太元樓

Open Now

Now Closed

約左一班舊同事食lunch , 揀左係附近嘅太元樓，我地以前都成日食當佢係canteen, 因為鍾意佢門面乾淨，座位闊落，又有圓枱方便一大班人傾計。午市套餐款式多，左揀右揀終於揀左五、六款菜色1）嫩雞煨妹：湯底鮮甜，雞肉滑🐓2）担担面： 正宗担担面湯底，面夠彈牙🍜3）小籠包： 皮薄多汁，太好味所以再追加一籠🤤4）囗水雞： 雞肉爽口，唔太辣。份量d多會更好5）牛𦟌面：牛𦟌好淋，好入味👍🏻6）京都骨/豬扒客飯加豆漿：保持水準，同事必點原本想叫埋甜品，可惜唔夠時間，唯有下次😋

Passed by North Point for work so decided to head in for lunch. It is a decent place hidden within the residential area. I went here for dinner before, never knew they have lunch sets! Perfect timing. I feel like having noodles so I chose this shredded duck noodle, great portion for lunch! Together with corn soup for this cosy lunch. Another choice of drink is soy milk (organic!), tried some from my friend’s and it’s sooooooooo yum!!! Definitely go for soy milk next time, can choose between hot

同事放工決定試食這家上海菜。太元樓價錢親民，環境乾淨企理，與普通酒樓一樣，非常熱鬧。我們人多，所以餐廳有安排大房給我們。有很多上海菜可以選擇，如果想點不同的菜式，建議大伙人一起吃。我們十二個人點了很多菜，首先是涼拌青瓜，炸鱔等頭盤。青瓜好吃！咕嚕肉甜甜酸酸非常開胃！小唐菜炒秀珍菇豆腐，紅油抄手等炸子雞必食～脆皮肉不乾攬菜肉鬆四季豆，配白飯一流不得不提，扁皮鴨是必食推薦～ 皮供應非常充足。不用多叫一籠。鴨肉好吃！酸菜魚也很好吃！甜品可以點豆沙鍋餅！

家人請我去旅行，我當然要請返屋企人食餐飯。經過北角電氣道見到一間新開嘅中菜廳，新張優惠乳鴿只係$2x一隻，非常吸引。家人都話幾抵，決定試試佢。一坐低就有花生過吓口癮。有別一般餐廳花生，太元樓既花生浸係醬油到，幾特別。從餐單可以睇得出餐廳嘅食物包羅萬有，淨係冷盤都超過20款。既然有新張優惠，我哋當然唔執輸，叫咗兩隻乳鴿。乳鴿皮脆，肉亦算嫩，唔油膩。$2x嚟講真係超值。水晶肴肉係鎮光著名頭盤，要花既功夫應該非常多，賣相如水晶般夠曬吸引，味道還好，伴以薑絲別有一番風味。我屋企人有時會食素食，所以特意叫左脆皮素鵝，腐皮炸到幾脆，但完全唔覺得膩，非常健康。太元招牌海鮮炒飯炒到非常乾身，粒粒分明，而且好足料，入面有蟹籽、蝦、蛋等等。小籠包$38有4隻十分便宜，而且皮薄多汁，小弟高度推薦大家。太元樓既奶油津白比其他餐廳更加creamy，每一啖都非常多汁，簡直想飲埋剩低既奶油汁。另外分量大，$68嘅價錢亦算公道。紅燒獅子頭送飯真係一流，可惜已經叫咗炒飯。肉丸煮得非常軟稔，有少少入口即化既囗感，旁邊嘅大白菜亦鮮甜。砂鍋雲吞雞只係叫咗1/4隻，但已經好大份。雞件嫩滑，菜夠晒爽口，雲吞大大粒，湯底亦非常鮮甜

早幾日慶祝父親節，兩老叫我唔好破費去食啲貴野喇，於是近近地約左係太元樓食。我地book 左平日晚7點鐘，入到去即刻有位，之後都陸續坐到滿座。我地一路睇點心紙，姐姐已經同我地拎左花生同熱茶。碟花生脆卜卜，入面有幾粒青瓜粒，仲落左醋，非常開胃。首先上菜係冷盤水晶肴肉（$72）。啲肉煮到好淋，唔肥膩，香香甜甜咁，作為開胃菜最開心。層jelly都好好食。點埋鎮江醋同薑絲，兩啖食晒，正。跟住係一定要點嘅小籠包（$ 38）一籠4隻，豬肉好食；塊皮都算薄，入面裝住滿滿嘅肉汁，夾起時要小心唔好整穿呀。 妙齡乳鴿（$28）咁抵食唔係唔叫呀嘛。😏一碟4件，仲連埋個頭添。 一食落口就好勁乳鴿味，啲肉好嫩，我同媽媽食到雪雪聲。 佢張點心紙寫住優惠期有限嫁，鐘意又平又好食嘅朋友快啲去試喇。老豆話一定要食啲米飯落肚先夠飽嘅。驚叫得太油佢腸胃唔好，於是普普通通叫左碟瑤柱蛋白炒飯（$88）。一大碟熱辣辣咁上台。落左唔少瑤柱，啲米煮到粒粒分明，唔錯唔錯。我就想食熱氣啲嘅，叫左碗排骨湯拉麵（$62）。個人幾鐘意個麵嘅口感，咬落綿綿地。啲排骨炸得鬆脆，冇油益味。甜品方面，佢全部都好吸引，但我一見到有「酒釀」兩個字我就忍唔住

應承左個客請佢食飯餐飯（其實已經岩傾到做左朋友），佢好想現場睇下我平時係點去評論d野食同餐廳午時黎講都好多客飯套餐素揀，最緊要係有酸辣湯似，自己整真係好曬功夫，呢碗相當足料，夠酸得黎辣度適中，另外仲加左四喜烤麩，好鐘意佢甜甜地又有口感回鍋肉入味唔油膩，椰菜Keep到爽身，都幾香口糖醋排骨同想像中唔同，偏甜同埋有d似炆煮出黎，肉比較軟身同嫩，有別於平時有心煮到乾身，用黎餸飯又幾岩口味朋友識人，仲送左乳鴿，晏就都有得食，好屈機，燒得夠乾身，脆脆地，裡面又有肉汁同嫩身小龍包做到有湯係入面，咬時會爆汁，肉質鬆軟度剛好，好食地方都幾大，分左兩Part，有Sofa位，晏就黎嘆下茶同朋友吹下水都幾chill

係北角城市花園附近收工，呢頭都有唔少價錢相宜既餐廳，行過見到有大大塊牌寫住$28乳鴿🤤🤤就吸引左入去啦。晚上八點多去到，full晒，好多一家大細，等左半個鐘入坐。菜單得兩頁紙，但都幾多選擇，價錢都係正常小菜價。一行二人，叫左小籠包4粒（$38）一隻乳鴿($28), 紅油抄手 ($58), 咕嚕肉（$88），高力豆沙（$16）同白飯一碗（$12）等左十分鐘，首先上左小籠包同抄手。小籠包皮夠薄，同埋湯汁都好夠，但唔會一夾就穿，推薦。抄手不過不失，但發現佢有加香蔥同蒜蓉，少見。重點乳鴿，真係好抵食，因為好多人叫（隔離枱人頭一隻）所以佢地都係新鮮整起。皮脆，唔會太油，肉質嫩滑，如果唔係太飽我都想叫多隻。外脆內軟既咕嚕肉，因為用既係豬頸肉，所以肉質爽口，送飯一流。最後食個甜品，入面包住紅豆蓉同香蕉，食得出又係即炸，滿意。仲想提下當日雖然好忙好多人，但侍應服務態度良好，細心，值得一讚。

好耐無食上海嘢，今晚就約左屋企人去北角太元樓到食新嘢🤟🏻我地叫左膳糊、小籠包、乳鴿、高湯白菜仔、炸銀絲卷、馳名乳鴿、太元招牌海鮮炒飯以及淆肉。小籠包皮薄餡靚👍🏻內裡嘅湯汁又好食甜同好澎湃🤤得四隻真係唔夠喉。乳鴿外脆內軟，肉質軟滑唔會話鞋颯颯好難食😖。連屋企最鍾意食乳鴿果個都話正👍🏻淆肉同太元招牌海鮮炒飯更加係我最鍾意食嘅嘢，淆肉嘅上層同肉係肉質分明，上層位更加係晶瑩剔透👍🏻食落口好似啫喱咁🥄太元招牌海鮮炒飯👍🏻👍🏻👍🏻👍🏻有好多材料有蟹柳、芥蘭、元貝、蛋同蟹籽。款式新穎味道多種層次一流！

砲台山很少一些比較有質素的中餐，大多是茶餐廳。今天來到一間開了不算太久的中菜館，這裏的午餐有客飯炒粉麵等，餐廳特別推介他嫩口乳鴿28蚊一隻。叫了一個韭黃肉絲炒拉麵，另外加了他的乳鴿。套餐會包一個湯或是豆漿，可以選擇酸辣湯或是粟米湯。我就想嘗試一下他的酸辣湯，酸辣湯不算太酸亦不算太辣，如果想要重口味的便應該不符合要求了，但是如果是平常的食客應該也會覺得可以。韭黃肉絲炒麵滿滿的豉油，好像上海粗炒一樣，但是換上了拉麵底。除了韭黃跟肉絲外，另外會有一點芽菜，以這個茶餐廳的價錢吃到這個質素算很不錯。乳鴿是一些比較初生的乳鴿，所以比較嫩身，而且味道調教的挺好，不會過份油，油炸時份的控制不錯，下次來的時候可以再吃。

上星期男朋友話想食小籠包，喺Openrice 搵到太元樓有好多好評，就決定放工搭兩個站去炮台山食晚餐。太元樓喺城市花園入面，喺地鐵站行大約十分鐘就到。一坐低，姐姐就送上前菜，係醃製過嘅花生，咸咸辣辣，好開胃。喺我專心睇菜單嘅時候，男朋友已經成碟清曬！嚟到當然要叫一籠小籠包，小籠包熱辣辣上枱，皮薄肉鮮超多汁！食嗰陣真係要小心燙口！因為真係好鍾意食香口嘢，見到有春卷，就試咗黃金春卷。春卷炸到好香脆，又唔會太油膩！點埋喼汁，好開胃，好快食曬三條春卷！主菜我哋食咗上海炒年糕，每次食上海嘢，都一定會叫炒年糕，因為好鍾意年糕煙煙韌韌嘅口感。太元樓嘅炒年糕唔錯，配料亦好足，有好多新鮮肉絲同菜。如果真係要挑剔，就略嫌鑊氣不足。主菜我哋仲叫咗太元雞。呢個太元雞係誠意版嘅炸子雞，雞皮香脆雞肉嫩滑，上面仲灑上炸蒜同蔥花，配埋個南乳醬，都幾惹味！其實半隻太元雞都夠我哋兩個人食，不過見上網好多人推介嘅妙齡乳鴿有優惠好抵食，所以又叫咗隻乳鴿。同太元雞一樣，乳鴿個皮燒得香脆。乳鴿嘅肉味更濃，唔使更多嘅調味，點少少嘅椒鹽已經好滋味。飲品方面，我哋飲咗杯有機豆漿，有豆味亦唔會太甜，唔錯！本身諗住睇下食曬主菜先叫甜品。菜

我同男朋友今晚到了位於炮台山的這間中式川滬菜館食晚餐，好大好華麗的外觀，裏面也好靚好乾淨，好舒服；坐位可選大廳位置，更有獨立房間，讓一大班客人有獨立空間；以白色為主色，而且有不同的型格擺設及簡約金色的圖畫！食物是一張好多摺頁的餐單，自行填寫所要點的菜色。餐前小食有好香口微辣的青瓜粒及花生脆粒，好滋味好入味！茶也好清香，去油膩感就好適合！我們點了好多款菜餚及小食！1. 出名的薄皮妙齡乳鴿超好食賣相又靚，點了2隻，脆卜卜又燒得好靚的乳鴿，外皮香脆唔肥，肉好香好美味有咬口，味道調得好好，配酒一同吃最好！夫婦肺片是小食之一，好香辣好香口，牛味香濃，片大而薄有口感，粑糯入味，麻辣鮮香！水晶生煎包3大個賬卜卜又熱辣辣的生煎包，即點即製！面層白色有蔥粒、下面煎得金黃脆口，麵包好軟更有湯汁在中央，中間的肉好香滑軟腍！但味道可以濃一點！賽螃蟹春卷外脆內軟，炸得好靚，內餡是蛋白及瑤柱絲，點蘸了酸酸喼汁，味道也是可以濃一點。太元招牌海鮮炒飯超推薦又好好味，好大碟！上面有好多材料，有蝦、蛋、蟹籽、蔥粒、蟹柳等，足料又唔油膩好香炒得好靚！紅棗心太軟好特別的甜品，外面紅棗好軟好香甜，點上桂花的醬汁，內面是煙韌的麻

和老人家到太元樓用膳，故此點菜是適合老人家喜歡吃的。對滬菜印像是味重，濃油赤醬，糖重色艷，色香味都會引起老人家的味蕾及食慾。不過今時今日講究健康飲食，滬江食肆都會在烹調上略為改變一下去迎合現代人口味了。今天點了口水雞、小籠包、海鮮豆腐羹、炒鱔糊、青菜煨面。口水雞棘得好惹味，雞皮爽腍而肉則軟滑，是喜歡吃濃味的老人家最愛。小籠包做得很好，皮薄湯汁鮮美而饀肉鬆化，老人家一口氣吃了三個。海鮮豆腐羹有蝦及魚肉，加上豆腐軟滑入口鮮甜美味，老幼皆宜。炒鱔楜炒得頗有鑊氣，韭王鱔糊無腥味，唯一失色是有些鱔骨起不清。青菜煨面，上海幼面很軟滑亦適合老人家吃。總括來說這一餐老人家都滿意。

今日同老婆嚟呢間坐落炮台山既太元樓食晚飯，質素都幾好而且價錢合理，性價比高。我地叫左碗粟米魚肚羹，好滑好足料，魚肚亦都唔腥，幾好幾好。跟住落黎係雞絲粉皮，質素真係好高，而且非常大碟。作為前菜既話六至八個人食都無問題。雞絲粉皮當中既麻醬可以話係靈魂所在。而呢度既麻醬非常香濃滑口，再配上雞絲和清新既青瓜，滋味十足我地再叫左一籠小籠包，皮薄餡靚，而且極多汁，皮亦唔會蒸到太濕所以唔駛擔心一夾即散，最重要係咁既質素居然唔係貴，難得難得28蚊既妙齡乳鴿，乳鴿皮食落好脆，而肉質鮮嫩兼入味，師傅手勢好，調味啱啱好，我見檯檯都食得津津有味咁呢度既雪菜肉絲湯年糕，年糕質感比較軟綿入味，連埋切碎既雪菜同肉絲一齊食真係唔錯識食黃金銀絲卷一定係配煉奶。呢度既銀絲卷外皮炸到啱啱好金黃色，咬落好脆好香口，再配埋煉奶咁食，真係一流。甜品方面我地叫左紅棗心太軟，呢種甜品將糯米糰釀入紅棗入面再配上桂花糖漿，應該好啱女士們食，因為紅棗補血養身嘛

今日同老公嚟咗太元樓食晚飯，覺得質素不錯，價錢合理，值得推介。首先我地點左一籠小籠包，師傅手勢不錯，皮薄多汁，輕輕一咬，啲肉汁爆曬出嚟，正粟米魚肚羹，好有家的味道，魚肚對女士皮膚很有益妙齡乳鴿，只係$28咋！一隻分開四件，乳鴿皮脆脆的，性價比很高雞絲粉皮，推介！呢啲雞絲粉皮係非常非常非常大碟吧！兩個人食有少少多，四個人食就剛剛好。麻醬香濃，雞絲和青瓜的份量亦多雪菜肉絲湯年糕，年糕煮得很好，質感軟綿，湯亦調味得不錯，又不會感覺過咸黃金銀絲卷配煉奶，必食!最後，甜品有紅棗心太軟，呢種甜品我第一次食，覺得很有新意，把湯圓釀入紅棗𥚃，配上糖醬，紅棗補血養生食咗咁多款，最後埋單都只係大約$170一個人，好抵食呀

LUNCH TIME周不時會行過，見到佢個LUNCH MENU都幾抵食但係都冇咩機會食，所以決定夜晚去食試一試佢!兩個人點左六樣野，逐樣評價：咕嚕肉： 酸味唔突出，成舊咕嚕肉炸到好硬，感覺唔到食緊一舊肉，唔知係肉定炸粉咁硬！冇牙力嘅朋友千其唔好叫！我係咕嚕肉fans，中餐廳有咕嚕肉就一定會嗌，而呢間真係遠低於酒樓茶記水準。差！！！！酸辣湯：好多酸辣湯都係酸而不辣，但係佢就辣而不酸，唯有加醋調味。不過勝在配料多，算係足料。上海排骨菜飯：菜飯係上海野既特色，呢碟真係極品！碟飯一睇就覺得唔對路，我未見過咁樣既菜飯：白飯炒菜碎+雲腿。所有野都係後期加埋一齊倒落炒一炒，完全冇菜同飯融合一體既感覺！排骨唔似新鮮炸，似一早炸定擺係到，有人叫就叮熱比你咁，個皮口感似麥樂雞。失望！！！小籠包: 皮薄多湯確實唔錯，美中不足就係湯味唔濃糖醋小排骨: 放喺冷盤系列以為係凍食，點知係熱嘅。小排骨炆得好入味，骨肉一咬就分離 。不過有啲小排骨骨多過肉冇野食。紅棗心太軟：總共有九粒，而且每一粒都係大大粒，食落好滿足。落單冇叫佢遲啲上，侍應都識得打單"等叫起"，讚。但最後都係自己冇啦啦起左XDD 紅棗配桂花蜜味道好襯！