大勝軒丸一 (金星閣) (Closed)

抗疫期間都係盡量減少出街食飯為妙，但又好想食拉麵，所以就落樓下呢間拉麵店叫外賣自取🤪.特製拉麵 $98別看價錢好像很貴，可免費選大盛250g，我選了大盛，份量多到可以俾2個人食😍湯底是魚介湯，好香魚味又不會過鹹，麵條粗身較煙韌。配料份量也很多，有4塊叉燒、超多竹旬和一顆溏心蛋😋叉燒肥瘦適中又軟腍又香🥰溏心蛋好入味另外值得一提的是外賣包裝很好，麵湯分開，紫菜另外包住，令紫菜保持香脆，很細心呢！

因公司最近有特別安排，這兩天不用回去，所以今日行吓太古城誠品，發現對面星輝台附近,有間日式拉麵店「大勝軒丸」，決定買個外賣午餐叫咗個人氣的大勝軒特製沾麵(麵條份量仲可選擇加多)+炸雞骨腸大勝軒特製沾麵豚肉份量非常多，而且肉質好嫩滑，仲有一隻開邊的有味流心蛋沾麵、濃湯係分開裝上外賣碗，食嘅時候，夾少許沾麵，再將麵蘸入濃湯，濃湯掛上每撮麵條🍝，入口滿滿濃湯香味，加上煙韌彈牙麵條，真係好好食炸雞骨腸一份有兩條，入口雞肉軟軟,非常香口美味

成日覺得太古城中心嘢食嘅選擇唔係好多，前幾日喺OpenRice見到原來太古城附近有呢一間沾麵店，同太古城中心距離好近，所以就嚟咗試吓。餐牌嘅選擇都算多，沾麵同拉麵都有得食，但佢哋主打沾麵，所以我叫咗個辛野菜沾麵。麵條嘅份量有得揀，我揀咗普通但係份量依然好多，女仔未必食得晒。唔知大家知唔知正宗嘅沾麵嘅麵條通常都係凍上嘅，呢間就有得俾我哋選擇凍上定熱上沾麵嘅麵條多數都係粗麵，呢間都唔例外，可以吸到更加多湯汁之餘，口感亦都會更加緊實彈牙。呢個辛野菜沾麵係湯底上亦都令我幾驚喜。大部份我食過辣嘅日本拉麵湯底其實都唔算好辣，但呢一個絕對滿足到我對食辣嘅期望。湯頭唔算特別濃厚，所以麵條可以全部放入去都得，辣味好出眾。湯頭入邊亦都好多野菜，拉麵入邊我最鍾意食嘅配菜筍都有好多日式炸雞$30有五大舊，全部都係皮薄肉嫩，值得一叫。呢間絕對係水準以上嘅沾麵店，價錢公道，以後去太古唔怕冇嘢食啦。

大勝軒拉麵久仰大勝軒的大名 ， 放假也不敢去到太遠的地方，只好留在港島區消費， 拉麵店位處於太古城的金星閣, 正好逛完馬沙之後來這裏醫肚。這陣子大家都樂於買外賣回家吃， 正是讓我在店內享受美味拉麵的機會， 香港店所用的湯底、麵和食材，均由日本工場直送香港，確保食物質素達至高水準。麵條用上粗麵, 普通份量大約有200g , 女生絕對夠飽 。不過如果大食一點的話, 也可以要求加到250g , 費用全免。😍😍😎每塊叉燒都有厚度而且還連著少許脂肪, 肥瘦均勻, 口感滑溜鬆軟。 湯底味道濃郁， 味道沉實有層次， 先來呷一口湯底， 充滿豚肉味， 再慢慢滲出木魚和昆布的味道。

疫症之下外出食飯，要做足措施，小心為上，最重要既係搵間環境整潔舒適既餐廳。俾哩個拉麵吸引左，決定一試。整體來講，出品嘅拉麵都好唔錯，店內裝修好有日本特色，環境舒適企理，店員親切有禮，值得一試。沙白蜆拉麵實物與圖片一致湯底係清湯，配上沙白蜆嘅感覺係好清新，一D都唔怕腥。沙白蜆都幾大粒同鮮甜，鋪滿面，店員仲好貼心咁拎多個碟仔俾我裝D殼。我最開心係上面有好多蔥，我最鐘意食拉面上嘅蔥XD 第一次食到哩個口味嘅拉麵，係唔錯嘅新嘗試~~特製沾麵朋友分咗少少俾我試下，湯底好濃好好味都幾多餸，放滿滿，日式叉燒都唔錯湯入面仲有好多配菜，筍、蔥、菜等等日式炸雞哩個真係正，性價比又高，推薦！熱辣辣上檯，真正外脆內軟，點沙律醬好好味！ 煎餃子--係豬肉餡嚟嘅

去到太古城，食左呢間日式拉麵店。首先門面好靚，好有日式既風格，呢段時間又咁岩唔洗排隊，非常快捷。店面環境好乾淨，背景音樂係播住一j pop music，令客人有置身日本既錯覺。服務方面，店員亦非常有禮貌，上菜非常快，下單後不到5分鐘便上菜。食物: 特制沾麵 $95，可自選麵份量，我叫了多麵，真係比好多，差少少食唔哂。肉既入量亦好多，性價比高。沾麵湯係有d似台式魯肉既味，唔錯。沙白蜆湯麵 $85，好鮮味既海鮮味湯底，沙白好大粒，同樣份量都好多。日式炸雞 $38，十分推薦。好香口。

搶購口罩敗走，被門外的廣告牌吸引進店外邊一般都是豚骨湯底叉燒拉麵，難道這裡有沙白蜆鯛魚湯底拉麵又怎能錯過沙白蜆肉質嫩滑，魚湯可口又鮮味！另外再加了三片叉燒及味蛋！叉燒軟嫩入味完全沒有豬臭味！味蛋蛋白軟Q，蛋黃呈現一種膏狀，不黏牙再追加紫菜，浸湯後吃十分滋味來到沾麵發明人關門弟子開的分店，當然要試一試沾麵粗身麵條由自家麵廠製成，跟足日本配方，有熱有冷，冷食質感煙韌彈牙！日本直送湯底熱辣辣，香氣十足吃飽了麵，盛下的一點點湯亦不浪費！店內備有木魚清湯，可以加一點點來稀釋，把剩下的湯都喝光

特登搵番幾年前食過既丸一，魚介沾麵未到好濃，加醋同蒜蓉食比較能吊出魚介風味，不過不失。麵條粗身有彈性，但因為湯底不濃稠，所以難掛麵。但我也食晒食碗面，可能食既係回憶。______________________________🏠大勝軒丸一📍太古太豐路3號星輝台金星閣G1018號舖💸 $80‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾

今日去左太古行街，發現星輝台有間拉麵店，裝潢充滿日式風格，一於食返個early dinner~特製沾麵 HK$95比招牌大勝軒沾麵增量，多左叉燒、紫菜、味蛋。木魚豚骨湯底濃稠，麵條偏粗充滿麥香，口感滑順彈牙，掛汁力佳!叉燒厚度適中入口細嫩，半熟蛋口感滑溜勁吸引。煮玉子沾麵 HK$78粗身麵條煙韌彈牙又掛汁，豚骨魚介湯香濃唔膩，仲有嫩滑半熟蛋同大量竹筍。炸魷魚HK$38新鮮炸起熱辣辣，外酥內軟Q勁惹味!口感酥脆有嚼勁~煎餃子HK$20/3隻甘香惹味既餃子有大量蔬菜餡料，肉汁飽滿，味道很不錯!

以前星期五都會同同事飲酒放鬆下，但現時疫情逐漸嚴重，大家都避免出去飲酒，所以星期五由飲酒日轉為拉麵日。我之前去日本試過沽麵之王－大勝軒，近日得知大勝軒創辦人既入室徒弟喺香港開左間大勝軒丸一，所以同朋友特登嚟到太古。沾麵種類繁多，最感興趣係咖哩沾麵，不過決定試下大勝軒既人氣款式拉麵先。- 特製沾麵🍜份量真係世界級，總共一麵二蛋三叉燒。湯底熱辣辣唔會太鹹。雖然有啲稀，但好處係食到最後湯底都足夠俾我沾麵。入面仲有大大粒叉燒，肉質唔算嫩，但叉燒粒吸曬沾湯既精華，相當惹味。- 唐揚炸雞🍗炸雞幾鮮嫩多汁，外皮香脆，不過唔係太熱。入去餐廳既時候接近滿座，證明大勝軒係沾麵界佔一席之地。

2020年3月15日 星期日好多人覺得自己一個人食飯覺得孤單，但係有時候一個食嘢反而覺得自在同無咁大束縛，因為想食咩都可以，唔需要顧慮其他人呢日就黎到太古既呢間舖頭食麵，位置坐落於住宅既地下，由地鐵站行過嚟都唔算太遠一入到去就見到個開放式廚房，師傅好努力不停咁煮緊麵餐牌上主要係食拉麵同沾麵，可以自己隨意加配配料，選擇都有幾多，最重要係呢到加大麵既份量係唔需要額外加錢！！食物到之前先來一杯凍嘅烏龍茶，夠晒解渴之後我叫既沾麵就黎到啦，係特製沾麵，仲要係加大面嘅份量，所以睇落去好大碗，上面嘅配料都唔少，見到有好大塊叉燒，同埋成隻蛋。首先試吓個湯底，感覺上唔會太過鹹，味道啱啱好，而且夠晒熱。再試下沾麵，由於我要既麵身係暖嘅，所以食落去嘅麵質無咁硬，好彈牙仲有好掛湯，食到停唔到口埋單百幾蚊左右，有一個私人既食飯時間都唔錯

最愛吃拉麵，平時鍾意周圍去，試下新嘅拉麵店。今日嚟到太古城中心附近嘅大勝軒丸一，行到門前見到門面，已經非常有日式氣氛。行到入去，店員親切地招呼，餐廳內嘅格局成間日本拉麵店，好似飛咗去日本咁。我哋一行三人叫咗兩個拉麵，一個係招牌大勝軒拉麵，一個係野菜拉麵。呢度拉麵嘅優點，就係可以揀大拉麵，正常分量係200克，加大係250克，啱曬大胃王，一定夠飽肚。另外再叫咗個叉燒炒飯，炒飯粒粒分明，炒得好乾身，好吸引。😋

今日在太古城行完街後順便食晚飯，朋友提議食拉麵，就找到這間在附近的大勝軒拉麵店，主打熱騰騰的沾麵。餐廳環境不算很大，但座位舒適寬落，夜晚也有不少客人。我點了一個大勝軒特製沾麵，份量很大碗。配料豐富，有幾塊厚的大叉燒，嫩滑鮮甜，湯底帶鮮甜的魚味，熱騰騰，濃厚香滑。麵質較粗身長條，很彈牙爽口，吸收湯底精華。還有一隻溏心蛋，軟滑可口。煎餃子，即叫即煎，皮薄餡靚，肉汁鮮甜充實，點醋汁食味道好夾。炸魷魚，香脆惹味，入口煙韌。

無得去日本的情況下，成個人都好唔開心。因為今次遇到平機票又有櫻花的關係，認真講真係可遇不可求。疫情真係唔知道幾時會完，五月的繡球花不知道會否成行，錯過了又要等下年。竟然去不到日本為有一個人去食碗拉麵，看似去了日本的模樣。餐廳的食物不只拉麵、沾麵、估不到會有混麵 的出現。還記得混麵是在日本比較盛行，倒不如試下吧！咖喱混麵 $78滿滿咖喱醬汁之外，還有芝士粉、洋蔥、筍、紫菜、並有沙律醬可以伴勻。咖喱的麵條份量頗多，沾滿咖喱汁香濃而不辣而且叉燒薄身並帶有口感。煎餃子 (5隻) + 啤酒 $48另外有套餐的選擇可以有優惠價錢 $48，餃子並不是我杯茶個人喜歡香脆的，這個比較濕潤不過內裡的餡料都多，加多杯日本啤酒滿足。

呢排疫情影響，差唔多無餐廳要等位咁制，連呢d平時排到傻左嘅名店都唔例外。今日黎到呢間大勝軒丸一，平日出面一定打晒蛇餅，點知今日行到門口人都無，原本都無諗住食呢間求祈買外賣就算，既然緣份來到，一定行入去啦。今日食佢特製沾麵set，麵底係平日沾麵會用嘅粗麵低，湯底就唔駛講啦，係正宗嘅魚介湯，唔係某d古靈精怪嘅沾麵屋亂溝嘅湯底。食完麵，有湯剩，可以加入清湯，傳統日式做法，佢仲好貼心幫我加到佢覺得適合嘅濃度，飲落唔會太淡太鹹。