Tapas Brew (Greenfield Plaza) (Moved) New Location

食物質素有待改善乳豬- 皮是脆的，好味，但入面d肉係白’sharp’一樣無味，肉質不彈牙無咬口，超林‘bet bet’ 口感好差！肉方面，我會形容為煲湯後既肉西班牙海鮮飯唔明點解係招牌？飯，無味，蝦是ok正常的，但其餘海鮮例如魷魚，青口都係….淡，無味，魚是over cook ，食左兩淡就無食

第一次嚟翠怡花園呢頭，原來超級多嘢食，今次就揀咗食西班牙菜。西班牙菜之中，本人最鍾意食蒜片蝦同燒乳豬，Tapas Brew嘅呢兩樣菜式我覺得都令人滿意。先講蒜片蝦，佢用嘅蝦都幾靚，好濃蝦味，唔係得個爽字嗰啲雪蝦球。 嗰蒜片橄欖汁都幾好味，有適當嘅惹味辣度。個人覺得個蝦可以煮短時間少少就perfect 。燒乳豬我哋叫咗1/4隻，雖然望落去唔算好多，但兩個人好夠食。燒乳豬應有嘅皮脆肉嫩，佢都做到。調味到位，肉質亦夠juicy，我都唔洗點sauce。另外仲試咗個燒牛肉配生菜，呢個就一般，唔一定要試 。

原來呢間餐廳係同隔離德國餐廳聯盟。可以食到2邊既signature 菜式, 今次就點左二人餐,平日只需4百幾, 有德國豬手, 德國什腸,仲有小食粟米片,配啤酒,超爽!!! 分量十足, 夠3人食。 生蠔特價, 就試下, 法國生蠔,海水味濃,但少許徧鹹, 不過整體新鮮,都ok 既。甜品cake 買一送一, 但普通cake,可以不點。整體應覺性價比高, 晚餐沒有限時, 坐得舒適, 食得痛快。 同朋友聚腳一流。下次會試西班牙乳豬 , 西班牙菜式。推介

第一次食評就奉獻比呢間餐廳事緣同老公食晚餐叫左半打生蠔，德國腸拼盤，燒春雞同燒豬腩仔生蠔黎到望落都唔對路啲蠔疊埋一齊，啲蠔又無肉，啲水都要啡啡地食落都覺得唔新鮮德國腸無味，燒春雞勁嚡，燒豬腩啲汁勁濃(燒春雞無影因為賣相都幾差)不過口味呢啲都係好個人食完餐飯隔左大約四個鐘就肚痾仲痾左2次我都幾肯定係因為呢餐飯因為我平時好少肚痾😓撇開食物質素，餐廳管理同服務都真係有待改善以我所見，食物係由另一間分店拎過黎要經過行人路同馬路，食物衛生真係不敢恭維另外，成班侍應企正係客人面前圍埋玩電話吹水甚至成班企晒喺餐廳出面吹水我地叫埋單都叫左勁耐先有人聽到成餐飯700幾蚊我跌左都無咁嬲😒

估唔到喺大埔都會有間咁出色嘅西班牙餐廳🍴🇪🇸嚟到必食佢哋嘅特色烤乳豬🐷份量相當之大份！烤到個外皮勁香脆 食落肉質嫩滑又多汁🥰仲充滿油脂嘅香味！真係好惹味！

好吃，結婚週年慶祝🎉，因為同一個老闆，坐係另外一間鋪幾乎包場，位置間隔寬。乳豬超好吃，老公至今都懷念，約左生日再去吃 。值得再次光顧🥂🥂🥂🥂🥂😋😋😋😋😋

西班牙菜一定推薦呢間！ 同朋友吹水任坐，有feel之餘，野食又好味，飲品又足料，地點就腳，而且一啲都唔會嘈，好似去左外國咁乳豬、豬手都係必叫，今次揀左烤特色乳豬配香菇鴨肉燴飯，咁樣嘅組合，可以滿足到食肉一族嘅慾望，又可以餵飽澱粉控！乳豬髀外面脆卜卜，肉汁鎖住喺肉入邊，咬落去先食到超趣外皮，再食到嫩滑多汁乳豬肉，多層次享受( ´▽｀)估唔到香菇鴨肉燴飯仲驚喜，每一粒飯粒都比香到爆嘅鴨油包覆住，粒粒都食得出鴨香味，燴飯口感軟身，適合香港人口味，唔怕食到胃痛而且非常足料，有滿滿嘅鴨胸，同埋粒粒香菇去酒吧一定要叫炸物，推介炸魚薯條，炸魚外脆內軟，唔係一般嘅行貨，食得出由真魚肉，魚味香濃，質素非常好薯條係我最愛嘅粗薯條，超大桶最驚喜係焗茄汁，食得出有少少白酒味朱古力奶昔必叫！完全係誠意之作，好似10杯朱古力溝埋一齊咁

今日同朋友黎到大埔的Tapas Brew食西班牙晚餐。叫左特色烤乳豬，乳豬外脆內嫩，豬皮烤得好香，配一個帶甜的醬汁一齊食非常之夾。豬肉亦相當嫩口，裡面帶點肉汁，唔會太乾或太嚡 。主食就叫左西班牙黑毛豬風乾火腿野菌闊條麵，份量好足，麵質彈牙，但闊條麵個人略嫌太硬身。而黑毛豬風乾火腿就非常好食，火腿帶油香，肥而不膩，火腿的咸香配闊條麵可以令味道更上一層。小食方面就叫左地中海式炸魷魚圈，魷魚圈個人覺得炸粉太厚，但賣相相當吸引，口感香脆，配上檸檬蒜香蛋黃醬一齊食，微酸的醬汁相當開胃。第二款小食叫左西班牙辣肉腸炒蛋配脆馬鈴薯絲，辣肉腸好食，辣度適中，但炒蛋就唔夠滑，而馬鈴薯絲亦都唔夠脆，所以呢個小食整體上就一般，唔太推薦。另外都仲有少量甜品，但太飽的關係所以無試到。

太和有好多唔同餐廳 行到翠怡花園入少少 有一間西班牙特色餐廳😋入面嘅裝修都好有特色 好多特別嘅畫叫咗個signature嘅 Tapas Brew 特色烤乳豬 $188一上枱好有乳豬香味 乳豬皮好香脆 配搭啱啱烤完熱辣辣嘅豬肉 外脆內軟 豬肉肉質亦好軟熟唔錯 配搭帶點酸味嘅醬汁好唔錯 叫咗個是日餐湯配意大利麵包$28 做前菜餐湯有香濃嘅奶味 而麵包則好軟熟香口主菜叫咗西班牙黑毛豬風乾火腿野菌闊條麵 $138麵嘅醬汁唔會太多 味道濃郁 乾火腿則好香脆入味 配埋軟硬度啱啱好嘅闊條麵食好唔錯 不過食到最尾會多咗少少油小食 炸魷魚圈配檸檬蒜香蛋黃醬 $98 一上菜賣相好驚喜 大大份咁😋 配蛋黃醬一齊食令味道更突出另一份小食係西班牙辣肉腸炒蛋配脆馬鈴薯絲 $78每一樣食物嘅份量都好足 辣肉腸配埋炒蛋一齊食味道好夾

個西班牙乳豬係幾好食嘅，個皮好脆都幾鬆化，啲肉都好嫩，不過就有啲油膩。Tapas 方面，個蜆真係唔得，冇先未都算，有沙，嗰個湯底隻味好怪，有陣金屬/礦泉水咁嘅味，總之就唔好食。蟹餅炸一般，有啲燶，仲有炸到個外皮有啲甩咗，入面係薯蓉居多，食唔到咩蟹肉。叫咗個海鮮西班牙飯，個飯同上面啲海鮮都好乾，似係整咗好耐然之後放喺度保溫，最好食係海鮮入面嗰3塊魚。仲叫咗個一字斧頭扒，份量真係幾大嘅，但唔知點解個熟度近乎全熟，肉味欠奉，但唔算好硬。總之，唔會再嚟食呢間，價錢都有少少貴，CP 值太低，位置偏僻。

今日放工約左都係住大埔Ge朋友食飯，大家都少黎太和呢邊食。最後簡左呢間西班牙野，見佢環境幾舒服，大埔都少呢類型西餐廳。入到去先知原來可以叫埋隔離鋪d德國野食，咁又好似幾好。 我地都係叫左兩樣野，西班牙海鮮飲同埋燒乳豬。西班牙海鮮飯係二人份，份量都夠飽，海鮮量鋪哂成個飯面。個乳豬就燒得好好食，個皮好脆又薄，入面啲肉好滑仲好Juicy。推介呢個！埋單每人二百幾零蚊，加埋每人一杯飲品。可惜第二日要返工，無飲到酒。

大埔區內有唔少餐廳，而有主題嘅西餐廳為數唔多，呢間西班牙餐廳，裝修充滿著西班牙特色，店內好colorful，牆上掛咗幾幅抽象畫，充滿藝術色彩。餐廳招牌菜式有西班牙燒乳豬同西班牙海鮮飯。另外仲有多款唔同嘅菜式及小食可以揀，非常之多選擇。墨西哥粟米片配牛油果醬、番茄芽莎用粟米脆片沾上醬汁食用，粟米脆片酥脆可口，食到停唔到口。特色烤乳豬薄薄嘅乳豬外皮燒得香脆，用刀切落去，內層肉質仍然鮮嫩多汁，肉味濃郁，非常美味，配上酸甜嘅蘋果醬，更顯滋味！西班牙黑毛豬風乾火腿野菌闊條麵闊條麵好creamy，麵身吸汁之餘又有口感，配搭黑毛豬風乾火腿，火腿甘香鹹鮮令味道更昇華！Guinness黑啤泡沫豐富、口味醇厚、麥味香濃。餐廳燈光柔和，感覺舒服，非常適合同朋友傾計同進餐。

平時好少接觸西班牙菜，咁啱約咗朋友喺太和食飯，佢就帶咗我嚟呢間Tapas Brew，餐廳環境舒適，裝修以西班牙格調為主，牆上掛有西班牙嘅特色佈置⋯Tapas Brew 特色烤乳豬呢個烤乳豬不愧為signature，乳豬並無多餘嘅肥油同脂肪，外皮呈金黃色，皮薄而且脆扑扑，肉質鮮嫩，軟腍多汁，非常推介！西班牙黑毛豬風乾火腿野菌闊條麵闊條麵有驚喜，估唔到咁creamy，但佢唔係用忌廉汁去煮，而係用橄欖油⋯感覺會健康啲！火腿帶出咸鮮味，令成個闊條麵嘅味道昇華。地中海式炸魷魚圈配檸檬蒜香蛋黃醬炸魷魚圈份量幾大，咬落外脆內軟，加上檸檬汁同蛋黃醬，減少咗魷魚圈嘅油膩感，好fresh。原來佢新蒲崗嗰邊都有分店，下次食飯又多一個選擇喇！

今日同朋友係大埔想試下新餐廳於是四圍搵到下點知比我地試到一間好好味既西班牙餐廳😍雖然佢既位置唔近大埔站但太和站行過去都係幾分鐘所以都幾方便👍🏻之後都會再去食🤤同埋餐廳都有好多款唔同既野食睇到我地眼花撩亂😆最後我地今次叫咗佢其中一份signature food乳豬雖然係乳豬，但唔洗擔心份量會好大🤣佢大概有五舊，兩個人share岩岩好😊同埋個重點係乳豬超滑！！！皮好脆！！以百幾蚊既價錢，佢絕對係性價比好高😍下次一定會再食😍同埋好想試埋另一個signature海鮮炒飯😍之後我地再叫咗一個漢堡仔加薯條漢堡係一啖食得入口既size所以食起嚟好方便🤣兩個人share唔洗再切嚟切去同埋甜甜地既漢堡都好好味🤩最後我地叫咗杯芒果沙冰都係令我地幾驚喜既地方係佢沙冰上面既奶蓋奶蓋岩岩中和咗沙冰既甜所以係好好飲☺️👍🏻👍🏻

最近工作都好辛苦，突然好想啤啤佢，就叫埋我個大埔友搵下邊到有BAR，原來響太和好隱閉嘅位置有間好正嘅餐廳，唔只有得飲酒，仲有正野食。餐廳個MENU 好啱有選擇困難症嘅人，第一頁已經將SIGNATURE分門別類排好，我地當然由呢頁試起啦！如果有其他野想食，都有好多選擇。特式多士配烤水牛芝士野菌及風乾火腿（$88）呢個黎到我同FRIEND 嚇到呆咗，本身以APPETIZER 會細細份，點知好抵食㗎，SIZE比我地預期的大一倍。兩個味分別係菇同火腿，佢個底係超脆法國麵包，鋪上芝士野菌絲外脆內軟，食落好似飲緊磨菇湯咁，菇味濃郁，可能要焗啲芝士啦，相比火腿個包會較為香脆。火腿的法包未夠脆，火腿的咸香有麵包去中和返，加上有少許橄欖，夾埋食有另一個風味，好得意啊。一碟食到兩種口味，推介兩個人叫兩款味道都試到！Tapas Brew 特色烤乳豬（$188）店員好細心將個豬脾分開四份方便食，睇到就覺得個皮超脆，肥膏唔多，食落唔食太油膩，厚肉得黎又超嫩滑，煮得剛剛好，本身隻脾已經調夠味，重口味嘅可以沾特製醬汁。我地覺得個梨醬可以多返少少，加埋個豬脾會變得清新啲。 Erdinger Welssbier(ALC