大方食家

Open Now

Now Closed

何解餐牌座寫住大方食家？已經轉手？但以前收銀四眼仔仲係度喎，換名不換人？基哥說好的挑戰群記清湯腩呢？山渣烏梅茶，我都唔想飲野，嬸嬸非常堅持免費送贈涼茶過我解毒，我樣子很毒嗎？多謝多謝。甜甜地有少少似涼粉味，暖暖地入口可以可以。凍豆漿，感覺到的新鮮自磨，室溫完全唔凍，厚厚黏黏無糖充滿豆味。紫菜四寶河，魚札、魚蛋、肉丸、魚皮餃，過份平庸唔難食，非常平淡的演繹食完都唔記得。淡淡湯底清澈見底，搭上結實淡淡幼河粉，求其撈辣椒油連湯帶紫菜跟河粉全部掃入口，完！炸醬撈麵，點解突然有股濃烈酸宿味呢？左索右索原來係我面前碗炸醬麵，得唔得架？食完會唔會入醫院架？肉絲粗糙乾硬鞋到刮損我口腔內側。成舊麵餅黐到實，花掉成分鐘撩散再跟汁撈均勻，發現有榨菜既？單調的炸醬甜味突出而無辣味，少少酸多多嗅宿味。希望椒油可以救我一把﹗誰知辣椒油的香辣味道效果不及甜炸醬，失敗﹗蠔油菜芯，好壞參半唔難食，有爽甜、有腥澀。瑤柱牛孖筋金錢肚麵，爽肚滑筋，平庸普通。鹼水麵散發微壓可接受，夾著大量香辣辣椒油較舒服。辣椒油，不香不辣，過份陰沉無刺激感覺。烏蠅滿場飛、枱面及調味料油淋淋！無帶消毒濕紙巾抹枱，張枱笠黐黐。南乳豬手撈粗麵，墊底

想搵間茶記以外的地方食午飯, 意外地在一個毫不起眼的角落發現這家粉面小店, 入内坐下發現大部分食客一來到都會點猪雜粉/面, 看來是店鋪招牌菜。猪雜怕有部分食材我接受不了, 所以穩陣D點了一碗猪膶肉片米粉, 如不愛米粉可選擇飯, 粗幼面, 米線等。不消10分鐘, 熱騰騰的米粉來到。 落了薑絲的猪骨湯底顏色清澈, 猪膶挺身有咬口, 咬落都不會散開, 瘦肉軟腍, 加上枸杞葉和几粒枸杞籽作配料, 賣相讓人感覺好健康。慢慢享受這碗米粉, 整體評價是所有食材都好新鮮, 味道清甜, 值得推介!除一般魚旦雲吞粉面外, 食店還有外賣打邊爐用的特色湯底, 只要60分鐘前致電預訂到取即可, 下次可以試試。

一間路邊好味的地方，常會路過見到，就會忍不住走進走。只因枸杞豬潤湯，海參花膠湯，黃酒雞湯……味道超吸引。今次人少少馬上坐下叫碗黃酒雞湯米，開心享受一下。今次黃酒味唔算濃，酒香味唔大；紅棗粒粒去了核，有心機；雞肉份量多，藉得俾like.如果鍾意補身，真材實料，就要嚟呢間地道小店#大埔覓食好地方#都要眉精眼企，要識找路#眼大睇過龍就幫唔到你#真心好食，食飽都行過都再叫嘢食#黃酒好香#枸杞好嫩#要嚟試吓

再次偶遇，就是令人忍不住停留，讓人心情舒暢，開心不停。天又下著大雨，潮濕微涼，忍不住坐下品嚐。 大方：還記得第一次去，下雨天，加上竟然東主有喜，冇開門，那次心情低落。一望餐版看看枸杞豬潤湯麵，黃酒紅棗雞湯麵，豬雜麵，牛腩牛筋麵。樣樣都鍾意，樣樣都想食。 黃酒紅棗雞湯米粉：黃酒味適中，怕酒者可以放心，唔濃味；紅棗無核甘甜，令我食完一粒再一粒；雞肉嫩滑，好味；湯質濃郁；米粉叫了少米都超多。 整體滿意，藉得再來，好好享受家的味道。

今日簡簡單單諗住食一個lunch，於是就喺公司附近搵咗呢一間大方食家！坐低嘆一個雲吞麵❤️呢一度嘅雲吞麵真係好有質素，雲吞大大粒，而且雲吞入面嘅餡料都非常之充足！有皮薄餡靚嘅感覺，再加埋呢一度嘅面好爽口！$38可以食得到呢一個雲吞麵真係好抵食！

🇭🇰 大方食家 ·自家爽滑墨丸米$35 l 新鮮豬肉鮮蝦雲吞麵$38 l 韭菜水餃 +$8呢間係我媽咪推介我哋食既 佢食過話覺得唔錯 所以難得我哋嚟大埔就嚟咗食啦😎佢個墨魚丸真係超級彈牙 而且佢個墨魚味好濃 質感都好好 仲要超級大粒 好抵食😍😍之後佢個鮮蝦雲吞相對上就冇咁出色啦 佢個肉餡係多啲豬肉既 食落無咁似雲吞🤣·📍大埔富善街6-14號永祥大廈地下D9號舖·#rbyeat #rby好去處#rby港式 #rby甜品飲品#rby大埔

在楼下那个大方来吃东西。叫了一个那个什么猪肚鸡。还说什么急较记整的猪肚鸡。55元。如果能接受那个三块小小的鸡肉。三块小小的猪肚。可以来的，真的可以来的。我跟他说这个分量有点少。他还说他做了出来非得让我吃哦。你是这样做生意吗？这样的服务态度吗？那你这里值55块吗？我真的好想问。什么饭还可以给我添多一点，我是来吃饭的呀。我是来要饭的吗？那你这个也太过分了吧，你55块钱7块东西还这么小。你打开门做生意，你做不起的话就不要做喽，又要卖钱又要给客人吃。那你这个跟偷工减料有什么区别啊？那你觉得那个价格不止这个的，你可以收贵一点呢，但是你那个分量不能这么过分呢，对不对？而且那个服务超级的不好，服务态度超级的不好。环境卫生也不好，又脏，地上脏的要死，又滑又多油。到处都脏得要命。我没有吃没有吃，打包送给别人吃。以后都不会去的。

之前有網友推介大埔大方食家嘅墨魚丸，我就上網搜尋一下相關資料，都標榜手打墨魚丸係冇加豬肉冇加粉，網上嘅評價都非常高。所以今日趁放假專登揸車去食，點知食落去有粉有肥豬油(好明顯)，只係一粒街市買到嘅墨魚丸，好失望。再上網search一下，對比下發覺粒墨魚丸嘅外型都好似唔同。及後先得知原來係師傅唔得閒整墨魚丸，所以d墨魚丸係攞貨返嚟😨。乜咁都得架咩？我專登花咗幾十蚊車錢同半日時間(之前仲成晚上網search)，滿心期望去搵佢，換嚟五粒肥豬肉街市墨丸，仲要同樣收我$38。講真，如果師傅真係唔得閒整墨魚丸，又想做生意，係咪都應該有誠意d買返d手打墨魚丸俾客人？又或者通知一下客人？我唔會再去了，因為我唔會知師傅幾時有mood整，幾時冇mood整。好失望！奉勸大家落單前問一聲"今日係咪師傅手打墨魚丸……"唯一值得讚，係杯紅棗豆漿幾好飲。

之前睇介紹香港四大自家製墨魚丸，其中大埔大方食家竟然可以同深水埗長發同列，真係要親身去試試！早上十一點，店內只有一枱客人，環境同一般粉麵店差不多，餐牌上推介都係墨魚丸、雲吞、牛雜⋯⋯不過我被崩沙牛腩吸引咗，所以叫咗一碗墨丸同一碗崩沙腩河。賣相正正常常，崩沙腩好正，無論味道或質感都係一流，十二分推介。墨魚丸比想像中彈牙，味道偏淡，都OK嘅。值得一提係由開始食到離開，發現最多人叫係牛雜，莫非呢味先係堅料？最後買咗少少魚蛋墨丸魚皮餃雲吞外賣，魚蛋我覺得麻麻地，雲吞同魚皮餃只係普通，下次一定要試牛雜！仲有啲姐姐好好禮貌😁😁

新年前夕同一班朋友去左大埔遊玩 當日大約下午一時正 我地好肚餓又見到餐廳坐滿人 於是就一行八人分四張枱進食店舖位置闊落 餐廳餐牌有好多選擇 價錢非常合理手打鮮蝦雲吞 (剩雲吞) $38雲吞非常足料 以$38的價錢黎講有七隻大雲吞 價錢算係非常相宜 而且雲吞湯有大量生菜 岩哂我👍🏻雲吞豬肉同蝦既比例分配得非常之好 每一隻雲吞都非常飽滿 我發現每次一隻蝦都挑哂蝦腸 而且蝦肉彈牙 再加上店舖自家制的辣椒油一齊食 好好味🤤招牌崩沙腩撈麵 $58崩沙腩肥瘦適中 聽店舖姐姐講佢地用美國崩沙腩 用個幾小時炆煮 切走多餘肥膏 入口鬆軟 而且每日限量供應 所以我都唔執輸叫番一碗終於到主角 🤩 牛丸墨魚丸幼麵 $46 (雙拼丸)最出名就係手打墨魚丸 墨魚丸全程都由師傅人手製作 由搓丸直到唧丸都係由師傅親力親為去做 坊間的墨魚丸普遍都會加好多粉 黎增強墨魚丸的味道變化及質感 但係「大方麵家」全用墨魚製作 爽口彈牙 而且粒粒有好多墨魚肉 非常有質素 我今天有幸見到師傅親手製作墨魚丸的過程 除左墨魚丸之外 我仲叫左牛丸 估唔到牛丸都非常出色 👍🏻 咬開牛丸充滿着啖啖肉汁 好juicy 😍 自己都忍唔住買多幾包

大埔一向都算係一個美食集中地區，但係今日行到去富善街市嗰邊有啲肚餓，嗰頭又唔係好熟路，咁見到有間平平哋嘅粉面檔就諗住入去以下圖就算，負面睇落去就係做街坊生意，出邊都有一兩人排隊，但周圍又好似冇乜嘢食，咁就照排咁見佢都係寫手打牛丸墨丸嗰啲，本身諗住間間都係咁寫，我老婆就嗌左碗墨丸牛丸雙丸面，咁我就穩陣啲嗌返碗牛腩撈粗，牛腩麵你都見到賣相唔錯，肥瘦適中，個鹼水麵十分出色，麵爽彈牙冇鹼水味，估唔到呢啲小店都做到呢個水準，我老婆碗墨丸牛丸就真係不得了，我相信香港同價位或者高一級都唔會係佢嘅對手，墨丸足料爽口彈牙，牛丸多汁味濃，我對牛丸嘅要求都好高，絕對係同潮州牛丸同一個水平，俾起而家嗰啲咩和牛牛丸高一兩個層次，肯定係自家製，真係竹蔗嘅價錢燒鵝嘅味道，之後忍唔住試埋佢個淨雲吞同魚皮，雲吞蝦多足料，魚皮脆香，浸落啲湯度仲有嗰種渣渣聲，超治癒，臨走發現原來有得pack裝買走，仲有啲豬手同牛筋腩，最後都係先買咗墨丸同牛丸，呢間絕對係返啅系列

讚1.墨丸的確好味，入口係軟滑中有啲爽彈果種，唔係一味爽，仲食到啲墨魚既味，中間啲馬蹄粒仲有少少爽甜咁，好味；牛腩望落有啲乾，但入口都鬆軟，肉味唔錯；西芹、冬菜粒好多彈1.環境以魚蛋河店黎講，難得既乾淨

🍜去粉麵檔最最最最鍾意食🐙墨丸米，但好多時都係粉多/味精重，食食下唔再有期望。直到試咗［大方食家］嘅墨丸～～先知原來可以咁彈牙，咁有墨魚味！🤩🤩🤩🤩彈到我覺得可以用來打乒乓波！未食過呢家嘅墨丸唔好話自己食過墨丸啊😂師傅話墨丸都係全人手打！唔想呢門手藝失傳，就算成本高，又辛苦啲，都想盡力做啲好嘢比大家食🤎令人感動！仲有🥟雲吞！！！都係用新鮮豬肉加挑哂蝦腸嘅蝦🍤，啖啖鮮味，一路打都一路好掛住🤤🤤🤤🐟而平日唔好炸物嘅我，聽到隔離枱係咁讚炸魚皮，臨走仲要買多幾包，一試，哇，炸魚皮都分好多種，呢款係厚薄適中又脆，唔會好大陣油益味，點一點個湯，絕配👍🏻🍙必試：✔️墨丸✔️雲吞✔️炸魚皮