大勝軒丸一 (金星閣) (Closed)

今日放咗工之後同女朋友一齊去太古城中心追星，追完之後已經七點幾，就諗住求其喺附近搵嘢食最後去咗呢間餐廳食沾麵，叫左鹽味沾麵。面嘅份量好多，一個女仔應該食唔晒，而我就啱啱好，面夠晒彈牙，又掛湯。不過湯既味道唔太特別，鹽味唔夠重，而且配料唔算太多，只有兩塊叉燒，唔多夠喉

黎到太古想食日本野，諗起之前有朋友話太古城都有沾麵可以食，所以就專登黎依間大勝軒丸一。間鋪唔喺商場裡面，喺近屋苑嗰邊，不過因為喺正商場隔離，所以都唔難搵。鋪裡面唔大，2點半左右黎到依然幾多客。一場黎到當然係食翻碗沾麵，我揀左大勝軒沾麵。麵可以揀普通同增量，而且係一樣價錢。仲有得揀暖嘅或者係微冷。我今次叫左增量同微冷。雖然之前睇食評見到有啲評語話覺得個湯好鹹，不過我又覺得接受到。而且冷麵又夠彈牙，將啲冷麵浸落湯，然後麵汁掛住喺啲麵到真係好正。覺得碗麵都幾大份，食完好有飽足感。我食到最後都有按照佢介紹嘅食法，叫侍應加木魚湯然後再飲。因為加湯沖淡左個鹹味，我最後都飲哂成碗。除左沾麵外，都有叫啲小食，點左餃子同埋炸雞。炸雞正正常常，餃子就好普通無咩特別同埋黎到嘅時候賣相差左少少。個人會prefer炸雞多啲。不過沾麵真係好味，而且價錢同其他類似嘅餐廳比又唔算好貴。如果黎開太古城都可以試下。

今日約左朋友傾偈，但放工去到太古都8點半，周圍望過d野食都唔太吸引，再行下就去左大勝軒喇！一向都鐘意食粗身d既拉麵沾麵，貪佢有口感。入到去會有唔夠十張餐枱，另一邊有吧枱可以睇住廚師煮麵。我地坐左係普通餐枱，枱面有教埋你食沾麵既步驟。睇完餐牌就可以自己剔野食，每人一張。我揀左特製沾麵，貪佢有3舊叉燒。朋友就唔太喜歡沾麵，所以就揀左特製拉麵。以香港人既口味黎講，d湯的確係偏鹹左d, 要係咁飲水，叉燒就略嫌肥左d。但d麵既軟硬到就岩岩好！如果d沾麵湯可以再熱d就好喇！因為呢區都無乜得揀，太古另一邊都仲有一間拉麵店，但就覺得大勝軒比果間好味！整體黎講，如果唔怕重口味，呢間都值得一試！同埋食完會好飽😅因為增量都係免費既！好掛住日本既味道呀！

與友人A在太古閒逛，晚餐想食日本野最後決定以沾麵解決晚上八時多店內滿座率只有一半一入門口便有張長長的吧枱師傅就在客人面前煮麵，單人匹馬來食也不怕寂寞黑蒜油沾麵 $82沾麵只有荀片幾條和兩小塊肉基本配料沒有叉燒是既驚訝又失望，馬上追加麵粗幼度算是太麵，溫度揀了微冷，韌度足夠200G的份量，對於女生已足夠湯底醬油味很夠，黑蒜味頗香但未算濃郁而且頗鹹，食完很口渴魚介沾麵 $75基本配料與黑蒜油是一樣魚介日文就是海產意思，所以湯底很鮮甜但同樣地是頗鹹，比黑蒜油還要鹹味蛋(追加) $12/隻流心度不算高，是溏心蛋的LV而且沾麵湯太鹹，已遮蓋了蛋的味道叉燒3片(追加) $32肥瘦適中，入口柔軟除非你是叉燒迷，否則女生二人SHARE一客便可煎餃子 $30/5PCS餃子無法煎成一塊完整薄脆在面只有厚脆在每隻餃子面，感覺很敷衍但餃子皮夠薄，不過不失總括而言，表現很一般沾麵不跟叉燒或玉子，配料之少令人震驚湯底過鹹，味道很濃和油膩感頗高少有地食完後有很頂胃的感覺，亦非常口渴比這裡出色的沾麵不少，沒有再來的必要

常常聽到同事對這間麵店也十分好評，不過就聽說要等好久才有位，今天下午就決定回一回佢，驚喜的是不用等就有，當然之後的人便要等了，真的感到好幸運👍，先說說店內的裝潢設計也很日本🇯🇵Feel,地方不大、坐位也多不，店内坐滿食客，一場來到當然係主要試佢地既沾麵啦（見圖），果然有驚喜麵和湯是分開上的，我們也照著台面介紹的食法，把麵小小的放在湯內再慢慢品嚐，麵質彈口，口感十足最後叫待應添上木魚湯，我就真的全部飲曬一滴不漏，好味呀已經約同事下星期再幫襯，我們還叫了五隻餃子🥟，香脆美味👍👍👍

我見有朋友喺社交平台share， 所以就book mark咗依間餐廳， 諗住有機會去開附近就試一試佢。今日心情麻麻地，就諗住食碗日本拉麵氹下自己開心啦。因為我真係好鍾意飲拉麵嘅湯一碗好嘅拉麵係可以好治癒不過呢個係一個錯誤嘅決定 …我直頭係有少少後悔先講一講佢嘅地點，距離太古站唔遠，一條直路係咁行呀行，五分鐘內到。店內環境同普通日本麵店差唔多 一入去店員會用日文打招呼晚上六點幾，七點嘅時間， 店入面客人唔多過10個因為我麻麻地鍾意沾麵，太硬啦又乾又鹹又油都係拉麵比較適合我。所以就嗌咗碗 大勝軒拉麵 $70$70 一碗拉麵喺香港嚟講都偏平但作為一個食客，得個平字係冇用睇圖片個樣好似都幾穩陣啦點知…碗拉麵就好似一碗佢幫我加左湯沖稀咗啲沾麵汁嘅沾麵咁! 個湯鹹到呢……如果你飲曬碗湯… 嚟緊一兩日都要好好睇住自己嘅鹽份攝取量…知但係如果我唔飲啲湯，我要碗拉麵嚟做乜呀？有一嚿叉燒， 叉燒偏肥，中規中矩講下個拉麵睇個樣粗到成條意粉咁食落去… 硬嘅 要慢慢咀嚼得好仔細如果唔係基本上唔會消化到建議容易胃痛既人慢慢咬檯面上面有個樽仔貼住蒜蓉兩個字 眼見左右兩個容器都係吉嘅 舖頭裏面就冇乜客人 店員完全冇留

睇個門口似日本高級小小既拉麵鋪，睇落幾正宗呀，所以試下...價錢ok啦，唔平唔貴。蔥拉麵$80真係好多蔥，正！只有一塊叉燒，份量正常。不過好咸，勁味精😂lunch食咸到收工都仲咸緊。

本人住太古城經常去吃麵，2018春天之後決定不再去，原因是上次去時叫咗份炸鮮魷，但超鹹，吃剩很多，比錢時通知女侍應生（大概廿幾歲），得不到任何反應，再提多一次後得到極之冷酷的眼神，她一個字都不講立即轉身走開，本人曾去日本超過十五次從未遇過如此歷，在香港臺灣亦未有，真不知自己做錯咗什麼

🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🏫餐廳評分🏫 。最高5個。✨=0.5環境 ：🏝🏝🏝服務態度：💃🏻💃🏻💃🏻食物質素：😋😋😋總評：⭐⭐⭐🗣- 價錢合理🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸玉子沾麵💰：$78-⭕：- 粗粗既麵，圓混麵條質感超好  又有咬口- 木魚湯湯底濃味但唔會太鹹- 流心雞蛋🥚 😍😍- 豬肉都淋既- 免費增量：200g➡250g❌：- 有小小缺點就係d汁唔夠掛麵🗣：- 記得食完麵加湯 飲埋d湯都好正lamlam脷 指數：👅👅👅✨

身為一個沾麵麵愛好者 邊有有沾面就要去食下!! 而大勝軒丸已經係我Encore 再Encore食拉麵一定要加糖心蛋先開心。所以叫左個"特製沾麵"。因為特製沾麵有日式叉燒及糖心蛋做配料。麵既分量適中。有冷麵同熱麵選擇。呢個天事緊係食冷麵。麵既質感軟硬適中。沾麵汁係用魚同豬骨餚成。濃郁可口。加上干竹笋及青新的蔥花。點麵一流。日式叉燒軟身，香口。可能本身個麵量足夠，而且沾麵比較重口味。有三片日式叉燒個量對我講有啲溜口。但對食肉獸應該無問題。食完可加高湯落沾麵汁度。但對於我黎講都係太濃味，通常飲幾啖試過就夠啦~~~

黎太古城行街,老公想試下呢間一向唔太信食評既我地一於去試下當初仲怕要排隊等候,但入到去時無咩客人,完全唔洗等位,餐廳乾淨,環境唔錯但,其中一位女服務員非常差,超級唔耐煩坐低左陣開始啲野食未到已經覺得熱(我係超怕凍既人黎) 可能係冷氣壞左,係我身後有部風扇都覺得好熱野食黎得好快,但唔好食食左一半就無食,因為真係唔好味/完全無味加上我同老公兩個都食到大汗疊細汗,食到我副眼鏡都有霧氣我食左陣已經開始覺得頭脹脹咁,可能係同餐廳無冷氣又有啲焗既關係..最終我地首次食拉麵食剩咁多係度就走人...

論裝修同氣氛，其實都好唔錯試左拉麵同沾麵，明明剔左冷麵，但依然熱到不行～～～鹼水麵、味噌湯底、唔流心既溫泉蛋！咁既食物水準，對唔住價錢亦都對唔住裝修～～～～～～～

呢間鋪頭喺太古城郵局隔離，每次去到門口，我都會望一‘‘他‘‘在嘛， ‘‘他‘‘就是日本師傅親自煮麵。來呢度食麵就是為了食‘‘日本味道‘‘，物有所值嘅拉麵店。食物有兩種麵類，可選擇拉麵和沾麵。沾麵係麵同湯分開2隻碗，當你食曬啲麵之後，可以木魚湯再飲，湯底好鮮甜。 呢個椰菜拉麵，我初頭以為只係得蔬菜，估唔到都會有一塊豚肉，而且豚肉絕對入口‘‘溶‘‘左。 鋪頭嘅調味料都係用日本醬油，所以這些味道環境，令到我覺得自己好似放咗假嘅心情。極力推介! 不過因為舖頭空間唔係咁大，要喺門口度排隊等位。

大勝軒是我經常光顧的餐廳之一，這裡的沾麵非常美味，而且水準每次都一樣好，每次食完後都有很滿足的感覺，隔一段時間就會想再過來。不過，這裡午飯時間這裡比較多人，可能要預早少少過來排隊了。今天過來吃晚餐，價錢都跟午餐一樣，一個大勝軒沾麵定價為$68，唔算太貴。我覺得這裡的麵質非常好，彈牙得來也很有飽足感，一個最普通的沾麵已能令人很有滿足感。我自己比較愛吃，所以多數都會選增量 (是免費的！) ，溫度我就建議選微溫。如果喜歡特別一點又能吃辣的你，可以試試我老公選的咖喱混麵，也是有另一種的滿足感。其實還有不少其他湯底，但基本上我自己喜歡大勝軒的麵質，所以也很少選。試過其他的沾麵店，暫時在香港還沒有找到比大勝軒更好吃。

去中銀嘅途中，見到樓下有一間拉麵店，有四五個人排隊，心諗應該幾好食🤔 今日午餐就去試試😆呢間拉麵店主打係沾麵，大概有15種餸。價錢唔貴大概由$70至＄90~ 佢每一種沾麵，都有同味道嘅拉麵揀。我同朋友決定一個食拉麵一個食沾麵😆睇吓有冇分別~~ 我覺得佢湯底唔太鹹，因為我試過有啲沾麵係鹹到要加水😅 佢片叉燒亦都煮得比較淋身，係一片厚身嘅叉燒👍🏻佢嘅拉麵係粗拉麵，比較又有咬口，唔會淋到夾唔起。整體來講我都幾鍾意食~~