹味!另外仲叫咗香炸拼盤，呢個真係一定要試，主要丸類為主但係超多汁，肉嫩而汁多到噴出嚟咁滯，每一款丸都好有特色唔係普通街邊貨，食完真係對丸類提高要求!最後有紅豆紫米芋圓做總結，紅豆同紫米好香同埋加埋芋圓係好重芋頭加紫薯味，好滿足!

由tvb藝人黃美棋開嘅台式料理店，全部菜式係由台灣廚師主理。「經得起風浪先食得起大茶飯」係佢嘅座右銘所以餐廳logo、牆身、碟子都印有字眼。我唔算係佢嘅粉絲不過話晒都係藝人開嘅餐廳好似幾有gimmick，價錢幾貼地午餐款式多又冇加一，所以決定一試！店舖走文青風，藍白色裝修又夠光猛非常舒服，內有三十個位置都算大間，不過中午飯市唔算好多人。💛仲要係黃店💛：收據寫有「坐埋同一條船先可以齊上齊落！香港人加油！」，請遊行人士有嘢。Lunch set：👓鹽酥雞配肉燥飯 $52鹽酥雞即叫即炸所以非常脆口，皮薄脆唔厚粉唔會油膩，不過稍為肉質乾身左少少，雞粒份量亦有好多粒。鹽酥雞粉唔算好咸，孜然粉味反而比較出；肉燥亦舖滿飯面，瘦肉較多，適合唔鍾意太油膩口感嘅人，醬油味亦唔算重唔會太鹹；米飯用咗珍珠米，粒粒分明；肉燥飯飯底又大大碗多到我都食唔晒，不過有足夠嘅肉燥同雞做餸拌飯🤣👓大大塊豬扒配肉燥飯 $53豬扒果然大大塊，炸皮薄身炸到有少少燶邊脆卜卜，面頭灑上鹽酥雞粉夠惹味；豬扒夠厚身不過同樣肉質稍為乾身咗少少，如果可以再juicy少少會更佳。👓百香果小農紅茶 +15大讚非常好飲👍🏻寒冷嘅天氣下飲杯熱辣辣嘅紅

在油塘行完魔鬼山後，步行到將軍澳只需極短的路程將軍澳的商場特色是幾個商場互通商場內台式食肆比較多，決定選擇其中一間光顧價錢定位較為便宜下單及結帳只需舉手便可以，不用走到收銀處事後發現該店是香港藝人黃美棋與台灣友人開立的台式食肆難怪菜式富有古早味道滷水牛腱台式刀削湯麵 - $68牛腱肉有四片厚切，軟硬適中，滷水很入味湯底濃郁順滑，散發出陣陣味道沒有添加味精，可以當湯直接飲用刀削麵麵身較厚實，口感彈牙有嚼勁台式牛肉炒麵 - $78份量意外的多，還有滿滿的牛肉炒得清爽不油膩乘風破浪鹽酥雞 - $45所有炸雞肉均勻的滿佈胡椒鹽肉身很瘦，卻毫不韌、不油膩炸粉非常薄及脆身炸花枝丸 - $35包著飽滿結實的塊狀花枝肉保留了花枝的原汁原味，紮實而又滿足口感彈牙又有嚼勁濃味點還配有胡椒粉百香果小農紅茶 - $25百香果肉都浮在飲品的頂端，材料十足配上淡淡紅茶，又剛巧不搶去大家的味道，清熱解渴波濤洶湧奶茶 - $25牛奶和茶的比例恰到好處，帶甜又有茶味珍珠是使用大珍珠，有嚼勁又彈牙

女職員態度超差超兇，我們進入餐廳見到好多空枱，但要客人共坐大枱，而家疫情咁差，我們提出了意願，仲反駡我們客人有問題，話之後會阻礙其他食客的生意，眼觀當時空寥寥才提出可否坐二人枱（可惜遭泠待拒絕），都唔理解點解唔早d擺枱係我們客人問題？加上當時咁多空枱！！前言不對後語....百思不得其解除非係家族生意？就唔憂做同唔尊重客人！寧願眼光光要客人自己離開轉去其他餐廳，見到下面好多post 都係投訴職員態度，真希望他們老闆可以回應同觀察一下該職員的態度問題，那麼我們便有機會可再試試這餐廳，現在真的怕了！