炭樂

Open Now

Now Closed

通常唔係特別差嘅體驗都唔會上嚟打食評。但係炭樂嘅外賣食過好多次。和風牛肉飯真係好味。外賣自取嘅價錢嚟講係我食過最好味嘅。滑蛋雞都唔錯重點係每一次叫水準都一致。冇試過話突然有一日唔好食。唯一唔鍾意嘅係外賣明明寫一個價錢。到最後外賣盒要再加$3。 咁不如一開頭就寫個一口價。不過整體都係好合理嘅價錢，樂意俾佢賺。令我突然想上嚟寫食評嘅原因係，雖然外賣只係幾十蚊。每一次店員都會幫我拉門送我出去。態度非常之好。支持小店。

最近由朋友帶路，繼續發掘下還未去過的地區覓食。炭樂Tanraku 位於土瓜灣，是一間居酒屋。店不算很大間，所以如果想一大班朋友聚餐可以先打電話Book位。這店的logo有隻貓頭鷹，連同用餐的杯碟也是貓頭鷹🦉來的呢。要注意串燒需2串起，除了附有＊的項目才可以單點一串。🍢黑豚荔枝卷 (HKD 64/2串)燒過的豚肉有種甘香，包著多汁的荔枝，酸酸甜甜的很吸引。🍢燒日本蠔 (HKD 174/3串)蠔都幾大一隻。吃落帶有海水的鹹香。🍢燒豆腐 (HKD 34/2串)外脆內嫩的豆腐，要小心很燙口呢。🍢燒秋葵 (HKD 76/4串)表面乾身，少了點草青味道，內裡還是軟身且黏的。🍢厚切牛舌 (HKD 395/5串)肉質軟腍爽口，不用太費勁就能咬開。這種厚度也能燒到剛剛好，十分 juicy。🍢鐵板和風牛舌心 (HKD 89)這款不是在主餐牌內，是每日限定。相對下比較喜歡厚切牛舌，薄切的牛舌心吃落有點像肥牛。但鐵板上確實是很香很惹味。🧀燒芝士年糕 (HKD 104/4件)是塗上醬油燒再包紫菜，這種吃法比炸的更吸引。外層燒得香口，裏面則是煙煙韌韌。🦐炸河蝦 (HKD 79)很酥脆，用來送酒應該很不錯!?🍝炒烏

屋企人住喺呢區 所以就係呢邊搵下有咩地方有串燒食呢度地方唔係好大 但坐位都算多 仲有間房添 問過職員 房間嘅min charge都唔貴 下次再嚟可以訂間房 坐得舒服啲燒明太子炸池魚仔燒雞泡魚干燒銀杏金菇肥牛卷 炸河蝦清酒煮花甲燒牛肉飯菠蘿雪芭柚子雪芭食物味道唔錯 職員服務都好好 好有心同快手

話呢間係一間‘貓頭鷹’餐廳一啲都冇錯，四周圍都係貓頭鷹嘅擺設裝飾，連用嘅杯碟都係有貓頭鷹。已經唔係第一次黎食，但每次黎都係*必食*厚燒牛舌牛舌燒到啱啱好，一啲都唔韌，雖然頭果一塊有小小燒焦咗小小，但都唔係太影響口感。串燒加咗鹽同黑胡椒，同加咗小小檸檬汁，食完成口都係牛舌嘅油香，但又唔覺得好膩。荔枝豚肉荔枝豚肉係另一個必食嘅串燒，呢款都只係咗小小鹽去燒，配合豚肉外脆鹹香、荔枝香甜多汁，呢個組合一流！之前都有試過士多啤梨豚肉其他生果嘅組合，但始終都係覺得荔枝豚肉呢個組合最好！叫呢款係要兩串起跳嘅。佢介有個推介係燒白鱔，今次就第一次食。串白鱔基本上都係外脆內軟，冇配汁嘅。可能事前冇醃製過，食得出魚有小小淡水魚果種泥水味。我自己就應該唔會再叫啦！今次仲試咗燒鱈魚，呢個燒鱈魚個皮都有小小脆脆地，個燒汁唔係偏甜果種，食落口感冇咩特別，不過不失咁。本身係想食之前午市食過嘅牛扒/牛肉飯嘅，但原來晚市嘅牛扒係單點嘅冇配飯，只好單點咗個牛扒。唔知係記錯上次係叫牛扒定牛肉，反正對今次嘅牛扒有小小失望。最後仲叫咗兩個燒飯團🍙。一個係木魚，一個係明太子。本身想叫個白飯配牛扒食嘅，但個牛扒有小小失望嘅情況下，改叫

本來見呢間舖門面幾靚，所以去左試下，入到去裝修真係充滿日式感覺，但揭開menu已經見到串燒價錢較貴，不過諗住一場黎到都試下，叫左個烏冬同埋幾串串燒。點知叫完之後過左一陣，落單既員工走埋黎同我地講，話串燒每樣野都一定要叫兩串，如果唔係唔整，嗰陣已經o嘴，所以焗住每樣加多左1串，淨係雞軟骨4串都要百幾蚊，真係超級唔抵lol。之後等上菜等左好耐，終於黎到既時候，烏冬用左好大個碗裝，但係入面得好少份量既野，最後兩個人食左差唔多700但完全唔飽，亦都非常唔抵，以後都唔會再去呢間：）

土瓜灣雖然係舊區，但其實係一個隱藏左好多美食既地方，今次就去左間串燒店店內無論擺設，餐具全部都係🦉，相信老細一定係🦉fans清酒平時house wine就叫得多，今次叫左瓶house sake, 口味偏向甘口，易入口，幾好飲椰菜青瓜紅蘿蔔個蔬菜係送的，點上味噌一齊食，更能帶出蔬菜既鮮甜燒鰻魚鰻魚肥美實淨，搽上蒲燒鰻魚汁，燒得好香好食燒冬菇冬菇撒上少少鹽，燒得唔太乾又唔太濕，不錯厚切牛舌牛舌夠腍，燒到微微燶邊，好香口豚肉荔枝卷呢個好有驚喜，豚肉油脂較多，荔枝清甜，荔枝既清甜正好解左豚肉既油膩，好夾好好食燒雞泡魚乾雞泡魚乾係飲酒必備既佐酒小食，搽上少少蜜糖，燒得又香又好味，食完一條又一條，咬到個口都攰😂薄燒牛肉卷牛肉燒到5成熟，入面卷住香蔥同蒜頭，外面燒到微燶，唔洗點個汁都好夠味燒迷你紫薯紫薯燒完後更加帶出佢既甜味，入面軟淋淋的，可以當埋甜品食雞肉丸雞肉丸好惹味，入面仲有雞軟骨，好有咬口豚肉帶子卷帶子燒得岩岩好，再卷上豚肉，都好食，但我覺得就無豚肉荔枝咁夾咁有驚喜呢度既串燒大部份都要最少叫2串，只有打星的才可叫1串，為食既我總係想試多d唔同既串燒，2串2串咁食，好快就飽了，感覺上有少少唔靈

土瓜灣這條街有很多美食但居酒屋不多於是見到有就即刻入去環境就此是家庭式經營的小店叫了一個咖喱牛肉烏冬$90，用一個大碗裝以為很有驚喜但入面只有很少烏冬。其實$90在濤哥還算是貴吧，如果稍為落多一個活動感覺會更值。.還有一個飛魚子沙律，本身以為有少少親愛的原來就只有飛魚子。.番薯天婦羅就炸得挺不錯。.牛仔骨好un。.總括而言味道算是合格的不過個人覺得比較貴。

今晚同左男朋友嚟到土瓜灣呢間日本餐廳度慶祝佢最後一個單身嘅生日🎂佢嘅嘢食真係好好味而且全間餐廳都係用咗貓頭鷹嘅杯碟同埋裝修🦉所以都幾特別厚燒玉子🍳呢度嘅厚燒玉子燒起咗之後仲會用甜甜的醬汁搽上面再燒好好味雞泡魚乾係送酒一流嘅小食燒明太子又係一個送酒嘅小食充滿鹹香喜之次一夜干🐟我哋叫咗半條喜之次一夜干燒得皮脆肉嫩仲叫咗好多嘅串燒其中好驚喜嘅有豬肉荔枝卷佢係用一層好似Bacon咁嘅豬肉包住荔枝所以食落好清新厚切牛舌芯🐮十分之爽口汁燒牛肋肉牛肉好嫩好有牛味最後當然要叫返我哋鍾意食嘅燒飯團🍙入面仲係明太子添

話說今晚OT，收工同同事去咗土瓜灣，睇吓有冇食，見到呢間餐廳仲未關門就入去食試吓😬我哋兩個人冇嗌好多嘢，叫咗一個蟹子沙律，一個鰻魚串燒鰻魚好多汁好新鮮，一串燒牛肉保留到肉汁鮮美一啲都唔覺得老或者燒乾，仲有一個滑蛋豬扒飯滑蛋汁好味😬

今晚餓爆他了，等到我成九點先有晚餐吃，我要尉勞番佢，滿足一下食日夲野。今晚都夜不食太飽、就只點了，牛肉飯，牛肉烏冬加燒鰻魚先講燒鰻魚，魚身厚切淡淡肉，我最喜呢種質感，好好味啊盛放牛肉烏冬的碗是非常大，內裏的烏冬算幼身幾啱朋友口味我個牛肉飯味道還可以再濃一點吖不過唔講唔知原來此店舖是沒有壽司刺身的，如果是為着此樣而來的那就要考慮一下了不過一入店舖內的感覺都幾特別還有VIP房可以供給私人聚會，那就不會嘈吵另外最欣賞是用貓頭鷹的餐具很可愛呢

而家搬咗去土瓜灣，同老公兩個人好少煮飯，就喺附近睇吓有咩食，經過過呢間餐廳幾次，但門口冇餐牌又好神秘咁，關埋門，好似好高檔同唔憂做咁就上openrice 睇吓食評，原來價錢都唔係貴，同埋評語都好好，咁我哋就一於嚟試吓！我哋差唔多九點去食，都爆曬棚，樓面有兩位女士，應該係老闆，佢哋都好細心，見我大左肚就叫我唔好坐高椅，留低我電話，有位再叫我返去。餐廳都幾細，枱同枱之間都好逼，見其他客都係叫串燒多，但我同老公一人叫一個飯就算啦，夠飽肚老公叫左日式咖哩牛肉飯，好食我就叫咗個鰻魚飯，$138，有兩大片鰻魚，用日式便當盒，幾精緻，配埋甜甜地既鰻魚燒汁，我好快就成個清哂食飽即閃，埋單兩人$250，下次再黎試串燒！都好吸引！

炭樂隱身喺土瓜灣北帝街分左中午場同夜晚場三點打後黎就食唔到lunch啦試過兩點幾黎 已經唔比入所以大家要注意時間喔menu上全部都係定食今次揀左滑蛋雞肉定食定食包括前菜 有時係豆腐 有時係沙律仲有漬物、麵豉湯同一碗飯份量好大 有一大碟滑蛋雞肉一個人食其實有機會食唔哂但非常好味店內有大量貓頭鷹擺設連客人喝茶嘅都係貓頭鷹非常可愛侍應姐姐服務態度非常親切會不停為你加水食完定食仲會送雪糕糯米糍每次離開更會親自到門口為你拉門呢

之前去二次都唔成功 😭今次母親節竟然比我地有位可以食到👩🏻❤️座位唔算多 所以好容易滿座選擇都算多 有串燒炸物前菜麵同鰻魚飯😍😍所有串燒都好到位有8分個雞泡魚干超級正唯一挑剔嘅系雞皮唔夠香口 如果再well done 就正鍾意去呢啲小舖 老闆娘會埋枱同啲客人吹水又會哄我bb玩下 下次一定會再encore

港人鄉下的味道“聽讚不如回味”對於炭樂“聽別人說的好吃和好評，遠遠比不上親身吃過後的回味。”朋友介紹這間隱世於土瓜灣的日本餐廳，又令我找到了‘港人鄉下’的味道；入到了店內，充滿了香港的熱情，同時店內風氣和食物的味道讓我感覺直接身在‘鄉下’日本。 一邊欣賞廚師燒食物的過程，一邊思考這篇文章如何編寫；看見廚師對每一件食品的要求，忍耐著串燒進攻我的嗅覺，見到又未能吃到在煎熬！可能我的文彩欠佳，沒有太多食評們的詞彙來形容和讚賞炭樂師父出品的食物，只能用簡單一句來形容“他們對食品的要求，就是鄉下“大師級”的專業，讓我感受到鄉下的味道。

其實之前黎過一次，特然掛住佢就再去多次鋪頭唔係好顯眼，入到去唔使等位，成間鋪頭都係貓頭鷹🦉I like it 店員好好咁換左張4人枱俾我兩個人，咁我叫多啲野食都唔怕擺唔到燒多春魚，燒得好香，唔會太咸，味道岩岩好仲要熱辣辣燒芝士年糕，上面有片咸紫菜，個人覺得唔太夾，結果分開黎食，又係熱辣辣真係好鬼正原本仲叫咗個燒大蜆，最後跟店員推介要左酒煮大蜆，隻隻蜆個匙羹一樣咁大好肥好甜蒜香牛肉勁香蒜味牛肉燒得岩岩好，如果唔鐘意蒜頭果種辣可以試其他味我自己個人好鍾意串燒蘆筍鍾意食蔬菜既不仿考慮，蘆筍新鮮又甜燒雞軟骨呢個推薦真係燒得好香燒完出嚟又唔會乾爭爭軟硬適中我同我老闆都話正燒榮螺上次都有食，師傅去左腸，一吉就食得燒雞皮雞皮真係要食少少先得好食燒到成塊脆卜卜又唔會肥淋淋呢個都要試燒大蝦🍤隻大蝦勁多膏燒到有少少焦，勁香好冇儀態咁食完隻蝦之後店員亦都好細心遞咗一包濕紙巾俾我地鵝肝釀雞翼我自己個人食咗一隻到第二隻嘅時候有少少膩，但係佢一啲都唔孤寒鵝肝嘅份量都好足成隻脹卜卜建議一人一隻就好啦燒元貝～我老闆一個人食哂我咬左一淡好香牛油味整體係滿意架最後買單嘅時候有雪糕糯米糍成餐好滿足