正斗粥麵專家 (東薈城名店倉)

Open Now

Now Closed

叉燒切雞飯 餸菜份量算多，而且味道唔錯，米飯有啲濕爭啲。 濕炒牛河 炒得有鑊氣，酒粉條條分明，好食推薦。 凍檸茶 味道中上，茶味夠濃，就比較細杯。期待下次其他產品，聽聞燒鵝也不錯。

<粥类>点单里的<鲜嫩白灼鲜牛肉>，价值100+，但是只有区区几块牛肉，且不配粥。不知道为什么会出现在<粥类>点单里。更不清楚会不会有其他菜品出现这类情况，无法点外卖。其他食物也不好吃，比如鸡爪的味道不好，食之无味弃之，相比其他家的要差很多。性价比超级低。差评。强烈不推荐。差评。强烈不推荐。差评。强烈不推荐。差评。强烈不推荐。差评。强烈不推荐。差评。强烈不推荐。差评。强烈不推荐。绝对不会再有下次点单。

星期六晚去食飯，截單時間9:00，8:30催客人埋單唔緊要，但係8:57仲食緊野既時候，職員埋黎執枱叫人走，疫程完左星期六商場冇收早，出去同應該係經理既人反映，可能佢帶住口罩其實都聽唔清楚講咩，我地人多分左兩張枱，坐大枱唔落轉盤全程自己傳菜，甘大間鋪竟然冇轉盤，服務真心差，起菜時間又耐，趕住收工炒麵勁咸成碟冇食，點解唔洗等位係有原因既，食粥粉麵價錢貴啲唔緊要，諗住服務好啲點知甘鬼差，永遠唔會再去了。

今晚同屋企人去食晚餐，一行六人，入到去坐圓枱，我的父親大人因為行動不便，所以即刻坐咗落其中一個算係叫走廊位，跟著企起我父親大人身旁的女侍應（帶淺色眼鏡框），竟然叫佢起身坐另外一個位，原因係佢坐呢個位阻住咗呢位女侍應斟茶😱😱。我真係從未去過一間餐廳，係客人要去就個侍應方便佢去做嘢。已經唔好講佢啲食物，價錢貴又唔係好食。老實講，質素同food court 真係冇乜分別，叫個豬膶撈麵，啲豬膶又薄又乾爭爭。啲粥又咸又冇料。開頭諗住坐得舒服啲，先至揀呢間，點知完全中伏，以後都唔再去。

去完昂坪360就黎東薈城醫肚，正斗大把位又坐得舒服，食物選擇又多，一定揀到啱食。首先點左大蓉🍜，牛筋腩麵🍜，炸醬麵同及第粥。點心就左蝦餃同叉燒包。大蓉雲吞屬於一口一粒大小，皮薄餡靚，麵都做得好彈牙，冇鹼水味，湯底都好鮮甜。牛筋腩麵湯就有腩汁底，比較濃味，牛筋好腍🐮，不錯。最驚喜係炸醬麵，甜辣嘅醬汁好開胃，麵冇湯下更顯彈牙！及第粥嘅粥底都好綿滑，不過材料太碎，唔係好知食緊乜。至於蝦餃🦐就正常水準，乾身唔會散，幾好。叉燒包都係正常發揮。值得一提係侍應收碟比較心急，明明唔坐滿又冇人等位，都好快收走哂所有碗碟，有啲壓力。😐

午餐特登出東涌揾食，又可免費泊車。一點零鐘，全間舖都無乜人，感覺包廳一樣。套餐雙位數有交易，粥餐略嫌貴左d。奶茶最先上，唔錯既。可能少人，冷氣勁凍，拿臨食碗粥暖身，都唔記得咗相機食先。係好味既，不過這價錢，這size……望落都多餸，相比之下麵就少左d，牛腩牛筋夠淋又入味。兩個人叫三個餐，飽到捧住個肚走！

September 2022中秋節度度都係人 ，又想食下中餐，就試下正斗d小菜啦，平時正斗出名好似係乾炒牛河。今次由於中秋節嘅關係啦，我哋就叫咗三個菜味道都可以嘅，不過不失啦，反而呢度值得一讚嘅就係佢哋員工嘅服務質素真係好好，好細心，同埋好有耐性咁。而走嘅時候都會笑容滿面。

同家人在東涌海濱長廊散步完，就過嚟食晚飯。叫咁個二人晚市套餐$298。服務員非常健談，有禮。一有空就會同我們聊聊天，閑談一下。環境寧靜優雅，很舒適，其他食客亦很安靜，說話很細聲。地方寬躺，座位枱櫈亦乾淨企理。先嚟個皮蛋瘦肉粥，細細碗，非常足料，瘦肉唔鞋口。菜芯好甜，冇渣。主菜揀咗豉油王炒麵，份量很多，唔太咸，炒得很均勻。仲有一籠點心，非常精緻，好味。仲有一碟炸兩配瘦肉粥，炸兩的腸粉皮薄。整個晚餐很豐富，感覺很舒服。

OpenRice 叫左外賣自取，係果度等左15分鐘話蒸緊，到拎出嚟食既時候都係凍既😑，諗住係門口等唔會擺好耐，唉，點知都係凍，唔似係即刻蒸出黎既，發覺凍晒即刻大打折扣，無晒胃口

疫情期間都唔知第幾次叫外賣。正斗價錢其實偏貴，試過堂食物非常出色。今次試吓外賣質素亦都保持，但係真係物有所值。首先豬手好入味，麵條同湯係分開嘅，所以麵條保持爽口彈牙。叉燒包餡料足，口感豐富比好多酒樓做得更好，蒜頭豉汁蒸排骨亦不錯，讚。

周末天氣十分好, 就相約朋友去東涌行山, 約黃昏完成愉快旅程, 就到東薈城行街和找尋美食, 商場內食市林立,各式各樣餐廳都有, 最後我地選擇了正斗, 甫坐下, 店內充滿粵劇氣氛, 裝修別有文化風格, 很快各點選了豬腰肉丸粥 , 名副其實豬腰爽脆 肉丸彈口 粥底香甜； 另外也點選了魚片豬潤粥 , 同樣出色, 魚片和豬潤煮得七八成熟, 經過滾粥進一步溫度, 剛剛好顕現出爽滑彈口, 非常美味; 另外我哋各叫了馳名雲吞麵, 保持一貫蝦隻鮮甜爽口, 麵質彈口, 最後還把整碗湯水滿足地飲完, 整體而言, 店舖不論裝修, 員工服務態度, 食物質素都十分高分, 值得向大家推介一下.

東薈城有好多餐廳我同老婆都食過，唯獨未食過正斗我係一個都幾鍾意食雲吞麵嘅人，麥字頭嘅正宗仙蝦雲吞麵我一直都未食過，今晚一於同老婆試下鋪面夠大裝修亦得體，侍應亦好好服務同禮貌，做到對得住價錢嘅服務正斗鮮蝦雲吞麵：金湯夠香但略嫌淡口左少少，麵爽口彈牙夠豬油，雲吞有4粒有金魚尾型態剛剛一口鳳城水餃：咬落夠筍夠木耳夠脆夠味但略嫌唔夠出面大隻，麵and湯如上蜆芥鯪魚球：有果皮實淨彈牙無腥味但無葱同芫荽，蜆芥夠高質好夠咸鮮終於一嘗麥字頭正宗，係好食嘅，不過相對外面其他有質素嘅雲吞麵例如十大碗劉森記深仔記，就會顯得好貴

這幾年的飲食習慣都唔食粥粉麵飯，所以正斗初進駐東涌時都冇第一時間來，疫情期間，有一日突然好想食“炸両”，就諗起正斗。結果，外食的話，我們多數都來這店。炸両：最緊要內外都夠熱，油炸鬼既熱又要脆唔要成口油，被暖笠笠嘅腸粉包住，外軟內脆點少少甜麻醬，即製才有這效果，貴得有道理😋。自家手打豬肉丸粥，本來唔食粥的我都被佢打動了，粥底好棉好滑，肉丸實的的小粒小粒，夠味卻不喊，我還吃到很香的胡椒和大地魚味（唔知有冇錯呢😅）已經好耐冇食生腸，焯脆生腸，真係好脆，只加薑蔥醬油，非常好食。正斗的炒麵底真係好好食，師傅手勢好，脆但唔燶，唔油好乾爽，淋上豉椒排骨汁，餐牌冇的，但為滿足客人口味，餐廳仍願意配合，真正好貼心。炸鯪魚球，雖然好似係好普通嘅食物，亦係嗰句，唔會一口油，肉質實的的，非常有質感，蜆介當然係絕配。鮑汁蝦子鮮竹卷是老公的必食之選，味道恰到好處，汁唔太濃味，仍能食到餡中韮王的香味。最後，其實最能吸住我們的是一班服務人員的殷勤招待，經理Joe和Yu，還有一群好醒目，整潔的靚姐姐，每一位都用心招待，戴住口罩都見到佢哋笑住歡迎大家，保持店內整潔，雖然疫情艱難時期，仍然願意配合防疫措施，堅持讓食客保持距

點了：雲吞麵，牛腩麵，皮蛋瘦肉粥，咸水角。咸水角皮脆乾身沒有多餘油，味道不錯（9/10），皮蛋瘦肉粥，粥底做得很好，但只得幾條肉絲，66元售價簡直欺塲，倒不如再貴一點，落足料，反正來的人大都不會計較，整體味道不錯（7.5/10）. 麵咬勁一流，但香味不足，湯底鮮（8/10），雲吞太細，蝦和肥瘦豬肉比例不完美，整體餡太少，但味道不錯（8/10）. 牛腩鞋，乾，完全沒有肉汁，不能給予合格，牛筋咬勁恰到好處而且入味，提升了分數（6.5/10， 8.5/10-牛筋，牛腩 4/10）除了咸水角之外，其餘粥麵和老店羅富記比較，羅富記整體得分肯定較高。

因為爸爸冇食過最重要我前一晚食滯咗食呢個最好清清地我叫咗蒸水餃唔錯爸爸食嗰個係牛腩麵真係好林媽媽食豬潤瘦肉粥⋯正！夠棉！仲叫咗個蒸魭魚皮⋯正！新鮮又爽！同蜆醬鯪魚球⋯正！彈牙！蜆肉正吖！