Video
5-min walk from Exit A2, Tseung Kwan O MTR Station
continue reading
Opening Hours
Mon - Sun
08:30 - 20:30
Above information is for reference only. Please check details with the restaurant.
Signature Dishes
下午茶點了蛋撻及椰汁紅豆冰。蛋撻外賣$8, 堂食$10,堂食嘛，期望焗熱的蛋撻合理吧!椰汁紅豆冰，有冰都唔凍，椰汁冇味，完全冇甜味!難怪咁寬敞，座位多，客人少!服務卻好好，最後换了杯熱奶茶，賬單減了$5!
continue reading
呢間餅店都幫襯過幾次, 佢地最出名係雞批同蛋撻。昨天有朋友到訪, 我就買了 4 個雞批及 2 個蛋撻回家去。原本見個盒仲暖暖的, 滿心歡喜回家去。蛋撻是正常的, 朋友們很快消滅了 2 個。去到雞批了, 有人想切開一半 share 食, 點知個底完全切唔開, 非常硬的。夾硬切又成個碎了, 最後因為切碎晒賣相太差了, 唯有自己食晒 1 個, 不再 share 了。後來我拎起一個看看, 原來成個底都係燶的。有一些更燶的已被吃掉了。這樣的質素, 看來是沒有下次了。再見!!!
continue reading
今日約左朋友去將軍澳食完嘢, 行過泰昌，未試過係尼間買，就諗住買啲試下。買左蛋撻，其中一個完全爛嘅就同返個短髮四眼中年女店員講，麻煩佢換返一個。但店員態度反應極大，大聲呼喝，表示係咁㗎啦，極無禮貌。坦白講，雖然話出爐，但等左咁耐。俾個唔熱同爛嘅客人，仲大聲夾惡😡。重點係，駛唔駛咁惡。仲有，真係好污糟……戴住同一對手套，收錢找錢數錢，再即刻攞蛋撻俾客人。其實，咁樣真係好多細菌😨。下次一定一定唔幫襯
continue reading
砵仔糕泰昌蛋撻好多人都食過，但泰昌砵仔糕就未必喇！小弟自細就好鍾意食港式糕點，今次介紹既砵仔糕就係糕點的首選！砵仔糕裏面，紅豆數目恰到好處，賣相就number 1既。但講到口感呢就唔及得上傳統街市的手工砵仔砵喇！可能係魚膠粉用得太多啦，個口感都好膠！好硬淨！好彩係啲紅豆都算淋，唔會影響個糕的溶口性，你知啦，傳統的糕點都係由啲無牙婆婆整既，佢地又點會整啲自己都食唔到既野？味道方面，個糕既黃糖比例恰到好處，不過都係睇邊lot貨 有時都會太甜。反而紅豆就空有口感，無乜味不過幾蚊雞小食你想齒甲留香幾日咩？算吧啦！絕括黎講，中規中距啦！
continue reading
泰昌蛋TRAT好出名, 所以諗住今日下午等出爐.點知掛住行街, 過左黃金時間了!TART爐的蛋TRAT中央的精華已經變平坦.如果是剛出爐, TART中央蛋漿是漲卜卜拱起呢.仲會浪下浪下嫁!冷卻後, 蛋漿咪變返平囉! 熱漲冷縮呀!既然一場來到, 不如看看明天早餐食咩好.發現雪櫃, 有張特价紙:奶皇包及叉燒包, 特介每包6元.佢地原价是10元包, 2包18元.1包有4個, 6元包, 即係1.5元個.真係超抵呀!看真少少, 原來是7月20日到期,唔怪得減到咁平啦!反正是明天早餐, 當然無問題.即刻每款各取1包了。奶黃包隔著白色的皮，仍能看到中間橙黃色奶黃白皮很鬆軟，少少甜，但比不上奶黃咁甜，奶黃無沙（無咸蛋黃質感），反而係杰杰地！整體几好味。叉燒包呎寸很精緻，直徑約手指的長度沿著頂部裂開的白皮撕開，露出中間的深紅色的叉燒餡，餡料不太甜，份量剛好，仍能嚐到叉燒的質感12元搞掂全家的早餐了！
continue reading