Video
2-min walk from Exit A2, Sham Shui Po MTR Station
continue reading
Telephone
36195667
Opening Hours
Today
07:00 - 20:30
Mon - Sun
07:00 - 20:30
Above information is for reference only. Please check details with the restaurant.
最近深水埗汝州街新開咗間茶餐廳「傑星冰廳」，位置算方便，價錢親民，選擇夠多，感覺主打街坊熟客生意。平日晚市時段都坐得七七八八，睇落都幾受歡迎，今次同老公嚟試試，點咗幾款招牌小菜。首先係蔥爆牛排配飯上枱時已經聞到陣陣蔥香，牛排切成適中大小，表面炒得香口，咬落去肉質有嚼勁但唔韌，醬汁鹹香中帶微甜，撈飯非常適合，簡單又滿足。蝦仁炒蛋飯蝦仁爽口彈牙，飯粒炒得分明，完全唔覺油膩，配搭青瓜、青菜、火腿一齊，夠家常又幾好食椒鹽豬仔骨外層炸得乾爽酥脆，啖啖肉之餘，椒鹽調味唔會過鹹，咬落香口惹味，骨頭比例適中，食落唔會覺得太多骨最後酥炸墨魚丸亦有驚喜，外皮炸到金黃脆卜卜，咬開時內裡煙韌彈牙，墨魚香味濃郁，唔會有雪藏味，配搭椒鹽食特別惹味。整體嚟講，傑星冰廳價錢合理，味道有誠意，唔花巧但勝在穩陣，環境乾淨企理，服務態度親切，十分適合街坊日常食飯，想輕鬆食飽一餐，呢度會係個唔錯嘅選擇。
continue reading
.#foodie #hk #hkfoodie#HTB美食推介【📍深水埗｜抵食夾大件茶餐廳】🐨經典飯意粉 - 鴛鴦扒意粉 $72推薦度：⭐️⭐️⭐️⭐⭐嚟得茶餐廳最鍾意試嘅就係食最有佬味嘅經典套餐，鴛鴦扒包含咗香煎雞扒同豬扒，可選配腸仔、午餐肉、煎雙蛋等不同食材～ 仲有五款醬汁可以揀添！！今次就揀咗黑椒鴛鴦扒腸仔意粉，鴛鴦扒兩件都非常厚實，煎得香脆保持到肉汁，雞扒嫩滑、豬扒醃得惹味，腸仔都唔馬虎切埋八爪魚形狀😂童年回憶即刻返晒嚟～黑椒汁係絕對經典口味，醬汁偏向厚身重黑椒味，撈埋意粉食就啱啱好啦！成餐飯性價比超高～.🐨奶茶紅豆冰 $12推薦度：⭐️⭐️⭐️⭐奶茶紅豆冰原價$26跟餐，只需12，梗係要飲埋特飲㗎啦😛奶茶偏向奶味重，所以入口好順滑。紅豆有輕輕壓碎，煮得腍身少少甜，紅豆份量亦好多，飲落其實都幾飽肚🤣越飲越滋味～——☼——☼——☼——☼——☼——傑星冰廳 📍地址：深水埗汝州街219號地舖🐨推薦度：😋😋😋😋😋/5 🪸環境：👾👾👾👾👾🗣️服務：👍🏻👍🏻👍🏻👍🏻📸食物打卡度：💡💡💡💡🛠️分類：#HTB深水埗 #HTB港式.#深水埗美食 #深水埗 #港式 #平民 #抵食 #茶餐廳 #美食推介
continue reading
去深水埗睇玩具，經過汝州街一間冰廳見到啲晚飯套餐相當抵食就入去探一探，冰廳有卡座有圓桌，以綠色為主調配牆上裝飾的確醒神。我們點了幾個晚市小菜套餐加啲小食。菜芯炒牛肉，以最嫩嘅菜遠炒牛肉片，加入薑絲調味，炒到剛剛好，菜芯爽甜牛肉嫩滑。蔥爆牛扒加入三色甜椒同洋蔥爆炒鑊氣十足，牛扒味濃，洋蔥同甜椒剛熟保持爽脆。酸菜豬潤炒肥腸，咸酸菜配內臟配搭係天衣無縫，豬潤吸咗酸菜食多多都得，肥腸更係食到唔夠喉。酥炸墨魚丸夠香脆，瑞士雞翼入味嫩滑。嚟到冰廳梗係叫冰飲，我同朋友就叫紅豆冰，紅豆粒粒分明有咬口又唔硬，甜度剛剛好。另一朋友叫紅豆鴛鴦涼粉冰都話好飲。餐廳份量足價錢平，性價比一流。
continue reading
傑星冰廳位於深水埗的心臟地帶，很受街坊歡迎，晚飯時間基本上坐滿，而且外賣不斷，服務員都忙不過來。今日和朋友叫了幾個小菜，都很不錯。晚市套餐包一碗白飯，加8元有一碗豬潤酸菜湯，原來豬潤配酸菜味道是很清新的。《 豆豉涼瓜炒牛肉》$68涼瓜爽口甘甜，大大塊牛肉軟腍，豆豉炒味道最夾配。《 椰菜回鍋肉》$68很惹味的小菜，回鍋肉肥瘦分明，椰菜清甜。《 清蒸黃花魚》$68細細條黃花魚新鮮又精緻，蒸的時間剛剛好，魚肉嫩滑，不知不覺就食晒一整條。《瑞士雞髀》$36肥美的雞脾皮香肉嫩，佐飯一流。《鮮果沙律》$35沙律混合的沙律醬恰到好處，清新解膩。《奶茶紅豆冰》$12《雜果柚子茶》$12
continue reading
假期將至，去深水埗買完電話卡，在附近的傑星廳吃午餐。.天氣有點轉涼，於是我們兩個都叫了面。韓國芝士湯拉麵配牛肉、雞扒 - 很濃郁的芝士湯底，加上韓國拉麵特別彈牙，這樣的一個午餐令人十分滿足。而且有很多不同的配菜。，即使平時比較貴的雞扒也是免費選擇的。雙拼米線沙爹牛肉、咖哩魚蛋 - 當然港式風味的也是我的最愛，沙嗲牛肉必點，牛肉煮得很入味，咖喱魚蛋三粒用牙籤串起來，有點日式風情。麵餐是送飲品的可以加錢另外轉特飲，叫了熱杏霜，雜果利賓納材料特別豐富，除了當飲品還可以當甜品呢！.有個健身的朋友不吃碳水化合物，叫了一碟油菜及兩隻雞翼，感覺都很不錯。.這間餐廳在深水埗而言，算係新淨環境坐得舒服；而且有免費的自助水果任食，絕對是一大亮點。
continue reading