大尾篤紅樹林燒烤場 (Closed)

自上次去完我無再去，但見到樓下個位好多批評，我都想講返少少野。價錢方面：呢排物價高，加少少價都無計，但抵唔抵都好見人見智啦~其實係郊區睇電視真係唔好預接收得太好，佢攞明係得個大字~ha食物方面，係我第一個食評都有提到，「食物方面款式唔多，都係大路野」。另外係訂位個陣有無問清楚邊d食物有，邊d食物無呀?我次次問完都會預備少量自己喜歡食的食物入去喎服務方面，幾位食家都俾分唔低喎....我2次去都有同佢地吹水，唔覺有「惡劣」情況。不過你提及的女仔唔知係咪我第一次去見到個幾位啦，呢一點我保留！同區其他我都有幫襯過(仲試過俾細路放石仔係我地盤食物到添)，我覺得呢間價錢都算合理喎(特別有我喜歡的勁辣雞翼同雞軟骨)，到到都係1~2支飲品(其實呢個先係佢地賺錢的地方)，如果夾埋生日收少一個人錢，乜都回本啦~但我都有地方同意你說法：椅同洗手間幾dirty，而且食物有點冰，如果可以預先係有booking情況下解凍食物會更好~不過上次我講過多狗後佢地都趕走左d狗，算係咁啦...下次我再去的話，我再寫返個中肯的食評來啦

首先........價錢真係好貴, 因為復活節假期佢話俾平時收貴左, 所以收100一每相比幾他地區既燒烤場做緊58-80既水位依到做75-100 真係貴好多初初諗住見open rice 依到咁多好既食評都諗住佢可能真係會值100一每啦, 但係當試完之後...發覺佢真係唔值,所以先忍唔住要上黎講返個事實出黎環境可以接受, 因為四周都係樹木, 感覺會大自然一d , 場內有小空地可玩耍, 但地方始終較細, 而且欠缺規劃, 未有效地發揮本先場地既優點，整體屬一般。不過始終有提供有蓋燒烤範圍, 可容納約100-150人, 露天地方可容納100 人, 有太陽傘供應。但那個電視實在接收得不好, 太多鬼影及雪花,得個"大"字。味道我相信是惟一一項可給高分的, 事實上係好味, 用料亦算中上, 不過外於款式實在太少,沒有蔬菜類食物,連粟米也沒有, 而且沒有雞扒供應, 早入場的連豬扒及牛扒也沒有準備好,食物供應方面沒有作出妥善安排,令人失望。服務方面真的不算好, 由其幾位女職員服務態度極為惡劣, 沒有理會客人的意見, 更不會處理客人的需要, 欠缺認真及以客為專的態度,還要對著客人惡言相向，趕客般的語氣及黑面

有個學生就來生日，同左佢地來紅樹林BBQ~老闆好好人，唔係正日都送飲品~當我打去book位個陣，我一講我姓乜，老闆竟然認得我@_@仲記得我問過乳豬.....嘩~老闆真係好記性，而且服務態度一流，呢d先係今時今日應有的態度嘛~~唔似其他店舖咁>_<值得一讚!!!!!!!!入到無耐就立即燒野食，實在太凍啦....食物方面還是必推介勁辣雞翼、雞軟骨及蒜蓉包!!唔知係天氣凍左定我味覺勁左，尋日的雞翼都無上次食咁辣，連個妹妹仔都食到喎~(上次我的朋友無人食到)下次BOOK位要同老闆講預備超勁辣雞翼先得!!其他食物都唔錯，只係太「冰」左D...咭唔入@_@"一路BBQ一邊睇大電視~正!!仲有得打wii添~~(不過係我追緊劇集個陣提議，BAN!)而且睇住其他人打好悶的....另值得一提係自從上次話過好多狗，尋日去真係無哂野狗~老闆話趕走哂喎~讚!諗住影D相放上來，但顧住食唔記得左...下次先啦!下次BBQ的話，都會選擇來的~

呢度環境好,有大電視睇仲可以免費玩埋遊戲機,有紅樹林,蘆薈場睇, 有草地玩團體遊戲.食物款式多, 有水準, 特別又好味, 有雞軟骨, 勁辣, 南乳, 腐乳, 咖哩味雞翼, 蒜蓉包, 豆腐卜...無味精, 食完唔口渴員工服務好nice, 收＄75任食好底,小童有平, 生日免費,值得再去.星期二休息.

誤打誤撞黎到呢到, 睇到任食, 只係$75, 都好啦, 試下先墨丸至好味, 雞亦都好好, 蒜蓉包好好味老闆好好傾, 仲請我地食蜜瓜, 其餘staff都好好, 之后加炭都幫我地手我地到只係1pm, 唔太多人,但黎到呢個版面先知佢原來開3pm~~我下次都會黎

朋友生日，所以諗住BBQ慶祝，搵左好多間都無任食，無意間係呢到搵到呢間，就試下啦~$75/位，包一飲品，1~2包炭(可自帶食物，不可帶飲品)，都算公道，打去BOOK個陣，老闆仲話生日正日免費(正)，我咪同佢講仲有條友早一日生日，所以佢送支飲品俾佢，第一感覺唔錯~(本想訂乳豬，但由於太急及來貨太貴，最後無訂到...)地點都唔難搵，係汀角村對面，門口仲有員工派傳單(點解唔去大埔墟派呢!?)，裡面唔算大，不過我覺得OK，又有投射大電視，剛好做「通天幹探」大結局，個個朋友都放低哂D野食去睇電視(如果咁啱有波睇仲正)一去到就有人幫我地開爐，而食物方面款式唔多，都係大路野，但最值得推介係「勁辣雞翼」，得我食得到，我D朋友食到喊哂口~「雞軟骨」，好多人都爭住食~「蒜蓉包」，但我唔識叉，成日跌....遲D聽講有遙控車場，附近又有蘆薈種植場，夜晚去無乜睇到，下次下午去先會再參觀~話就話燒4小時，但我個日成班人燒到鬼咁夜都唔趕我走，而且員工又好好傾~唯一唔好處係個到多狗，唔知係咪佢地養，去親廁所都吠，呢個要改善下...總結係會再去~

呢間野開左無耐就試左啦，d野食ok啦﹗我鍾意佢有電視睇，同埋最重要係唔似人地果d要一份份買黎燒，人頭計aa都易d﹗試過朋友話係旁邊果間燒，十個人都要成千蚊，呢度都係七十五蚊一個仲要包一鑵野飲，低好多囉﹗燒野食都係至在玩下同吹下水姐，又唔係一百蚊﹗低﹗如果有人食得辣，佢有隻叫勁辣雞翼，辣到喊﹗食得辣真係好正﹗