桃源島 (Closed)

早兩日女朋友話唔舒服陪佢去左桃源島度飲粥叫咗兩份菜乾豬骨粥好綿，有好多料，菜亁同豬骨都好好味個顏色好靚，端出黎嘅時候就聞到好香嘅豬骨味啦而且都是熱辣辣嘅我女友話佢最鍾意就是食呢度既菜乾豬骨粥啦因為佢都唔中意食嘅之後仲叫咗份豬扒米線 番茄湯底好鍾意個味道好開胃

2009年03月08日太座婦女節約了老同學，在這陰霾早晨獨自覓食。對美心靚粥無信心，便到這店一試菜乾豬骨粥。(週六、日供應)五分鐘後粥到：色：賣相對辦，偏綠色，豐滿圓潤的米花，還有菜乾片片，大大件豬骨。香：飄來陣陣清新的菜乾香味味：粥底糯滑，菜乾清甜，肉排帶鹹香這鍋粥可和堂記、新得發比試。好高興在小西灣，找到我碗菜乾豬骨粥。何時何日在這小區，找到我碗生滾粥呢？

食完KFC唔夠....即刻再入黎桃源島再食.....叫左個下午茶餐，醬汁豬扒米線 配蕃茄湯底 $22加一杯荔枝綠茶呢個年頭，呢個價錢真係算係咁....好似4年來都冇加過價了，反通脹一例吧~個米線唔錯，蕃茄湯底第一次試，味道不錯，值得再試~豬扒好淋，好易入口同咬開~杯荔枝綠茶都好好味，仲有o者o里粒o係底，由冇口感既飲品變成有口感~環境好好，望海，又唔太多人，可以坐耐d~有千秋櫈坐，夜晚黎應該幾浪漫~其餘d梳化櫈都坐得好舒服~

上星期打8號風球, 我地一家大細冒住大風大雨都黎藍灣食早餐, 因為老公一句: "不如睇住白頭浪食早餐囉?" 咁就走入桃源島喇~雖然因為打風, 連百佳同ok都冇麵包賣, 所以佢地都冇晒麵包供應, 但係侍應仍然好努力咁滿足我地d客的要求, 盡量諗辦法供應麵包比我地, 真係幾好, 好抵讚!!我叫左個香茅雞肉撈檬, 個汁味精好重手, 搞到我飲埋杯凍奶茶, 都仲要買多枝茶黎飲!不過, 老公叫左個腸蛋麵都ok, 一般喇~

成日lai食野, 因為抵食~都係嗌小窩米線, 肉燥茄子飯, 撈麵~食過好食, 就唔想轉~ 有次下午茶, 見到有粉麵可以揀湯底, 見到蕃茄湯底就開胃~嗌左個豬扒米線 蕃茄湯底~開胃到不得了~不過塊豬扒就冇剪開, 食o個陣比較麻煩~所以之後都唔嗌豬扒, 嗌小排骨~

冇野好食去左食 < 桃源島 >...點知..越黎越唔得呀!好開心見佢有個新出的番茄湯底..點知原來所謂的番茄湯底就是係上面比D番 茄汁你..個鳳爪又加左價 $23 ...真係好辣呀 ......

同個fd 黎dinner, 坐係佢d好似秋遷既登...係我第一次坐, 好怕撞到後面o個個~~佢叫左個set 我就叫左杯野飲香芋珍珠, 嘩 味道好香, 好濃好好飲. 可憎就少左d珍珠個fd個set dinner 都唔錯都係要講多次 個香芋珍珠 店呀!!!不過 d waiter 成日睇唔到我地.. 我覺得service唔好

唔知係咪因為我食早餐的關係, 覺得... 味道冇乜好唔好o既, 扎肉米線, 加個炒蛋... 凍奶茶; 叫極都冇人黎落單; 個餐牌明明寫住話$0 的餐飲任選, 點知個侍應姊姊唔多好相與咁講"只可以揀呢d", 用枝筆尾黎指果埋奶茶咖啡... , 唉~拿野食黎時, 二話不說, 放底就走, 好似我好阻佢地傾計咁...乜我真係好阻佢地咩?? 當時冇乜客架咋噃, 加埋都唔夠五張枱有客...

約左4點打波,又唔想係柴灣食野,於是早d入藍灣搵野食.二個人,點左:-酸辣雞米線餐+珍珠奶茶---$29醬汁雞扒飯---$29油菜---跟餐$7炸貢肉根--$15味道呢,就真係普通.珍珠奶茶偏甜.份量都幾多2個人好夠食.不過下次可以唔使加油菜,因為得幾條.插曲-有個客帶左架單車入黎搵位.女同事主動安排佢拎架單車入店內安置好.又同食客有講有笑.今時今日要有咁o既態度先得傢.

$88一個海鮮/肥牛火鍋,我要了海鮮火鍋,其實個火鍋都有好多料的..每樣有d..海鮮都好新鮮(但今日差左小小)我最中意叫佢個花其心蕃茄湯底.比較特別同埋又可以食紅薯粉,我最愛!!今次仲叫左個水較$15.但比較厚皮.好像煮好耐都唔煮咁.其實都幾好的.有時同男朋友2個人想火鍋.但出去任食2個人又唔食得多..這裡平平地都幾好.又唔洗加一,茶水錢,又可每樣食d!!

前幾天和男友在藍灣找晚餐，見到這間有米線吃便入去la~(我是第一次來~)見到餐牌有88元的火鍋，計上去和吃個晚餐差不多，我又愛吃火鍋，那便試試看la~叫了個肥牛火鍋，等了差不多半小時才來ar，9點la....好彩我地有nds姐...... D 食物...火鍋有魚...我都是第一次吃...好難吃...好腥...好多骨...D 丸...煮左好耐都好似唔熟咁...D 河粉...點解咁黑...咁硬ga...對住d 食物好無奈...唔好食...第一次食咁難食的火鍋......><唯一較好的，就是份量都ok，我好大食都剛剛好~ 服務方面，那些店員態度很差，舉手扮見唔到轉頭行...又好遠好大聲咁對話wow......期間我們還聽到粗口...... 總括黎講，好失望，我們不會再來光顧!!!因為見這間太差勁，所以上這個網看看，還做了會員，分享我餐這的感受~~ >.<

食左呢架野都好多次~ 佢既lunch set 好好,份量好, 不過水準呢, 就要睇下個師傅o個日個心情啦~佢肥牛卷+咖啡汁~ 好味!!!佢既竿香珍珠奶茶次次去都咁好飲~ 不過呢~珍珠就唔係次次都咁好~佢成日都好多人佢既火煱呢我就唔係咁欣賞啦~ 有dd貴~ dinner 都ok~ 唔差既~叫餸的話~

年初一至年初三都冇去街..年初四想靜靜地同低能c 渡過..所以就去藍灣行下順便醫下肚餓..依間都去過三四次, 可以話係藍灣既穩膽..因為佢d 環境都幾好, 又望到海.. 仲有鞦韆坐..雖然未坐過..=﹏="不過d 伙計始終係新仔, 單又唔落..仲俾隔離抬亞姐玩..亞姐問:「混醬係咩」個伙計諗左好耐又睇哂餐牌, 之後答..「咪d醬混埋一齊囉」...亞姐又問...「點解熱飲加兩蚊, 凍飲唔駛加」...之後靜哂...=﹏="...講左太多無聊野, 講番正題..原先諗著同低能c 叫個餐share 食..點知低能c 埋門一腳發難, 叫左3 個餐..1. 台式小鍋米線一直都唔知..原來台式小鍋米線係咁..根本就係混醬, 一面茄醬一面五香肉丁..送多舊檸檬..味道一般, 新年俾16蚊, 我算!2. 豆沙餅皮仲厚過煎堆! 同低能c 一人兩件, 飽哂!3. 炸芋球低能d 不嬲唔鐘意食芋頭or 薯蓉..不過今餐, 反而係最可取果樣..同埋個汁點落又okay, 唯一滿意之作..

8月18日10:15因要輪班照顧母親，祇好獨自在這裡吃早餐。要了皮蛋肉碎粥和鹵肉撈麵。皮蛋肉碎粥：粥底不綿不香，肉碎如了隔夜的蒸肉餅，皮蛋實實的。鹵肉撈麵：白素麵，我喜歡；碎鹵肉入味，整體是我碗麵。臺式清粥不是我碗粥，奈何"金百合"後繼無人，又懶走到富景。藍灣的粥全試過了- 南瓜粥、味皇粥，..北方館子的皮蛋瘦肉粥，可惜全都不是我碗粥。

特飲超正!Very Cheap!!!