大榮華酒樓

Open Now

Now Closed

大榮華 5/10👍🏻自2010年攞住米豬蓮必比登推介的大榮華係韜韜-梁文韜做執行董事，係真人生招牌圍頭菜。佢每天到酒家巡視，參與設計新菜式，興之所至，更會炮製堂弄菜，與客人打成一片。圍頭菜，是香港水鄉家常菜，4成睇材料，3成睇調味品，最後3成睇大師廚藝。講到最出名的豬油撈飯，豬油係燒豬時，一滴一滴地收集，應該香氣四溢，精華係要有醃過的肥肉炸。米飯是老字號廣新行的出品，新舊米混合，再用瓦缽蒸煮。醬油用鮮味最豐的頭抽。食用時，在米飯上倒入一湯匙頭抽及半湯匙豬油，拌混吃。另一名菜係五味雞，是這兒的名物。以花椒、八角、桂皮、桔皮及草果，合稱五味，把五味材料入袋，再加頭抽和冰糖，以慢火滾至出味，熄火後，把雞浸 35 分鐘即可。韜韜在五味之上加了月桂葉去腥，是在傳統食譜中的一個少少的改良。理論要多了解，長長知識，只係舌頭要再進步先挑戰。五味雞5/10👍🏻豬油撈飯 4/10👍🏻

懷舊飲茶好地方~比較多特色點心, 想吃雞球大包, 但當日已經賣哂喇喎蓮藕餅5係咁多地方食到, 響E度第一次吃, 覺得好好味~福建炒飯...都炒得好香, 可能係落左豬油...其餘點心就普通啦~

今日突然間想去一間老牌酒樓-大榮華酒樓平時一直都會同埋屋企人一齊嚟，礙於政府發出嘅限聚令關係，只能兩人一台，唯有同男朋友自己撐枱腳啦。不嬲都係鍾意黎開啲老牌酒樓，但係今日嚟到嗰時，一樓果層冇開，唔知係唔係冷氣壞咗，所以叫晒所有人上2樓飲茶。第一次上黎2樓，覺得環境麻麻地，不過都算係衛生嘅，可能平時去開一樓度飲所以反差有啲大。（一樓嗰度係有裝修幾靚嘅）咁今日就叫返平時會食果幾種點心嚟食啦，一食就知出事，啲嘢食大部份都唔夠熱，仲有啲凍添。同埋啲質素都有少少偏差，唔知係唔係因為個廚房平時喺樓下，拎咗啲嘢食上嚟就變咗有啲唔係咁好食😂😂如果俾我揀多次，我會等佢一樓開返先再去飲，因為質素真係爭好遠😭

相信元朗大榮華好多人都聽過，其中一間老字號的食店！還記得以前細個的時候，去飲喜酒有去過！食物當中有好吃的，但亦有一些不好吃的！點了當歸豬手：夠入味，而且豬手夠淋南瓜餅：煎得夠香，上枱時夠唒熱，似剛剛煎完一樣，而且好軟熟，非常煙韌👍🏻👍🏻蝦餃：望過色水已經麻麻，隻蝦太深色，蝦餃皮太薄，一夾就爛蓮蓉包：不是好多酒樓有，蓮蓉配著蛋黃的包非常好吃👍🏻👍🏻水晶奶皇飽：本人對流沙麻麻的也覺得好吃，薄薄的皮包著奶皇，正👍🏻👍🏻淮山百合餃：有創意，吃落去一般燒賣：還可以，好吃過蝦餃😅豉汁蒸魚雲：超鯹，一上枱已經聞到好大陣鯹味，吃了一口覺得怪怪地味已經冇吃😰

今日約咗親戚入元朗飲茶， 他們推介去這間元朗出名的大榮華酒樓， 鋪面舊式，內裏裝修正常酒樓格局， 係多咗啲獎狀， 滔滔啲相掛喺牆上面， 每條柱都有啲懷舊嘅相片。 點心都算多嘢食， 不過個人覺得價錢偏貴，反而碟頭 飯麵就相反地平， 叫了幾款點心和一窩柱候牛腩伊麵煲。 先講牛腩伊麵煲 非常好食柱侯牛腩夠入味， 伊麵索咗鍋內的汁很惹味。 而點心就冇乜嘢值得推介， 係得個椒鹽九肚魚炸得幾好味道易錯，而蝦餅魚肚的魚肚很乾， 水晶奶皇包的皮很厚， 其他點心正常嘢， 唔會太差又唔會話好好食。 聞說呢間酒樓晚市小菜出名 下次有機會試下晚餐啲小菜。

今天遠征元朗，去到至出名的元朗大榮華酒樓，跟幾位行家擺龍門陣，縱論天下大事。口水花四噴之餘，當然要品嚐美點。說真的，這些傳統老酒家，你要說有什麼驚喜，可能就真的欠奉，但材料倒真是貨真價實。而且幫襯老式酒家，最主要就是兩個字：情懷。你說是嗎？

有天.跟家人在大棠了紅葉.必須在元朗覓食吧.元朗的美食實在太多.有長輩的關係.選了大榮華酒樓.相信大家都認識吧😋大部份的食物價錢都是💰9 2...🥢圍頭五味雞 👍🏻必須推薦皮質嫩滑.juicy.鼓油味醬汁味特別.🥢啫啫生菜煲 （自訂菜式）👍🏻大榮華可以自行配搭不同的菜式.家人偏愛生菜.生菜新鮮.煲底還有大蝦米.🥢上湯龍蝦伊麵🦞 💰 2 2 8 (+$ 2 0加伊麵）龍蝦新鮮.肉質彈牙.鮮甜.龍蝦肉勁多.用上湯煮伊麵.索哂d上湯.一流👍🏻🥢蓮藕炆豬手豬手夠淋.入味.不過不失.🥢炸豬大腸炸得很脆.豬腸乾淨.鍾意食豬大腸都必須一試👍🏻🥢奶黃馬拉糕 /8件 👍🏻必食 馬拉糕層與層之間充滿奶黃香 .超鬆軟.淡淡奶黃香味.超級好味👍🏻👍🏻👍🏻👍🏻👍🏻👍🏻總結：五味雞和馬拉糕是必須要吃的👍🏻🥢款式很多.想食咩都有.一定岩哂一家人口味.

光顧大榮華超過十年，那時滔滔還肥到像座山，那時一個菜才是$48元。今次來到滔滔，仍勤力巡場但瘦了老了，菜也加至$98了，依然卻高水準超值。圍村菜大意指新鮮，食材不用高級，就地取材新鮮鮮簡約即成。 先來一碗順德拆魚羹，將魚蒸後拆肉煮羹，手工甚多，魚湯鮮甜，絕對是店舖名菜，挑剔是骨甚多，師傅不夠細心。 圍頭五味雞，也是必點名菜。 以頭抽浸煮方式烹熟，時間火喉一定要準確，過時過火則會令雞肉變嚡。師傅十多年心得，掌握必然準繩，雞剛熟嫰滑，皮有咸香味。 如果用上新鮮雞效果更佳。酥炸軟殼蟹，不是常有菜式，菜牌每季也換。 今次首次點選，遠超期望。$98 四隻打算是急凍貨式，估計蟹味雪死、蟹件細份無咬感。上菜時賣相平平無奇，每隻蟹中間剪開。吃落竟黃膏流出，炸漿包實蟹身，油炸時間準確金黃色，不老不白。也不像急凍貨，有咬感，新鮮肉質。莫非真的用了新鮮貨，那就超超超值了。另點大班兩味，蒸的部分先抽出魚腩位置，將魚腩平切舖碟，每塊肉中間夾上雲耳紅棗，再加薑蔥中和。入蒸爐七八分鐘。魚味鮮爽，伴豬油撈飯一絕。炒的頭腩很大份，絕對用上二斤以上斑，來貨價也要$200，但賣價才$400多，手工燈油也是超值。最後當然來個

好多時候，同屋企人食飯，都會食中菜。而呢一間，最近朋友帶我去食嘅大榮華，可以話係我食過最好食嘅中菜。本來我都唔係好食羊腩煲，不過，我啲朋友話一定要試，於是我就好啦試一塊！哇！點知一食就停唔到口！啲羊腩完全冇蘇味！好鬆化！一食再食！另外就係要食拔絲咕嚕肉，好香脆，而且拉絲嘅醬汁酸酸甜甜。仲有，椒鹽鮮油亦都係好惹味。最重要係個豬油撈飯，阿姐俾咗一個砵仔飯我哋，出名另外俾咗支豉油、一支豬油，教我地落半茶匙嘅豬油，加少少豉油，完全唔使食餸都可以食晒成碗飯！

平時好少入元朗 今次就去咗元朗嘅大榮華酒樓食佢嘅傳統點心😝最出名嘅雞球大包竟然已經賣晒😶懷舊馬拉糕同埋金錢肚幾好食唯一唔好處就係比較多人係需要同人搭台下次再試

同屋企人補慶祝父親節，就岀遠左少少，約埋啲親戚一齊食飯。因為老一輩既人都係中意係茶樓叫中菜食，所以我地都叫左啲普普通通，岩佢地口味既菜。豆豉辣椒炒油麥菜岀面食既果然夠曬鑊氣，還好的是吾係太油。肉碎四季豆依個菜係我既my favourite，淨係食依個已經夠我送矖成個飯！炒蝦個蝦就真係太油喇，搞到個蝦既鮮味都冇曬，同埋份量又少。話說依到既叉燒好食，又吾係話好好食，不過就真係厚切叉燒，吾算太入味，但肥瘦恰宜。

今天行山終點為牛潭尾村，於是坐小巴出元朗晚飯，第一時間就想起大榮華，幸好時間尚早，等了一會已安排好座位。我們一行8人，點了即食迷你九大簋$850。豬油撈飯 - 首先來一大桶白飯，配豬油及頭抽，不知是否行完山特別好胃口，加上又好吃，我吃了兩碗😅香茜燒米鴨 - 啖啖肉，原來吃米的鴨就叫米鴨盤菜豬肉 - 即扣肉，肥瘦均勻，還有芋頭作配料，燜得夠腍又入味陳皮豆豉蝦 - 蝦殼炸得脆脆，平時最怕剝蝦殼的我也可輕易剝到😬，用上陳皮豆豉煮，味道與別不同(忘記拍照)什錦炒菜絲 - 主要材料為粉絲，清清地但炒得夠鑊氣時菜鯪魚球 - 大大粒頗彈牙，時菜是小棠菜蠔油炆北菇 - 冬菇肉厚多汁，令墊底的生菜也很入味糖醋酥肉青 - 酸酸甜甜很開胃圍頭五味雞 - 雞肉嫩滑入味，平時少吃雞的我也吃了不少😋白水浸烏頭 - 不過不失奶皇馬拉糕 - 非常鬆軟，口感及味道一流合時糖水：有紅豆沙及麥米弱，甜度剛好，但紅豆沙較稀總括來說，這餐充滿懷舊風味，加上用圍村人愛用的雞公碗盛菜，更添圍村氣氛，而且餸菜上得快又夠熱，價錢又合理

好耐無入黎元朗想試一試呢度既點心，嘩。。。比起出面既酒樓，真係可以考慮唔洗黎食，反而之前黎食晚飯重好。相都唔想影不過既然係寫食評，分享下都應該既豉汁蒸排骨~肉質嚡到無朋友。鮮竹牛肉~嘩。。鮮竹都可以好似曬乾左咁，牛肉直情係實到好似要練牙力咁。香煎腸粉~上枱都幾靚既，可惜又係粉厚，唔好食。豉汁蒸鳳爪~都唔錯既，味道適中，又唔會太乾身。奶黃馬拉糕~係仍然保持水準之作，入口軟綿綿，唔太甜。P.S 元朗應該有其他酒樓好食過佢，呢度留番食晚飯先黎

聽聞大榮華是元朗區的老字號 但昨日去飲早茶， 結果令人失望， 樣樣點心又咸又硬， 煎腸粉同蘿蔔糕係暖， 又硬， 無味。 叫左9 樣點心， 食剩7 樣。 令人味覺失望呀。 不會建議朋友或家人去試。

身邊實在太多屯元天既朋友，所以一直以黎對大榮華呢個名都唔陌生。事前淨係知間野最名係豬油撈飯，亦都無對佢作深入了解。今次飯局當中有一位朋友係常客，所以我地已經極速叫左四樣小菜。當中九制陳皮排骨仔朋友更稱係佢既最愛tim。首先上菜既係五味雞，一上枱見到隻雞既色澤都好靚。雞肉好嫩滑，亦都做得非常入味。其實味跟一般豉油雞無異，不過佢整得好食D咁解。金沙蟹肉西蘭花我地是但叫左碟菜，點知好有驚喜。食到蛋黃香，但一D都唔漏，我覺得呢個蛋黃份量既程度配菜岩岩好。蟹肉唔算特別多，但個汁真係好好食。如果想叫個菜食呢個絕對值得一試。九制陳皮排骨仔個人未聽過呢味送，但食落又係好特別。佢係酥炸但一D都唔油膩，咬落去仲食到陣陣陳皮香。D排骨算嫩滑，容易咬。雞蛋焗魚腸由於我未食過圍頭菜既關係，我又係聽都未聽過。本身個人對魚同蛋都唔太大興趣，所以對呢味送都無咩感覺。身邊既朋友就話佢整得好好，有蛋香之餘魚腸一D都唔腥。不過幾乎枱枱都有嗌，大家一試無妨。黎到重頭戲，豬油撈飯！！！望到支油既時候我承認我有幾分既罪惡感，心諗成支油就咁倒落D飯到實肥死啦不過一人世物一世，咩都要試下嫁。一開始輕輕落左少少油同豉油，發覺無咩味。所