越之味 (德民街) (Closed)

📍香港📍紅磡📍越之味📍紅磡黃埔德民街29號德民大廈D3地舖📍星期一至日 12:00~22:00🌹店舖細，少於10個座位。平日中午唔使排隊直入。環境衛生同態度都一般般。🦄 大蝦蟹膏蟹肉湯河 $78🦄 評分: 7/10河粉份量好多，女士食哂會好飽。蟹餅即叫即整上枱熱辣辣微脆，都幾大件幾香，唔系加左好多麵粉個種，味道偏咸但系系可接受範圍。🦄 熱蜂蜜生薑茶 $12🦄 評分: 7/10通常系重蜂蜜味淡薑味，呢到重薑味我又幾鐘意。#foodieschu紅磡 #foodieschu黃埔～～～～～～～～～～～～～～#紅磡美食 #黃埔美食 #香港美食 #湯河 #越南菜 #pho #大蝦蟹膏蟹肉湯河 #越之味 #熱蜂蜜生薑茶 #hkfood #hkfoodies #foodies #foodie #hongkongfoodie #hongkongfoodies #hongkongfood #lunch #dinner

幾個人買外賣，漏兩杯野飲打返俾店舖，阿姐話我地自己唔對清楚就走，叫我自己黎拎，又話自己唔係老闆，叫我地即刻落去，唔係就收鋪。同佢講我地趕住做野邊得閒落返黎拎，佢就話下次補返。第二次再去買外賣，問佢拎返一杯野飲就發難，話我地唔即時拎就無，What? 咩態度？？平時d 野幾難食都無試過寫評論，因為佢就獻出第一次！D 野幾好食都無用，一個人已經可以趕走晒d 客，老闆你自己諗。

個炸春卷好好食！一定要叫😚如果有埋米卷就好了🥹🥹本身睇評論話服務態度差😂但唔係😂😂個老闆同員工都好好👍🏻係3:00左右食唔洗排隊，一入就可以食得會幫襯下一次❤️

我地兩個人嗌左慢煮燒牛肉法包同蟹膏燒牛肉米卷。法包好快出餐，切成兩等分，兩人分享啱啱好。法包咬落外皮唔算脆，但勝在餡料層次豐富，有酸酸甜甜既醃白蘿蔔條，紅蘿蔔絲，洋蔥，生菜以及慢煮牛肉片。佢哋嘅醃白蘿蔔條非常爽口，甜味足得黎又唔會膩，配搭法包同埋牛肉岩岩好。如果法包外皮再脆小小會更加出色。蟹膏燒牛肉米卷好特別，平日好少食到蟹膏米紙卷。全部米卷上都有蟹膏醬做topping，蟹膏醬味道鹹鮮，不過只得第一啖有醬既米紙卷先有味道， 淨低嘅部分冇沾上醬汁，味道偏淡。不過睇在埋單86蚊份上，算係唔錯。

入紅館睇Show前搵間快飯食下搵到呢間。6點幾去完全無客，入左去企左一陣阿姐都掛住傾計無理我地，坐底左本身諗住叫雞絲河同試下慢煮牛河，舉左手一陣，行埋出去都無人幫我地落單，Which果陣係無客佢地只係傾緊計。個阿姐同另一位應該係負責煮野既哥哥講雞絲解唔切凍，但兩個人自已對話無諗住同我地講，我地都驚有雪味就改左生牛肉河。最後叫既菲力生牛湯河同埋慢煮燒牛肉湯河。兩個都份量OK，牛肉量都好足夠。咬落肉質軟，湯底甜甜地有少少怪但總體都好食既。食野既途中可能無客，阿姐同廚師哥哥都大大聲傾計，係真係幾大聲，不過呢啲街坊舖都係無可避免既。埋單問阿姐收咩Payment，佢態度勁差地答，咩錢都唔收！淨係收現金！即係態度好小小答都唔係好難姐而家出面收咁多唔同Payment，你唔收咪唔收，咩錢都唔收係咪唔洗俾呀？總結食物唔錯，食環境同服務就不了。

記得之前佢哋嘅越南粉不錯, 很久沒有吃過, 所以諗住星期六和老婆一齊去吃。舖頭只有六個位, 我哋等咗半個鐘見到有四個人吃完走了。我們再等多5分鐘才入座，女員工「劈低」五六本餐牌喺我哋面前。我們想叫東西吃, 怎知道女員工大叫「我比你哋入嚟先㗎！並唔代表可以叫嘢食！」我見當時只有兩個客人，更何況他們都差不多吃完了。我哋呆咗，如果餐廳不想接待客人可以直接跟我們說。這樣的服務，如果食物好吃就算了，更何況完全不對板，簡直係俾錢買難受。餐廳老闆好似轉左人。以後不會再來。

之前有一直幫襯開呢間，因為佢味道ok又住附近，但今次真係太令人失望！叫左個招牌法包勁乾又硬，入面扎肉薄到咩咁，收$44。味道差都算，個收銀個姐態度又唔好，一入黎想落單就俾佢兇。 早兩日經過見佢裝修，可能轉手左，唔會再幫襯間野👎

以前成日呢啲嘢覺得好好食.叫咗生牛肉河粉, 招牌法包, 加咗個蟹餅.所有嘢都好難食好咸, 真係好咸生牛肉勁多根, 個湯咸到苦, 蟹餅鹹到食唔到其他味係咪轉咗手？ 應該唔會再返去食.

十年都唔黎一次紅磡，記得朋友講過呢間小店野食幾好味。於是我決定試一試，亦不幸地發生以下一連串經歷。先唔講我一路食，樓面姐姐同老闆講野用好似嗌過對面馬路既音量，嘈到我要帶返耳機。到賣單時我勁有禮貌問：唔好意思收唔收八達通？換黎樓面姐姐一句：乜Q都唔收，淨係要錢！我當場都呆左一下，找左錢後我都忍唔住還左一句：洗唔洗咁__寸我亦同老闆表示好可惜，食物還好但係員工態度極差。我明白佢地覺得少我一個客唔係咩問題，但我唔認為任何一間餐廳需要咁對待佢地既客人。以後都唔會再幫襯。

自從黃埔蔡瀾美食坊冇左間越南野之後，都少食左越南野。上OpenRice搵到呢間越南嘢，諗住試吓。舖頭入邊個阿姐態度奇差，叫左一個生牛肉湯粉，落單之後啱啱問我究竟係叫左生定熟，我都未嚟得切答，阿姐已經話唔可以改。已經整左就話姐，check都未check,就話冇得改。更何況我都冇出聲話要改單！😡跟住叫嘢飲，我諗住叫凍檸茶，阿姐即刻話「越南野邊會有凍檸茶！」。我點知你呢間冇？😡包好外賣後，我問左句「入面係咪已經有餐具？」阿姐即刻用質問嘅語氣同我講「緊係有啦，除非你唔要！」😡唔知阿姐係咪老闆，但用呢個串串貢嘅態度去對待客人，我以後唔會幫襯。Ps. 野食味度一般，D粉好碎。完。

喺黃埔新邨想食越南Pho？就咁睇🍚就只得一間越之味。Lunch有湯河、撈檬同法包可以揀，但唔包飲品，不過碗粉都幾大碗足料，可以一試。食咗：▪️慢煮燒牛肉湯河 $68▪️會安雞絲湯河 $68▪️大蝦蟹膏蟹肉湯河 $78▪️椰汁冰+$10-心大心細去諗緊食慢煮牛肉定法包好，最後都係試咗招牌燒牛肉。牛肉大概有五件，軟腍腍，輕輕一夾就分得開，無令人失望。一入餐廳聞到好大陣燒烤味，後來就知原來係整緊蟹餅。輕輕試食一啖蟹餅，果然好有燒烤風味。

1）員工態度差唔講食物 一入去員工態度好差😥明白市道唔好 但嗰日明明係佢哋冇貨 所以我同朋友先要多啲時間落單⋯ 然後嗰counter就寸我哋落單慢 好似阻住你做生意 如果因為好多客心急我都體諒 但嗰日得我哋落緊單 冇人排隊 不過都唔怪得佢冇客 因為啲野好難食🥶2）法包more like公司三文治講真公司三文治/subway 都好食過佢 我哋點咗「招牌法包」同「慢煮牛肉法包」a) 淋法包🙄b) 有沙律醬🤯😱 點解法包會有沙律醬 人哋出面啲包係用肝醬同牛油 冇可能用沙律醬 依家個包酸酸哋咁 真係好奇怪 c) 啲配菜粗到⋯啲🥕差唔多半隻手指尾咁粗 擺到明hea切唯一ok 嘅係啲牛 有肉味嘅 正常雖然價錢ok 但如果一樣價錢食茶記三文治/subway 我會開心啲 最接受唔到嘅佢竟然有2020 timeout recommendation 係水準下降定係點 真係唔知食到相都唔想影 想睇嘅下面有. Never again.

從來無寫過review, 但真係忍唔到，今天行過，想買個外賣來轉換心情，但到每落一個order時, 個員工 /老闆就惡言相向，好似我欠他十萬八千七，我明近來生意難做，但我只是想買個外賣姐，我真心希望他食物質量好到可以抵消我現在的心情。

凍凍地想食碗熱辣辣嘅湯麵所以就去左呢間越南pho小店，嚟碗慢煮燒牛肉湯河。小店坐位唔多所以lunch hour有冇位要碰碰運，最近疫情反覆少左人外出用膳所以今次就輕鬆入坐，衛生環境都ok。慢煮燒牛肉用左唔少香草醃製再拎去燒，厚身得嚟中間好粉嫩，重牛味淋身而不韌，一碗有四大塊，河粉份量都唔少，真材實料十分扎實。唔知係唔係我擠青檸重手左搞倒個湯底有d酸，但總括嚟講個湯唔算太重口味同唔油膩，加羅勒葉嘅薄荷味口感清爽，唔錯唔錯！慢煮燒牛肉出色，$68一碗性價比都幾高，可以一試。

朋友知道我要去紅磡🤩就極力推薦我一定食呢間越之味大蝦蟹膏蟹肉、越式法包都係必食而我當日發現佢地既慢煮燒牛肉 都相當人氣🔥🔥🔥可惜只有我一人 仲係L size既雀仔胃應該要下次先再幫襯到喇😝◾️大蝦蟹膏蟹肉湯檬 $78 + 手打牛丸 $12◾️每啖蟹餅都食到蟹膏蟹肉！佢唔係落左好多粉實的的既質感，咬落鬆鬆散散又有啲脆口，有蟹膏既扶持濃郁油香至極🤤仲有啲炸蒜蝦米既野，又脆又香，好惹味勁加分！而加錢既三粒牛丸，標榜係手打，少少牛味不過不失，未夠潮州果隻爽口油香，食落鹹左啲覺得似落左味精😮但要強力讚讚，縱使蟹餅炸過，湯底一啲都唔油！！少少辣得黎又有啲九層塔呀蔥呀香料呀咁，堅香又惹味👍🏻