大榮華酒樓

Open Now

Now Closed

假日與朋友一同到元朗行山，大家說要試試元朗的特色餐，嚷着要去大榮華試一試。想打電話去訂位，說訂座已經滿要五點後來即場取位。心想既然去到元朗行完山也尚早，不妨一試。五時前已經去到大榮華，還未正式營業，最後很快已經可以入座。還未夠五點半，入座率已經接近七八成，去到六點已經滿座。心想雖然是假期，但香港人有那麼早吃晚飯嗎？不過其後再看見一直都有人等位，都有「翻枱」，都算是少有呢！今次嘗試了一個四人餐，份量足夠六個女士享用，每人也不用一百五十港元，非常抵食！這個套餐包括了：蟹肉竹笙燴生翅、香茜梅子燒米鴨半隻、鳳凰蟹肉炒長遠、蒜香金沙焗生蝦、田園翠綠蔬，以及鮮陳水檸蒸烏頭一條 ，非常豐富 。蟹肉竹笙燴生翅口感十足，竹笙爽脆蟹肉亦非常多 。香茜梅子燒米鴨值得推介，鴨肉不酥皮帶脆，半隻份量亦非常多，可能是因為鴨較為大隻吧！六個人只食了差不多一半 ，已經很飽 。鳳凰蟹肉炒長遠，可能你會問什麼是「長遠」？原來是粉絲。雖然只是一個簡單的菜式，是雞蛋蟹肉炒粉絲，但炒得不油不膩，非常美味呢！蒜香金沙焗生蝦，有點像鹹蛋炒鮮蝦，差點連蝦殼也吃埋呢 。鮮陳水檸蒸烏頭必定一試，烏頭冇泥味，肉質爽滑，一條份量足夠六個人食

🐥圍頭五味雞雞肉鮮嫩，醬汁有點甜口，滑雞一口接一口不能停，味道正。🍄‍🟫花膠北菇玉掌煲玉掌軟趴入味，花菇勁大隻，再加生菜底，古老的廣東菜味。🥚圍村雞蛋煎蠔餅蠔仔大隻，份量正常，圍村雞蛋蛋味濃郁，與潮洲的蠔烙不一樣，沒有加入薯粉。🐷化皮乳豬件超少有酒樓有乳豬件，皮脆，脂肪少，切小件好吃不膩。🥯糯米包蒸糯米包也是現代酒樓少有的點心，糯米包超大個，做主食一流，即點即蒸，香軟糯。🍚豬油撈飯還有最最重要的豬油撈飯，幾時都咁好食，飯夠軟身，豬油配頭抽的份量點加都得。

一家人到了大榮華食晚飯，叫了一個六人餐，換來店員一個不友好的回覆…後來封左一封利是態度就好轉了。⭐蟹肉竹笙燴生翅無乜味的羹，大圍餐都預左。⭐蜜汁叉燒半肥瘦叉，調味唔錯幾好食。⭐香茜梅子燒米鴨鴨肉軟嫩入味，細細隻幾好。⭐田園翠綠蔬豬油炒菜心，香口。⭐陳皮豆豉爆生蝦鹹香帶陳皮香，幾好食喎。⭐頭抽浸本地雞豉油好味，但雞味欠奉。⭐XO醬西芹花枝片無乜XO醬味，西芹太淋，一般。⭐鮮陳水檸蒸烏頭檸檬香口，但唔係用元朗烏頭，無魚味又無魚油。⭐燒乳鴿乳鴿特價就加左兩隻，無乜味，勝在上枱時仲熱。⭐豬油撈飯大榮華名物，但唔啱我口味😅⭐精美糖水糖水有紅豆沙，但忘了影相。呢圍食左千五蚊左右，二百幾蚊人頭ok啦，志在有個位坐下傾下偈。

本來很好的一餐飯被位於門口安排入座的侍應破壞了氣氛，留港消費真的太天真了。  一行5人與回港渡假的弟婦、姪女和老爸一起吃飯聚聚，但被安排入座的侍應多加刁難下令美食當前都未能盡慶。 事源太太跟弟婦和姪女於晚上5:30先抵酒樓，當時全酒樓仍有很多吉枱，但取枱期間指未齊人須坐4人枱加一坐位，或以在等齊人後以6人茶錢給妳們一張大少少的枱。 我們看不見酒樓有任何規條告示，但此侍應則堅持這樣處理。最後我們一肚氣都維持4人枱加一個椅子來坐5人。 雖然食品質素保持，但價錢已每款$120 左右，整餐飯連馬拉糕甜品都差唔多$900， 但對此侍應來說根本不稀罕，因此真的不再推薦、建議或再去此酒樓，酒樓的枱留給這位侍應自己吃飯吧。

大榮華真係超舊式，舊到佢新年營業仍然好似舊式茶樓一般，不過至少不是加30%服務費，只是+15%，還可以接受，然之後等了15分鐘左右就有位。嬰兒除了吃包之外，多數都鍾意吃這裏蝦餅魚蛋類的東西，於是叫了這個蝦餅，是非常舊式底面有層脆片的東西，不過脆的東西過氣，嬰兒寧願吃中間的墨魚滑部份。這個山竹牛肉的確非常舊式原始，你看看，除了牛肉、蔥、芫荽之外，睇吓竟然墊了西洋菜，它在家中叫你老婆洗西洋菜都麻煩，又要洗又要摘，😂嘥晒啲時間，原來舊式酒樓山竹牛肉底下竟然是煎有西洋菜，反正好像時光倒流。不過由於這次等位10至15分鐘，因此有張圓桌自成一角，還是相當清幽，感覺相當不錯。

大榮華酒樓元朗元朗安寧路2-6號冠煌樓2樓Score 分數： B/60講真，這是傳統嘅酒樓。相信不少年輕人都未試過，亦冇興趣試😅。不過，舊有舊酒樓特色嘅，的確有唔少傳統野可以試試，例如，豬潤燒賣，魚雲等等。講到美道，我試過幾款點心，我就覺得麻麻。帶返個頭盔先，我唔係咩金舌頭，我只係一個鐘意食野嘅大肚腩，唔係難食就咩都試下。我覺得傳統就傳統啦，係感覺有d唔同嘅，不過味道好普通，唔吸引。如果大家想懷舊一番都可以試試。至於環境衛生，一個字 “舊”感覺，光線唔多，設備都係感覺到有返咁上下年紀，年紀大過你都唔定🤣。有樣野值得一讚，就係份量大大份。

大榮華酒樓真係細細個就成日同屋企人嚟食，以正宗圍村菜和自家製點心出名。隔咗10幾年，到我帶返屋企人嚟食。老闆推薦咗當日菜式，魚下巴同埋燒鴨，另外仲點咗焗魚腸、炒菜、豆腐煲，我覺得全部不過不失。到大榮華當然要食豬油撈飯，係屋企人嘅係回憶，細個覺得好多油唔敢食，依家大個咗一試原來真係好鮮味。最後叫咗馬拉糕同水晶餃，奶黃配軟糯的馬拉糕皮，甜而不膩，好好食！食物唔算好出色，但價錢親民而且係老店，都值得一去啊！

首先在門口，大家都好似好排斥要搭枱飲茶，但是其實，真正舊式的茶樓飲茶，好像經常都是搭枱的，只不過可能大家近年去那些新式連鎖酒樓餐廳，全部都不會搭枱吧。妻子見到隔離的煎年糕，又熱又香，忍不住也要叫一碟，即煎甚熱，軟林林帶甜，可口。早前我見到麥米粥，夠熱燙，份量夠多，粒粒份量都唔少，本身唔係我最鍾愛的甜品，不過細個見親友會整，自己在家不會弄，再回味一下也無妨，但薑味太濃。馬拉糕，都大大件，夠鬆，熱食還是不錯。蛋散，不太熱，不覺新鮮炸，輕回氣，幸好有點糖漿可點，否則較乾。其他野好似菜苗餃，都非常熱，出曬煙，內裏料足，外面夠韌佢又真係唔差嘅，即叫即蒸，樣樣都非常之熱燙，好像漢堡酒家一般，你越係以為舊式傳統或者老字號嘅酒家可能會侍老賣老，侍住自己老字號就求其整啲嘢出嚟，但其實兩間都係誠意可嘉，煮出嚟嘅東西，蒸出嚟嘅點心都夠曬熱

我們一行八人 ，到元朗的大榮華酒樓午膳 ，仲見到滔滔喺度同 直客social，而家大榮華酒樓，好似只淨返呢一間，其他都已經結業。我們很肚餓，叫了很多點心，有椒鹽九肚魚， 豬手，胡椒鹹菜豬肚， 茶果，蘿蔔糕 ，茄子，鳳爪，鴨腳扎，蝦餃，燒賣，叉燒包，魷魚，牛肉 ，鮮竹卷， 釀矮瓜等等....這裏還有很多懷舊點心，例如大包，豬肚燒賣，鵪鶉蛋燒賣等等，好可惜今日大包已經賣曬，另外想食他的臘味煲仔飯，可惜也售罄 ，下次要早一點來先先可以試試了。這間酒樓的點心味道不錯，保持水準，入開元朗一定要試試。

一幫人喺元朗附近行完山，就順便去大榮華飲個茶補充一下體力等了差不多一個小時才入座有點累😣當中的馬拉糕挺不錯😋另外數款點心也是不錯的😋但咖哩魷魚同蘿蔔糕就比較一般，整體是ok的

Tai Wing Wah Restaurant is a culinary gem in the New Territories, with branches in Tseung Kwan O and Yuen Long. Step inside the restaurant and be greeted by a contemporary and spacious dining area, perfect for both intimate dinners and group gatherings. The menu at Tai Wing Wah offers a wide array of Chinese dishes, representing various regional cuisines. Begin your meal with a selection of delectable dim sum, featuring delicate dumplings and steamed buns filled with flavorful fillings. For main

今日同家人入元朗整野，遠望看到酒樓外觀覺得有特式，然後我哥話30年前食過🤣 入到去先慢慢睇下其他食評，好似好壞參半，但因為太餓又好耐無飲茶，終於瘋狂畫點心！而有好多懷舊點心出面都開始沒了。叫了很多款，可惜是沒有蒸腸粉，原來蒸腸粉要11點前🥲終是叫了煎的！也是不錯～整體有幾樣我覺得都有驚喜，其中一樣是水餃..一粒是巨大等於平日的三粒！而且一碗有5粒😍料都是滿滿足料！另下豬紅也是不錯，韮菜也剛剛好不會老💓燒賣也是啖啖肉，不會太多但也不老，也很大粒。蒜蓉蒸魷魚！有驚喜記得試試～鮮竹卷超飽肚！料太結實🤣但是好味啦～其實我中我想試吓雞包仔，但真的太飽了。最後三人吃了435。

唔使多講，大家自己睇，燒鵝例牌，肥濤哥極力推薦，全部都係餸頭餸尾。蟹肉伊麵，問部長蟹肉係邊? 話係蛋白裡，食完都食唔到蟹味。其他點心都味道麻麻，總之冇下次，一間老字號只賣情懷，可以行幾遠?

黎到元朗懷舊酒樓，飲茶懷緬一下❤️試左一啲其他酒樓比較少食到嘅食物😋奶皇馬拉糕豬膶燒賣幾好食😋豬潤滑，吾會蒸得太老🙊韮菜豬紅大大碗，好多豬紅，食得好滿足😎傳統蒸腸粉，腸粉皮薄又吾黐口

黑雨後要出街放一放電，就諗起大榮華，去到冇乜人等位，可能要處理家中水浸問題，我們很幸運沒有大礙，只見滔哥精神奕奕到每枱吹下水，提議我們食叉燒和燒鵝，但係已經太遲叉燒賣晒，但整體嘢食還是係可以的，入元朗的朋友，可以去飲個茶食個雞球大包。