淘園火鍋館

Open Now

Now Closed

天氣轉涼，又係時候打邊爐喇。今次去左佐敦淘園食足料火鍋。淘園豬骨湯鍋呢個湯底真係好足料，成舊豬骨放左落個鍋到，仲有胡麻，紅棗，粟米等各種配料。好味又養生。九肚魚平時椒鹽九肚魚就食得多，清煮又有冇試過？原來清煮既九肚魚係好嫩滑，連魚骨都可以食埋，啱哂好似筆者呢d 咁怕麻煩既人。金菇，生筋，手工麵值得一提既係手工麵，麵質唔太硬。當吸收左麵既精華之後又有另一番滋味。西洋菜，魚皮餃呢兩粒唔好以為係大魚蛋d Friend。其實係墨魚滑同蝦滑。墨魚滑真係幾爽滑彈牙，蝦滑就鮮嫩爽口。打邊爐食到熱辣辣，又點少得一支啤酒？食完野飲番杯啤酒，即刻透心涼～今次打邊爐價錢會偏貴少少，建議多d 人黎食，一來熱鬧d，二來多人食冇咁貴。

之前朋友介紹佐敦附近有間火鍋店，所以同屋企人一齊去。由佐敦地鐵站出發大約5分鐘路程，好容易搵。我哋六點鐘去到，未到食飯時間人數唔算太多，好快坐低左，而且火鍋店座位舒適寬敞。火鍋湯底選擇有好多，仲有花膠湯底，除咗海鮮同火鍋配料之外，仲有刺身。好快揀咗個湯底，鮮茄濃湯大眼雞，材料十足，除咗番茄仲有粟米，薯仔，菇等等，蕃茄味香濃之餘，而且有原條大眼雞，大眼雞肉質結實。見到有海鮮拼盤，而且價錢只係＄238，上枱嗰陣見到真係唔講得少，蟹肉鮮甜而且好多膏，哈大隻之餘仲好彈牙，脆鯇片同鱔片非常爽脆，鮑魚亦好有彈性。手切片頸脊，脂肪分佈平均，好有咬口，而且肉質嫩滑。手打四寶丸，有墨魚丸、鮮蝦丸、鯪魚丸同牛肉丸，十分爽口，而且味道適中。豬潤係黃沙豬膶，豬潤中嘅極品，而且大大片，食落口感結實。魚卜大大嚿，分量亦好多，食起來冇腥味。冰豆腐吸收左湯嘅精華味道一流，淮山口感清新，萵筍鮮嫩翠綠。自家製手工麵，麵質爽口彈牙，十分飽肚。以後如果打邊爐，淘園絕對係首選。

前個排轉左新工，舊同事話都無同我搞farewell，所以約左今晚一齊食飯，5,6個人，又凍冰冰咁，當然要去烚下烚下啦，所以就俾佢地帶左我去淘園火鍋刺身館了。我地收工都八點，都仲係人山人海，好彩都係等左一陣就有位，唔係就餓死寶寶了。呢度除左火鍋，仲有好多小食食架。椒鹽鷄軟骨竟然有鷄軟骨食，好耐無食過了，炸得酥脆，火侯同係大排檔食既非常相似。火鍋配料新鮮乾淨，但墨魚滑好鬼彈牙。肥牛脂肪分佈平均，切得夠薄。我地叫左花膠鷄煲翅鍋。花膠落足料，啲翅一梳一梳，真材實料醬汁配料都好多選擇同舊同事食飯傾到咁高興又烚得咁高興，當然要飲啦！

天氣一凍，成班朋友就結伴密密出動，今日跟朋友黎左呢間位於佐敦既淘園火鍋館到打個令邊爐先門口超多明星相，目光比永遠都咁型既浩南哥吸引住😂菜單款式超多，都算是應有儘有。而且湯底選擇勁多！投票表決後，最後決定選淘園花膠雞煲翅鍋淘園花膠雞煲翅鍋終於黎啦，一上桌就已經聞到好香雞煲翅既味道，侍應好細心咁叫我地要等佢滾幾分鐘先飲，一飲落去，超濃金華火眼腿味！而且花膠分量勁多，魚翅仲真係一梳梳咁，超足料，未打邊爐已經飲左四碗湯牛頸脊油溢分佈平均，牛味夠而且肉質嫩滑，超好食其他配料都十分干淨，新鮮。羊肉超好食，肉質滑到好似滑牛咁，但羊肉仍舊超級濃郁，大愛❤️

朋友推介話打邊爐一定要來呢間淘園佢話平靚正屋企人話涼涼地好想打邊爐咁就試下朋友推介啦湯底款式超多有辣有唔辣好多都好有特色添鮮茄濃湯大眼雞＄168平時最鐘意食媽咪煲嘅番茄薯仔魚湯養顏又滋補估唔到呢度有個魚湯湯底除左有成條大眼雞d配料仲好豐富啊！除左番茄同薯仔之外仲有雜菇同粟米等材料個魚湯湯底超好飲我前後飲左四碗聽講必食呢個海鮮拼盤（$238）好多海鮮啊！有蝦、鮑魚、魚片同糕蟹等等d蝦來到仲郁緊真係好生猛啊！仲要好大隻蟹有好多糕啊！大眼雞魚肉好實淨啊！唔會一夾就散開蜆好大粒好飽滿最緊要係全無沙食落好鮮甜黃沙豬膶＄39食落勁爽手切片牛頸脊＄228 （大）家人話牛味好夠食落肉質幾滑入口即溶自家製手工麵＄29食落有靭性鮮魚卜＄39估唔到咁好食好爽口！記得先篤穿魚卜先放落爐度淮山＄29新鮮淮山好好食鐘意粉d可以淥耐d凍豆腐＄29呢個好特別真係凍成冰粒咁比你聽講吸收力會好d淥完索曬d鮮味萵筍＄29呢個有獨特清新味道咬落爽口手打四寶丸＄98用料新鮮d料真係好靚食落特別彈牙家人話牛丸入面有芝士話好好食都幾用心wor呢間淘園真係好花心思呢度d野食用料新鮮價錢抵食我地四個人食每人埋單都係200幾真係如朋友所

由開始轉涼開始已經打左好多餐邊爐喇～總覺得係要圍住個爐烚下烚下先夠WARM，今晚來左佐敦呢間淘園火鍋館，專登來試個花膠湯底！距離佐敦站大約５分鐘路程，好容易搵。醬料自己配搭，但個人覺得個湯夠哂香濃，可以唔加。淘園花膠雞煲翅　$268雖然個湯底比普通打邊爐的湯底貴少少，但勝在可以食埋Ｄ花膠！就算就咁睇幅圖，都會見到個花膠真係靚料，膠質好豐富，口感超好，而且份量仲唔少！一路食可以一路飲個湯，同平時果Ｄ味精湯真係冇得比，絕對值回票價！手打芝士牛丸 $78手打的丸真係零舍唔同。睇落以為平平無奇？其實Ｄ芝士勁流心，一咬開果下真係勁正！！牛味都好濃，但食果陣要小心「爆漿」，淥親都幾痛......美國肥牛　$88牛肉有好多選擇，但因為我地已經揀左比較貴的湯底，所以牛肉方面就揀左最平的美國肥牛（其實見到手切肥牛都好想試......）但係，其實呢款都已經唔錯～雖然未至於入口即融，但肉味夠甜，而且好新鮮，唔會話有雪味咁，推薦！手卷炸腐皮　$39簡單Ｄ講即係響鈴卷。睇賣相都知同平時超市買果Ｄ現成響鈴卷好唔同，特別香脆。老闆仲介紹我地唔淥，就咁點酸汁食，真係別有一番風味。芋絲　$29另外我地仲嗌左支啤酒同埋山

佐敦一向食肆林立，火鍋界既競爭更為激烈，今日湊巧家人在附近收工，經過見到淘園餐牌有火鍋有羊腩煲又有刺身，咁多款就決定入去一試。一進鋪店員好有禮貌，主動問客人想坐邊，又每枱遞上一盒紙巾同醬介俾客人刺身同海鮮係佢地其中一個主打，有象拔蚌有鮑魚有章紅魚🤤（可惜家裏有人唔食刺身><下次一定要試）淨係火鍋底都超過20個款式秋風至，我哋梗係揀羊腩煲暖下身應下節意想不到一煲有咁多料，而且比嘅全部都係靚嘅羊腩位，每舊帶住少少皮同單骨食羊腩煲緊係跟返個時菜，我地就揀左當造既西洋菜，好甜好靚完全冇苦薑蔥撈魚皮坊間出面食既多數焯到過哂龍，呢到整得恰到好處，口感好爽，好重麻油香，配埋蕎頭、薑絲、芫茜、秘製醬汁，食落好豐富手打蝦滑🦐拼墨魚滑🦑一食就知係手打，墨魚滑好彈，蝦滑爽得尼仲有好多蝦粒，好有咬口👍🏻手切牛頸脊冇諗過一份細既已經有咁多🤤啱哂一班牛魔王火鍋店都有open kitchen,係你面前即叫即切牛肉，俾到信心客人👍🏻整體店員都好有禮貌招呼好殷勤，主動幫你跟單上哂菜未，走既時候又有問d客人啱唔啱食食物款式多又新鮮，我同屋企人已經諗定下次encore🤤😋

踏入十月，秋風的氣息稍稍來了，天氣轉涼就令人很想借火鍋來暖暖身。傍晚在element 完了event 就很順路來到佐敦偉晴街覓食。火鍋除了主重湯底外，也很著重配料新鮮食材，走到淘園火鍋館見有手切肥牛就毫不猶疑選擇了這裡。一班女孩子還是喋喋不休討論剛才的event, 而我就不客氣點選了今晚的湯底。枝竹魚頭鍋 $148濃濃的魚湯，用來火鍋就能品嚐到配料的真實味道，魚頭份量大，而湯底顯現奶白色，魚味濃郁。特級本地新鮮肥牛/皇牌手切片頸脊 $228因不確定要點選那款牛肉，侍應就提意一半一半，那實在太好了，不怕點多了吃不完浪費食物，又可以比較兩款不同牛肉的口感。新鮮肥牛確是不同，厚度不一反而令口感更豐富，而牛頸脊有均勻雪花，甚有咬口，而且牛味濃郁，不容錯過。新鮮黑柏葉 $58不是很多地方有的黑柏葉，十分爽口生劏田雞 $78平時不會特意點，這晚友人想試，但還是要注意要滾熟一點才進食，肉很鮮甜且肉質很滑，也是不錯的選擇手卷炸腐皮 $39這是新鮮炸的腐皮，脆的程度就不容置疑，而且有甜醬配，單點來吃也可以，放湯三秒是我一般的食法西洋菜 $29菜十分新鮮，像我曾經有次在荃灣即摘即煮的一樣，而份量也十分多

上星期，朋友約了我一齊聚會，他們決定了這間淘園火鍋店，那我又沒有意見，所以就大家一齊去那裡了。我們選擇了淘園花膠雞煲翅湯底，味道十方香。而且湯底也很足夠，除了雞之外，還有花膠，十分滋潤養顏，而且真的有魚翅在煲內。湯底也很清，所以我們連湯也喝了。這裏也有很多調味料可以選擇，除了辣椒，沖，蒜蓉及炸蒜等等...我們叫了手切本地肥牛，顏色十分鮮紅，肉質的紋路分明，脂肪及肉嘅分布很平均，肉質鮮嫩。我們也叫了烏冬，烏冬吸收了湯的精華，有很香的雞湯味，烏冬煙韌有彈性

不管什麼時候都要吃火鍋！！朋友說說這一間的火鍋不錯，當然要來試一下不會很甜喔，冰冰的喝下去很清爽很舒服，吃火鍋怎麼能不喝料非常多，我是指龍蝦和大蜆喔，2個人吃的話只吃這一鍋都已經很飽了哈～龍蝦非常有彈性，非常新鮮很鮮甜，蜆也很大顆，不會有沙喔～一顆接一顆停不了！！很爽口彈牙，口感很好重頭戲！！！鮑魚很有彈性，煮熟了都不會變小顆喔～蜆都很肥很大顆，蟶子很甜很好吃，但要注意煮一下下就好了不然會變的非常老蝦子還是活的，是有點殘忍啦不過也證明真的非常新鮮，蝦黃很濃很香，蝦肉很有彈性～蟹就大概是我這輩子吃過最新鮮的螃蟹了，好吃到很誇張，超級鮮甜，肉很厚實。蟹黃滿滿的，很濃很香很甜，二百多塊吃到這樣的海鮮真的非常值得

本身用openrice，只會睇食評唔會寫食評，今次真係頂唔順！食到一半，係你隔離5米内(店内)通屎渠係咩玩法？我地仲有好多野未食，立即冇晒胃口...店長會唔會係厠所打邊爐？仲要好大陣屎味。Happy Friday玩屎，除左叻，就係好叻！問阿姐，佢唔出聲。諗住影相放上黎，又唔俾我影相！

今次同朋友一行四人, 慶祝其中兩位朋友嘅生日, 順便傾下偈了解下大家嘅近況, 所以我哋諗咗去食火鍋, 食火鍋嘅好處就係可以坐得舒服啲同埋可以一路食一路傾. 今次為咗方便大家嚟自唔同地區我哋搵咗呢一間位處於西九龍嘅火鍋餐廳. 呢一間淘園火鍋館嘅位置其實十分之方便, 位處於佐敦, 如果喺佐敦地鐵站裕華國貨嗰邊嗰個出口行過去呢一間餐廳, 大約行幾分鐘就可以到達, 行得慢嘅話最多都係十分鐘就可以到! 餐廳門面餐廳內在環境呢一間餐廳嘅坐位可以坐得好舒服環境闊落, 唔會有太大壓迫感!餐牌今次我哋用餐嘅食物以下係我覺得今次用餐較為好食同埋有驚喜嘅嘢!支竹魚頭鍋 $148本地新鮮肥牛(大碟) $233手打四寶丸 $98新鮮黑柏葉$58生田雞$78穀飼羊頸肉$78澳洲珊瑚蚌$98手捲炸腐皮$39本地圍蝦$78支竹魚頭鍋 $148呢一個支竹魚頭鍋, 份量都幾多下, 魚頭嘅體積都幾龐大, 都足夠夠我哋四個人分享, 喺打邊爐嘅時候建議當依個支竹魚頭鍋水滾嘅時候將電磁爐火力調教返細小小, 然後飲一啖頭啖湯! 我覺得呢個湯底好smooth, 好容易入口, 味道鮮甜唔會太鹹, 魚味為重!本地新鮮肥牛(大碟) $23

星期一係佐敦附近上完韓文堂，就係附近到覓食。記得朋友講個話有間火鍋店，我就叫埋屋企人一齊去入到去，就感覺到好典型既香港打邊盧既感覺，好有親切感。我地就叫左個湯底先，我哋就揀咗淘園花膠雞煲翅湯底，見到有個係度，一於試吓。等左一陣個湯底終於上嚟啦，真係幾足料，除咗花膠同雞之外，仲有杞子紅棗等滋潤嘅食材，當然唔少得真係有翅係入面，真係聞到都覺得香我哋叫咗個蝦丸，蝦丸好爽口，最鍾意係佢除咗蝦膠之外，仲可以食到粒粒蝦仁既感覺，好鮮甜爽口肥牛當然係打邊爐唔少得嘅嘢食，今次就叫咗個特級本地手切肥牛，片片都切得好薄， 可以好快熟，而且仲切到好似塊蝴蝶咁，好靚牛肉味好重，而且好嫩，1啲都唔輸蝕比外國嘅牛肉整體來講，呢度令我感覺好親切，好有香港既風味食物大件夾抵食，仲好足料添仲有自家製嘅紙巾，好貼心！

涼涼地，開始又係狂打邊爐嘅季節！ 今次冇去啲大酒樓……連鎖火鍋店亦都不入選! 朋友介紹食間地道親民火鍋店。堅印象深刻，一入到店個個夥記都係笑容滿面！講番食先! 揀咗個豬骨火鍋, 湯底一啲都唔肥膩,加上濃濃胡椒味，香甜合一！ 湯料非常足， 大大小小豬骨都有七、八舊， 仲有菇紅棗白蘿蔔粟米芹菜葱…… 白蘿蔔吸哂d湯堅好食！火鍋料講重點！蝦…… 插住支竹籤重郁下郁下嚇死我！ 勁新鮮好食，嚇到我相都唔記得影脆鯇片…… 肉質爽脆， 厚薄適中，色澤好靚好新鮮水餃…… 絕對唔係肥豬肉餃，裏面堅系料蝦肉手打丸…… 蝦丸好食彈牙！黑栢葉…… 唔係好多地方有得食，冇漂過嘅栢葉質地煙靭實在，唔會好似白百葉咁勒到咬唔開或者淋pet pet, 我鍾意！烏冬…… 真係要講一下， 唔係cheap cheap 上海炒麵 look 烏冬， 而係有啲似稻庭烏冬，good!冬瓜…… 見到佢上枱，就覺得店舖真係非常之細心，有哂花边， 每次打邊爐都要食冬瓜， 索曬啲汁勁好食最後梗係唔少得肥牛…… 有牛味半肥瘦呢度其實仲有好多其他嘢食, 好多海鮮選擇, 仲有熟食, 不過真係好飽冇機會試， 再加上朋友對海鮮敏感，我今日都不能夠叫太

秋風起，又到打邊爐食火煱的好季節。前幾天朋友發現了一家不少明星幫襯的港式打邊爐。店鋪面積不大，主打港式打邊爐。麻辣鴛鴦鍋，可以照顧不同朋友的口味。手卷炸腐皮-''響鈴''。即叫即炸，上桌還冒著熱氣，附有一小碟甜酸汁。店員建議先沾醬食，其餘再用來打邊爐。響鈴炸得酥脆，配上特製甜酸汁，可以作為一道香口小食。王牌手切牛頸脊。油脂雪花分佈分明。肉質細嫩。煮得過長時間也不會很硬。牛肉味香濃，不沾小料也非常好食。自家製竹庶茅根，清涼解渴。比坊間出售的竹庶味更為濃郁。其他打邊爐配料也十分新鮮。雖然位置比較偏僻，但值得再去。