淘園火鍋館

Open Now

Now Closed

又去打邊爐啦 朋友試過佢地個湯底話好正 淨係湯底都好足料 不過地點就遠啲 係柯士甸附近 係佐敦行1mins 為左食好野都唔緊要 呢條街原來好多火鍋店 呢間比較熱鬧 淨係湯底都過10款 老板娘就介紹左 冬陰功海鮮湯底 可以當然冬陰功湯飲 甘特別 一於就揀佢 平時出面食慣雞煲黃油雞藥膳雞 冬陰功打邊爐真係未試過等左陣 終於上枱 用料真係十足 有大量既蝦蟹蜆菇 真心就甘叫湯底加個烏然就已經足夠 佢既冬陰功岩我口味 唔會太辣又唔會淨得椰奶味 淨飲都得 好值得一試甘好既湯底 一定要配炸魚皮 淋2s就岩岩好 掛曬啲冬陰功 脆卜卜 另外想講係肥牛 雖然我地無叫貴牛 普通肥牛都唔錯 重牛味 唔知係咪自家手切 我覺得比較厚身 唔錯唔錯 唔會薄到透光 都唔知自己食緊乜

冬天梗係最岩成班friend打邊爐，呢晚我哋一行四人去到淘園火鍋店食火鍋。打邊爐最緊要係個湯底，因為有人吾食辣，所以叫咗老少咸宜嘅蕃茄大眼雞湯底。入面好足料，有粟米，蕃茄，薯仔及煎香咗嘅大眼雞。打邊爐之前飲一啖，有一種魚嘅鮮味，忍吾住飲多兩碗。我哋叫咗好多唔同嘅配料，有本地新鮮手切肥牛，白鱔片，潮州三寶丸，西洋菜，娃娃菜，及一個小食薑蔥撈魚皮。最深刻印象就係本地新鮮手切肥牛，每一片肥牛嘅雪花紋理都好靚，紅白相間，食落口有一種爆汁嘅感覺，juicy美味。而且鍾意呢度環境夠大，四個人坐一大張圓枱，好舒服。

同朋友去佐敦打完波搵嘢食，就搵咗間叫做淘園火鍋店，點解會比佢吸引到呢，因為見到佢嘅門面似係一啲比較老式嘅火鍋店所以入去試試，加上佢側鋪有一列魚缸，應該有新鮮魚食，所以試試。而家疫情嚴重，所以好多食肆都好少客人，我地坐底都有包場嘅感覺，希望疫情快過，香港回復昔日嘅熱鬧。鍋底方面，叫左個蝴蝶腩湯底，貪佢有牛肉唔駛另外叫，因為兩個人唔食得多嘢，牛腩份量多，食到尾都仲有好多，可見份量足夠。小食叫左炸墨魚膠，超級好食，新鮮爽口又彈牙。手打芝士牛丸用料十足，芝士爆醬，混合手打牛丸夠哂彈牙。雜錦餃子可以試勻幾隻口味，其中沙葛木耳好特別，一試難忘。整體食物用料新鮮，同伴都好滿意，結賬時同老闆傾開原來先知佢係附近街市出生，呢間鋪都超過十年，所以唔怪之得食材用料都好高質。

打邊爐一路都係香港人最愛， 雖然受到疫情影響， 火鍋店人流明顯減少， 但仍然無阻我想打邊爐既心。呢間火鍋店位於佐敦， 近柯士甸站， 晚上七點到人流比較少。火鍋店格局比較傳統， 比較港式地道感覺。鍾意食辣嘅我揀咗四川麻辣 鴛鴦鍋， 最估唔到呢度會有正宗嘅四川麻辣鍋。 店員直頭將麻辣磚 送到我手上， 畀我自己調較難度。 呢啲麻辣磚係四川直送， 完全感受到火鍋店嘅用心。最欣賞呢度嘅炸魚皮同埋炸響鈴， 好大原因係因為即炸！😍 香口得嚟又唔太油， 配搭正宗四川麻辣湯底， 簡直係天堂級美食。

估唔到佐敦會有間咁正既火鍋餐廳一入到去見餐牌就知呢間火鍋店食既野都講質素 見其他人會有叫新鮮生猛既魚入廚房我都馬上叫個鍋食先店員就推介叫個雞煲好多人會加蓮藕同蘿蔔落去炒我地一於就試下加，結果系好正 但系就整個雞煲偏咸 可能落料太重手不過味道放面系香同埋正既開頭一炒出黎就好有獲氣好香到到食到差唔多就加水變火鍋肥牛性價比真系好過高 肉質又耐又滑唔會似一般火鍋叫乾爭爭個種肥牛脆肉魚腩片新鮮又好食 魚既鮮味配埋佢既配料等等黎食好野味最值得一提系響鈴！！！系好有誠意自制既響鈴 即叫即卷即炸 入面仲有塊紫菜又香又脆就咁食又得 落火鍋幾秒拎起黎食又得豬頸肉就一般般 比較厚身同埋味道單薄水晶粉煮落口感q彈 又入味 將火鍋精華吸哂！呢間高質既火鍋店大家有機會一定要試！

 冬天火鍋癮大起，約埋屋企人圍爐取暖，烚下烚下。朋友介紹我嚟到位於佐敦偉晴街嘅淘園火鍋店，呢度坐位闊落，而且食物質素唔錯，食得開心。鍋底選擇好多，我哋揀咗清新健康嘅蕃茄大眼雞，因為最近食得多油膩嘢，想清清地，魚湯又夠鮮甜。配料揀咗本地新鮮手切肥牛，果然唔同啲，牛肉味爆燈，肉質又夠嫩滑，回味無窮。鱔片肉質肥美，好新鮮，令人忍不住一片接一片甘食。小食叫咗薑蔥撈魚皮，呢味菜式係香港餐廳已經好少機會食到，好耐冇食過，終於畀我搵到，魚皮爽脆，薑蔥調味夠曬香。

朋友約打邊邊 🥘然後話雞煲好食 🐔於是就俾佢捉咗去 😂好在真係無俾佢坤我 🤔除咗雞煲連火鍋都好食 😋因為瓜過敏所以走辣走麻 🙅🏻‍♀️不過本身雞煲配料足好惹味 👍🏼除咗芫荽洋蔥仲有秀珍菇木耳 🧅雞肉嫩滑彈牙入味而且多肉少骨 🦴作為食肉獸嘅瓜表示份量非常滿意 🤡閨蜜想食魷魚鬚而我就想試墨魚春卷 🦑店員聽到即刻表示加五蚊就可以叫雙拼 👏🏻成件事真係超級抵因為原來兩樣都好好食 🥰魷魚鬚外皮唔厚粉鬆脆再加海鮮嘅鮮甜彈牙 😍加上同樣好彈牙嘅墨魚春卷滿足晒我哋嘅願望 😚食完雞煲就打邊邊我哋想簡單清新啲就叫咗清湯 🍲佢主要係用芹菜粟米同蕃茄煲成清澈又濃郁嘅湯底 🌽為咗扮健康我哋叫咗皇帝菜同西洋菜仲有必叫牛頸脊 🐮然後閨蜜第一次食牛頸脊表示脂肪分布均勻好食到唔夠 🤭原本一早話九成飽嘅佢竟然同我食咗大半碟小份皇牌頸脊 🤣可以嘅話希望下次過嚟食多啲唔同嘅嘢同埋喪食唔同嘅牛肉 🥩因為其實叫咗其中一種佢仲有肥牛牛展牛粒牛脷同少見嘅胸尖 😯不過見佢其實仲有小菜而見到其他人叫嘅廚房出品非常令人期待 🤤

食生日飯，約十二人有房坐...食物新鮮！味道不錯！冷氣夠！開左兩個爐...十分推薦牛肉，超好味！飲品選擇算多...醬料都十分齊全...價錢唔貴，食物質數高！打邊爐傾計呢間幾好，會有下次再黎！

說好的半價大部份揀嘅嘢都冇，happy Friday 都唔算多人還有空檯呢！只有鍋底係半價，叫左個花甲水蟹鍋鍋底，份量好少，一只水蟹（水蟹出名細只）- 呢個鍋名過於實！呢晚都係以牛為主，叫左：1. 特級本地手切- 貴就貴D，見巨上面鋪左金箔就知有幾矜貴，果然盛惠$320，牛味好好，好甘.不過大部分都片得好細好碎2. 手切片頸脊-比起特級的就差少少，但係都唔錯3. 海蝦：個樣好新鮮，但有一只霉左，話俾店員知她說幫我換，但後來就無左件事4. 芝麻黃金脆淮山：炸起要即食，多人食好D，因為好heavy. 食唔到淮山嘅人要注意舌頭會「痕」整體來說：牛可以，其他就覺得好麻麻，環境都好麻麻（我坐正廚房門口位）

路經此地，入咗去一間好耐以前朋友介紹的打邊爐，所有食材非常之新鮮龍蝦刺身上枱時，龍蝦頭還是會動的。當食完刺身後，我們把龍蝦頭放到火鍋內，非常之有鮮味。火鍋湯底方面用料十足，有花膠螺頭等，數量都不少。相比之下牛肉比較出色失色。唯一的問題我見到店內職員，在廚房內不停抽煙，嚴重影響食物衛生😩😩

一埋位就即刻叫左個黃金炸淮山先！！！推介推介👍🏼👍🏼👍🏼每一條淮山都比黃金包圍住！！！！！！好好味！完全令我對淮山改觀🤤因為即叫即炸，所以要等一陣☝🏼食左幾條先記得要影相😳😳😳花膠雞鍋都好足料👍🏼👍🏼👍🏼打邊爐之前都飲左碗先😳手切牛頸脊，好味好味！好有肉味👍🏼都係必叫首選😌豆苗好新鮮😌好味！花甲好大隻😍好鮮甜！豬白喉，係我第一次食！朋友話唔係道道都有，所以叫左嚟食！烚十幾秒就食得！唔係就會超un！食落口好爽👍🏼黑柏葉，就比較un😂本身好鐘意食魚，同埋好鐘意脆肉鯇，呢個好正，好有魚味，好新鮮！冰鎮秋葵，好爽口，但秋葵本身都無乜味😄其實仲叫左好多嘢，響鈴都係推介，但因為太快食曬所以無影🤣呢度嘅響鈴係即叫即炸，所以有朋友做咁食，好快清曬😳魚皮都好好食！又係好脆☺️總之記得叫黃金淮山啊！！！！！一啲都唔滑潺潺架！🤤

今日同屋企人食pre-birthday 飯，爸爸話想食呢間，一行9人book定左去食飯，本身諗緊食小菜定火鍋，最後都係決定食火鍋。牛肉刺身：睇落都覺得吸引，佢有洋蔥同醋配住食，好正～1份大既都係$288，而且唔係好多地方有得食，讚好👍🏻必食！欖角肉碎炒蓮藕：比較香口，少少辣，蓮藕爽口。花膠螺頭雞煲：淡湯好甜，飲左兩碗🤤雞件都好滑黃沙豬潤：爽口又香，很喜歡，不過唔好淥太耐，太耐就會變粉左。牛頸脊：肉淋香滑，而且幾厚切。西班牙黑毛豬：油香唔un~另外，有鮮淮山I like it ,木耳同竹笙都ok。大魚頭：差少少，唔夠新鮮～潮州魚蛋：爽甜彈牙，encore左～菜就叫左生菜、萵筍、娃娃菜，大大份同埋新鮮～刺身就叫左三文魚同希靈魚兩樣，希靈魚我就無食，因為本身唔喜歡，而三文魚就新鮮，但唔算肥，不過我就鍾意佢唔肥。😬整體都覺得幾唔錯，有好多唔同選擇，有小菜、火鍋、刺身，好適合一班人聚會。

Memi 又食好西丫～～ 今次去咗佐敦嘅陶園火鍋館食火鍋❤️❤️ 嗰度環境好大～由三四間店打通而成的～ 一坐底即刻叫左一個超大嘅雜錦刺身❤️ wa~見到又有龍蝦~牡丹蝦~欺靈魚～三文魚腩～赤背～帶子～貌相真係正到不得了呀✨✨好耐都冇食過龍蝦刺身啦🤤全部刺身都非常之新鮮，有水準💪🏻食完個刺身之後就叫咗一個南瓜龍蝦大蜆湯底火鍋💋隻龍蝦大大隻～跟住南瓜味又夠甜同龍蝦好match啊，我哋叫咗戈度最靚嘅牛肉（牛頸脊）超級好食入口即溶、再試埋佢嘅集雜錦餃子同埋雜錦丸味道都不錯～不過我略嫌雜錦丸入邊嘅棱魚肉有少少腥～如果怕食稜魚丸Ge. 你地可以試吓同老細講叫佢轉其他丸俾你（因為我係唔識棱魚啲)哈哈～跟住佢嗰個醉雞子真係一定要試❤️ 佢係一杯好濃烈嘅花雕杞子浸住嘅雞子✨ 採用嘅全部都係新鮮雞子🎊🎊唔係出邊嗰啲冰鮮啊👏🏻👏🏻食落去口感特別唔同，特別甜❤️呢餐飯直係超級滿足丫💕最後老細仲好好人咁樣送咗一個麻辣火鍋外賣包俾我拎返屋企😘哈哈咁我今個禮拜日就可以留係屋企打邊佬lu~

遲遲溜po的火鍋淘園。見fb好多人話好食。平日晚上專登行去較後的偉晴街試下。人客不多。只有6成左右。睇個餐牌價$好似吾太貴。冇乜食特別野。2人埋單都要成千蚊😨木瓜雞腳湯底。湯料頗多。味較淡。。本地牛肉質素一般。炸韮菜餃。皮太厚。普通。潮州魚旦。味道與口感也麻麻。。其他正常。吾似D人講到咁好。好普通的火鍋。冇特別。#火鍋 #hotpot

今日有個朋友喺U.S. 返嚟香港, 所以帶佢去食打邊爐。當然佢嗰邊都有啦，但係可能湯底呀或者啲配料呀，未必可以好似香港咁地道。今晚我哋係第一台人到，去到阿姐都主動咁樣問我哋要咩湯底呀，咩配料呀。我哋就叫咗湯底，都有個部長或者店長咁樣走過嚟就話推介下今日有啲乜嘢新鮮海鮮呀。我哋選擇咗之後，就叫咗啤酒，酸梅湯。酸梅湯幾好飲，濃味又唔會話好甜。 咁就今晚所有嘅食物都食得出好新鮮，食到咁上下呢亦都會主動同我哋換碟，清理下個枱面。我會推介大家食佢啲海鮮和鵝腸啦，同埋響鈴。因為我估應該係自己整㗎，就咁食都好脆，唔油膩。