泰軒美食 (Closed)

太安樓內唯一一間街坊泰國餐廳，現正做堂食和外賣九折。星期日第一次幫襯，一家四口去，叫咗菠蘿炒飯、青咖喱牛、香辣乾炒河、香辣肉碎炒飯、兩杯珍多冰、一杯凍啡和一杯凍檸茶、再加一碟炒通菜和燒豬頸肉、兩碗冬蔭公湯。小菜好夠鑊氣，味道算正宗，落完單好快上枱，但不要對服務有任何期望，老細同你講野唔望你，落單時只企喺前枱邊聽邊寫紙落單，唔會埋你身邊，失驚無神又會喺你身邊上菜。埋單九折後$33x，算抵食喇食咁多野唔駛$500

咁多人都講態度差係有原因😡要幫襯既朋友真係要自己諗清楚‼️貼錢買難受‼️之前都有喺度食過，態度都非常差！岀錯野俾人仲可以兇返人轉頭！😡以為之前嗰次係心情唔好！點知到依家都係咁，🤬🤬好似全世界得罪佢咁，唔想做人生意就唔好開門，摺埋佢啦！❌以後唔會再幫襯！❌以後唔會再幫襯！外賣對住15分鐘唔到的時間，都真係可以差到第一次要走上黎打評語！認真諗吓係態度差到一個點~真係免得下個再中招‼️態度差差差🚫

喺太安樓兜左一圈都諗唔到食咩好，就隨便入左間街坊舊式泰國餐廳食晚飯。泰式海南雞飯 $46 (+$7 轉雞脾)雞件幾滑唔鞋口，不過本身就無咩味，要靠跟餐嘅醬汁提味。飯有少少蒜香，食落唔太油。泰式炒金邊粉 $46金邊粉炒得有鑊氣，落左櫻花蝦去炒所以帶些微咸香，不過整體味道偏淡，醬汁嘅酸甜味如果可以再濃一啲會更加好食。 冬陰功湯 (跟餐加$14)雖然餐牌寫住一人份量，但上枱覺得份量比想像中少，唔太值$14蚊。 冬陰功湯唔辣，酸味比較重，入面有隻細蝦，食落都算鮮甜。椰汁冰(跟餐加$6)味道就喺平時飲開嘅罐裝椰汁味再加碎冰，不過不失。街坊價錢無期望咁多，純粹打算醫飽個肚，味道好一般。

話說今日去食lunch,見冇乜人就入去食，個阿叔黑口黑面地落單! 都算! 食完野比錢，佢話94蚊，我同事問每人個餐係幾錢，佢態度非常惡劣地答咪47蚊，都算! 我比100蚊紙佢，但張銀紙唔小心跌左落佢個茶壺到整濕左，我叫同事拿臨拎紙巾幫人印返乾，點知又黑面9秒9拎起張錢，然後堅勁超級大力"拍"一聲找返6蚊比我! 我火都黎，一路行出門口一路出左句聲我話"咩態度呀"，點知佢回我"妖~~"食左30幾年野，佢都算最冇得頂既餐廳，可以咁多年自己倒自己米，佢唔休做咩? 我又唔覺! 反正佢好自為之，而我亦永遠都唔會再幫襯之餘，仲會叫其他朋友同事都唔好去幫襯!!! 勁嬲~😡

今晚想吃泰國菜，於是選了西灣河的泰軒美食吃晚餐，點了一個明爐蒸烏頭魚套餐，包括有明爐蒸烏頭魚、泰式炒金邊粉、冬陰公湯、蝦醬炒通菜，及兩杯芝麻涼粉冰，整體來說味都不錯，最like 冬陰公湯，蝦夠大隻，及夠辣夠酸

太安樓係每個西人(西灣河街坊)既必然蒲點，我都唔例外。而呢間泰國野係街知巷聞，根本唔駛咩裝潢吸客，街坊熟客自會識來(大家都認得門口外個唔知咩佛像)，本人間中都會幫襯既。今日放工同同事黎，掃左陣街，都係入左黎坐，諗住食啲小食。兩個人三個餸︰【魚餅蝦餅雙併】，【馬拉箋通菜】，同事仲加多碟【泰式豬頸肉】。魚餅蝦餅雙併外層炸得相當香口，但不會油淋淋咁。蝦餅切成乒乓般大，外面係金黃色，連內裡既蝦肉都打得爽脆滑漏，蝦味甚濃而沒有太多調味，Feel到本身既蝦味。更欣賞魚餅，外層沒蝦餅脆，但內有乾坤，夾雜著既香茅、九層塔等香料，香氣四溢，仲有一種不知名既豆，總之泰味十足，同魚肉鮮味相輔相承，零違和感，點埋傳統既酸辣醬，沒甚麼可挑剔。馬拉箋通菜嫩綠得很，無乜粗身既莖，甚至葉比莖多，岩我口味。上碟已知頗有鑊氣，炒功有昔日街邊大排檔8成，菜吸收馬拉箋鮮鹹加上微辣非常可口，如要挑剔就係略為鹹了半點，但瑕不掩瑜。泰式豬頸肉本身我係唔食既，睇落好似有啲太乾身，但同事話食落比賣相軟稔多汁，個魚露醬溝得唔錯，有些許辣椒乾蔥，有提鮮效用。所謂泰式應該指個醬汁吧？三樣餸埋單200，唔貴，質素很不俗，比起九龍城名氣泰國食店

嗰日，跑完步，諗住去買外賣。裡面已經唔算多客，我朋友入去叫左個泰式炒河同炸蝦餅，個老細冇散紙比佢，又黑面，又掉計數機，之後話15分鐘返來啦！咁之後差唔多20分鐘返去，入到去問外賣得未，勁黑面，話「咪同你講左要20分鐘囉」，我朋友就話「你之前話15分鐘嘛」個老細好冇禮貌話「講左20分鐘啦，總之未得」，我都唔明，點解買嘢食，幫親都要受氣，啲嘢又唔係好好食。。。。。為左晚餐一肚氣🤬🤬🤬🤬🤬千其唔好去

今晚到太安樓覓食，老公提議不如到泰軒美食啦，心思思想食明爐蒸烏頭啊！於是除了叫了一條明爐蒸烏頭外，也叫了一個蝦醬炒通菜套餐，包一碗飯及一杯芝麻涼粉冰。味道不錯，魚湯惹味，配料充足，炒菜蝦醬濃郁，yummy

是日有跑腿工作要午飯時間進行，咁就急急腳由公司步行至太安樓拎嘢太安樓出名掃街天堂，但係要係飯市一個人坐低慢慢食都唔係易事，車仔麵長期排長龍，牛什則要站食，海南雞飯就更加唔駛諗咁就不如食泰國嘢啦店內有張大圓枱可搭幾組人，我自己一個去就食咗海南雞湯金邊粉雞嘅份量都好多，肉質唔錯，雖然價錢咁平都唔會鞋口或過韌，唔錯湯底夠清，枱上有魚露，辣椒粉可自行加料有一碟泰國辣汁附近，點雞唔錯其實如果一個人食lunch,太安樓的確係唔錯嘅選擇

呢間嘢都幫襯咗好幾年，多數堂食，食物ok，但服務態度就有保留，初初都還可以接受，最多落單時語氣唔係幾好，但近幾年都係打去叫外賣多，聽電話嗰個應該都係老細，語氣都係差，好晦氣嗰種，都算，簡單落完單就算，我接受....但早兩日打去叫外賣，佢嘅態度同語氣竟然差到正常人係接受唔到，我本身係打算叫兩個唔同嘅炒飯，講完一個炒飯後，佢即刻問我飲咩，我答咗佢，佢跟手再即刻問我仲要啲咩，我話要一個xxx炒飯，佢即刻炳我，話要叫完廚房嘢先叫水吧嘢，嘩，佢痴線架？又係佢自己即刻問我飲咩先嘅，唔講仲以為我向佢乞咁，真係火都嚟，我咪即刻炳返佢囉，真係完全冇諗過叫外賣都可以搞到一肚火，叫完之後，越諗條氣就越唔順，於是轉頭我就打去取消，佢竟然話唔得，話已經整好咗，叫我即刻去攞，我梗係睬你都有味啦，永遠都唔會再幫襯呢間垃圾!😡😡😡

我:一個生蝦先呀唔該店:唔知佢有無聽到，繼續睇下食咩先啦，就咁睇餐牌好底喎，唔知味道又如何我:頭先個生蝦有無落到？店:落咗啦我:青咖哩雞飯，炒金邊粉，加餐冬陰公。同埋我想問吓廁所響邊？店:佢都係冇應到我機，直到我朋友起身企響佢面前問先答，佢仲要唔講女廁原來要鎖匙，搞到又要行返轉頭攞講返嘢食先，生蝦大隻爽彈，醬汁唔辣，原本見到炸蝦頭好開心，可惜應該係一早炸定，所以唔熱唔脆仲油淋淋套餐加13蚊就有碗冬陰公湯，啱哂胃口細又想食多幾款嘅朋友。少少辣酸微微醒哂胃，味道幾好，仲有蝦同蘑菇。青咖喱飯夠大份，節檢嘅朋友叫一個套餐加個飯share汁撈飯。青咖喱味道都可以，少啲層次，茄子唔係用平時泰式餐廳見到嘅圓新茄子而係中式嘅茄子炒金邊粉就出事，一上枱見濕粒粒就知勢色唔對，食入口茄汁燴金邊粉，豆乾硬骨骨，味道唔夠套餐價錢真係好底，質素就要睇返食邊款啦，相信食多幾次就知邊樣叫得邊樣唔好。同埋咁底，服務差啲都忍下啦。

今日下午要去西灣河整野, 未夠鐘就自己食個Lunch先,成日聽朋友講太安樓好多好野食, 就行過去睇下, 見到呢間泰國野, 雞飯癮起就入左去坐低喇午市套餐好多選擇, 但係我目標明確, 海南雞飯再+6蚊轉雞脾, 起筷, 雞望落去貌相唔錯, 但係咬落就冇乜雞味, d肉又唔夠滑,反而個油飯就好出色, 有少少飯蕉, 幾有咬口, 個醬汁亦都好食, 夠"杰"夠味唔太辣對於一個雞飯迷黎講, 呢碟飯叫做好過冇啦

西灣河戈邊黎講，太安樓向來系覓食嘅勝地，最出名嘅當然係小食，仲有某間海南雞飯同埋車仔麵都好出名，但今次我就唔係食戈兩間，而係去咗一間泰菜小店。去食泰國菜點可以唔食海南雞飯，味道真的不錯，幾件大大嚿嘅雞配上平時海南雞飯都會配既油飯，真係好match，海南雞嘅雞肉都幾嫩滑絕對唔會比出面嘅連鎖泰國餐廳遜色。小食拼盤亦係我好鍾意食嘅嘢，味道雖然唔錯，不過就真係貴，如果可以平啲就更加完美。• 酸辣鳳爪 酸酸地幾開胃，都唔會全部都係骨嘅，有啲肉咬下咁樣啦。• 蝦餅每一件都大舊而且脆脆地，好新鮮，泰國菜來講我真係好鍾意食蝦餅架！香口嘅感覺真係魅力無法擋😁• 泰式雞翼都幾香口嘅，不過味道方面就冇乜特別啦，而且仲會辣，食得辣嘅人會鍾意。

這間餐廳之前已經食過，因為好姊妹以前住耀東邨，經常帶我到西灣河吃飯，食過午餐，覺得唔錯，剛巧昨日阿姨找我吃飯，皆因我上次曾經帶過她去食，剛巧那天餐廳關了門，所以她想起這間餐廳，便揾定位等我放工，很期待再次來食，我地沒有叫套餐，因為覺得不太值，又未必可以食晒自己想食的食物，所以決定散叫，叫了生菜包，生菜新鮮，餡料有少許辣，但不太咸，食落感覺好清新，天氣熱食這個一流，另外叫了一碟炸蝦餅，炸得剛剛好，不會太多油但又跪口，肉質彈牙，美味之選，還有咖哩倉魚，咖哩汁好香好好味，十分足料，有蛋花，配3色椒及洋蔥，誠意之選最後就是小菜，我地叫了介蘭草菇炒雞柳，賣相一般，但美味可口，整體來說這間是有誠意好味的泰菜，我地堂食，雖然餐廳內人不多，但一邊食一邊都見到很多人叫外賣，證明很多人都欣賞這間餐廳的食物，但都有需要改善的地方，就是坐得不舒服及員工態度比較差，個個黑口黑面

一入到太安樓自然就會比唔同既食物香味吸引住，好自然就會乖乖地坐低左係特別香個幾檔。雖然我成日都會去太安樓食野，但一次都未試依間泰國野，朋友推介話好抵食，今日決定試一試。。。1）馬拉盞炒通菜份量ok, 2人食arm arm好，味道適中，唔會太咸，合理收費2）辣椒膏炒青口用雪藏青口，辣味都遮蓋唔到陣雪藏味不過醬汁既味道好好，如果叫炒蜆，應該唔錯3）冬陰功湯（細）冬陰公味剛好，但椰汁太重，蝦唔夠新鮮Menu: