正斗粥麵專家 (太古城中心)

Open Now

Now Closed

其實間舖大部分員工幾好人，會主動服務客人，了解客人所需，唯獨有個後生戴眼鏡比較高大嘅男人，佢係間舖頭最大粒嗰個，唔知佢係咪皇親國戚之類定係佢先係老細，好鍾意擺款，一副高高在上嘅臭串樣，感覺成個太古城中心得佢一間餐廳，乜都好似愛理不理咁，老實講呢種人擺去做下欄唔見客就冇問題，正斗咁嘅價錢，下午茶計加一都接近$100，唔係嘢食好食超班就得，佢咁嘅服務態度知唔知會影響顧客心情，減少光顧次數，連外賣自取都唔係好想

今日一家三口去太古城中心正斗食午餐。正斗號稱粥麵專家，便叫了雲吞麵，粥和炸両。雲吞麵不過不失，但不算出色。雲吞和湯味道偏咸，麵亦夠爽口彈牙。粥算足料，粥底不錯，但味道亦偏咸。手打肉丸粥的肉丸又實又咸。牛肉粥可以。及第粥的生腸豬肚乏味，豬潤片不錯。炸兩oK，皮薄炸麵爽，甜醬麻醬足料。腸粉皮厚些更合口味。整體而言，食物定價偏貴，又要茶錢加一。三個人埋單差不多$450，並非物有所值，差不多價錢有其他更好的選擇。服務環境ok。

🌹週末掛8號風球真掃興，早餐在家煮，午餐見不太大風大雨，與大隻老公出街搵嘢食，我們在太古城找找，第一間想去是中式食店《正斗》，天氣涼涼地，就是想吃熱食。中環分店曾光顧，服務不好，太古城分店服務比較好，它是新開，環境乾淨光猛。🌹翻看餐牌，點選了….及第粥⭐️⭐️⭐️料足、粥綿艇仔粥⭐️⭐️⭐️料足、粥綿炸兩⭐️油炸鬼是淋，上檯是冷羅漢齋春卷⭐️⭐️⭐️脆口不油個人評分食物味道服務環境衛生抵食回頭率加評：炸兩雖然不到位，但其他食物還不錯，希望食店收到反映後，嚴格監管食物質素。

食物質素OK嘅，但係價錢真係好貴下。食一碗雲吞麵要$50，得三粒雲吞。一碟普通炒嘢，大約$120。雖然都保持到唔錯的粥粉面的質素，但係性價比低。講真客人來，願意用咁嘅價錢食茶餐廳食到的粥粉麵，其實都係想要服務。但這裡服務態度好一般，叫餸出餸好慢，係咁叫你體諒吓要等下喎。叫一餐餸簡簡單單，加埋半個鐘多啲先嚟到。都係雲吞麵、粥、炒粉麵之類者，使唔使咁耐啊。臨走叫一份外賣，雲吞麵 + 雪菜肉絲炆米，已經預早20分鐘叫定，都要40分鐘，搞乜嘢啊。

夜晚晚餐約咗friend喺呢度食飯睇佢成個design唔似係食中式粥鋪上OpenRice睇完先知 Oh估唔到有粥鋪嘅design可以咁靚我嗌左三道菜小事牛刀「正斗」又真係好有水準喎

平常我們都喜歡去跑馬地那一家的正斗, 知道不久之前在太古城開了一間新的正斗，就決定來這家試試。我一直都很喜歡這裏的魚片粥，炸兩和酥炸鯪魚球，老公喜歡吃雲吞麵，就點了這些。我覺得這裡的粥底跟跑馬地那一間差不多，鯪魚球和炸兩也好吃，唯一就是蜆芥醬很鹹很鹹 ... 但是老公就覺得雲吞麵就很一般，他說雲吞欠缺了一種味道，一種香，麵也不夠跑馬地的彈牙，總之整碗雲吞麵也比起跑馬地遜色了一點。聽了他這樣說，意思就是說不會有下一次，要再吃正斗的話都會回去跑馬地始祖店。Sorry...

見到某外賣平台做緊五折特價滿$200就半價晏晝同同事一齊叫嚟試吓鮮蝦雲吞麵 有分大碗同埋細碗我哋叫咗細蓉 真係幾細碗吓兩啖就食完 男士如果淨係食呢個就真係唔夠豬潤腸粉10分推介 好好味啲豬潤一粒粒 唔會話成條腸粉得幾粒10分足料菜苗餃 正正常常 好似蝦餃咁

新開張不久嘅正斗有粥麵、炒飯、點心、燒臘、粵菜，價錢比酒樓貴三分之一，又嚟試吓佢嘅實力！正斗生腸及第粥 $66粥底綿滑，白米粥熬到米粒全化，配料很多，有豬肉丸、豬潤、豬粉腸、豬肚等。炸兩 $47腸粉皮嫩滑，油條酥脆香口，無油益味及油膩感。香煎蘿蔔糕 $40饀料豐富，質地紮實，口感軟綿，香味撲鼻，令人垂涎欲滴。懷舊鮮蝦餃 $42蝦餃飽滿又透亮，內餡蝦仁不馬虎，新鮮味甜，外皮Q彈牙。流汁叉燒飽 $37叉燒肉醬香味濃，豬肉肥瘦適中，麵包皮柔軟，要盡快襯熱食。原蜜味叉燒腸粉 $48腸粉口感很滑，米味濃香，加埋甜豉油更好味。蛋黃千層糕 $42層次分明，口感軟綿，香濃蛋味，唔太甜！We’ll be back

正斗呢個名真係由細聽到大，出名雲吞麵細碗食唔飽，所以一路都無諗住試，咁啱見太古城新開咗一間就入去試吓👀可能佢定價比較貴，午飯時段都坐唔滿，啱晒我呢啲唔鐘意等位嘅人。第一次食梗係揀佢最出名嘅雲吞麵試吓佢地嘅功力啦！😈另外我朋友有推介呢度嘅南乳豬手。❤️ 正斗鮮蝦雲吞麵 (大) $58一上枱已經聞到好香蝦籽味！睇返正斗介紹，原來湯底用咗大地魚，豬骨，蝦籽長時間熬成，果然真材實料！😲麵條使用全蛋麵，平時最怕韌到咬唔斷/太淋/鹼水味太重，呢度完全無呢啲問題，非常爽滑！配埋佢嘅湯汁，真係食慾大增🤤至於主角雲吞，坊間食好多都溝太多肉，呢度皮薄又滑，肉同蝦嘅平衡非常好，蝦亦都爽口彈牙，食落有層次！同埋佢都有成6、7粒雲吞架！好食度：⭐️⭐️⭐️⭐️(4/5)❤️ 巧製南乳炆豬手 (小) $105細嘅一碟有四件，南乳味好夠，炆得好入味好淋，啲骨好易就拆到一舊舊，食落唔覺肥，滿滿嘅骨膠原，啱哂女人補一補！好食度：⭐️⭐️⭐️⭐️(4/5)餐廳推薦度：⭐️⭐️⭐️(3/5)呢度價錢係偏貴，我食量細都覺得一碗麵係唔夠飽，叫多個南乳豬手同朋友share先啱啱好，男士們可能要叫多幾樣嘢喇！😬

上一次新店開時我已經寫左一次食評,今次點解又寫呢?事關我又去第二次,睇下佢有冇維持到水準同試下其他款式但係有一樣野我始終都會叫就係"乾炒牛河"因為真係好有水準,枱枱都必叫.所以喜歡食粉麵既朋友不妨試下.今次點了生魚皮.正常味道 沒有太大驚艷既感覺.今次試點了炸鯪魚球, 首先我想讚一下那個蜆芥醬, 平時到外邊點,只會給你一小碟醬. 但這家正斗很豪爽給你一大碟.我都是頭一次點這個有咁大碟蜆芥醬. 鯪魚球方面味道不錯,大小適中.今次點了及底粥, 粥底好滑亦不會吃到有味精既感覺.至於材料方面, 什麼都有,絕對足料.  豬膶.豬肚.豬腰,生腸都有....豬膶真的很不錯.可次我會考慮直接點一個豬膶吃.因為他們家處理得不錯.

太古終於有間好食又衞生嘅粥麵店！最like炸兩，唔同時段來食都好新鮮又夠脆，congee保持一貫水準！粥底超正！雲吞爽口彈牙！試過外賣炒粉炒麵都不錯，仲有八折！

是日經過新開張既正斗,見到裡面差不多爆滿,就入去試一試.結果非常之滿意眼見有開放式廚房可以清楚看到師傅係裡面忙過不停. 亦唔知係咪因為新開張,所以有些老師傅坐鎮由於當日都比較肚餓,所以試左幾款都算係廚稍推介既菜式乾炒牛河看似好簡單,上至酒樓下至大排檔或外賣快餐店都有.但唔係間間都做得好.係香港食過唔少乾炒牛河,有啲過油.有啲芽菜好"林" 唔爽口, 有啲味太濃,有啲牛肉差.總之唔係咁易食到一碟全方位滿分既牛河,但係呢間正斗比到我.首先講鑊氣幾近滿分,牛河不算太油,而且色澤味道均勻. 再講主角,"牛肉"亦都軟硬適中唔會係因為梳打粉醃我太林而失去左口感.我個人十分推介係呢間正斗叫乾少牛河.另一味推介係"炸襾" 都係一樣好簡單既野,但係又唔係度度都做得好呢度做到皮滑 油條脆. 豬膶粥亦係我深情推介.最後雲吞麵都係佢店家招牌都不用多說.整體表現都係值得回頭既一家店.一分錢一分貨,雖然佢價錢比起其他食到同樣料理地方為高,但真係物有所值.