得如酒樓 (Closed)

洗禮前一天路過此地，問過掌櫃大嬸晚飯都無需訂位，仲免收加一；但因他們比較早收工，最好早點來，我想六點半應該夠早…我們一家四口加五位朋友合計九個大人，六點半多少少就坐落。點菜時最搞笑，好似mc mug叫魚旦粉，想點的都幾乎無；菜膽雞無完隻雞、瑤柱羹無瑤柱、白飯魚煎蛋無白飯魚…我地唯有問伙計，咁你地廚房今日有咩食材呢？終於是晚菜譜如下﹕牛肉羹(加中) / 牛腩煲/ 海鮮雜菜煲/ 芥蘭炒鮮魷/ 生炒骨涼瓜班塊/ 虾仁炒蛋/ 豆鼓雞白飯x 3 / 青島x 2Total : $522.00總括食物都足料夠味，因為人少，每碟都是為你而即做即炒，而且伙計大叔們都人情味十足。伙計做得一旦得一日；市區重建大計之下，願得如有一天能回復她惜日光彩。

2007年12月24日，10:40因不滿現今一般酒樓和連鎖店，都用雞中翼做糯米雞餡料，便在OR尋找，深信這懷舊茶居，糯米雞會較傳統，不再用雞翼。爬到樓上，見煙霧彌漫，有不少茶客在吞雲吐霧，地上有不少牙簽和煙蒂。暨來之則安之，開了壺普洱，味夠陳香。在老區來說，已過了早茶時間，衹有兩架點心車遊來遊去。便嘗試問伙計，還有沒有糯米雞，答得爽快來得更快，不出一分鐘巨無霸登場。翻開荷葉，冒出陣陣荷香，挖開飯團，最突出的不是雞，而是那3x3x3cm的半肥瘦叉燒，那雞球淪為大配角，再翻下去碎蛋黃、珍肝、豬肚，香菇等，逐一被發掘出來。糯米團：鬆軟和荷香濃叉燒:肥美而咬口雞球:是急凍貨色，但總比雞中翼好珍肝、豬肚，香菇: 配合了醬汁，極美妙碎蛋黃：純樸管他什麼膽固醇^m^，食了才算。再者多喝幾口陳香的普洱，膽固醇拜拜^m^。正所謂一盅兩件，第二件是罕見的豬肚大(豬舌)。豬肚：太有咬口，老人家應付不了豬舌：夠淋和入味肉丸：大大粒口感好。結賬後如廁，又被嚇了一跳，跑慣江湖的我，竟承受不了這廁所的狀況>m<，我奉勸大家上三樓好了。

相約朋友仔泥lunch, 點半上到去. 有兩層:一樓無檯布,有痰罐同藥油味,二樓有檯布,無痰罐同藥油味.上左二樓.叫左水仙,好濃.點心得好少,叫左牛肉--無咩牛肉味.糯米雞,有手心+手指咁大.好足料:半條臘腸,冬菇絲,雞,1/4雞蛋.因為無咩點心所以叫左碟雞絲抄飯.普通到唔普通,但係抄得幾乾身.都有落蛋同鹽抄囉...好失望呀..本身想試下d咩馬拉糕,燒賣同大包ma....p.s.o係呢度唔好expect會有service!!

由小學到中年,每次去得如也是早茶時間,來吃晚飯也是第一次.友人之"慶工宴",選擇在得龍連下兩圍.有點點反高潮.日落油麻地,外面新填地的炭爐邊爐生意興隆,數個街口之遙的朗豪坊更加車水馬龍.回到這間老式茶樓,在周五的黃金時間,一個客人也沒有.安排坐在二樓最角落之位置,雖然天氣微涼,也感到焗促.友人說早前夏天同朋友來過吃晚飯,苦不陷言.沒有冷氣,是得如之最大特色,可能小弟一向早上前來,就算夏天來也不覺得是什麼.杯碟呈黑色,眾女仕們眉頭大皺.不刻意營造的舊,並不是人人受落.燒臘檔一早打烊,問老小二說有什麼可吃?他叫我們看餐牌.一看,也是一些普通小菜之類,沒有如蓮香樓,甚至得龍等老店,有幾味招牌菜式坐陣.隨意點幾味如粟米班塊,咕鹵肉,魚香茄子煲,椒鹽鮮魷,菜心炒肉片,肉絲炒麵,星州炒米.湯羹就來一窩韭王瑤柱羹,以上菜式,牌面真係簡單到極點.同在普通茶記吃的差不多.一窩瑤柱羹先上,份量足,每一啖也是瑤柱絲.小弟對咕鹵肉不感興趣,其他人吃罷覺得很有水準.小試一件,外面夠脆,肉質鬆化.酸酸甜甜挺開胃的.粟米班塊又是估不到地好,班塊脆漿不厚,炸得香口,內裏的肉質保持鮮嫩.最後每一檯也追加多一碟.魚香茄子

430穿梭機定係閃電傳真機?叮噹定係多啦A夢?校長哥哥定係黎張劉郭?無論什麼機也好,人人期望未必達到都好,這兩個年代成長的人,已經長大成人.當然,屬於前者已經是二尾三頭的份子了.天變地變情不變,對一些舊物,依舊眷戀.油麻地上海街的得如茶樓,就是其中之一.地下的磅,企上去入錢,依然老實地說出閣下之體重,另外的電動飛機,小弟已經坐不下了.份屬閃電傳真機年代的友人,同我一樣高,還企圖想坐下,結果差點墮馬....大飽蝦餃鵪春蛋燒賣腸粉粉果,不夠嗎?來多個盅頭飯又如何?味道當然不及蓮香,蝦餃的餡更加不夠新鮮.鵪春蛋燒賣繼續可人,盅頭飯長期保持筆挺之狀態.大家相隔差不多兩個Generation gap,面對著大堆頭點心,可以做的,就是吃,吃,吃..心裏仍是有個謎,究竟得如尚有多少日子?似乎未有答案,作為食客的我,吃得便吃,就是唯一的責任.

呢間茶樓我好細個巳經飲茶,當年係我阿帶我,因為有個表叔響度做企堂.呢D都係好多年前事.自從大以後曾經無數次經過但始終無法提起興趣幫襯.今天路過唔知點解突然想上睇,可能係年紀大,好想番D兒時回憶.下午一時半過後,個阿姐無問就送我上二樓,只得幾客,冷氣有等如冇,伙計懶洋洋,仲懶過我表叔.等好耐架點心車終於到,叫牛肉,包及鵪鶉旦燒賣.唔可以講難食但係好普通,蓮香水準高幾班.時下興講集體回憶,凡係舊都話要保留,但D人點解唔著番佢阿爸阿媽以前D衫,又肯唔肯出番廿年前份糧?回憶係好個人的事,你回憶又點同我一樣.得如只是我的個人回憶而己.

好正！飲茶咁多年最正的一間，樣樣都滿分：1.鵪鶉蛋燒賣：好懷舊feel，d肉餡好鮮味同蛋一齊食，正！2.燒賣：相比起鵪鶉蛋燒賣，這個比較普通，不過好足料。3.蝦餃：皮薄，有以前的味道，不會有其他菜粒在裡面。4.山竹牛肉：超好味，食了很多，有很濃的牛肉味。5.牛肉腸粉-個皮好滑，下次一定要試蝦腸。6.糯米雞：好味，但不太特別。7.馬拉糕：以前的味道，好感動，現在出邊的只是鬆糕。8.鳳爪排骨餅：好好味，料同飯都滿分。9.鳳爪：出邊的鳳爪都變晒味，這裡的才像樣。10.煎堆：正，想再叫已經冇啦。11.叉燒包：ok，因為蒸得太耐。下次一定要食雞球大包。

「阿姐，呢期生意好好噃。」「係呀，D人好鍾意嚟飲早茶…你都日日嚟吖，我地五點已經開啦，仲有外賣！你返工前買個早餐都好！」「（汗）我成日嚟，不過今日買外賣…」「哦，係咩？咁要多件蓮蓉酥吖？」「哎？」「你要『嫁女餅』嗰隻蓮蓉酥嘛！」「阿姐，我要既係合桃酥…。」要了雞球大包做早餐，加件合桃酥：雞球大包個底成個茶杯碟咁大；與其叫「雞球大包」，不如叫「啖啖肉大包」- 個餡除咗係勁薑蔥豬肉粒撈雞肉粒撈冬菇之外，仲搭半隻雞翼同一隻鵪鶉蛋…好一個energy boost。合桃酥都不甘示弱：成塊面咁大之餘，仲有陣「臘味」味…好香既豬油，好鬆化既酥。係舊式茶樓食早餐，就係咁開心。

31/1/2007 (星期三)新年快到是時候要買一套新碗,聽說上海街有店舖專賣碗碗碟碟,於是同媽媽來逛逛,途中經過見到得如酒樓,知道這間是懷式酒樓,都好想來懷舊吓,來到已差不多1:30pm入到電梯哪位負責操控電梯的嬸嬸問我們是否飲茶,之後電梯在一樓開門時本想行出去,但哪位嬸嬸說去二樓吧!她說二樓有冷氣又企理些,謝謝她的善意!到了二樓並沒有人招呼,見有很多張空枱於是同媽媽隨意選一張坐下,這裡燈光略為昏暗加上客人不多,總覺得有種冷清,剛上去時見到有兩架點心車仔,坐下之後本想看看有什麼點心食,因為我們都餓了,誰知只餘下一架是賣綠豆沙,正想問媽媽食唔食炒粉飯麵,剛巧有一架車仔從電梯口推出來,我們即時問是什麼點心,原來全部都是包類,最後選了一籠叉燒包,一籠有兩個但好大個,又熱辣辣,好足陷料,味道不錯有令我想起十幾年前食到的那種叉燒包感覺,等了一會依然無新車推出連剛才哪架包車也不見了,實在等不下去,決定叫人幫我們落單炒碟麵,於是有位阿叔幫我們寫單順便問他為何那麼少點心車推出,原來這裡茶市只做到3點,所以不會再有太多點心了,我們叫了碟三絲炒麵好在也不用等太久,即叫即炒熱辣辣,味道一般,媽媽就覺得太過

星期天一行三人飲早茶, 第一次黎呢D舊式酒樓, 感覺好懷舊.大約9:00AM到, 比我想像中少人. 開茶後, 呆等左好耐... 點解冇點心既, 唔通太晏? 原來要叫阿叔落單, 先會即叫即蒸. 鵪春蛋燒賣- 咁經典... 梗係必食啦! 燒賣- 十分足料, 比想像中大粒!蝦餃- 皮薄, D蝦好新鮮.山竹牛肉- 一客三粒, 份量十足...雞球大包- 第一次食咁大個包. 裡面有冬菇絲, 雞肉還有一隻鵪春蛋, 十分足料!千層糕- 鹹蛋黃好甘香, 但好快凍, 有D硬.鮮蝦腸粉- 蝦夠爽, 粉皮夠滑! 環境方面: 痰罐一定唔少得, 因為冇開冷氣, 開了窗門, 所以有D大塵, 而廁所衛生方面, 比預期中乾淨... 服務方面: 人手唔多, 但服務態度唔錯. 呢D舊式酒樓真係好快會絕跡, 所以要去就要把握時機喇!

昨日星期日,趁天未光,走去飲番次懷舊早茶,九龍區,首選當然是得如.裝修較舊,但毋礙食慾.酒樓內所有伙記由樓面,收銀,到賣點心的阿姐,個個六十以上,動作滋油淡定,但服務態度一流,有問必答,詳細解釋.沖茶加水,打開壺蓋,兩分鐘內必到,眉精眼企,點到我唔服!推車點心,由頭到尾,只見有咸水角,叉燒餐飽,蘿蔔糕,煎腸粉,煎釀三寶等.冇點心牌,冇價錢牌,唔知有乜食就向阿叔問,包有答案,想食乜就叫阿叔寫.茶錢4元位,沖到第五壺茶也未淡,好野!叫了七樣點心:1.蝦餃-內有,冇食,不能評論.2.燒買-蟹子夾肉,底有一隻蝦,比很多名牌酒樓好食.3.山竹牛肉-份量比一般的大,但冇特別之處.4.鵪鶉蛋燒買-就快絕傳的懷舊點心,怎可不食.5.牛肉腸粉-粉皮夠滑,水準以上.6.雞飽仔-飽皮軟熟,餡料中規中矩,好食.7.糯米雞-走返家做午飯,17元,份量超勁大,比其它酒樓起碼大一半以上,足夠人食.內有雞蛋四份一隻,冬菇,雞,豬肚和肉碎等,餡份量算多,但雞多碎骨,稍欠.見鄰叫大飽,11元,又是超勁大,相信用點心蒸籠也裝不入,內裡的餡料逞三角型的小山丘,一個人食相信不用再食其它食物就已飽.要三幾個人分它,才可品嘗其它食

早前看完食評，得知還有這間僅存的酒家，自已又未試過，早前經過這裡，雖然已差不多二時，但也上來試試還有沒有點心食。問完侍應，話還會有，但只會出很少量，叫我們坐坐等車仔推來；叫完茶後，不久茶便到了，但看到那個茶壺，真係非常，一看便知用了很多年。等了很久，終於看到有車仔推過，我們叫了珍珠雞，份量非常大，兩個人食都唔算少，飯雖然微微偏硬，但我就非常喜歡，飯帶有淡淡的河葉味，內裡的餡料味道濃郁美味，可惜比較偏油，雖然很飽，也食了唔少。之後再等了很久，也沒有車仔再推過，本打算就此離開，忽然看到有一車仔正推來，就叫多一籠鮮蝦粉粿，外皮很厚，煙煙韌韌，很有懷舊點心的影子，餡內的鮮蝦，當然唔夠新鮮，但份量十足，都算難得。這麼懷舊的酒家，在今時今日已經買少見少了，真不知還可以保存多久。看看幾時再有空，真係要早一點來試試其它點心。

"我要再次找那舊日的足跡 再次找我過去似夢幻歲月....."記得初次來到得如,已數回二十年前,陪家人去飲茶,而我就在地下的報檔買玉郎漫畫.年前在附近唱K唱到日月無光.散場拉大隊飲早茶.那個年頭正值雙十年華,一夜走幾場也面不改容.幾男幾女,在馬路上胡扯一番,的確青春無敵."沿路眼光的追蹤與譏諷已失作用 讓每刻青春與街燈 每晚重逢"今次再來,純悴失眠,晨早自然地起身,肚子寂寞難耐,在這個時段已開門的九龍區酒家,第一時間想起得如.仍是老樣子,地下的"電子磅",供小朋友玩的飛機.連掛在大堂的牌照,依舊風雨不改地展現.大堂餅店的餅架,空空如也,坐左餅架後的叔輩,不當係一回事.與蓮香樓不同在,沒有中環的高尚味道,沒有派對一夜情過後的型男索女,只有在果欄幹活的男子漢,公仔佬,甚至晨運阿伯.如果蓮香樓係代表年華老去,氣質依舊的老女人,那麼得如,大約會係一早梳起,做足半世紀馬姐,過著急景殘年的餘生.二樓有冷氣,形同虛設,打開窗口,懶洋洋的黎明下,沒有籠裏雀的叫聲,沒有晨光乍現的天空.對一個生如七十年代,長於八十年代的世代來說,這些意景,已成為觸不到的回憶.藍天碧海,都再不好看,願我知一切為何.腳下的煙頭

第一次於這間酒樓吃晚飯，真是嚇我一跳，晚上七時到達，裡面只有小貓三數隻，全部都是上了年纪的老人。吃小菜的就只有我們人，還有全店沒有冷氣，只有風扇。真不知道他們是怎樣維生的。最好笑是我們原本想叫牛腩煲，他們竟然說沒有，真是有點可笑。後來他們還說是有。我們一共叫了三個，柱侯牛腩煲、蒜香骨、清炒菜心。牛腩煲很正，很入味，很淋，蒜香骨亦很香口，不算太乾身，菜心很有住家feel，埋單兩人共$170，沒有加一，如果想懷舊一番，是值得一試的，不知道”得如”的將來是怎樣，可能再過一段時間，老伙計相計離去，這裡亦不回存在。

一上到去感覺同一般o既酒樓好唔同!~~擺設依舊...d茶又唔會太濃!!仲有鵪鶉蛋燒賣係我O既至愛啊!大大粒O既鵪鶉蛋新鮮好味!!>.<必食之選燒賣裹面有好大隻蝦o係出面食唔到咁好味o既燒賣架啦..呢度d野食真係物有所值架!值得一試...鬆糕食一件已經好飽>.<最好就係唔使加一淨係計茶錢!燒鵝飯都好好味架!!~~原來5:30am就開門架啦...o個度d阿姐話!!~~特首曾先生都有去過架!!!!!!!!!!!!