大利清湯腩 (Moved) New Location

大利清湯腩,大吉利是你個清湯腩.1.) 湯好清,清到比冇味更難受2.) 牛腩都清埋一份,牛冇牛味,肉質一咬就散開,好似用好多梳打粉醃左好內甘.3.) 加好多醋 都係頂佢唔順,食左唔夠半碗食唔落走人.4.) 貴! 26蚊一碗,你比我呀!?

有天路過灣仔，見到一條横街有一招牌寫著「大利清湯腩」，咦？好似得過U magazine/ Open rice獎的食店喎，反正到了吃飯時間，便去一試。茶餐廳格局，對服務無乜期望。食物的話，只能說OK.　清湯牛腩面：不錯，牛腩腍，湯OK. 但未至於得獎．且比很多餐茶廳面食貴．　生記牛腩面比佢好食．腩汁蘿蔔：如果不是太餓可以吃這個，白蘿蔔與腩汁配合得好，十幾元對小食可。有幾部電視，大枱為主，搭枱預咗，唔會坐得好耐。

我好鐘意食清湯腩有次食完蘇絲黃介紹既o架喱魚旦行過見到呢間野~就入去試下啦入得去梗係食清湯腩啦~試過佢個牛腩河好味道今日收工再去食一入鋪又話米粉賣哂,上次又係咁咁唯有試牛腩粗麵麵比起上次叫河粉少得可憐可能因為麵一餅餅set好淥比你咁少賣$26-覺得好唔低(食完唔飽的)下次一定食番河粉或米粉不過佢d牛腩同湯真係唔錯牛腩好"林"得少少肥湯又唔油見佢鋪面寫住"記住飲埋個湯,如果唔飲係你地既損失"好搞笑我都飲左好幾啖汽水成$9罐幾貴兩次去都見差唔多每檯客都食腩汁蘿蔔, 下次試下先^^

是日午餐, order 如下:清湯牛腩麵 - 湯底都幾香, 不過加埋胡椒落去煲會仲好味! 牛腩, 不過不失啦. 又唔係最好食, 又唔係好難食 = 普通野, 比上不足比下有餘; 天后 / 北角等都會有更好 gei 選擇. 覺得有 d overrated. 幾細碗.overall,食物普通, 可以有更好選擇. 以$26 一碗計, 味道同份量都唔值咁 gei 價錢.未必會再去.

店內食堂位置四四方方﹐放了很多張大大圓枱﹐但每一張枱都坐無虛席。來得這裡﹐當然是叫他們出名的牛腩試試﹐所以叫了牛腩金錢肚米。因顧客坐滿全場﹐所以一碗米粉也要等上十分鐘以上才有得食。等食其間﹐見到佢地在牆上的溫馨提是﹕‘記住飲埋個湯﹐如果唔飲係你地既損失’﹐但在現場所見﹐沒有很多位人客照做。心諗﹐雖然這裡的湯底以清湯為名﹐但也當然會下鹽及骨頭來肴製﹐所以就算沒有味精也會比較操。 牛腩金錢肚米 $28 – 沒如以下食評所寫的那麼大份量。但出奇地發現同枱正在進食河粉的顧客﹐他們的粉量是多過其他粉麵類。莫非河粉較其他粉麵平﹐所以給顧客多一些﹖這裡的金錢肚比以往食開的淺色﹐但這裡的味道教香。牛腩是瘦腩﹐味道幾香﹐不鞋口。總括味道清香﹐不用下什麼其他配料都已夠味﹐但下次如再來此地會叫河粉。

小公主要喺灣仔考試，唯有泊好車在附近搵食，本來打算去試附近間好出名嘅燒味店，但小公主今日唔想食燒味，唯有搵過第二間啦，過兩條街有間大大隻字寫住清湯腩，而且出面貼哂報紙雜誌嘅食評，還掂我都係本著 "好又一餐，唔好又多餐"，死就死啦。入到去，門口細細，但係入到去完來有好多位。小公主叫咗一碗牛腩河，我就叫咗一碗牛腩、金錢肚河。牛腩同金錢肚都煮到好腍，但係牛味唔見咗，湯底okay，但係河粉就唔掂，又粗，小公主嗰碗有啲粉粗到好似係粉皮咁，唔係一條條，係一塊塊嘅。碗粉連一舊牛筋都唔比我地，真係............Comments : 行開灣仔都可以一試。又係雷聲大，雨點小。冇咩特別，但算比起市面一般同類貨式好少少咁啦。

搬左去大間ｄ，野食反而差左，星期日夜晚去到，得小貓三四隻．．．個清湯係幾好味，但ｄ牛腩就幾難食，同埋佢碗野又真係幾大，我都食唔晒！另外叫左架哩牛腩飯，個架哩汁好古怪．．．唔好食

久仰其名，要來試過才安樂。看看價目表，牛腩系列較其他產品貴，若是好吃，區區貴幾蚊又有乜所謂？叫了一碗牛腩米 $26。在等吃時，溜灠一下牆壁，有名家寫的字畫「大吉大利」，又有一告示提醒人客來這裏，如不喝湯是你的損失。牛腩米較其他店大碗，牛腩份量亦頗多，有坑腩和爽腩，煮得很透切，啖啖甘香、肉香、油膏香，入口一掂即散，很正！湯底是清湯，不太重的八角味，飲落有些甘味，可能是甘草或羅漢果之類，配合得很恰當，米粉盡吸湯水，無得彈。最後，為了怕有「損失」，所以整碗湯一飲而盡，很有滿足感。雖說是 $26 碗牛腩粉麵，但比一些沒質素，又收你三、四十元的日式拉麵，有更好的享受。一定會再來。

我參加了10km marathon, 現在是時候開始練跑了. 勤運動, 身體好!晚上 相約 朋友mt 到圍園 練跑 之前 去 大利清湯腩 先醫肚.我們各 要一碗清湯腩河($25), 清湯 幾清淡 而 不油膩, 但又有 淡淡牛腩味~ 正;牛腩較瘦, 食落去有咬口, 但又唔會好韌, 食完唔會'痴'牙,水準不錯, 但 沒有附近的 華姐清湯腩 那麼肥美和 濃味. 河粉夠滑又夠多. 喜歡食 清淡 的人應該喜歡這裡! . (讚)我們又 要了 一碗 腩汁蘿蔔($10) 來 share, 蘿蔔沒有 渣又 夠 林, 而且 蘿蔔的 腩汁清湯 十分 之清甜; 清甜中又 帶有 濃濃蘿蔔味, 比 清湯腩河 的 湯底更 好味道 ! 不過, 我飲完 d 蘿蔔清湯後 竟 “野” 啖~ 應該是 用了 很多 糖來 煮 才 咁 甜 了!本來 我們 不想食太飽之後去 做運動, 但 大利清湯腩的 份量都幾多, 食完飽到 跑不動了! 不過, 真係 幾好味, 吾舒得食 剩.

記憶中對上果次來呢間大利已係幾年前, 搬左後更加係第一次, 來到大利來來去去都係食清湯腩, 咖喱腩, 腩汁蘿蔔, 其他果d唔駛係呢度食啦 我要左一碗清湯腩河($26), 來實講都唔平宜, 但係碗河粉同牛腩都幾多, 份量算係交足貨, d牛腩都算切得幾大舊, 牛味幾濃, 肥瘦適中, 食落去有咬口, 但又唔會好'林', 更加絕對唔韌, 食完唔會'痴'牙, 果然有水準, 湯無咩油比較清淡, 有淡淡的牛味, 沒有九記那麼濃口 後來追加了腩汁蘿蔔($10), 蘿蔔無渣而且煮得好'林', 加上煮白蘿蔔時必下的薑片, 令到佢寒涼程序大大減低, 清甜中帶有清湯腩汁, 只賣十元, 絕對係物超所值, 一定要試下九記雖然最出名, 但其實大利清湯腩整體水準都唔錯, 起碼份量多d, 食完都唔會咁快肚餓

之前係灣仔返工，差唔多一個禮拜食三次。每次必食牛腩飯。牛腩很淋，勁多牛味，肥瘦適中，好多時都係坑腩上，但有時水準參差，可能賣晒坑腩，咁其他部位都要賣架!所以有時會偏硬。份量永遠令你滿足。湯底超正，會獨立上，永遠保持水準，少油，重牛味及蘿蔔味，唔咸，飲得出冇落味精。冬天飲一碗包你暖晒。食過一次淨蘿蔔，充份吸收湯底味，夠甜，冇渣，份量充足，10蚊碗，抵食唯一要彈係個飯底，有時會涷，但份量又係好夠牛腩面，腩及湯上面講左，面爽口，冇任何梘水味，24蚊稍貴，相對價錢，牛腩可以多少少，但比起坊間其他牛腩面，可以話物有所值大利係我現時覺得最好食既一間牛腩，小弟未食過九記。所以冇得比較，但我好注重份量，如果一間舖既食物偷工減料，不單會有被人揾笨感覺，而且咁孤寒，咁冇誠意，d野食一定好食有限。但大利既食物份量真係冇得彈，e樣都值得比個good佢

我同好朋友D放咗學要搵嘢食, 唔想食得太飽, 所以就諗住食粉麵!好朋友D就話, 諗起附近有間好食0既清湯腩, 於是就去搵啦!原來, 好朋友D口中好食0既清湯腩就係==> '大利清湯腩'一入去, 無人理你都算, 咁我同好朋友D咪自己入去搵位囉!當入緊去之際, 有個中年阿叔(伙計)衝出0黎, 企係路中間阻住,佢唔單止唔借開, 仲要一直企係度, 個樣仲好似好不肖咁, 好似想同我地講「行開啦! 阻住晒!」, 我開始不滿坐低後, 又要比阿姐(伙計)黑面! 點解要咁對我地呀算~ 可能好食0既鋪頭就係「咁串 」我同好朋友D叫咗:- 牛腩河 牛腩米 油菜(菜心)牛腩河/米牛腩係'坑腩', 真係有啲料到! 食落好'林', 牛味都尚算可以0既!河粉剛剛食既時候就OK, 但慢慢就發漲晒, 無晒湯米粉就好啲, 應該唔會太差, 因為好朋友D都可以食晒油菜(菜心)碟菜心都算大碟, 同理啲菜心好似芥蘭咁粗! 味道咪菜心味囉食完'大利'之後, 唔知係咪受到不禮貌對待, 所以我個人覺得都係'九記'好食啲, 起碼'九記'0既牛腩牛味重啲

黎到對面海, 又係搵食gei 時候~lunch time 經過呢頭見佢個招牌勁sharp所以走左入黎啦~~ 雙拼麵/米, 有牛腩同牛肚, 牛腩勁淋又無渣, 湯底清甜, 忍唔住係咁飲佢d 湯, 最正gei 係, 飲完都唔會口渴, good! 腩汁蘿蔔, 清甜gei 蘿蔔, 再加上充滿牛味gei 腩汁, 正!!呢度都幾多人黎食ga wor~如果想唔搭台, 唔想俾人吹你走gei 話最好避開peak hour la~

落堂，金鍾找食是不可能的事, (except MC), 都是騎車到灣仔找一找, 入夜, 不打算大魚大肉, 食麵最好. 行過灣仔道, 喜見大利未關門. 名牌清湯腩, 特來一試.不用細想, 牛腩麵一個, 清湯帶著好香既蘿蔔味, 清得黎極似以前阿媽煲既牛肉水. 甚少飲麵店既湯, 喝了一口, 不能停也. 喝了半碗才停.一家名店, 果然有與眾不同的味道.

不過不失的撈麵，麵有點點的＂簡＂水味，牛坑腩算冧，算幾好味，最好的反而是那個牛肉湯，很清很香又不太油，唔錯。價錢是中上價，服務一般。