太湖海鮮城 (Closed)

今日放假同爸爸媽媽去飲茶, 去到已經2 點, 唔係好多人, 叫咗幾個點心, 等極都唔嚟, 以為即叫即整耐d啦, 點知d點心係咁出極都唔係我哋嘅, 隔離檯食完炒飯走埋都未到, 叫極都冇人應, 後尾個部長埋嚟話我哋叫果d賣晒, 最嬲係隔離檯人未到就擺滿晒嘢, d點心同我叫嘅一樣, 原來係佢老闆嚟同員工開會, 把幾火叫埋單, 有咩理由坐成個鐘先得4個點心, 茶又凍又冇人理, 叫埋單果陣,個後生仔部長仲話d嘢嚟緊就行咗去, 我怒啤個老細佢先叫人埋咗張單, 埋單前仲即刻放底碟腸粉, 即係入埋我數啦走果陣個老細話 : 唔好意思, 我都唔想架!!!!!

因為識人關係，一年總會來太湖晚餐數次，雖然每次叫的菜都差不多，但至少可見質素上是能保持不俗的。是晚又來用膳，門面仍是那麼光猛，不難找。食物：千絲素蟹向來是我的最愛，脆炸腐皮包著冬菇、紅蘿白絲等素菜，外脆而內軟，口感十分好，碟中間是以些少蟹肉和蛋漿煮伴上的西蘭花，吃上口又濕濕的而西蘭花亦算爽脆。上幾次來吃時差不多半碟也是落誰我肚子的，唯這時的我怕熱氣，只吃了一口，水準沒有下降，仍舊出色，難怪是得獎菜色。對雞沒大興趣的我沒有嘗走地雞，但見肉質幼滑，皮薄，而同行者亦加以讚賞，應該是不錯的。另還有清蒸魚和上湯菜等，全部也做得不錯。最後是甜品：記得之前嘗過時湯丸不算出色故此這次沒有吃湯丸，都全給同行者了 喝了一碗薑茶，薑味十分濃，嗜薑者相信會喜歡。生果是西瓜，太飽了沒有吃。是次九人用膳，埋單七百多，尚算合理。

回想十多年前，位處山林道的"太湖"一直是我家的御用飯堂。逢一有甚麼喜慶或過時過節之時，都會拉大隊過來大吃一頓。事隔多年，兜兜轉轉之下，今夜又再此回歸老地。想不到眼前仍是那堆舊人事。人面依舊，但歲月已在他/她們面上留下催人的痕跡....今夜少有不用自己操心點菜，一切由爸爸發辦。吃的都是些很typical的延席菜式，甚麼的得獎名菜如"西施伴霸王"、"奇脆明珠伴金龍"及"三弄回味牛肉"皆與之緣慳一面。還是留待有機會再嘗....老實說，小時候的飲食經驗不多，總覺得這裡的東西是極之美味的。現在人長大了，尋覓美食已成為小弟其一最重要的興趣。經歷多了，現在回來吃過，就覺水準有點不以為然。究竟是東西做得比從前難吃，還是小弟的嘴變得"刁"呢 ? ....是夜吃了很多道菜，但正如哥哥所說，沒有一道是令人吃過後能留有深刻印象的。唯一"掹車邊"的可算是沒有被攝入鏡頭的燉椰皇露糖水。相比起多年前吃到的依舊維持高水準 ---- 夠火路，椰味既香又不死甜，入喉後有一種很滋潤很幸福的感覺....鹽酥蝦是名符其實的又鹹又酥。蝦用的是海中蝦，很夠新鮮彈牙，不過吃至中途，出現些穢物(蝦腸是也)，這也是名符其實的大煞風景..

琴晚同朋友祝賀生日, 揀左呢度叫左幾款招牌菜 (10分滿分)1. 芝麻雞 7分2. 三弄回味牛肉 9分3. 蟹粉師子頭 4 分4. 鮮魚抄飯 6分5. 燒肉 9分6. 一品煲 6 分7. 例湯 9 分8. 雲腿蒸海班 7分埋單1000蚊, 又吾貴喎, 不過份量吾多.. 味精就幾多..

母親節的晚上, 一早係度訂了位食飯. 從前看球賽時也看過不少此店的廣告, 心想要落那麼多廣告似乎不太磬香, 小弟也直沒有意欲來吃餐飯, 但係今年在想母親節的飯局地點, 想來想去, 最後覺得還是試試這裡好了. 反正都係要自己吃過先知道是龍是蛇.雖然訂了位, 也要多等十分鐘先有得食, 實在好熱鬧, 當然也係正常. 母親節也沒有客人的話反而稱奇. 這裡的賣點係得獎菜, 就全部都要得獎菜, 看看水準如何.三弄回味牛肉 $98: 9分, 三弄的意思, 就係用上三種方法去炮製牛肉, 至於回味, 應該係令人回味的牛肉? 牛肉的三種做法係先醃, 再滷水, 最後炸. 牛肉用上了腩肉, 有口感, 滷水味香濃, 外層炸得香脆, 入面的腩肉也幾嫩滑, 腩肉夾著黃瓜一起吃, 加上面頭的紅椒, 黃椒和芝麻, 口感好豐富. 加上蜜糖的薄脆, 甜甜的, 中和了牛肉的鹹味. 而賣相也好漂亮, 也跟相片中看到的差不多, 沒有走樣. 不過小弟後期吃了兩件係比較實的, 腩肉浸汁浸久了也係偏鹹, 或許這個菜色係要即食才有水準.芝麻鹽焗雞 $105: 9分, 是芝麻雞同埋鹽焗雞的混合體. 雞肉有鹽焗的香味, 炸過的雞皮相當香口,

阿K好朋友同佢個寶貝仔到香港玩，暫住九龍站上蓋。湊住個細路，唔可以行得好遠，於是阿K响山林道誤打誤撞去咗「食神大賽」得獎食肆「太湖」食晚飯。由於要務在身，我差不多成八點半先趕到現場，阿K亦發晒辦點菜，包括得獎菜色「芝麻雞」、「沙薑雞腳」、「三菇扒腐竹」、「羌蔥籠仔蒸海蝦」、「瑤柱鮮蝦荷葉飯」、「脆腩片」等。首先品評一吓「芝麻雞」，話晒都係得獎作品，應該都唔會差到邊。食入口，咦！冇一種令人心裡「放煙花」嘅原素喎。不過公平咁講，雞嘅選擇已經唔錯，新鮮之餘肉質嫩滑，如果唔係話冠以得獎菜色呢個名銜，其實都係不錯嘅菜色。反之，「脆腩片」另我喜出望外，食材係牛腩肉，表面一層皮稍為炸至脆卜卜，非常香口，但唔會覺得肥膩。肉質鬆軟，唔會話食完之後攝入牙縫。雖然一檯人只有兩個人食牛肉，但係呢碟係最快清晒嘅一碟菜。「羌蔥籠仔蒸海蝦」選料比較一般，蝦味冇錯係有，不過冇乜海水嘅鹹味，還好有羌蔥扶助，已經比一般嘅蝦出色。似乎我已經食慣咗法國急凍空運到港嘅海蝦，味蕾已經被寵壞了。「沙薑雞腳」我要歸納為小食類，雞腳本身煮得幾入味，肉同埋根腱都很輕易咁一咄就骨肉分離，十分適合懶人如我一樣食用，乾手淨腳。「三菇扒腐竹」係

好友生日，齊到這間試一下它的得獎菜式：回味牛肉及芝麻雞。芝麻雞很一般，雞入口太乾且有少少「鞋」，皮有些部份不夠脆，有些則焦了；反而回味牛肉則幾出色。既然佢話得三弄，食時就要嗒真些個味，因為佢比到你的味覺係好豐富，但又不會太咸，牛肉也夠嫩滑。也有點其他菜，但跟其他中菜館分別不大，不贅。整體來說屬不過不失，但以這間酒家的盛名來說，就有點點失望，或者這也解釋了為甚麼星期六晚都出現小量吉抬。聞說銅鑼灣那間水準是比較高的，下次有機會試下。以下附圖是三弄回味牛肉。

朋友推介太湖得獎菜式，奇脆明珠伴金龍，兩條友叫個細份量都差不多兩舊水，所謂奇脆明珠原來係四大粒炸蝦丸，蝦丸極之唔新鮮，比街市Ｄ死蝦做既蝦膠更劣，而金龍係指開邉龍蝦仔，唔知係Ｄ龍蝦仔唔新鮮定太細隻冇蝦味，用料低劣，眼高手低，失敗之作！第二個菜係碧綠千絲扒素蟹，個名就好勁，其實即係炸鮮竹卷，炸得好香脆，一Ｄ都唔油膩，水準之作，第三個菜係特價$28 既燒乳鴿，好細隻又冇乜味，不過廿八蚊都無謂太多要求，總之上檯熱辣辣當交足功課，最後上既菜係芒果沙律海鮮卷，又少涵料，得魚旦蟹柳加些少芒果肉，外皮炸仲炸到好鬼「吉」口，太湖以晚飯小菜做主打都煮到咁既鬼樣，以後想搵間似樣Ｄ既食晚飯都幾難...........

ordered two awarded dishes, 翡翠獅子頭$78 and fried shrimp with yolk and eggwhite with crab $128 (4 shrimps)獅子頭is very so so. the shrimps is large. covered with many egg yolk. eggwhite is only so so.overall, the awarded dishes are quite expensive but not outstanding. $12 for peanut and $9 for tea/person. quite expensive with this kind of chinese restaurant.arrived at near 9:00pm in weekday. still have to wait for 20 minutes.

首先要一讚前菜(榨菜鴨腎),不單特別,味道還很好。榨菜很爽口和帶有甜味,是一道開胃的前菜。這裏有不少得獎菜,圖文並茂寫在菜牌上,賣相十分吸引。試了其中一款\"三弄回味牛肉\", 牛腩外酥内軟,伴碟的脆條十分鬆脆,加上蜜糖的甜味,令人很回味。此外籠仔蒸蝦很新鮮。蝦醬生菜煲一打開蓋\便香氣四溢,蝦醬鮮而不太咸,可惜太油膩。

可能是熟客的關係, 總覺得太湖的服務比漢寶, 稻香要好一點. 試了兩個"得獎新菜" - 翡翠獅子頭和薑魚炒飯. 翡翠獅子頭着實不錯, 湯底清甜. 薑魚炒飯則只是一般, 薑粒太少, 賣相是好的, 然而魚肉絲太幼, 油泡之後只有油味, 甚少魚味. $78賣的是廚師的手工和心思.前菜的炸菜鴨腎是推介之一, 好開胃, 但要收$16.

食物太多油,點心不夠熱!!服務又差,坐好耐都無人招呼,叫極都無人應.如果約朋友飲茶傾計就晒,包保無人理你,唔會催你走,但咁貴價錢就真係唔抵!!當我旁邊那客人走後,又沒有新茶客,有位待應亞叔還將很多很多用過的舊布打開(即捲埋一舊,包住垃圾等去洗果d),將垃圾倒出,方便去洗,當時我和朋友嚇到立即走,因為垃圾飛到四圍都有,差點彈到我朋友身上!!非常差勁..............!!!!!