瀧本日式料理

Open Now

Now Closed

🔎 瀧本日式料理 (銅鑼灣)今日去咗銅鑼灣一間新開嘅日式放題🇯🇵裝潢好新又舒適空間好闊落！還可以包房！不設低消/額外收費‼️三間包房是大中小房，打通房間可坐20多人適合親朋好友聚會慶生🎉人均只需$2xx就可以享受超過100種日式料理😍真係覺得係暫時香港食過性價比最高的放題店！刺身🍣呢度嘅刺身款式多到傻！雪場蟹腳、雪場蟹腳、象拔蚌、赤蝦、帶子、赤貝、希靈魚、北寄貝、油甘魚、三文魚、虎蝦、甜蝦全部都好新鮮好厚肉😋壽司手卷🍣有黑松露油甘魚腩、黑松露赤蝦、柚子胡椒池魚王、魚籽醬鮮帶子、三文魚腩、櫻花蝦鰻魚玉子燒、瀧本花之戀、吞拿魚沙律、龍蝦沙律他他、芝士熔岩帝王蟹棒、七味蒜蓉燒熟蝦、醬燒蒜香和牛、火炙左口魚邊、炙燒牛油帆立貝、蔥燒三文魚腩、明太子龍蝦沙律卷🦞芝士蟹籽火龍卷、吞拿魚香蔥拖羅蓉卷…手卷有海膽手卷、醬汁鮑魚手卷、芥辣八爪魚手卷🐙飛魚子手卷…有創意得嚟好高質！一品料理🦑花雕醉鮑魚、蒜蓉粉絲蒸扇貝、鮑汁扒時蔬、桃膠紅棗雪耳、茶碗蒸、鵝肝厚多士、清酒煮蜆、一品牛柳粒、牛油栗米杯炸物🍳 黃金燒乳鴿、廣島吉列蠔、芝麻雞翼、榴蓮炸彈、香芋流心球、芝士年糕、香脆牛奶卷🥛天婦羅🍤 皇帝蟹柳🦀大蝦🦐甜番

點解見咁多ig foodie賣廣告，又多一式一樣嘅好評，我都照黎？因為諗住作為一間新開嘅餐廳，QC理論上衰極有個譜掛，點知真係難食到趴街🙏🏻是日星期五晚市其實坐唔爆場，唔知點解出餐極慢之餘啲嘢食基本上都係凍，炸嘢凍食咁仲算係炸嗎？😅天婦羅炸漿仲又厚又淋。所有，係所有肉都好韌，香口膠都好咬過佢嗰種。開頭影咗一兩張食物相咁大把，都冇心機了🚩張2人枱細之餘，同隔離枱距離一定冇5cm，唔知以為成串都係同枱🙏🏻唯一可取之處係有位姐姐收碟快囉☺️最後本應食兩個鐘，一個鐘就頂唔順走咗，雪糕都冇攞😹浪費cheat day，過兩條街大排檔食返三個餸補數算。佢有分A B兩個餐，價錢差200幾蚊，好彩冇食貴🙏🏻真係不了，不了，不了。

銅鑼灣新開咗間日式放題!!$248起兩個鐘任食😚有多款刺身壽司同日式料理任君選擇~海膽鵝肝乳鴿 連Haagen Dazs都系任食架!仲有啤酒任飲🤪史努比就試咗平啲嗰個set 一於講下有咩好食😋-🔸A餐經典刺身盛宴 正價$298/位史努比去嗰日系星期二 早啲遲啲都可以再平啲😚17:30-19:30 $268 20:30後入座就$278👍🏿刺身種類都幾多~三文魚大大塊夠厚切食落有三文魚味 又夠肥美油潤帶子正常 切得比較薄 疊埋食口感好啲🤣唔算好甜 但新鮮赤蝦唔錯 帶啲漿口甜蝦比起赤蝦更加鮮甜😳油甘魚ok唔腥 但冇話特別油潤 不過第二round再嗌嘅時候竟然比近腩位 即刻好食咗好多😂希靈魚唔系個個鍾意 史努比就幾鍾意佢嗰種卜卜脆嘅口感加鹹鹹香香嘅味道🤪其他北寄貝 松葉蟹腳 赤貝 螺片都正常發揮🙌🏿Overall刺身唔錯!味道: 8/10👍🏿壽司首先要讚下壽司飯 軟硬度適中溫度都keep得好好 唔會凍晒硬晒!醋落得比較多 偏酸少少 但史努比幾鍾意🤣開胃啲😜壽司飯都唔會話好大舊 不過手卷嘅就會大咗少少😂款式好多 火炙/卷物乜都有但胃容量有限 史努比冇試好多大家最關注嘅海膽手卷!老實講海膽份量就唔

🎉🎊銅鑼灣近期開咗間勁豐富嘅日式放題餐廳！🎏🪭瀧本日式料理開在銅鑼灣廣場二期，交通方便，環境以木系為主，搭配柔和的燈光，簡約舒適，各種餐枱滿足唔同食客需要，更設包間，而且不設最低消費/額外收費，非常適合同朋友慶祝生日或者聚會！🍱大廳設有寬敞的自助吧區，提供各類新鮮海鮮冷盤、酥炸小食和時令🍈水果，仲有老火湯、酸菜魚、麻辣小龍蝦…選擇相當豐富。佢哋超過100款刺身🍣、日式料理🍢、特調飲品飲料!分為「A餐經典刺身盛宴、B餐極致海鮮盛宴」嚴選日本🇯🇵每日特色海產，刺身壽司質素好高，三文魚、油甘魚、帶子…厚實且鮮嫩，口感鮮甜。🍣手作壽司、🍘🍙手卷品種選擇繁多。熱食方面，關東煮🍢天婦羅🍤、炸物熱辣辣香炸新鮮，烤羊架，肉質鮮嫩juice.一口牛柳更是油脂豐腴，入口即化。尤其鐘意西京燒比目魚🐟、蒜蓉焗生蠔🦪、牛肉壽喜燒、一品牛柳粒、蒜蓉粉絲蒸扇貝、蒲燒鰻魚…質素都好高，上菜快，店員仲好親切提醒要趁熱食，抵贊！🍮甜品區有大量款式選擇，飲品櫃甜品櫃大量供應，豆腐花、涼粉、果凍、🍦雪糕、仲有Haagen Dazs雪糕任食!🈹開業第一個月內電話訂座或者網上訂座，更可享開業9折優惠！🎊🎊午市長者尊享88折優惠🎀

今次去呢一間喺銅鑼灣新開嘅放題，可能我預訂嘅係星期一，所以前一日訂位都有枱。當日12:00去到嘅時候，現場很少人，但係我仍然被安排坐喺長枱，不過可能因為冇人，所以客同客之間都係留咗一個空位的。（後來同阿姐吹水嘅時候，佢話卡位係比一啲有訂枱嘅客人，即係話如果客人要早訂枱，就有機會坐到卡位月後嘅就只能夠坐喺長枱）講返食品質素，我叫咗幾款刺身（三文魚、赤蝦、甜蝦、帶子），每一次刺身上枱嘅時候都係有冰係下面保持食品嘅新鮮，而我食落口嘅海鮮都係覺得幾鮮甜好味嘅。至於炙燒壽司，佢嘅上面嗰塊肉太薄啦，好似食緊醋飯咁。佢個壽喜燒鍋，我建議佢哋花啲心思用個爐仔去熱住煮個鍋，肉同蔬菜另上，等啲客自己去落，咁樣啲肉就唔會咁柴，值得推介係乳鴿、比目魚、蝦天婦羅。熟食區的酸茶魚夠入味👍🏻蟲草花螺頭雞湯正👍🏻佢仲有D24 榴槤提供，但我手慢，俾一個已經成枱嘢食的8婆，攞左成盤埋位食，結果我等唔切補給，走了

IG見到有foodie介紹呢間新開冇耐嘅日式放題店，喺Openrice再望過吓啲相覺得唔似伏，所以就約咗個朋友今晚7pm上嚟一戰，揀咗Set A，用餐時間係入座起計120分鐘一步入餐廳，有濃厚氣味撲鼻，作為榴槤厭惡者真係會有啲反感，不過座位闊落，光線充足，加番唔少分講番食物，首先係自助區，選擇都算多，乾淨企理，有沙律、凍海鮮、日式小食同炸物，試咗幾款味道都正常，唐揚炸雞no.1，唔啱食嘅話仲有啲中式菜餚可以揀，包括酸菜魚等等刺身方面以帶子同象拔蚌最鮮甜，唯一唔推薦係赤蝦，細隻得嚟又冇乜味，不過利申番係冇試四款包括希靈魚、北寄貝、虎蝦同蟹腳手卷同壽司方面預咗係普通，結果冇驚喜亦冇失望，好在每件都係迷你size，唔會點嘥胃至於其他食物，有幾樣可以推薦嘅，包括好淋嘅花雕醉鮑魚同埋一品牛柳粒，仲有十分juicy嘅汁燒翠肉瓜，另外乳鴿、羊架同香脆牛奶卷都唔錯！覺得好伏嘅就有兩樣，包括又乾又柴嘅燒雞軟骨同埋又肥又油嘅牛肉壽氣燒，完全唔掂甜品同飲料，款式選擇一般，有啲台式罐裝飲料係第一次見，味道幾好最後講埋service，大部份食物都上得好快，尤其係刺身壽司手卷，員工表現殷勤，送菜同執枱嘅都態度友善

因為突然間想食海膽，但又唔想行咁遠，所以就book咗公司附近呢間新開嘅日式放題。坦白講睇咗好多食評，基本上佢哋食評都好兩極，真係天堂同地獄嘅分別，咁都明白所有好評一定係blogger，咁由於本身我個人都唔係太挑剔，見啲相幾好睇就決定試下。首先環境絕對唔係好似其他食評講到咁日式乾淨亮麗，張二人枱仔真係好細，細都唔係最主要嘅重點，隔離只係相隔3cm🌝咁啱我去到嘅係小卡位，所以我坐低咗，如果唔係我諗我擰轉面走咗🙂選擇咗$528/位既放題。首先自助區基本上全部預製菜，唔特別講，刺身同普通熟食正常一般冇特別，普通放題質素，但串燒冇味，唔建議叫任何串燒。咁都唔緊要，因為主要食海膽同榴槤明白如果要所有種類都出類拔萃嘅唔止呢個價錢。結果海膽除咗非常薄之外，基本上嚟咗第一輪，就已經冇再嚟過🌝無論我嗌5份10份20份30份40份，佢廚房部單機都可以自動消失咗我張單😀點餐時間90分鐘，過咗60分鐘我都只係食過一次，咁好啦，咁同佢員工講完又講，終於黎左一碟，再然後都係無論我點樣落單都係唔會嚟，再同佢員工反映，然後夾硬出咗一碟俾我，然後見到佢啲廚房師傅行晒出嚟望我嗰張枱，我嗰刻簡直覺得自己係乞兒🙂到榴槤，喺12

社交平台見到呢間餐廳介紹, 野食好似比一般放題吸引, 原來新開無耐, 就決定打鐵襯熱同友人試下電話預約完會有人WTS聯絡confirmBook左食1730, 1930前埋單會平D, 實際1900會截單準時到達8/F登記, 可以揀A餐同B餐Reception好嚴肅, 新張無耐可能尚早人流唔算多, 好快就入左去個場夠寬敞光猛, 又帶俾人一點未裝修好既感覺入去右邊就係自助區, 款式選擇多熱食: 酸菜魚, 椒鹽瀨尿蝦, 紅酒燴牛腩, 麻辣小龍蝦湯:蟲草花雞湯, 5指毛桃瘦肉雞湯炸野:薯條, 餃子, 蝦餅, 蟹餅(好似係)冷盤:熟蝦, 青口蔬果:西瓜,哈蜜瓜,解凍榴槤, 沙律菜野飲: 一般放題有野飲酒: 生啤黑啤, 有Budweiser,喜力,Stout甜品: 有成個櫃, 雪糕有哈根大司坐低無耐有人經過時已經聞到陣陣榴槤飄香, 對於唔食榴槤既我會係考驗, 好在餐廳通風好, 好快就無左陣味,佢地D生果件件都好甜好好味, 無諗過食放題會食咁多生果頭盤以瀨尿蝦, 湯, 炸野, 熟蝦打頭陣瀨尿蝦麻麻地, 唔新鮮似蒸完再炒, 蝦餅蟹餅好食湯好味, 飲左幾碗熟蝦唔駛浪費個胃, 留位食其他野(期間聽到姐姐問同

晚餐、午餐都是$2xx左右任食70多款日式美食瀧本日式料理是一家高級日本料理放題店，在這裏能嚐到林林總總的日式佳餚，例如: 刺身、壽司、手卷、炸物、串燒、鍋物、甜品等，食物水準非常之高，讓人大飽口福。餐廳的環境十分寬敞，座位很舒適。餐廳仲設包房服務（冇額外收費！），適合和一大幫朋友聚會。■ A餐 經典刺身盛宴 (午市: $248起；晚市: $268起)A餐可點的日式料理多達74款，包括經典刺身、壽司、火炙壽司、創作壽司、卷物、手卷、天婦羅、燒物、鍋物……應有盡有。刺身非常新鮮，油甘魚味道一流。特別的菜餚是海膽手卷、瀧本花之戀。海膽味道鮮甜，花之戀的蟹膏口感豐腴。另外，鵝肝多士也令人驚豔，鵝肝肥厚味美，多士炸得香脆，牛油味香濃。餐廳雖然主打日式料理，但是在自助區也提供中式菜品，如麻辣雞煲、乳鴿、酸菜魚等，滿足不同人的口味。甜品方面，不但有甜筒和雪條，更有高級的哈根達斯雪糕，絕對不能錯過! 🥰11月再9折。

銅鑼灣放題店很多，瀧本是一間新進的銅鑼灣放題餐廳，無論是裝修環境，跟以往在銅鑼灣的餐廳自然不同，感覺上是比較開放式的。這次的經驗親身的體會也明白到，不同的放題餐廳有自己的風格和特色，放題店的食物種類很多各式各樣的，而這間瀧本，是可以選擇生蠔放題的，我自覺這間放題店跟一般的放題餐廳不同，竟然也有放題店是有生蠔叫的。我感覺莫名其妙的興奮。在下單的時候選擇的種類蠻多，不同的食物種類也嘗試了一片，而感覺自己很喜歡的食物也會再下單拿多一些，這是放題點的特點。而在下單生蠔的親身體驗感覺上，是只可以嘗試一次，因為在下單時，他再也不給我再發生蠔，就算我要求店員幫忙追單，我已下單的生蠔，他們的感覺上是我已經嘗試了最好的生蠔也不需要多嘗試。所以這次感覺上是用生蠔放題的價錢只品嚐了一次最美味的生蠔。

日式放題一向都係港人嘅寵兒，皆因食物款式包羅萬有，而且任點任食，算係性價比非常高嘅一個選項🤑而今次嚟到銅鑼灣廣場二期新開業🌟 主打高品質日式料理放題嘅「瀧本日式放題」😋一出𨋢見到餐廳光猛企理，近門口嘅自助吧區擺滿各類海鮮冷盤、酥炸小食、時令水果同靚湯，未埋位已經流晒口水🤤《 經典刺身盛宴 》 🍣 4.5 / 5集齊74款經典日式料理嘅任食放題套餐🤩 頭round當然要嗌經典刺身拼盤～ 三文魚、油甘魚件件都咁厚身嫩滑，甜蝦同帶子咬落鮮甜無雪味，螺片象拔蚌清甜爽口😋食得出用料好講究，任食嚟講實在難得🤙🏻除咗刺身，佢哋嘅壽司都做得相當出色，個人比較欣賞嘅係「黑松露劍魚腩」、「柚子胡椒油甘魚腩」同埋「瀧本花之戀蟹膏」～除咗用料上乘之外，師傅嘅創意同巧手都令到壽司嘅味道同口感更上一層樓🤙🏻冷盤食完，係時候轉戰熱食🔥串燒、炸物樣樣都出色，因為出菜和上菜時間都好快，所以食落熱辣辣唔會有油益味🔥當中比較驚豔嘅要數烤羊架！佢哋嘅燒羊架竟然做到肉質唔嚡亦唔會調味過重，可以話跑贏市面上大部份放題店🏆 而黃金烤榴槤同鵝肝多士更加係餐牌上嘅亮點⭐️ 出邊好少放題點可以嗌到之餘，味道仲相當惹味，小編都忍唔住enco

上星期日喺SOGO thankful week掃完貨打算搵野食，見到地鐵站附近新開咗間放題，重有9折優惠，就打算同fd上去試一試。上到去，環境好大，感覺都幾高級，同大喜屋個啲嘅裝修風格唔同。食完埋單都係每人$248！刺身種類都多，我個人就中意食甜蝦，佢呢度都好新鮮，個甜蝦係真係好甜口感好糯，超正！！我一個人都搞掂咗20件甜蝦🙈仲有個鵝肝厚多士同壽喜燒都不錯，中意食鵝肝嘅一定要嚟！最重要最重要係佢有榴槤食😍可以選擇燒過或者冇燒過嘅，我比較推薦燒過嘅榴槤，真係好甜好香！！！

之前一直糾結要不要去大喜屋，剛好在小紅書刷到銅鑼灣有新開放題瀧本，提前訂座免➕1，就決定去試試新店。在去之前有幾次都刷到小紅書推廣，才漸漸反應過來很多食品估計是推廣。但想著新店的出品和食物質素應該還不錯，還是去了。午市11:30-15:00 三個半小時用餐時間，上菜快，沒出現漏單的狀況，環境光猛空間相對寬敞，體感還是不錯的。現在的價格如p10，並不是openrice上所謂的分時段。刺身算新鮮，部分鮭魚凍得太厲害，本鮭魚愛好者反而覺得蝦類和象拔蚌味道不錯。熟食的牛肉和芝麻雞翅很好吃，但炸物體驗一般。任取區的牛腩味道也很不錯。基本的飲品和哈根達斯數量不少，美中不足的是我拿到的第一盒哈根達斯是複凍過的，吃起來口感不夠潤滑。另外員工收拾東西很積極，不過要小心不要被突然從後面伸過來的手嚇到而且A餐並不像博主所說包括燒榴蓮，可能因為我吃的是午市？還有一個不太喜歡的點是打出來的單據會直接放在食物上，個人有小小不滿意。整體來說試營運期間的價格值得一試，尤其是A餐，性價比還算高。

瀧本日式料理 🇯🇵銅鑼灣廣場新放題，地鐵站行2mins(勁近)新裝修環境光猛，座位之間闊落可能新開人流未太多，出餐速度勁快💨點完枱上QR Code再出去自助熟食區夾下野食，番到去已經成枱野自助熟食區竟然有麻辣雞煲，第一次見放題有麻辣雞煲食，酸菜魚唔係好辣但都幾夠味仲有關東煮、小龍蝦、紅酒燴牛腩…炸物正正常常無油淋淋海膽手卷 其實入面舊飯細🍜幾中意鍋物拉麵size ，真係食兩啖就完，可以試多幾款～前菜小食估唔到咁好味！！魚皮好重青花椒味，辣到都幾強海蜇同泰式鳳爪酸爽開胃壽司類有D都幾多款式，每款都值得試下，比較推火炙系列串燒雞軟骨好乾乾脆脆，不過海蝦有小小痴殼扇貝生蠔都唔靭甜品有🍨 Haagen Dazs任食(〃´𓎟`〃)終於唔係CoCoberry (•͈˽•͈) 食物溫到熱既夠熱 凍既keep到凍特別推介要食鵝肝多士同海膽手卷同前菜(真係唔錯!!!)拉麵都唔錯！記得book左先👇🏻👇🏻今個月電話/網上訂座有開業優惠9折❣️最平$238可以食到3.5hrs

瀧本日式料理喺11月2號開業，位於銅鑼灣廣場二期，位置都幾方便，餐廳環境裝修以輕木系為主，燈光柔和，空間闊落，坐落去都幾舒服，另外仲有唔少卡位、大枱，仲設有包房，一大班朋友過嚟食都冇問題👍🏻今次我食嘅係A餐【經典刺身盛宴】，當日我係平日夜晚7pm去食，講緊每位💰$328，都有唔少嘅款式，超過70款，經典刺身食咗三文魚、油甘魚、甜蝦等，全部都好新鮮；另外有唔少壽司款式都係好有創意，例如櫻花蝦鰻魚玉子燒、瀧本花之戀，估唔到櫻花蝦同鰻魚都幾夾，玉子燒甜甜地配埋鰻魚食幾好食，而花之戀仲有蟹膏添，一啖食好爽熟食仲有天婦羅、串燒、燒物、鍋物、一品料理，最特別係有壽喜燒、鵝肝多士、花雕醉鮑魚、燒乳鴿等等熟悉嘅款式好多都好吸引，個人口味最鍾意榴槤炸彈，榴槤味好重，而且炸得好香脆；另外好鍾意佢個西京比目魚，比目魚好香滑，燒到啱啱好，而拉麵係由拉麵店師傅親自製作🍜去到一定要必食🙌🏻另外仲有個自助區，最特別係有麻辣雞煲、小龍蝦、酸菜魚，好少見放題會有咁多熟食，麻辣雞煲啲雞唔算好辣，雞肉肉質夠滑，酸菜魚辣度唔太辣，魚係冇骨而且好大塊，另外仲有好多炸物、前菜、甜品、水果、雪糕雪條咁樣，當日真係食到勁飽，款式都較