太平館餐廳

Open Now

Now Closed

之前食過尖沙咀分店今次食埋佐敦呢間都係一貫咁出色我地食左1.瑞士汁牛河太平館既瑞士汁真係好正牛肉又多又滑2.瑞士汁雞翼雞翼大大隻煮到好入味3.岑味牛脷飯個牛脷真係勁淋又軟熟4.梳乎厘勁大個 蛋香味又重5.乳鴿乳鴿就較為一般

🐯感受港式經典，又點可以錯過呢間餐廳？🐭 ⭐️按「更多」睇詳細食評😋懶惰二人組同大家一齊去食下經典既餐廳啦! 今次我地黎到佐敦既「＃太平館餐廳 」！今次我哋叫咗一個$265套餐-《瑞士雞翼餐 Set C 》。套餐已連餐湯或者沙律，有超級經典既瑞士雞翼三隻﹑一份牛脷飯﹑一杯飲品同埋一個甜品。我哋亦另外單點了焗蟹蓋 ($170)。《海龍皇湯 Sea Food Soup 》湯質地十分濃稠，而且味超濃郁🍤🦐。鹹香得來有少少酸酸地嘅味道，都幾開胃。而且都幾大碗喎，兩個人share都可以分到每人一小碗。跟餐湯配既餐包鬆軟，搽上牛油好好食😋《太平館瑞士雞翼（3隻）TPK Style Chicken Wings in Swiss Sauce (3 pcs)》經典嘅 #瑞士汁雞翼 又點可以唔食呢？瑞士汁嘅典故我哋唔喺度多講，有興趣嘅朋友自己去科普一下或者去佢哋餐廳睇吓佢嘅餐牌介紹啦🤣！味道真係比較Sweet Sweet！甚至係甜到我哋覺得有少少苦味？可能係啲豉油焦糖化咗。不過見到成隻雞翼都黑黑的，你可以想像到，係煮到有幾腍同埋入味！《岑味牛脷飯 Salmis Ox-tongue with Rice》唔知點

呢個舊式茶餐廳嘅環境好舒服，同之前嚟嘅感覺一模一樣冇變過，難得香港冇變質嘅服務 Menu同對上一次嚟一樣樣我都係嗌滷水雞翼滷水肝腎 100零幾蚊好似 份量好似好過上次，但係都唔算多，香港啲嘢係貴啲不過好好味如果係嗌下午茶餐就好似多個薯仔不過就70點蚊兩隻獨立廁所男女廁分開，上咗年紀嘅侍應都好好禮貌同埋好親切紅茶好好味 不斷加加下午茶時間有卡位坐舒適滷水雞翼唔算太大隻，有埋雞翼尖 原來散叫得西蘭花冇薯仔如果價錢實惠啲更好

因為唔想諗又想坐得舒服，就嚟返呢間不過下次可能轉場，因為而家覺得佢有啲貴了又唔算太大份 俾個朋友一講完覺得個滷水好似好普通🤣🤣因為佢覺得價錢太貴，不過真係好入味好滑噃 滷水雞髀真係整咗好耐，起碼20分鐘應該成半個鐘 跟住就真係冇乜地方可以食呢度先有下午茶個羅宋湯牛肉通粉，我好欣賞佢個湯底調味亦都唔油膩 不過好似有啲細份始終呢度係高級茶餐廳今次就下午茶好多老人家喺度食，有少少飲茶嘅感覺 雖然環境都本身仲係靚牛脷都幾好味試咗友人餐一啖

之前同老細嚟過呢度食一次就鍾意佢嗰啲內臟！好少地方有得食，而且整滷水又好味今次一坐低即刻嗌咗先，因為知道要時間去整，而且好肚餓 淨係食咗早餐之後就四點先食今次係下午茶時間所以有下午茶！因為下午茶抵好多，所以嗌咗個羅宋湯牛肉通粉，幾好味 不過佢啲牛肉係茶餐廳嗰啲醃過梳打粉嘅牛肉滷水雞腎同樣連埋心臟，不過感覺質素下降咗，細細粒細細粒散修修 份量亦都好似冇之前咁足 個碟都換咗其實而家好多餐廳都會咁。唔知係咪要節省成本。🥹個湯就好好味啦 亦都都有蔬菜雜菜講起蔬菜，因為超想食菜，所以覺得好貴之下都$80嗌咗碟酒油嘅白灼，時菜菜心 好腍好好味 係貴啲滷水雞翼都係細隻咗，明明記得上次印象中好大隻，今次就好肚餓嘅話唔會食得好飽不過服務同環境依然係非常之好如果係呢個價錢就唔係好值得喇

最近有個好友要移民，大家諗住搵間餐廳可以一齊懷舊下，我就忽然諗起有好多好多年無去的「佐敦太平館餐廳」，所以就book位在這裡吃今次的歡送晚宴!當晚剛剛是復活節前夕，整間餐廳都滿座，熱氛非常熱鬧! 我們一行五人，坐了一張長枱， 我們order了兩個招牌二人套餐再加一個燒豬脾餐一齊share食! 因為大家都想可以一齊試到不同的地道招牌菜! 與此同時，仲可以食埋這裡的「經典特大梳乎里」甜品㖭! 我們非常期待期待!兩個**二人招牌套餐**： 海龍王湯(連牛油餐包)、 鲜蝦沙律、 瑞士汁雞翼、燒乳鴿、 煙肉炒雜菜、乾炒牛河、鹹牛脷飯，包甜品及 咖啡或茶。(價值$528 for two persons)*海龍王湯好鲜味，啖啖湯都有蝦肉，再配埋個熱辣辣、軟淋淋嘅牛油餐包，正!*鮮蝦沙律很有傳统中式沙律味道， 傑傑嘅沙律醬配埋薯仔、生菜、蕃茄和大蝦，别有一番懷舊風味!*瑞士汁雞翼，雞翼好滑，瑞士汁甜甜 地，非常惹味!*至於個燒乳鴿，本人就覺得隻乳鴿略為瘦一點乾一點，但味道尚可以。*煙肉炒雜菜就ok啦，味道一般， 勝在有些蔬菜可以在中段中和下!*乾炒牛河比想像中失色，味道和質感都好一般，沒有太大特別!

🇭🇰太平館餐廳·招牌2人套餐 $508呢間既瑞士雞翼我想食好耐架啦 不過因為我覺得佢港式西餐黎講都真係幾貴 所以講左幾年先終於第一次去😂😂我地去個日係閒日黎既 佢都坐爆曬 比我想像中多人好多🤣·海龍皇湯 l 鮮蝦沙律 l 煙肉炒雜菜佢個二人餐包既海龍皇湯我自己就覺得麻麻 佢飲落比較麵粉 質感一般🦞反而個鮮蝦沙律就洗好似細個食個啲水果沙律咁 幾有童年回憶 不過佢呢個比超多沙律醬 真係要畢走少少先得🥗😂最後個煙肉炒雜菜雖然好簡單 但係好夠味 我之後都會係屋企試下咁炒😈🤣佢甜品仲有個細個成日食既啫喱 超得意😙·太平館瑞士雞翼 (6隻) l 太平館瑞士汁炒肉片河之後個瑞士雞翼都真係幾好味 佢係每一隻都好大隻 好飽滿 入曬味😍🐤而且佢個瑞士汁唔係淨係得甜味 係有啲其他既香料 幾有層次 我自己幾中意😎之後佢個瑞士汁炒肉片河都好唔錯 佢呢個係濕河黎既 雖然個樣唔係好吸引 我地係見佢出名先嗌 但係真係幾好味😈佢河粉質感好好 而且撈勻之後係每一條河粉都有曬醬汁 佢呢個瑞士汁個調味就會比雞翼個個稍微鹹少少 更夾個河粉 都值得試一次既 不過建議大家可以直接嗌佢既招牌菜 唔洗嗌餐🤣🤣🤣·#rbyeat#rby

來到牛脷文同豬脾安都來食飯既元祖佐敦 #太平館 ，當然要食返條岑味牛脷，岑味意思係用鴿肝煮成既汁醬，出面好難搵地方食到，係非一般手工菜，大大份一碟三件，剛好同朋友w及c瓜分跟住要試既係瑞士汁雞翼，又係招牌菜，味道信心保證👍再食埋焗葡國雞飯，呢道應該要改名做焗葡國肥雞飯，件件雞🐔都肥底，但肥既程度又可以接受。好彩無叫到雪山梳乎厘，眼見其他枱上菜人頭咁大個，我地一行三人食完主菜已經無胃攝甜品喇！🫢🫢

本人約埋三五知己去食晚餐，包括有最出名瑞士雞翼、葡國雞飯、厚切牛舌、超級大疏乎厘，樣樣都好食，環境舒服，服務一流，禮貌貼心，評價激讚，五粒星🌟🌟🌟🌟🌟

在此餐廳食飯，枱枱食客多數都點果幾味。瑞士汁雞翼、瑞士汁炒河，我都一樣，最後上的是梳乎厘。當我差不多食晒主菜時，梳乎厘就到。超失望！縮晒塌晒同其他枱明顯不同！真想退貨！！

經常從朋友口中聽到這間百年歷史的懷舊港式西餐廳「太平館餐廳」，今天終於有機會試到各款招牌美食，一進去就覺得有一種重拾那些年舊香港的情懷。太平館燒乳鴿 (HKD160) 會將乳鴿先生炸，令外皮香脆之餘又帶有光澤，乳鴿肉質鮮嫩，再配上太平館古法秘製醬汁，色香味美。太平館干炒牛河 (HKD133) 跟平常在外面吃的干炒牛河與別不同，以太平館自家製之醬汁再配上鮮嫩的牛肉，每條河粉都色澤均勻，而且彈牙，醬汁不會過多而搶了牛肉的味道，亦不會太少而令河粉味道不一。盡顯炒河粉的火喉十足，令干炒牛河變得不平凡。太平館焗梳乎厘 (HKD152) 是今餐最期待的一道打卡招牌甜品！這是最傳統的梳乎厘做法，主材料就是雞蛋，即叫即焗，未上碟已經聞到陣陣蛋香。上碟時更加有驚喜，黃金色巨型的梳乎厘，外型十分可愛。外面帶有微微焦香，𥚃面是充滿蛋香，像泡泡般的梳乎厘入口軟綿綿，很快就在口中溶化，香濃幼滑的蛋味在口腔中停留，配上脆皮吃，這種強烈的口感對比，令人心情開朗。這𥚃還有很多招牌菜未能一一盡試，但從同行友人口中得知，有很多都很好吃。太平館瑞士雞翼、懷舊煙䱽魚、烚鹹牛脷、焗蟹蓋都是推介！

“太平館”，以前所謂嘅小高檔西餐廳，而家入到去好似食快餐咁，未坐定已經拿住支筆同簿楝係度問你食乜，唔使5分鐘上餐湯餐包，湯都未飲曬同擺咗半個餐係碟上就拿拿聲過嚟收碟，侍應問我嗰半個餐包仲要唔要⁉️（我都未食完😪）全晚唔知食咗乜，我真心覺得我煮得好味啲，所以連佢哋最出名嘅“梳乎厘”都費事叫（因為覺得唔方好食，本身叫侍應預留之後叫起，佢話都係你自己預番時間叫，我驚我唔記得咗，呢個十分好笑）。❌豬肶薄片飯❌湯喳雜菜2️⃣碟❌“非洲”瑞士汁炒牛河❌“非洲”炸乾乳鴿❌“非洲”瑞士汁雞翼❌“有色無味”乾炒牛河❌賣相嚇人嘅厚切牛舌❌“縮”嘅椰子奶凍+“縮水”雪糕球❌最好笑我訂咗20：00，六點幾嗰陣餐廳打嚟問我哋可唔可以早啲到，因為嗰時有位，我本身留咗七位（如果可以早我就卜6、7點唔係8：00啦），唔通佢想我立即打6個電話比我啲朋友叫即刻嚟！？我仲問餐廳今日係咪會早收，我20：00去驚我趕唔切食嘢，對方答：唔係，哈哈！食到一半其實我都係食咗少少嘢，侍應就輪流過嚟收餐牌（已經講咗仲有一位朋友未到），佢哋咁趕收工，我哋已經無心機再叫食物，食呢餐飯真係好大壓力。

很久以前來過嘗試這裏的瑞士雞翼和乾炒牛河，兩款都是遠近馳名的菜色，但因為已經過了很久，味道已經忘記了，這次再來太平館，看見它的餐牌不算便宜，還需要+1服務費，香港這個價錢感覺還有很多好的選擇，但朋友選擇一場來到就回味一下，我點了 #岑味牛脷飯，醬汁真是不錯，特製的肉醬醬汁配搭入口即溶的牛脷，加上粒粒分明的炒飯，非常有驚喜，還點了接近$20一隻的招牌 #瑞士雞翼 (心想雞翼這價錢真的很貴)，原來這個瑞士汁真的很有層次，而且還有煙燻的味道，真的不是一般的瑞士汁~ 令我都想自己調校這個味道~ 還有這裏經典的特大 #疏乎厘 感覺到被其他餐廳出色 👍🏻真的要為他點讚，原來他的價錢不只是吃懷舊，真的值得一試！

為慶祝富貴同事生日我地揀咗太平館我們太耐冇食過，好掛住佢嘅太平館雞翼所以揀左呢間，不過個人嚟講覺得尖沙咀店坐得舒服啲🤭打電話嚟訂位只係留5分鐘咋，所以大家打電話book嘅時間記得預好啲，遲咗5分鐘，係當Walk in好彩係平日，所以遲咗10分鐘都有位不過其實個塲都幾爆嘅濕炒牛河真係好好食，極推介瑞士汁雞翼都係冇得頂好耐冇飲洋蔥湯有啲遜色記憶中以前塊芝士係好大塊冚住成個面而家剩係得一細塊仔😅仲有個疏乎厘，有小小失望入邊有一部份，係實的的，一啲都唔疏乎厘不過攞嚟影相打卡都攞番啲分另外提一提，以為咁衰遲5分鐘就唔留位以為啲服務唔好但係其實D待應服務都好好架好細心又真誠

提早為媽媽慶祝母親節，選擇左一間懷舊餐廳俾佢，招牌瑞士雞翼加瑞士汁牛河已經冇得輸，甜品再嚟一個大個小朋友塊面嘅疏乎厘同一個而家好少見嘅香蕉船，小朋友問媽媽咩叫香蕉船？原本小朋友想叫雪糕新地食，點知媽媽叫佢食香蕉船，因為媽媽兒時好想食，點知香蕉船出到嚟小朋友淨係食晒三球雪糕，媽媽話兒時見到把紙雨傘總會好開心，點知而家啲小朋友物質太過富裕，當媽媽同佢講以前我哋見到把紙雨傘會好開心時，小朋友好快就講咁我而家俾你啦😅