廳2 (Closed)

做完瑜珈好肚餓，經過見到裝修以木質為主想必坐落舒服食得骨落。進門第一件事就係放下幾兩，奈何走完全場發現咁大間餐廳係無法如廁，小解也要付上腳骨力移玉步外街爬行一條長樓梯，若有指示會更好。龍蝦汁焗扇貝龍蝦汁上少少芝士以為可瞞天過海, 掩蓋扇貝唔夠新鮮&縮水的核心價值。龍蝦汁與扇貝肉割席, 缺乏味道交流, 感覺48蚊1隻俾得有點咬牙切齒。魚湯菠菜 魚湯沒有魚味，樂觀睇清湯冇咁咸， 杞子乾游咁耐湯水都係皺皮，似未有熱身。菠菜爽口不會過老，中規中矩。鯖魚定食鯖魚許配一個靚仔，外加麵豉湯作妾，食落難怪幾滑口，魚比想像中大條，調味剛剛好，不點豉油也夠味道。和風煎軟骨餃子餃子一般， 餃子皮薄軟身， 一咬豬肉汁標出來，好熱有d剌嘴。 沒有軟骨反而是豬肉碎， 調味不過不失。服務態度很好，但不夠經驗，連續兩個侍應走過來企圖要收走我碗菠菜，但好明顯我未食完

0830到公司附近嘆個豐富早餐迎接新一天，但好失望地漏單，0840至被發現，侍應快單幫我做但得5分鐘唯有打包返公司食啦，幸好魚柳還脆口，無鯹味，味道適中，醮沙律醬減少油膩感，有茄汁豆、沙律菜、一小塊薯餅配太陽蛋內容豐富，一大個牛角酥充滿牛油香氣同時亦充滿罪惡感，$36一個六款食物嘅早餐，環境舒適，不失為一個好選擇

93元一個牛扒餐，件牛扒薄到好似茶記早餐甘，唔怪得唔使問我幾多成熟。有茶沒有湯，份量夠女生吃，味道像大家樂，環境像茶餐廳，要同人搭臺仲要收加一，難怪午飯時間唔使排隊。

我現在身處廳2，吃了一個招牌午飯做午餐。果碗飯熱辣辣既油飯好好味，D雞尚可。三款醬：姜蓉、黑醬油及酸辣醬都好好。如價錢可平宜—點就更加好。如同幾個朋友來，叫多個餐share 都是—個不錯選擇！

今日上司請食飯，同事們決定揀呢間廳2 。一來近公司，二來走高檔路線，所以最後決定呢間午餐。餐廳裝潢光鮮明亮，地方廣闊開揚，有梳化卡位，也有大圓枱。 座位舒服夠大，四周都有空間唔迫。纖美紅菜頭汁 (套餐 +$10)，天然甜度好健康，紅菜頭打的不算幼滑，帶點幼粒，沒有草青味。所以飲得好舒服。紐西蘭肉眼扒配洋蔥燒汁 (薯菜) $89, 肉眼份量夠大，所以跟薯菜都已經好夠飽。 炸粗薯有薯肉而且薯味重，幾喜歡。有新鮮爽口沙律菜，又有熟蔬菜。菜肉比例剛好，感覺較健康。沒有問我地幾成熟，所以上菜時，各人的肉眼有不同熟度。我的太熟，同事的有太生，也有7成。不論幾成熟，肉眼都比較韌，而且筋位較多。但調味鹹淡岩好。

I have to write this review after reading some rather substandard reviews denigrating the place unnecessarily.  With all due respect, the slights on the food in some of the reviews go no further than whether a dish was being salty or not, or whether abalone on a dish was enough in quantity, speak volume about the dubious quality of the reviewers themselves - a rather sad disposition of Hong Kong food eaters.  It is not that I am a professional judge or anything, but I do believe we ought to delv

之前聽說林先生在荔枝角開了這間，看到眾說ok紜紜就前來試了。午市人流很多，看得出這裡是附近銀行職員會來的午餐地方。餐廳闊落，地方都蠻整潔。前菜的一個沙律，略嫌有點求其，這個貨色，情願他是餐湯。點的是一個日本照燒雞扒午餐，賣相吸引但味道普通非常。通常燒汁下飯不錯，偏偏這個沒什麼味道，雞扒也有點乾身而且好細塊。茄子漬物只有一件但索價84元，實在很貴丫。整餐最滿意就是美顏蔬果汁，真材實料，也沒有溝水，雖然跟餐叫要加14元，但蠻值得的。鑑於價錢太貴，下次還是不會來了。

這天晚上, 沒有煮飯, 也不想留在美孚吃, 不如近近地, 來荔枝角吧. 星期日, 不少區內的店子也沒有開業, 廳2是例外的, 星期日, 公眾假期照常營業, 不過是晚人客不太多, 只是半滿, 我們不用訂位也能坐在卡位.其實這裡的環境簡簡單單, 比起茶記當然舒適一點, 但又未到高級餐廳的規格. 但看看餐牌, 價位也委實比起區內的同類型餐廳貴一大截, 或許跟這裡的背景有關吧, 港島廳跟九龍廳的姊妹店, 當然不會走經濟路線.沙律: 8分, 晚餐包沙律或者老火湯, 不過老火湯已經售罄. 沙律菜是幾新鮮, 清爽, 不過我們這晚吃的是中餐, 吃沙律始終比較奇怪.粉蒸五花腩伴時蔬配白飯 $90: 8分, 主菜方面, 粉蒸五花腩帶點辣勁, 幾惹味, 很好送飯, 雖然用上五花腩, 但又不會太肥膩. 還跟上時蔬一碟, 自然是健康一點的配搭.三蔥牛肋骨伴扁意粉 $138: 7分, 另外一道主菜並不是特價晚餐, 價位是$138, 加$25可以跟餐, 包括有是日餐湯, 白飯, 及是日甜品. 不過餐湯(又)是售罄, 就轉做飲品了. 三蔥牛肋骨本身是伴脆麵, 但是晚脆麵沒有供應, 改成扁意粉, 但這樣子就很怪了, 又

廳二環境不錯，細節做得也很到位，從餐具到內部，不像一般中菜館的感覺，深色裝修很舒適。菜品：份量精緻，賣相也如此，均為兩件份，兩個人來吃剛剛好。菜品有創新，並且粵菜潮汕菜京菜結合，適合不同口味的人。價格略貴

茶餐廳想走中高檔路線， 食完午餐好像食了空氣落肚，價錢貴份量少。想問下係咪廳收檔，改名廳2 廳3 咁門口又無餐牌睇，入去完全中伏。鮑魚肉燥飯 一隻"鮑魚仔" 但比起底下的飯仲要大 男友人2啖食晒 價錢要80蚊左右 想食完等於無食仲要一肚氣 真心推介

以前經常聽到「入得廚房、出得廳堂」來稱讚人妻，不過這句話近年已像塵封了一樣，幾乎絕於耳邊，莫非現今的愛情觀和擇偶條件已大有轉變？已嫁作人妻的我管不了，想不到在四處享受美食中，竟可體驗得到這句老話兒。城中名人林先生擁有兩家以「廳」為名的食肆，繼高雅的「港島廳」和「九龍廳」後，又一新猷的「廳²」進駐荔枝角工廈區，裝潢帶點茶餐廳風格，更備有午市及晚市套餐，截然不同的親民印象，難道要跟附近的茶記一較高下？「廳²」備有中西日三式的食品，首先點來三款四川風味餐前小食。麻辣脆炒手 $36，大廚以炸餛飩代替白灼餛飩，入口香脆酥化的口感份外討好，脆皮沾上甜辣的麻辣油，一口一隻，乾脆利落，比一般的紅油炒手來得爽快！三款川味小食，精緻的麻香手絲雞 $49 是我的至愛。秘製的紅油配上花生、芝麻、生蒜、香菜、花椒和芫荽，辣中帶香、香中有酸，層次分明，惹味又醒胃，加上以手撕烏雞取代白雞，雞肉更富嚼感、雞香更加濃厚，現在想起口水也不禁狂湧！第三款的蒜泥白肉卷$48，將白肉捲成嬌小的卷物，不但易於入口，肉的比例大為縮少，混上生蒜、蔥花和醬汁進食，難得白肉也來得清爽怡人，且不減川式風味！這三款川味小食確為我打下強心針，

林建岳開設的食店如「港島廳」、「九龍廳」出品價錢不斐，最近岳少在荔枝角開間平民版的名人飯堂「廳2」益街坊，環境以階磚地、皮凳、木的工業風作主調。菜式集眾店之大成，點心、中菜、西式意粉、牛扒等，部分更是「港島廳」等店的招牌菜。馳名蜜汁叉燒，肉質juicy鬆化，港島廳賣$218，這裡只賣$88，勁過半價。至搞笑是連常餐、下午茶餐都有，定價都是$50-$80左右，款式每星期更換，用料則較一般茶餐廳矜貴，好似茶餐廳式的炒蛋亦加入黑松露來炒，食得刁鑽。Tang2是由著名餐廳—港島廳、九龍廳及唐人館所啟發而成，走年輕休閒路綫，食物方面盡收各「廳」之精緻中式菜餚以及創新而美味的西式美饌。而Tang2更提供了多元化中西菜式，不論是中式點心、頭盤小食、沙律、特色三文治、主菜、意大利麵食及甜品都一應俱全。常餐全日供應$84 (包括黑松露炒蛋、煙三文魚、豬肉腸、炸薯、雜菌、沙律菜、牛角包及叉燒湯扭粉) 隨餐附送柑桔檸蜜或茶(熱/凍) 黑松露炒蛋的確加入真正的黑松露粒 炸薯非常香脆，牛角包也十分新鮮鬆化

最近常常到荔枝角或長沙灣，原因就是為了友人所開的糯米滋專賣店，早前答應了會送給很多朋友品嚐一下，誰知友人的糯米滋店大賣，不再做外送，所以出動了我親自去買，所以我對朋友真是很好的，不過未吃到的別怪的，因為實在抽身不了，有機會一定補償。就因為如此，在荔枝角搵食的機會也大增了，有一天買完後，與朋友們就走入了這間高檔次的茶餐廳。雖然他絕對不是一間茶餐廳，但裝潢的確有點相似，為何不是茶餐廳？我相信不會有一位老闆會願意擺上一些字畫、漫畫家真跡及別緻的枱椅等等在一間平民的茶餐廳內。打開餐牌一看，不要問我這兒供應什麼菜式，中西日韓等都有，真是包羅萬有，如果真要找一個重點，就是中式為多，所以就先由點心開始。我是很喜歡吃燒賣的，估不到來到這兒也要點，不過味道就特別得多，【泡菜豚肉燒賣】以韓式泡菜入饌，除了爽口彈牙的質感外，還加添一份酸辣香，味道真的很合襯。接著再來兩個頭盤，分別是人見人愛的【蜜汁叉燒】及與別不同的【麻香口水雞】，叉燒切得四四方方，質感爽口，而且富蜜味，水準相當不錯。而口水雞則以烏雞來代替，雞味更加香濃，配合麻醬的香及麻辣的辣，惹味好吃。當剛剛完成了中式，就轉向西式出發，從套餐中點了一份【醬

公司午飯，一心諗住試新野，近近地揀左廳2， 之前睇過食評好壞參半，但都想親身試下，點知去到真係火都黎。有3位同事想叫牛扒，竟然無貨，得番一份，大佬，lunch set 去到一點就無貨，唔係呀。。而唯一食到last一份既老闆comment係唔好食，落單唔問幾成熟，過老，肉又乾又硬。我叫左個常餐，份量真係唔係好夠，咩都得好少，味道好一般，條腸熱都唔熱，無邊樣係特別好食，最深印象係個碗跟餐米線，真係得一啖，見到男同事食完唔飽個樣真係慘，仲要唔好食。。。荔枝角食有質素號西餐太多好選擇，哩到我就唔會再俾機會佢。

因為已經book 左位,所以就唔洗等。一入到去比個碗既擺設吸引左，係做得幾精緻。叫左好多野黎share食個人覺得個喇沙算係叫咁多種野入面算係正常偏好食，個湯底都係入味，但D魚蛋配料就失色左D。正正常常既小籠包 無咩特別因為係朋友食個鮑魚飯，所以個味道就唔太清楚啦香茅豬扒 普普通通個鰻魚都係幾好食既，我鐘意佢個汁，味道適中。雞軟骨都香口個豬扒好難嘴嚼。呢個意粉個味芝士味好濃，個真係好好好咸！食完要飲好多水叫左個常餐，都唔係有咩特別，但個牛角包係好食既。總括所以既食物，就係會推薦個喇沙同個鰻魚。其他就真係好麻麻同埋好貴。環境就還好，但其實lunch都幾嘈下，想搵個清靜D既環境就唔推薦去啦。