桃源島 (Closed)

尋晚一家人出街食飯，諗住食哂台灣野就算，點之望望餐紙，原來新推出了毛家菜，即係湘菜。咁當然要試o下啦！我叫了苗族水煮魚，少少辡，用一隻鑊仔盛上，魚塊似是賣淨的炸石班，因為舊舊都有骨。幸好餸汁多，撈飯一流，兼且色澤豐富而且好大份，成家人食都夠。題外話，屋企人叫了個大蒜牛月展煲，大家樂貨色而矣。

我去過果度好幾次..但一次比一次難食!我係鍾意佢果個撈面,d 酸辣醬但我近排去果2次真係....叫左個糖醋小排骨撈面d排骨真係好難食呀....好"鞋", 又乾...我妹妹杯野飲...好驚呀杯白色ge野飲..杯裡竟然好多黑色野...好明顯係未洗乾淨......d service....真係差d waiter 好似快閃黨咁...拿着成盤dirty碗碟走黎走去...想落order都搵唔到人又成日打爛野我黎食野姐好似去左戰場咁我以後都唔會再去!!!!!!!!!

前幾日去左呢度食晚飯, 叫左麻辣火鍋, 之前都黎過食, 個湯底都OK, 真係好麻辣, 最鍾意食薯粉, 好正!!今次坐韆鞦凳, 搖下搖下好得意, 仲有個大海景送飯添!!

小西灣真係冇乜野食，如果講打邊爐呢間叫做最抵~約120-140就有個4人既火煱，有肥牛或海鮮俾你揀~4個人食都叫做幾飽ga!我食過海鮮個款，每人有兩隻蝦，仲識郁，真係新鮮!又有自家打既魚肉，貝類，丸，菜，栗米，蟹柳，豬皮，九肚魚....唔夠飽，仲有d粉墊底~如果再叫其他野食都只係約10蚊碟~唔打邊爐都仲有其他台式粉麵選擇，味道都唔差~價錢好大眾化~提醒大家，夜晚時段好多人食，要去既就要早d拎位喇!

在小西灣這個地方，食一餐好飯實在是一件難事，貴已經算啦！最慘係難食，真係貼錢買爛受。不過無論如何，民以食為先，始終要搵地方祭祭五臟廟。所以今次就選擇這間桃源島，貪個名夠得意。成間餐廳其實都幾大，除了四人同六人卡位外，亦有幾張吊椅，不過職員認為我們人數太少，所以唔多想我們坐吊椅，只安排我們四人坐卡位。由於對台式食物不太熟悉，所以大家便選了火鍋作今晚晚飯，湯底有豬骨、藥材、沙嗲、麻辡等，而配料則有海鮮及肥牛鍋可供選擇，我們點了過海鮮鍋配沙嗲及豬骨湯底，由於材料是即叫即整，所以需要一些時間讓師傅執料。海鮮鍋材料包括：海蝦(真係會郁)、帶子、菇、生菜、魚蛋、鯇魚片等，夠哂足料、唔夠飽，食埋伴碟的薯粉，包飽。而且還可以再叫多幾碟配料，試問又點會唔夠飽。在所有配料中，強烈推介手打魚蛋，夠唒足料彈牙，而且其用料都夠新鮮，唔似得一哥果o的雪貨。遺憾的是成個套餐唔包飲品，不過你可以問佢要清水解喝，如果唔怕油膩，試試沙嗲湯或豬骨湯也可。埋單時$128，我們四個人除開都只是32蚊，抵過對面一哥多多聲。而家o係小西灣打邊爐唔駛搵一哥啦！

呢度以前都食過，台灣野平平地，加上有大海景送飯，印象都唔差。今日同老婆去游水前在這裡醫肚，差不多兩點都有唔少人在等位，兩個人都要等上十分鐘左右至可以入座。幸運地坐在轉角位的二人檯，望著出面海濱長廊優閒的遊人，加上和曦的陽光，非常週日的感覺。叫了飯及麵套餐，分別是糖醋排骨飯及辣子雞酸辣米線，再加個桃源窩貼。糖醋排骨是很細件的雪藏排骨，糖醋汁又杰又深色，但完全不入味，還隱約吃得出雪味，唔係太掂；還以為什麼是辣子雞，原來是炸雞粒，雞粒是雞翼斬細件，有骨，加上炸漿浸了湯，形成一層曖昧半透明的一層，吃了少少雞肉，不甚辣，亦不見佳處，也不知為什麼會叫辣子雞；酸辣湯底只辣不酸，亦很多油，油不是辣椒油，不知從何處來，所以連湯也少碰；窩貼只是炸餃子，內裡頗多油，如果喜歡吃香口野的應不會討厭，但以吃窩貼的心情去吃就覺得一般了。連兩杯珍珠奶茶，埋單66 蚊，唔算貴，但今次吃到的幾款食物，品質只一般。

星期日下午三個人去左桃源島食下午茶,o的價錢幾平,18蚊就有一碗麵同埋台式飲品~我就試左麻辣雞肉米線同埋珍珠奶茶,碗米線都幾大碗同埋味道都唔差,起碼唔辣,夠一個女仔當午餐,而柸珍珠奶茶都幾大柸喎,又有奶茶味~.~ 最特別o既係有個韆鞦位,我可以一路食一路搖,幾正btw,而家藍灣海傍有好多臨時攤檔,好多野賣同埋價錢都幾平,大家得閒去逛逛啦 (我都有份賣野嫁)

超平，整個藍灣最平，二十零蚊吃一個午餐，幾好，所以好多學生來光顧。台灣嘢都幾有水準。

我姑姐上次親身經歷:見到佢地攪咖啡D匙吾你好CLEAN. 於是要求換. 點知親眼見到佢地拿剛剛收回別的客人用完個枝. 嚇到我就算咁平都吾敢去食.

HK$10.-早餐=奶油包(或各式果醬)+飲品(當然有我至愛-熱齋啡)是不是超抵食?但我喜歡加"尖椒肉碎"湯米(另加HK$5)，幾惹味。我最欣賞付出一丁點,它給我一個寧靜的環境吃早餐。嘩！還有海景注意:1.早上8:00開舖，太早冇得食。2.早餐時段亦有人帶位，但建議自行選擇。

九號風球高掛，度度都唔去得，落商場搵食，唔去美心同老麥，選擇得番兩間，結果去左呢度，見佢有幾多野食。叫左個肥牛雜錦窩，要麻辣湯底，再叫左碟鵝腸同生根。麻辣湯底麻麻地夠辣，又唔係好麻，但都算係咁；肥牛又麻麻地夠肥，淥起仲有D韌tim，可能始終價錢唔貴，將貨就價的關係，但份量是足夠的；鵝腸唔錯，生根亦唔「益」；墊底的蔬菜賣相麻麻，可能因為打風天，搵唔倒搊菜。埋單一百多，如果係平日就唔收貨，鑑於打風關係未必搵倒好材料，算係咁啦！

It costs only $25 for a set of 台式noodle or rice + a cup of 珍珠奶茶. The price is reasonable and the environment is quite good. But the service is only so so. Their tea set is also very cheap, only $10.

剛剛有兩間食肆執左，話咁快又有新開張的。走平價路線的台式食品一向有市場，呢度下午仲推出10蚊碗粉、麵、米線，加埋杯珍珠奶茶都只係多5蚊，真係幾平。<br />叫了炆冬菇米線，冬菇都煮得入味；珍珠奶茶亦不俗，十零蚊貨仔算係咁。<br />店內仲有個韆鞦樣子的座位，幾得意幾有噱頭，好受後生仔女歡迎。營業至午夜12點，看來隔離杏花樓遇上勁敵了。<br />