廳2 (Closed)

備註：早餐時段免收加一服務費 林建岳開設的食店如「港島廳」、「九龍廳」出品價錢不斐，最近岳少在荔枝角開間平民版的名人飯堂「廳2」益街坊，環境以階磚地、皮凳、木的工業風作主調。Tang2走年輕休閒路綫，食物方面盡收各「廳」之精緻中式菜餚以及創新而美味的西式美饌。而Tang2更提供了多元化中西菜式，不論是中式點心、中菜、頭盤小食、沙律、西式意粉、特色三文治、牛扒及甜品都一應俱全。部分更是「港島廳」等店的招牌菜。例如馳名的蜜汁叉燒，港島廳賣HK$218，這裡只賣HK$88，低過半價。餐廳連早餐、常餐、下午茶餐都有，定價都是HK$50-$80左右，款式每星期更換，用料則較一般茶餐廳矜貴，比如茶餐廳式的炒蛋亦加入黑松露來炒，食得刁鑽。 活力早晨套餐 (供應時間星期一至五 7:30am-11am) (附送柑桔檸蜜/咖啡/茶) 免收加一 ▲【活力早晨套餐】炒蛋、豬柳漢堡扒拼蕃茄濃湯長通粉 + 柑桔檸蜜 HK$36 ~ 漢堡扒肉色帶紅，交服務生加熱過亦沒有改善，可能是經蘇打粉處理過所致 ▲【活力早晨套餐】牛扒配豬肉腸 + 牛角包、茄汁豆、炸薯餅

係附近試完姐妹裙之後第2次係到食晚飯傾朋友big day schedule。8pm倒人唔多，呢到鋪位又大，坐得好舒服，唯獨無洗手間要上商場1樓用而且鎖左，好彩入面有清潔姐姐開門。廳2提供多國菜既選擇，我食拿破崙菇意粉含洋蔥同青豆角等，醬料味幾開胃，份量都多但我都食得哂，唔錯朋友叫左1day breadfast話好味，都大份。另有朋友叫左2個大醬湯飯好多蔬菜包括紅蘿蔔個d同埋有得揀牛肉/豬肉，食落辣既都好味喎，佢地呢款食唔哂，畢竟都係湯飯嘛。我地一齊叫左炸豆腐，好味呀炸雞軟骨都ok，芝士炸薯條都好味每人埋單一百倒~推介

荔枝角工廈林立，之前好多轉咗做寫字樓 ，租金當然平過中環灣仔一大截。所以好多食肆餐廳也揀喺呢度開店，主要做打工仔生意。呢間餐廳唔喺主街上，不過喺星爸爸隔離鋪，所以有咗邻居做地標，也機易搵。工作日中午來到並未坐滿人，侍應好有禮貌，問清楚有冇留位有冇朋友來到，先至安排座位。坐低叫咗海南雞飯餐，配有蔬菜湯，味道似KFC的鮮蔬蛋花汤😅，雞肉都幾滑，連雞胸部分都唔會太柴皮😊，雞油飯亦係粒粒分明，交到功課。兩人埋單幾乎兩百蚊，都幾貴o下。

開店時曾經吃過一次, 因為覺得其店食物極之普通, 所以之後都沒有再來過了! 今天因約了朋友在這裡買東西, 因為工業區關係午飯時間間間也要排隊的, 一想之下就來了這裡了。沒有人等位的餐廳, 並非味道方面問題, 而是平民的食物, 卻用上高檔價錢, 貴在那裡? 我想只能說是這裡的服務吧!職哄會很用心的等待大家下單, 每一樣事項都做得很好的! 不算是服務超級好, 但以港式茶餐廳而言，還算是超班了!午餐沒有太多選擇，朋友吃了咖哩牛腩飯，我就點了這個平民得不得再平民的叉燒煎蛋飯先說說賣相，外觀相當整潔，確實是吸引到我食慾的! 叉燒沒有一般的硬碰碰，反而是口感帶點軟身，而且保持到一定水份，味道不錯! 加上一隻荷包蛋，沾上白飯個人認為雙蛋會更有效果。最敗北的醬油並非以自家製作的甜醬油，而是門市也可買到的普通醬汁，缺少了一份茶餐廳的親切感覺。與友人2人吃了合共$200，一客黯然銷魂飯就已經要$100，這個午飯真的吃得有點奢侈... ...整體味道其實不差的，但是否每位客人也願意高價換取平民茶餐廳美食嗎? 真的不得而知了

最近呢幾年荔枝角愈開愈多餐廳，搵左叫間感覺舒服既餐廳同朋友食個靚早餐，裝潢有特色，配合到工廠區style.早餐種類都幾多選擇，叫左呢個漢堡扒+雜菌配長通粉。蕃茄湯底夠濃厚，漢堡扒煎到半硬半軟岩岩好。雜菌份量唔係咁夠，其他大致試上okay . 見係早餐份量都算係咁。

今天與我老婆到此一食，本來考慮叫個二人餐，但她突然見到她最愛的大醬湯（牛肉），而我就想試一試它的常餐（其實係all day breakfast）。餐食到來見到大醬湯賣想不俗，味道一流，辣度適中，適合我地喜歡少少辣的。常餐到來了，先試個牛角包，誰不知原來新鮮滾熱辣，好味到一個點，點上大醬湯零舍不同，但這個配合都有少許鹹😅。其餘還有巴拿馬火腿，黑松露炒蛋，煙三文魚沙律，薯餅和扒番茄，非常好食！巴拿馬火腿配它的炒菇，別有一番風味。而當中還有冷盤火腿和腸仔只屬一般！整體來說，味道一流，價錢適合！絕對值得讚的餐廳，希望下次光臨時，嘗試其他食物都可以繼續讓我喜出望外啦啦....

住同返工都係荔枝角，講真茶仔我就唔多想食，咪食普通野又油，我自己帶飯好過廳2已經第二次去，主要媽媽鍾意，上次覺得食焗飯偏西式比較精彩d同再好味d，又唔洗同人迫餐死，可以慢活今日我同媽媽食日式定食，總評分係偏甜左少少，平時我同媽媽食比較清淡，我陪佢一齊食淡，講真食少左甜野皮膚會好d，份量絕對夠食，我同媽媽share一碗飯，食晒d餸為前題媽媽叫左生薑豬肉燒 ~ 前菜豆牙/沙律菜，海帶麵豉湯，珍珠米白飯我叫左牛肉豆腐鍋 ~ 前菜牛蒡絲，海帶麵豉湯，珍珠米白飯食埋甜品先夠完滿，lunch走去叫甜品都真係幾過份下，薑汁蛋白同雲尼拿蛋各有各好味因為係餐廳係有加一服務費哦，平均$100/位左右，主要睇下食咩啦

今日約咗兩個閨蜜食晏，佢哋就我喺公司附近食啲嘢！成日經過呢間餐廳都未食過，今次就試吓佢啦。午餐主要都係食返套餐，呢度都幾fusion ，好似咩都有啲咁，日式韓式中式西式乜都有啲！今日天氣凍冰冰，所以我就揀咗要大醬牛肉豆腐湯，飲落去暖下個胃都好呀！我諗佢係即叫即整嘅，因為都等左一陣，朋友個叉燒煎蛋飯食完一半我個湯先至嚟。嚟到個份量都唔細，個湯入邊除咗有豆腐同埋牛肉之外，仲有一啲蔬菜嘅！有啲翠玉瓜、蘿蔔、薯仔同埋冬菇等等。講真，仲有咁大碗飯就真係食唔晒嘅。味道當然唔會話去到好韓國風味啦，但係如果冬天來講，想食啲熱辣辣嘅嘢都幾好味嘅！除咗個湯同飯之外，佢仲有少少半菜，有啲泡菜啊牛蒡啊同埋蘿蔔絲咁，送下飯都唔錯吖！

食過廳既早餐唔錯環境又乾淨俐落，因為近我地附近又係多國菜可以啱小朋友，所以放假就帶小朋友去試下lunch。叫左個~雜排餐:片片肉都超簿，無咩醬，的伴菜淋到無牙都唔怕。~海南雞飯:全凍!雞凍係咪正常呢我就唔知，飯都唔熱。天氣凍仲要成個餐都係凍，真係又難食又拿命，仲要係王牌!~大醬湯餐:因即煮唯一正常熱既食物，味道就平平，使終唔係專做韓國餐，明白既。呢間餐廳價錢都算貴，客就唔多，但都唔明點解質素咁參差

可以衝出觀塘，食一個唔錯嘅lunch，呢日黎左長沙灣。門口好靚（有一刻我覺得好似迪士尼餐廳門口），人一世物一世，對自己好啲，食呢間高級茶餐廳。影埋下午茶嘅menu俾大家參考下，茶餐廳價錢嚟講係貴左啲，不過觀塘樓上嘅cafe好多lunch都係差不多。。。12點9左右到都已經開始多人叫咗焗豬扒飯（$88），係咪真係咁好食先。份量當然係大啦，醬汁可以，豬扒都ok，未至於特別好味。肉眼扒套餐（$102），煎得一般，以為會好好味。薯條同配茶同屬一般，可能有期待，反而有啲失望。。。

無意中發現了這間餐廳，好大的，座位寬濶，環境都幾好。我們叫了凱撒沙律，份量都幾多，沙律菜好新鮮，有車厘茄，麵包粒脆口碎蛋三文魚牛角包，牛角包好鬆軟，好味，三文魚有三片，加碎蛋一齊吃，好夾。仲有d沙律伴碟選擇也有8款瑞士牛肉烏冬，牛肉好淋，洋蔥又甜，烏冬彈牙，甜甜地的，好味炸魚柳魚薯條，好香，魚柳香脆，入面魚肉嫰滑，薯條扁身的，熱辣辣鴛鴦香滑好味佈置也是有花心思咖啡也是有心思的，也有水準座位好多，好舒適的感覺

荔枝角呢個地方平時都好少去，今日會黎係因為知道D2 Place有D手作市集，本身我地想食程班長，點知原來佢星期六、日都唔開行過呢間廳見到佢個下午茶餐牌都OK，又近D2 Place，所以就膽粗粗入左去試！我地叫左一個豬扒炒鳥冬，另一個係自選既扒餐。先講豬扒炒烏冬，豬扒既肉質唔錯，唔會覺得好乾身，但係略嫌個汁唔太好食，太過"結"身了～呢碟烏冬食落絕對有一般茶記既味道！另外個自選扒餐就相反幾有驚喜，所謂自選即係有1堆choice可以揀，扒類有得二揀一，選擇包括有：牛扒、豬扒、雞扒、魚柳，火另外可以拼飯／意粉／薯菜&牛角包／湯粉，唔講味道，有咁多選擇已經好開心啦～講埋味道仲開心，因為D扒既質素真係唔差，我地揀既雞扒同牛扒都好好食，牛角包係新鮮熱辣辣上碟架，成碟食物質素都好好每個下午餐都跟一杯餐飲架，有個特別D既choice就係柑桔檸檬喇，而我本人就叫左杯熱咖啡，杯咖啡絕對唔係普通茶記既質素，所以話⋯⋯呢間絕對係一間高級茶餐廳啦！

開工前的早餐，呢間早餐選擇多，食物好味，價錢不算貴(以而家食一餐都過$50來計)，唔使加一，坐得舒服。同一價錢在茶記，可能坐得好迫，環境又冇咁理想。有人喜歡茶記feel，貪佢夠地道，不過是日工作四圍去同體力勞動，就想早餐好d。點了牛扒長通粉+凍檸密。牛扒都大塊，又不會煮得太乾太un，通粉又係我favour，加埋杯凍飲，即刻充滿能量。加分係環境真係唔錯，似西餐廳的有枝水，懶high class同事點的有雞扒配通粉、香滑炒蛋配牛角包，賣相都好吸引。茶餐廳都有好野啊。

在荔枝角工作一年多，午餐的選擇算是蠻多的，價錢不算便宜，動輒也要$60-100，又貴又沒質素的餐廳多的是，我跟同事們都不知「中伏」多少次了。這天和同事二人外出吃午飯，我們到選擇了在長沙灣廣場地下的「廳2」，是林建岳先生開設的「港島廳」、「九龍廳」及「唐人館」的年輕系列。*午餐的選擇很多，有西式也有中式，有飯有麵也有輕食。*常餐 $98我點的是常餐，它真的很低調，明明就是很豐富的All Day Breakfast呀！裡面的食材都很高級，包括黑松露炒蛋、煙三文魚、巴馬火腿、豬肉腸、雜菌、薯餅、蕃茄片和牛角包！最平凡的牛角包質素不錯，脆脆的很鬆化。薯餅炸得很乾爽完全不油膩，比較不喜歡的是巴馬火腿，純粹個人口味而已，這不是我喜歡的巴馬火腿。*最最最好吃的就是黑松露炒蛋！炒蛋大約是七分熟，是最佳的狀態。黑松露味道非常濃，把炒蛋變得很高級。*招牌海南雞飯 $86同事點了招牌海南雞飯，上桌時有點小失望，因為份量好像有點小？*其實雞的份量不少的，雞是常溫的狀態，皮下脂肪少，雞香味濃，最重要是沒有雪味。*雞飯是海南雞飯的精要所在，雖然很小一碗，但每粒都被雞油香味包裹著，粒粒分明而且很有光澤，真心覺得不錯

行到攰攰哋，經過呢間餐廳，望到門口餐牌啲下午茶都幾吸引，而且室內環境亦幾舒服，就走咗入去。叫咗兩個set離share,甜品嗰個賣相較為吸引，味道亦唔會太甜，個人覺得而個煙三文魚牛角包賣相就...不過啲沙律菜都幾新鮮，個包無乜特別，同出面食開嘅煙三文魚包無異。