陳茶館芋圓甜品專門店 (黃埔天地第3期百寶坊)

Open Now

Now Closed

開心果雪燕西米露$52這款是西米露，加咗開心果碎果仁、雪燕和芋圓，唔好見到咁綠色以為好濃開心果味，係個羹有開心果仁一齊食就有開心果味😜整體味道偏淡，試一次就夠，個人覺得如果喜歡食濃味就可以不用試。

星期六下午到黃埔陳茶館，離遠已經見到要排隊啦～不過好快就有得入座，試下bookmark左好耐嘅開心果糖水，同埋最近新出嘅黑芝麻系列🤤🌟開心果雪燕西米露 ($52)糖水好足料，除左有雪燕同西米之外，仲有少少芋頭粒、好多芋圓同開心果碎！不過開心果味唔算濃，單飲糖水會比較有開心果味，但如果夾埋啲配料一齊大啖食，就唔太覺有開心果味🤣🌟黑芝麻豆乳大滿貫 ($50)呢碗糖水一樣大滿足，有粒粒碧根果碎、仙草、芋圓😋黑芝麻溝左豆乳，所以比較稀，唔會好似平時去中式糖水舖食嘅芝麻糊咁濃郁，整體唔會話食到好濟😌整體而言，糖水好足料，尤其係芋圓特別多，亦唔會整得特別甜，值得一試，不過堂食用餐時間得30分鐘，所以適合快食多啲～

呢度簡直就係我哋開心果控嘅夢幻天堂啊！！😍【開心果雪燕芋圓西米露】雪燕好似透明嘅水晶凍，軟綿綿、滑溜溜，芋圓粒粒飽滿彈牙，濃郁嘅開心果香直衝鼻腔，再混合著雪燕、芋圓、西米露嘅清甜😎【開心果牛乳】上邊有一層厚厚的開心果奶蓋，甜度就啱啱好，冇一般甜品嘅膩歪感反而令人越飲越想飲！牛乳+開心果呢個組合真係好美味，d開心果碎越嚼越香！🤤如果好似我咁對開心果味嘅甜品愛到死心塌地嘅話，呢間店就唔好錯過啦！🙌🏻🙌🏻

近期開心果熱潮盛行💚各式開心果甜品林林總總🌈而其中一款最高討論度的，竟是來自自稱芋圓甜品專門店的陳茶館😮其推出的開心果雪燕西米露由推出至今一直廣受好評🔥———————————————————————西米露質地比常見的濃稠🤏🏻雖然賣相十分翠綠但開心果味未算十分濃郁🤔幸好店家在表面撒上了新鮮開心果碎，補貼開心果味之餘亦為整體增添香脆口感👍🏻西米份量充足，口感正常，沒有煮得太爛👌🏻至於雪燕方面份量說令我相當驚喜🤩每一口都能嚐到雪燕的幼滑口感😚帶來的「拉絲」效果非常特別😇此外糖水中還有三色芋圓🍡size比常見的大，質感煙韌亦未會太硬😋不過個人認為芋圓與開心果味就未算太合拍😅另外亦同時點了陳茶館的另一款熱門糖水-黑糖珍寶仙草。芋圓、珍珠、小丸子全都質感Q彈😝軟硬程度適中，喜歡煙韌口感的絕對會感到滿足🤗仙草方面質地亦非常滑溜☺️完全做到台灣的正宗風味🫡但整體上這款甜品最大缺點是味道實在太甜😰連嗜糖的朋友都表示有點吃不消，相信未必能夠符合大眾口味🥶———————————————————————作為芋圓甜品專門店，陳茶館的芋圓的確十分出色👍🏻如果調味方面能更貼合香港主流的話，相信會更受歡迎💪🏻💪🏻

教會桌遊查經後搵宵夜，永恩堂行去陳茶館🍵，想試皓耐，見到新出既開心😃果雪燕西米露，全綠色，諗住叫嚟堂食，見入面都有皓多客，又有位，排喺個肥顧客後面，點知前面肥顧客買完堂食到我竟然話截咗單外賣🥡only🤬有d嬲🤬嗰時都係2225，見前面個肥顧客同朋友仲施施然返位等食，我就要攞外賣🥡由紅磡拎到返九龍塘仲要轉車上山，諗緊買唔買之際，最後都係買($51)，等咗5分鐘，仲要俾店員趕出店鋪外等食西北風，覺得個店員態度差🤬搞咗一個鐘地鐵🚇轉小巴🚐上山先返到屋企。打開嚟食，自己落開心😃果粒，攪勻，入面有大粒芋圓、雪燕同西米，皓杰，食落皓重開心😃果味，咬落開心😃果粒有口感，芋圓Q，加埋西米，皓飽，可encore

我地叫左3款甜品黑芝麻豆乳大滿🥲較稀身，芝麻味較淡，性價比一般。豆乳味太濃，應該係芝麻太小。開心果雪燕西米露❤另加珍珠 中意開心果既真係必點，雖然佢真係好綠，但真係有淡淡既開心果味，但記得食之前要撈一撈先，因為個底冇咩甜味，面果D就較甜，開心果碎如果可以再多D就更香口。但個黑糖珍珠就唔建議加了，太甜，冇咩黑糖香氣。木瓜桃膠雪耳❤正常發揮唔死甜。份量正常，木瓜香濃，最中意桃膠好有咬口，如果多幾舊更滿足🤗

呢幾日唔食得凍野唔清楚menu有咩係可以熱食叫自己睇問下可唔可能走冰但係個男侍應態度超無耐性超差仲要之後個人後過我黎order4碗都早過我有得攞冇下次就算好食都唔會再返黎上次都幾耐前黎都唔係咁唔建議黎食

16/10/2024📍陳茶館呢間糖水舖聲稱係芋圓甜品專門店 究竟係咪真係咁好食呢🤔仲食住個勢出咗開心果甜品 真係要試下🤓⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨開心果雪燕西米露（$52）開心果味唔算好濃 未去到開心果糊嘅程度 但加咗開心果碎就level up❗️成碗好足料 每一啖都食到雪燕同西米🤩甜度適中 食得好滿足🤤最驚喜係芋圓 比一般嘅更加大粒 仲好煙韌食得芋頭味同紫薯味🍠✨木瓜桃膠鮮奶（$38）桃膠嘅分量好多 好有咬口 鮮奶淡淡哋 甜度好低 配埋好甜嘅木瓜食就啱啱好 係相對健康嘅choice~不過啲材料唔似係一齊煮嘅 似係各自煮好再裝埋一碗 無咩心思⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$89（免收加一）呢度嘅糖水不過不失 如果嚟食嘅話推薦試下佢嘅芋圓 大粒又煙韌！推薦指數🌟：3.5/5📍紅磡必嘉街120號黃埔天地第3期百寶坊地下G12號舖

食完晚餐想搵間甜品店食，就去咗間bookmark咗好耐又幾出名嘅陳茶館，果然出名嘅都係要排隊，等咗一陣就入得。叫咗芒果系列嘅芒果芋圓西米露。佢唔會好甜，芒果都唔會好酸，有芋圓配搭就一流👍🏻👍🏻👍🏻

第一次打食評 因為呢間野真係又貴又唔好食排隊排左15分鐘 見咁多人排隊諗住質素都應該有保證叫左開心果雪燕西米露同大滿貫仙草 大滿貫仙草本身係跟奶茶底 但本人鍾意食椰汁所以加左4蚊轉做椰汁底碗野嚟到見到係淡白色底已經覺得奇怪 食落個椰汁底係溝水溝到一d椰汁味都無 仙草亦都非常麻麻 無食過咁差既椰汁甜品 開心果西米露可能有開心果襯托下 食落先叫有d味 但真係唔值五十幾蚊 兩碗野埋單加埋都差唔多100蚊 貴得嚟仲要唔好食 唔會有下一次

之前碌社交平台見到有款新出開心果甜品幾吸引就bookmark 左，今日行開附近有分店就去試下。落完單等左一陣就有得食，第一眼望落去係草地個隻綠，一般其他開心果甜品或食品比較墨綠，可能係唔同國家既品種導致。食落去唔算凍，有開心果味，質地比想像中流質，大概係比西米露再水小小。除左開心果粒重有芋圓同雪燕，三樣加埋一齊食口感幾豐富，有軟有硬有煙韌，加上流質質地，食落去幾清新，好岩夏天食，唔知冬天有無熱食。唯一覺得可以調整係個開心果味可以豐富多小小，咁就好啦。

近期開心果大受歡迎，陳茶館推出兩款開心果系列，無論日夜時段都適合，收工帶返屋企做宵夜開心果雪燕西米露綠油油的糖水，裡面有大量煙靭芋圓、滋養美顏雪燕、粒粒分明的西米露，再加上開心果在表面，層次非常豐富，口感十足店員仲好細心提醒唔好放雪櫃👍🏻

首次光顧。點餐時，點了兩份開心果西米露，並詢問了美女店員可否點一份堂食一份外賣，她說可以，後來卻來了兩份堂食。。。也算了，我告知另一店員另一份是外賣，接著因要讓位給4人，在調位時店員說那份外賣待會告知同事即可，因此我吃完便立刻告知店員。。。我堂食連等待用了20分鐘左右，但結果吃完後在出面等外簤卻等了30分鐘。。。。。。亦即我共等了該外賣50分鐘，早知等這麼久，你們就不可以一早在我堂食時整定給我嗎？這樣我就不用在外面等30分鐘吧？但明明一開始弄錯堂食的給我呢？就知道弄錯了，為何不立刻弄對的給我帶回家呢？反正你們弄一個都這麼久你們限堂食時間30分鐘的，難道會覺得我會吃很久才不一早弄給我嗎？問過美女店員說「可以」一份堂食一份外賣的，結果就是這樣分兩條path嗎？為何不一早說清楚？

平日星期四晚去，好多人排隊，等左一陣就入得，自己叫左個芒果西米露（$48），唔好食，比普通糖水舖差。同檯叫左仙草芋圓，都係話唔好食😖 個個最尾淨係食左半碗走人。

💚開心果雪燕西米露 $52作為開心果控本身對佢好有期望，但食落有啲失望🥲除左開心果碎，糖水本身既開心果味都唔濃🥲但係芋圓好煙韌，而且雪燕好足料，差唔多啖啖都有開心果粒同雪燕咁足料嚟講呢個價錢對得住質素👍🏻